اسلام آباد: پاکستان تحریک انصاف کے چیئرمین عمران خان نے کہا ہے کہ منگل کو74حلقوں میں دھاندلی کےثبوت لےکرجارہےہیں،دھاندلی سےمتعلق سوالاکھ دستاویزات ہیں، دل کہتا ہےعام انتخابات اسی سال ہوں گے۔
تفصیلات کے مطابق دھاندلی کی چھان بین کےلئےقائم عدالتی کمیشن کےآگے کپتان نے ثبوتوں کےڈھیرلگانے کا اعلان کردیا۔ انہوں نے اعلان کیا ہے کہ منگل کوثبوتوں کی پہلی کھیپ پیش کریں گے۔
کراچی کےضمنی الیکشن میں شکست پرعمران خان کاکہنا تھا کہ این اے246پرایم کیوایم کاووٹ بینک ہے،جیتنےپراعتراض نہیں، وہ اسلام آباد میں میڈیا سے گفتگو کررہے تھے ۔
عمران خان نے تحریک انصاف کےپارٹی الیکشن میں دھاندلی پرجسٹس وجیہہ ٹریبونل ختم کرنےپروضاحت کی کہ اس کا کام ختم ہوگیاتھا،
بنی گالامیں احتجاج کرنےوالوں کومخاطب کرتے ہوئے کپتان نے کہا کہ کے پی کےمیں این ٹی ایس ٹیسٹ کےبغیرکوئی بھرتی نہیں ہوسکتا،حق کےلئےکھڑےہونےاوربلیک میلنگ میں فرق ہے،
انہوں نے کہا کہ جسٹس(ر)وجیہ الدین سے اختلاف صرف نگراں سیٹ اپ کے معاملے پر ہے جن کا کہنا ہے کہ نئے پارٹی انتخابات تک نگراں سیٹ اپ قائم کیا جائے۔
عمران خان نے کہا کہ جب تک پارٹی انتخابات کی تاریخ نہیں آتی تب تک نگراں سیٹ اپ کیسے بنایا جاسکتا ہے؟ انہوں نے کہا کہ جسٹس(ر) وجیہ الدین کی رپورٹ آنے کے بعد الیکشن ٹریبونل کا کام ختم ہوگیا اس لئے اسے تحلیل کیا گیا۔
پاکستان کرکٹ ٹیم کی حالیہ ناقص کارکردگی پر ان کا کہناتھا کہ ملک میں کرکٹ کے اسٹرکچر خراب ہے، ہماری کرکٹ بیماری ہے جسے ٹھیک کرنا ہوگا۔
ایک سوال کے جواب میں انہوں نے کہا کہ ٹارگٹ کلرز کے خلاف پوری قوت سے آپریشن ہونا چاہئیے جن کی وجہ سے تاجر برادری ملک چھوڑنے پر مجبور ہے۔
کراچی کے تاجر خوف کے باعث دوسرے ملکوں کارخ کر رہے ہیں جبکہ کسی پارٹی میں اگر مسلح ونگ موجود ہے تو اس کے خلاف کارروائی ہونی چاہئیے۔
اس موقع پر انہوں نے سماجی کارکن سبین محمود اور پروفیسر وحید الرحمان کے قتل کی بھی شدید مذمت کی۔
