ARYNews.tv | Urdu – Har Lamha Bakhabar

Tag: russian

  • امریکہ، روس اور جرمنی نے شہریوں کو وارننگ جاری کردی

    امریکہ، روس اور جرمنی نے شہریوں کو وارننگ جاری کردی

    امریکہ، روس اور جرمنی کی جانب سے اپنے شہریوں کو لبنان کا سفر نہ کرنے کی تنبیہہ جاری کی گئی ہے۔

    بین الاقوامی خبر رساں ادارے کی رپورٹ کے مطابق بیروت میں امریکی سفارت خانے کے بیان میں لبنان کے لیے موجودہ سفری انتباہ پر نظرثانی کا مطالبہ کیا گیا۔

    جاری کئے گئے بیان میں لبنان میں امریکی شہریوں کو تنبیہہ کی گئی ہے کہ وہ لبنان کے جنوب اور لبنان شام سرحدی لائن یا پناہ گزین کیمپوں کی جانب نہ جائیں۔

    رشیا 24 ٹیلی ویژن چینل کو اپنے بیان میں بیروت میں روس کے سفیر الیگزینڈر روداکوف نے مشورہ دیا کہ اگر ممکن ہو تو روسی شہریوں کو لبنان کا سفر ملتوی کر دینا چاہیے۔

    بیروت میں روس کے سفیر الیگزینڈر روداکوف نے کہا کہ وہ لبنان میں رہنے والے روسیوں سے مسلسل رابطہ کررہے ہیں۔

    الیگزینڈر روداکوف کا کہنا تھا کہ ہم صورتحال پر گہری نظر رکھتے ہیں اور اپنے تمام شہریوں کو مندرجہ ذیل مشورے دیتے ہیں کہ اگر وہ کسی چیز سے پریشان یا خوفزدہ ہیں تو یہ وقت ہے کہ دستیاب مواقعوں سے پورا فائدہ اُٹھائیں۔

    واضح رہے کہ گزشتہ سال 8 اکتوبر سے لبنان-اسرائیل سرحد پر اسرائیل اور حزب اللہ کے درمیان جھڑپوں میں حالیہ شدت اور اسرائیل کے حالیہ اعلان کے بعد اس نے لبنان کے خلاف بڑے حملے کے آپریشنل منصوبوں کی منظوری دے دی ہے

    بائیڈن اور ٹرمپ کے درمیان صدارتی مباحثہ، سنگین الزامات کا تبادلہ

    لبنان کے خلاف بڑے حملے کے آپریشنل منصوبوں کی منظوری کے بعد خطے میں تنازعات میں اضافے کے خدشات میں اضافہ ہورہا ہے۔

  • روس: ماسکو میں دہشت گردوں کا حملہ، 60 سے زائد افراد ہلاک، متعدد زخمی

    روس: ماسکو میں دہشت گردوں کا حملہ، 60 سے زائد افراد ہلاک، متعدد زخمی

    روس کے دارالحکومت ماسکو کے کروکس سٹی ہال میں مسلح افراد کی فائرنگ سے 62 افراد ہلاک اور 100 سے زائد زخمی ہوگئے۔

    غیر ملکی میڈیا رپورٹ کے مطابق روس کے دارالحکومت ماسکو میں کروکس سٹی ہال میں دہشت گردوں نے حملہ کیا ہے، دہشتگردوں نے سٹی ہال میں گھس کر فائرنگ اور دھماکے کیے جس کے نتیجے میں 60سے زائد شہری ہلاک اور 140 سے زائد افراد زخمی ہوگئے۔

    روسی میڈیا کے مطابق کروکس سٹی ہال میں شاپنگ مال اور کنسرٹ کمپلیکس موجود ہیں، حملے کے بعد کروکس سٹی ہال میں آگ لگ گئی جبکہ چھت کا ایک حصہ بھی گر گیا۔

    مقامی میڈیا کا کہنا ہے کہ حملے کے وقت عمارت میں 6000 سے زائد افراد موجود تھے، ہلاکتوں کی تعداد میں اضافے کا امکان ہے۔

