Tag: saddar-cooperative-market

کراچی: صدر کوآپریٹیو مارکیٹ میں لگی آگ بجھا دی گئی تاہم کولنگ کا عمل تاحال جاری ہے ، آتشزدگی میں کئی دکانوں اورگوداموں میں قیمتی سامان جل کر خاک ہوگیا۔

تفصیلات کے مطابق کراچی کے علاقے صدر کوآپریٹو مارکیٹ میں لگی پر آگ پر رات گئے قابو پالیا گیا ، فائربریگیڈ حکام کا کہنا ہے کہ کولنگ جاری ہے، جس میں مزید کچھ گھنٹے لگ سکتے ہیں۔

حکام نے بتایا کہ چھٹی کاروز ہونے کے باعث بیشتر دکانیں بند تھی، بنددکانوں کےتالےتوڑکرانہیں بھی چیک کیاجارہاہے، 8فائر ٹینڈر کولنگ کے عمل میں حصہ لے رہے ہیں۔

متاثرہ مارکیٹ کے سامنے عبداللہ ہارون روڈٹریفک کےلئےتاحال بند ہے ، جس کے باعث عبداللہ ہارون روڈ اور اطراف کی سڑکوں پر ٹریفک کا دباؤ بڑھ گیا ہے۔

کمشنر کراچی اقبال میمن کا کہنا ہے کہ آگ پر قابو پانے کے بعد کولنگ کا عمل جاری ہے، مارکیٹ میں 350 کپڑے کی دکانیں ہیں، جس میں سے 35دکانوں کونقصان پہنچا۔

اقبال میمن نے کہا ہے کہ عمارت میں آگ بجھانے کے آلات تھے یان ہیں تحقیق کریں گے، یہ ہی اطلاعات ہیں پہلےدھماکاہواپھرآگ لگی،تحقیقات میں تصدیق ہوگی۔

یاد رہے گذشتہ روزکراچی کےعلاقے صدرکی کوآپریٹومارکیٹ میں خوفناک آگ بھڑک اٹھی تھی ، جسے تیسرے درجے کی آگ قرار دیا گیا تھا۔

اسنارکل، کے ایم سی، کے پی ٹی اور نیوی فائربریگیڈ کی بیس گاڑیوں نے آگ بھجانے میں مدد کی تاہم واقعے میں کئی دکانوں اور گوداموں میں قیمتی سامان جل کر خاکسترہوگیا۔