ARYNews.tv | Urdu – Har Lamha Bakhabar

Tag: sa vs ind

  • بھارتی ٹیم آپے سے باہر، سوشل میڈیا پر میمز کا طوفان

    بھارتی ٹیم آپے سے باہر، سوشل میڈیا پر میمز کا طوفان

    کپپ ٹاؤن ٹیسٹ میں بھارتی کھلاڑیوں کی جانب سے کی جانے والے غیر مہذبانہ حرکات کا سوشل میڈیا خوب چرچا ہے اور بھارتی ٹیم کا مذاق میمز کا سہارا لے کر اُڑایا جارہا ہے۔

    ماجرا کچھ یوں ہے کہ گذشتہ روز کیپ ٹاؤن ٹیسٹ میں بھارتی ٹیم پر شکست کے بادل منڈلانے لگے تو بھارتی کپتان اور کھلاڑیوں نے اپنا غصہ ڈی آر ایس پر نکالا۔

    جنوبی افریقا کی دوسری اننگز کے 21ویں اوور میں فیلڈ ایمپائر نے جنوبی افریقہ کے کپتان ڈین ایلگر کو روی چندرا ایشون کی گیند پر ایل بی ڈبلیو قرار دیا، جنوبی افریقہ کے کپتان نے اس فیصلے پر ریویو لیا تو ریویو میں فیصلہ واپس ہوگیا کیونکہ گیند سٹیمپ کے اوپر سے گزررہی تھی۔

    Image

    ریویو ضائع ہونے پر بھارت لیگ اسپنر بھارتی کرکٹر روی چندرن ایشون نے وکٹ میں نصب مائیک پر اپنے غصے کا اظہار کچھ یوں کیا” آپ کو جیتنے کے لیے کوئی دوسرے حربے اپنانے چاہیئے”

    یہ بھی پڑھیں: سابق انگلش کپتان ویرات کوہلی کی حرکت پر نالاں، بڑا مطالبہ کردیا

    کے ایل راہول بھی ریویو ضائع ہونے پر جذباتی ہوئے اور مائیک میں جا بولا کہ "پورا ملک 11 کھلاڑیوں کے خلاف کھیل رہا ہے”، کپتان ویرات کوہلی نے تو حد کردی اور مائیک میں کہا ہے کہ "آپ کو تمام کھلاڑیوں پر نظر رکھنا ہوتی ہے صرف مخالف کھلاڑیوں پر نہیں”۔Imageبھارتی کھلاڑیوں کے اس طرز عمل کی ویڈیو سوشل میڈیا پر تیزی سے وائرل ہوئی تو صارفین نے دل کھول کر اس پر تبصرے کئے، کوہلی کی تنقید پر شائقین سعید اجمل کا اتنا ذکر کررہے ہیں کہ آج ٹوئٹر پر سعید اجمل کے 10 برس پرانے واقعے کی وجہ سے وہ ٹاپ ٹرینڈز میں شامل ہیں۔

    پاکستانی شائقین کرکٹ کا کہنا ہے کہ بھارتیوں کو آج جس ڈی آر ایس کا دکھ ہے ، وہ 2011ء ورلڈ کپ میں اسی ڈی آر ایس سے مستفید ہوئی تھی جب سعید اجمل کی گیند پر ٹنڈولکر کا ایل بی ڈبلیو اوور ٹرن ہوگیا تھا۔

    https://twitter.com/Faisal46677028/status/1481835309587484673?s=20

  • کیگن پیٹرسن کا شاندار کیچ، بلے باز بھی ہکابکا (ویڈیو دیکھیں)

    کیگن پیٹرسن کا شاندار کیچ، بلے باز بھی ہکابکا (ویڈیو دیکھیں)

    کیپ ٹاؤن: بھارت اور جنوبی افریقا کے درمیان کھیلے جانے والے تیسرے ٹیسٹ میچ میں پروٹیز کھلاڑی کیگن پیٹرسن نے شاندار کیچ تھام کر سب کو حیرت میں ڈال دیا۔

    تفصیلات کے مطابق کیپ ٹاؤن ٹیسٹ دلچسپ مرحلے میں داخل ہوچکا ہے، بھارت کو جیت کے لئے 8 وکٹیں جبکہ پروٹیز کو 111 رنز کی ضرورت ہے، ٹیسٹ میچ کے تیسرے روز بھارت اپنی دوسری اننگز میں محض 198 رنز پر ڈھیر ہوگئی اور جنوبی افریقا کو جیت کے لئے 212 رنز کا ہدف ملا۔

    میچ کے تیسرے روز پروٹیز بولرز بھارتی ٹیم پر قہر بن کر ٹوٹے تو فیلڈر نے بھی ان کا بھرپور ساتھ دیا، میچ میں دلچسپ صورت حال اس وقت پیدا ہوئی جب
    کیگن پیٹرسن نے انتہائی برق رفتاری کے ساتھ لیگ سلپ پر بھارتی بلے باز چیتشور پجارا کو کیچ تھام کر شائقین کرکٹ سمیت خود بھارتی بیٹر کو حیران کردیا

    کیگن پیٹرسن کے اس شاندار کیچ کی ویڈیو تیزی سے سوشل میڈیا پر وائرل ہورہی ہے اور شائقین کرکٹ اسے سیریز کا بہترین کیچ قرار دے رہے ہیں۔

    واضح رہے کہ بھارت اور جنوبی افریقا کے درمیان تین ٹیسٹ میچوں پر متشمل سیریز 1-1 سے برابر ہے، کیپ ٹاؤن ٹیسٹ جیتنے والی ٹیم ٹیسٹ سیریز بھی اپنے نام کرلے گی۔