    روسی میڈیا کا کہنا ہے کہ اس واقعے کے بعد فائر بریگیڈ حکام نے عمارت سے 100 افراد کو ریسکیو کیا، فائرنگ کے واقعے کے بعد ماسکو میں تمام تقریبات منسوخ کردی گئیں، میئر ماسکو نے تاحکم ثانی روسی دارالحکومت میں تقریبات پر پابندی عائد کردی ہے۔

    روسی میڈیا کا کہنا ہے کہ سٹی ہال کے قریب کھڑی مشکوک سفید گاڑی کی سراغ رساں کتوں کیساتھ تلاشی جاری ہے اس سفید گاڑی پریوکرین کی جاری کردہ نمبر پلیٹ لگی ہوئی ہے۔

    دوسری جانب روسی ایوان صدرکے ترجمان دیمتری پیسکوف نے کہا کہ کہ صدرپیوٹن کو صورتحال سے مسلسل آگاہ کیا جارہا ہے، انہوں نے واقعے سے نمٹنے کیلئے تمام ضروری اقدامات کی ہدایت جاری کی ہے۔

  • ‘یوکرین کی بندرگاہ کھول دیں’، عالمی رہنماؤں کی روس سے اپیل

    ‘یوکرین کی بندرگاہ کھول دیں’، عالمی رہنماؤں کی روس سے اپیل

    ماسکو: دنیا بھر میں بڑھتے غذائی بحران پر فرانس اور جرمنی نے روس سے بڑا مطالبہ کردیا ہے۔

    فرانسیسی صدر کا کہنا ہے کہ پیرس اور برلن نے روسی صدر ولادیمیر پیوٹن سے درخواست کی ہے کہ اقوام متحدہ کی قرارداد کے مطابق یوکرین کی بندرگاہ اودیسا کا محاصرہ ختم کیا جائے۔

    برسلز میں صحافیوں سے گفتگو میں فرانسیسی صدر ایمانوئیل میکرون نے بتایا کہ ہم نے روسی صدر سے ٹیلی فونک گفتگو میں کہا کہ وہ جتنی جلدی ممکن ہوسکے یوکرینی صدر کے ساتھ براہ راست ملاقات کی تجویز قبول کرلیں ۔

    یورپی ملکوں کا دعویٰ ہے کہ یوکرین کا بحری محاصرہ غلات کی برآمدات میں کمی کی اصل وجہ ہے تاہم روس اس دعوے کو مسترد کرتا ہے۔

    یہ بھی پڑھیں: امریکا کی روس یوکرین جنگ سے متعلق بڑی پیشگوئی

    روسی وزیر خارجہ کی ترجمان ماریا خازارووا نے اپنے تازہ ترین بیان میں کہا کہ بحیرہ اسود اور بحیرہ آزوف میں غیر ملکی بحری جہازوں کی آمد روکنے کا مغربی دعویٰ بے بنیاد ہے روس ہر روز انسانی ہمدردی کی بنیاد پر کوریڈور کھولتا ہے لیکن یوکرینی حکام اس معاملے پر بالکل تعاون نہیں کرتے۔

    دوسری جانب یورپی کونسل کے سربراہ شارل میشل نے ایک ٹوئٹ میں کہا کہ یورپی یونین کے رکن ممالک نے روسی تیل کے بڑے حصے کی درآمد پر پابندی عائد کرنے پر اتفاق کیا ہے تازہ ترین پابندیوں کی نفاذ کی وجہ سے یورپی یونین کے لئے روسی گیس کی درآمدعمل طور پر نوے فیصد کم ہوجائے گی۔

    ادھر کروشیا کے صدر نے خبردار کیا ہے کہ روسی آئل سیکٹر پر یورپی یونین کی نئی پابندیوں کی قیمت یورپی شہریوں کو چکانا پڑے گی، انہوں نے کہا کہ اس پابندی سے روسی کرنسی پر کوئی اثر نہیں پڑے گا اور روس کو نئے خریدار با آسانی مل جائیں گے۔

