کراچی : بھارتی ایجنسی را کے ٹھٹھہ سے گرفتار ہونے والے ایجنٹ صدام حسین عرف روشن ماچھی کے اعترافی بیان کی ویڈیو اے آر وائی نیوزنے حاصل کرلی۔
تفصیلات کے مطابق بھارت کی سازشی ہنڈیا ایک بار پھر بیچ چوراہےپر پھوٹ گئی، دوران تفتیش صدام حسین نے کا کہنا تھا کہ میں مچھیرے کے روپ میں بھارتی ایجنٹ اور سہولت کارتھا۔
اس نے بتایا کہ وہ کن راستوں سے بھارت جاتا تھا، را ایجنٹ نے فیصل بیس اورمہران بیس سمیت دیگر علاقوں کی تصاویر کواپنے کیمرے میں محفوظ کیا تھا۔
صدام نے انکشاف کیا کہ ہم سے فشریز کے علاوہ ملک کے دیگرعلاقوں کے نقشے مانگے گئے۔ اس نے کہا کہ ہمیں صرف موبائل فون کے ذریعے مس کال دینے کی ہدایت تھی، جس کئے بعد وہاں سے کال بیک آجاتی تھی۔
را کے ایجنٹ نےبھارتی اہلکاروں کےنام افشاء کئےاور بتایاکہ بڑامولوی بھی کوڈ ورڈ تھا، اس نےکہا کہ بھارتی حساس مقامات کی تصاویر مانگتےاورپاکستانی جرائد اوراخبارات بھی انڈیا لیکر گیا۔
صدام کا کہنا تھا کہ پہلے خفیہ کوڈ 226بعد میں201الاٹ کیا گیا۔مختلف معامالات میں سمندری حدود میںنریندر سریندر ،ارجن اورکرن سنگھ وغیرہ سے ملتا تھا۔