  • مغربی ممالک اگر یہ کام کرلیں تو۔۔۔۔ روس نے غذائی بحران سے بچنے حل بتادیا

    مغربی ممالک اگر یہ کام کرلیں تو۔۔۔۔ روس نے غذائی بحران سے بچنے حل بتادیا

    ماسکو: روسی صدر نے دنیا سے غذائی قلت کے خاتمے کی تجویز بتادی۔

    غیر ملکی میڈیا کے مطابق روسی صدر ولادیمیر پیوٹن نے اطالوی وزیراعظم ماریو ڈیگھی سے فون پر گفتگو کرتے ہوئے کہا کہ دنیا بھر میں خوراک کی قلت ماسکو کی غلطی نہیں ہے، لیکن روس اناج اور کھاد برآمد کرکے ان کے خاتمے میں مدد کرنے کے لئے تیار ہے۔

    انہوں نے باور کرایا کہ اگر مغربی ممالک روس پر عائد پابندیاں اٹھالیں تو دنیا خوراک کے بحران سے بچ سکتی ہے،ٹیلی فونک گفتگو میں روسی صدر نے کہا کہ ایسا تب ہی ممکن ہے جب مغرب اپنی سیاسی محرک کی پابندی ہٹاتا ہے۔

    ادھر کریملن کے کال کے ریڈ آؤٹ کے مطابق پیوٹن نے نشاندہی کی کہ روس پر زرعی مصنوعات کی عالمی منڈیوں تک پہنچنے میں مشکلات کا الزام لگانا بے بنیاد ہے، انہوں نے اس صورت حال کو پیداوار اور سپلائی چین میں رکاوٹوں کے ساتھ ساتھ کرونا وائرس ، وبائی امراض کے دوران مغربی ممالک کی مالیاتی پالیسیوں کو قرار دیا جو اب صرف امریکا اور یورپی یونین کی جانب سے عائد کردہ روس مخالف پابندیوں کی وجہ سے بڑھی۔

    یہ بھی پڑھیں: "مزید فوجی امداد دی جائے” یوکرینی صدر کا عالمی برادری سے مطالبہ

     یوکرین سے جاری جنگ کے درمیان روسی صدر نے کہا کہ روس کو الگ تھلگ کرنے کی کوشش کررہے ہیں ایسا سوچنے والے ممالک دراصل صرف اپنی معیشت کو نقصان پہنچارہے ہیں ، عالمی معیشت کی موجودہ حالت ظاہر کرتی ہے کہ روس بہتر صورت حال میں ہے۔

    روسی صدر نے تذکرہ کیا کہ خوشخال معیشتیں گذشتہ چالیس سالوں کے درمیان خراب شرح مہنگائی کے ساتھ ساتھ بڑھتی بے روزگاری کا سامنا کرنا کررہی ہیں یہ ایک ایسا سنگین معاملہ ہے جو معاشی اور سیاسی رشتوں کے پورے نظام کو متاثر کررہا ہے ، موجودہ صورت حال میں کئی ایسے ممالک ہیں جو آزادانہ پالیسی چاہتے ہیں تاکہ کوئی ملک اس عمل کو روکنے کا اہل نہ ہو اس کے لئے طاقت ضروری نہیں ہوگی اور پھر ایسا کرنے کی خواہش ختم ہوجائے گی۔

  • روسی وزیر خارجہ نے اچانک جاپان کا دورہ منسوخ کردیا، وجہ کی بنی؟

    روسی وزیر خارجہ نے اچانک جاپان کا دورہ منسوخ کردیا، وجہ کی بنی؟

    ماسکو: مخالفانہ بیانات کے باعث روس اور جاپان کے تعلقات بھی سردمہری کا شکار ہونے لگے ہیں۔

    غیر ملکی میڈیا رپورٹ کے مطابق ایک اعلیٰ روسی سفارت کار نے ایک انٹرویو میں بتایا کہ روس فی الحال وزیر خارجہ سرگئی لاوروف کے دورہ جاپان کے لئے کسی انتظامات پر غور نہیں کررہا ہے۔

    روسی وزیر خارجہ کے تیسرے ایشیائی محکمے کے ڈائریکٹر نکولے نوزردیف نے کہا کہ یوکرین میں روس کے خصوصی فوجی آپریشن کے آغاز کے بعد سے ٹوکیو مغرب کی قیادت میں "روسوفوبک مہم” میں سرگرم عمل ہے اور کھلے عام اعلان کرچکا ہے جس کا مقصد روس کو سب سے زیادہ نقصان پہنچانا ہے۔

    غیر ملکی ویب سائٹ پر شائع ایک انٹرویو میں روسی سفارت کار کا کہنا تھا کہ جاپانی وزیراعظم کی انتظامیہ نے روس مخالف تباہ کن اقدامات کئے جو دو طرفہ تعلقات کے لئے بے پناہ نقصان دہ ہیں جس کے باعث دونوں ممالک کے درمیان کئی سالوں پر محیط باہمی تعاون کو نقصان پہنچ سکتا ہے۔

    یہ بھی پڑھیں: بجلی کے بعد اب ۔۔۔۔۔ کی بھی بندش، کیا روس فن لینڈ کے گرد گھیرا تنگ کررہا ہے؟

    انٹرویو میں ان سے سوال کیا گیا کہ روسی وزیر خارجہ کے دورہ جاپان سے متعلق کوئی اقدامات کئے جارہے ہیں؟ جس پر انہوں نے کہا کہ سیاسی حالات میں کوئی بھی حرف آخر نہیں سمجھی جاتی، تاہم ہم ابھی جاپان کے ساتھ کسی رابطوں سے متعلق انتظامات پر کوئی غور نہیں کررہے ہیں۔

  • یوکرین کا جوابی وار، روس کے 5 طیارے مار گرانے کا دعویٰ

    یوکرین کا جوابی وار، روس کے 5 طیارے مار گرانے کا دعویٰ

    کیئو: یوکرین نے جوابی وار کرتے ہوئے روس کے 5 طیارے مار گرانے کا دعویٰ کردیا اور کہا یوکرینی فوجی یونٹ اپنی پوزیشنز پر ہیں، دشمن کو دٹ کر جواب دیں گے۔

    تفصیلات کے مطابق روس کی جانب سے یوکرین کے مشرقی علاقوں پر حملے کے بعد یوکرینی وزارت دفاع نے دعویٰ کیا ہے کہ یوکرین نے روس کے پانچ جہاز گرائے ہیں۔

    وزارت دفاع کا کہنا تھا کہ افواج نے لوہانسک کے علاقے میں 5 طیارے اور ایک ہیلی کاپٹر کو مار گرایا، یوکرینی فوجی یونٹ اپنی پوزیشنز پر ہیں، دشمن کو دٹ کر جواب دیں گے۔

    یاد رہے روس کے صدر ولادیمیر پوٹن کے اعلان جنگ کے بعد یوکرین میں مارشل لاء نافذ کردیا گیا، یوکرائنی وزارتِ داخلہ کا کہنا تھا کہ روس نے بیلسٹک اور کروز میزائلوں سے حملہ کیا ہے لیکن یوکرائن آخری فتح تک اپنا دفاع کرے گا۔

    یوکرائنی وزیرداخلہ نے زور دیا کہ روس کوآگےبڑھنےسے روکنے کے لیے عالمی برادری کو فوری حرکت میں آنا ہوگا۔

    روسی صدر پیوتن نے آج یوکرین میں علیحدگی پسندوں کی مدد کے لیے فوجی آپریشن کرنے کا اعلان کیا تھا ، جس کے بعد مشرقی یوکرین کےعلاقے ماریوپول میں دھماکوں کی آوازیں سنی گئیں۔

    امریکا نے یوکرائن میں روسی آپریشن کی مذمت کی اور صدر جوبائیڈن نے اتحادیوں سے مل کر روس کو جواب دینے کا اعلان کردیا ہے۔

  • روس کے جدید جیٹ فائٹر طیارے نے دھوم مچادی، کیا خوبیاں ہیں؟ جانیے

    روس کے جدید جیٹ فائٹر طیارے نے دھوم مچادی، کیا خوبیاں ہیں؟ جانیے

    روسی ساختہ جدید ترین لڑاکا طیارے نے اپنی حیران کن خوبیوں کی بدولت اسلحہ کے خریدار ممالک میں دھوم مچا دی اس کی صلاحیتوں کی وجہ سے بہت کم وقت میں اس طیارے نے دنیا کو اپنی جانب متوجہ کرلیا۔

    اس حوالے سے روس کی قومی اسلحہ بیچنے والی کمپنی روزوبرون ایکسپورٹ کے سی ای او الیگزینڈر میخائیف نے بتایا ہے کہ غیر ملکی خریداروں نے روس کے جدید ترین پانچویں جنریشن کے سنگل انجن فائٹر چیک میٹ میں گہری دلچسپی ظاہر کی ہے۔

    چیف ایگزیکٹو نے اس سوال کا جواب دیتے ہوئے کہا کہ آیا کمپنی کو روس میں ایم اے کے ایس2021ایئر شو میں پیش کرنے کے بعد لاطینی امریکی ممالک سے چیک میٹ فائٹر کے لیے کوئی درخواست موصول ہوئی ہے؟

    جس کے جواب میں ان کا کہنا تھا کہ دنیا کے بیشتر ممالک بشمول لاطینی امریکی ممالک روس کے اس نئے جیٹ فائٹر چیک میٹ میں کافی دلچسپی دکھا رہے ہیں۔

    میخائیف نے مزید کہا کہ روسی ساختہ جدید ترین چیک میٹ فائٹر کے لیے کسی بھی آرڈر کے بارے ابھی میں بات کرنا قبل از وقت ہے کیونکہ کے کسی بھی نئے طیارے کو پہلے مختلف آزمائشی مشقوں سے گزرنا پڑتا ہے اور ایک پروٹو ٹائپ سے لے کر سیریل پیداوار شروع ہونے تک ایک طویل پراسیس سے گزرنا پڑتا ہے۔

    چیک میٹ ففتھ جنریشن ٹیکنالوجی پر بننےوالا سنگل انجن جیٹ ہے جو کہ دو انجن ’سخوئی ایس یو 57‘ سے ہلکا ہے۔ چیک میٹ ایک وقت میں مختلف رینج کے پانچ فضائی میزائل اٹھا سکتا ہے۔

    یہ طیارہ پرواز کے دوران ڈرون لانچ کر سکتا ہے اور اس پر کل 7.5 ٹن کا اسلحہ رکھا جا سکتا ہے۔ اسے رن وے پر اڑان بھرنے یا لینڈ کرنے کے لیے بہت کم جگہ درکار ہوتی ہے اور اس صلاحیت کو کسی بھی لڑاکاطیارے کی اہم خصوصیت سمجھا جاتا ہے۔

    انہوں نے مزید کہا کہ چیک میٹ ایک انجن والا ففتھ جنریشن فائٹر جیٹ ہے اور اس کی بڑی خوبیوں میں سےایک مصنوعی ذہانت یعنی آرٹیفیشل انٹیلیجنس کا استعمال ہے۔

  • روسی اپوزیشن لیڈر کو دورانَِ حراست زہر دئیے جانے کا انکشاف

    روسی اپوزیشن لیڈر کو دورانَِ حراست زہر دئیے جانے کا انکشاف

    ماسکو : حکومتی ترجمان نے جاری بیان میں کہا کہ پولیس کی موجودگی میں الیگزے نیولنے کا علاج جاری ہے تاہم ڈاکٹرز کا کہنا ہے کہ اپوزیشن لیڈر کو مبینہ طور زہر دیا گیا ہے۔

    تفصیلات کے مطابق روس کے زیر حراست اپوزیشن لیڈر الیگزے نیولنے کوالرجی ری ایکشن کے باعث چہرے پر ورم اور جسم کے دیگر مقامات پر جِلد پر سرخ داغ سامنے آنے کے بعد جیل سے ہسپتال منتقل کردیا گیا جہاں ڈاکٹرز نے ان کا طبی معائنہ کرنے کے بعد انہیں زہر دئیے جانے کا انکشاف کیا ہے۔

    غیر ملکی خبر رساں ادارے کا کہنا تھا کہ گذشتہ روز روس کی انتظامیہ کی جانب سے ملک کے معروف اپوزیشن رہنما کو ماسکو کے انتخابات میں حصہ لینے کی اجازت نہ دیئے جانے پر بھرپور احتجاج کا اعلان کیا گیا تھا جس کے بعد مظاہرین کو گرفتار کرکے انہیں 30 روز جیل کی سزا سنائی گئی تھی۔

    حکومت کی خاتون ترجمان کرایارمیش نے سماجی روابط کی ویب سائٹ ٹوئٹر پر اپنے جاری بیان میں کہا کہ فلا لحال الرجک ری ایکشن کی وجہ معلوم نہیں ہوسکی، اس سے قبل انہیں کبھی بھی اس قسم کی الرجی کا سامنا نہیں کرنا پڑا۔

    انہوں نے کہا کہ پولیس اہلکاروں کی موجودگی میں ان کا وارڈ میں علاج جاری ہے اور انہیں تمام ضروری طبی سہولیات فراہم کی جارہی ہیں۔

    یاد رہے کہ الیگزے نیولنے کو گذشتہ سال انتخابات سے قبل ایک کیس میں گرفتار کرلیا گیا تھا، جن کے بارے میں ان کا اور کے حامیوں کا کہنا تھا کہ اس گرفتاری کے پیچھے سیاسی مقاصد تھے، وہ صدر ویلادمیر پیوٹن کے مقابلے میں انتخابات لڑنے والے تھے۔

    غیر ملکی خبر رساں ادارے کا کہنا تھا کہ 43 سالہ اپوزیشن رہنما کو احتجاج پر مختصر عرصے کے لیے جیل بھیج دیا گیا تھا۔

    یہ بھی یاد رہے کہ الیگزے نیولنے کو سڑک پر ہونے والے ایک حملے میں ایک آنکھ میں زخم آئے تھے جس کے علاج کے لیے انہیں 2 سال قبل سرجری کے لیے اسپین جانا تھا۔

    الیگزے نیولنے کو ہسپتال منتقل کیے جانے سے ایک روز قبل اپوزیشن رہنما کی جانب سے احتجاج کے اعلان کے بعد ہونے والے مظاہروں کے دوران 1400 افراد کو گرفتار کیا گیا تھا۔

    الیگزے نیولنے کی مہم کے سابق منیجر لیونائیڈ وولکوف کا کہنا تھا کہ انہیں بھی گذشتہ ماہ مظاہروں کے قانون کی خلاف ورزی پر گرفتار کیے جانے کے بعد مذکورہ جیل میں ہی قید کیا گیا تھا اور ان کی جلد پر بھی ایسے ہی الرجی ری ایکشن سامنے آئے تھے جن کا سامنا الیگزے نیولنے کررہے ہیں۔

    انہوں نے اپنے ٹوئٹر پیغام میں کسی بھی قسم کی سازش کی تردید کی اور جیل کے مذکورہ سیل کے سنجیدہ جانچ پڑتال کرنے کا مطالبہ کیا۔

  • ایران روسی شہریوں کے حقوق کا احترام کرے، روس

    ایران روسی شہریوں کے حقوق کا احترام کرے، روس

    ماسکو : روس کے ایوان بالا کی خارجہ کمیٹی کے چیئرمین کوسٹیٹکن کوساچیووف نے کہا ہے کہ روس اس بات کو یقینی بنائے کہ ایران آبنائے ہرمز میں ضبط ٹینکر پر سوار روسی شہریوں کے حقوق کا احترام کرے گا۔

    تفصیلات کے مطابق ایران کی طرف سے ضبط کئے گئے ٹینکر سے متعلق کمپنی نے ایران میں روسی سفارت خانے کو اطلاع دی ،کوساچیو وف نے کہا کہ ہمیں ایران کے ساتھ موجودہ موثر مواصلاتی ذرائع کی مدد سے جلد سے جلد اس معلومات کی تصدیق کرنے کی ضرورت ہے۔

    ان کا کہنا تھا کہ اگر اس کی معلومات کی تصدیق ہو جاتی ہے تو روس کو اس بات کا یقینی بنانا ضروری ہے کہ ایران ہمارے شہریوں کے حقوق کا احترام کرے۔

    کوسا چیووف نے کہا کہ ہمارے شہریوں کو مغربی ممالک اور ایران کے درمیان جاری سیاسی رسہ کشی میں یرغمال نہیں بنایا جانا چاہیے۔

    واضح رہے کہ ایران نے آبنائے ہرمز سے جس برطانوی آئل ٹینکر کو اپنی تحویل میں لیا ہے، اس میں سوار عملے کے 23 افراد میں سے اٹھارہ کا تعلق بھارت سے ہے جبکہ دیگر پانچ شہریوں کا تعلق فلپائن اور روس سے ہے۔

     بھارت اور فلپائن کی حکومتوں نے تصدیق کرتے ہوئے کہا تھا کہ  آبنائے ہرمز سے ایرانی قبضے میں لیے جانے والے برطانوی آئل ٹینکر کے عملے میں ان کے شہری بھی شامل ہیں۔

    بھارتی وزارت خارجہ کے ترجمان رویش کمار نے بتایا کہ بھارتی حکام ایران میں متعلقہ حکام کے ساتھ رابطے میں ہیں تاکہ بھارتی شہریوں کی بازیابی جلد از جلد ممکن بنائی جائے، انہوں نے کہا کہ اس بحری جہاز میں اٹھارہ بھارتی موجود ہیں۔

    منیلا میں وزرات خارجہ نے کہا کہ تہران میں ان کے سفیر کوشش میں ہیں کہ اس ٹینکر میں سوار ایک فلپائنی شہری کو جلد از جلد رہا کر دیا جائے۔

  • پیوتن کی تقریر کے دوران روسی طالبہ بے ہوش

    پیوتن کی تقریر کے دوران روسی طالبہ بے ہوش

    ماسکو : روسی صدر ولادیمیرپوتن کے خطاب کے دوران بے ہوش ہونے والی طالبہ کو طبی امداد فراہم کرنے کےلیے حکومت میں سماجی امور کی نائب صدر تاتیانا گولیکووا نے فوری طور پر ہنگامی امداد طلب کرلی۔

    تفصیلات کے مطابق روس کے صدر ولادی میر پوتن کے فیڈرل اورل یونیورسٹی کے طلبہ وطالبات سے خطاب کے دوران ایک طالبہ اچانک بے ہوش ہو کر گرپڑی، جس کے باعث روسی رہنما کو اپنی تقریر روک کر بے ہوش طالبہ کے لئے ہنگامی امداد بلوانا پڑی۔

    غیر ملکی خبر رساں ادارے کا کہنا تھا کہ ویڈیو میں پوتین کو طالبہ کی بے ہوشی کے بارے میں یہ کہتے سنا جا سکتا ہے کہ اس کے ساتھ کچھ خوفناک نہیں ہوا، ان کے لئے ڈاکٹر تلاش کریں اور انہیں ہسپتال منتقل کریں۔

    سماجی رابطوں کی ویب سائٹس پر گردش کرنے والی ویڈیو کے مطابق روسی حکومت میں سماجی امور کی نائب صدر تاتیانا گولیکووا نے فوری طور پر ہنگامی امداد طلب کی۔

    کریملین کے ترجمان دمیتری بیسکوو نے بتایا کہ صدر کی تقریر کے دوران طالبہ بے ہوش ہو گئیں جسے ولادی میر پوتین کے ہمراہ میڈیکل مشن نے فوری طور پر طبی امداد فراہم کی جس کے بعدد طالبہ کی صحت بحال ہوئی۔