Tag: saddar mamnoon hussain

  • صدرممنون حسین تین روزہ دورے پر کوئٹہ پہنچ گئے

    صدرممنون حسین تین روزہ دورے پر کوئٹہ پہنچ گئے

    کوئٹہ: صدر مملکت ممنون حسین بلوچستان کے تین روزہ دورے پر کوئٹہ پہنچ گئے۔

    کوئٹہ ایئر پورٹ پر گورنر بلوچستان محمد خان اچکزئی ،صوبائی وزراء عبدالرحیم زیارتوال ،ڈاکٹر حامد خان اچکزئی ،نواب ایاز خان جوگیزئی ،نواب محمد خان شاہوانی ،رحمت صالح بلوچ چیف سیکرٹری بلوچستان سیف اللہ چٹھہ نے صدر مملکت کا استقبال کیا،صدر ممنون حسین سے کوئٹہ میں قیام کے دوران صوبائی وزراء،اراکین اسمبلی اور قبائلی عمائدین ملاقاتیں کریں گے ،صدر کل زیارت کا دورہ کرکے قائد اعظم ریزیڈنسی کامعائنہ بھی کریں گے جبکہ چھبیس دسمبر کو بولان میڈیکل کمپلیکس کے کنونشن میں مہمان خصوصی کی حیثیت سے شرکت بھی کریں گے۔

  • صدر اور وزیراعظم کی قوم کو عید الفطر کی مبارک باد، تہنیتی پیغامات

    صدر اور وزیراعظم کی قوم کو عید الفطر کی مبارک باد، تہنیتی پیغامات

    اسلام آباد: صدرممنون حسین اور وزیر اعظم نواز شریف نے قوم کو عیدالفطر کی مبارکباد دی ہے۔ الگ الگ تہنیتی پیغامات میں دونوں رہنماؤں نے کہا ہے کہ عوام کو منفی سوچ رکھنے والی قوتوں کی سازشوں سے بچنا ہوگا۔

    صدر ممنون حسین نے اپنے پیغام میں دعا کی کہ اللہ تعالیٰ پاکستان کو دہشت گردی و فرقہ پرستی کی لعنت سے پاک اور امن، ترقی و خوشحالی کی نعمت سے مالا مال فرمائے۔ انہوں نے کہا ہے کہ قوم عید کی خوشیوں میں شمالی وزیرستان کے اُن بہن بھائیوں کو بھی یاد رکھیں جو وطن عزیز کی سلامتی اور ہمارے روشن مستقبل کی خاطر بے گھر ہوئے ہیں۔

    وزیر اعظم نواز شریف نے عید شمالی وزیرستان سے نقل کرنے والوں کے نام کرتے ہوئے کہا ہے کہ ہم عید کے حقیقی خوشیاں اسی وقت منا سکتے ہیں جب انھیں اپنے غریب رشتہ داروں، پڑوسیوں اور بہن بھائیوں میں بھی بانٹیں۔ ان کا کہنا تھا کہ عید ملک کے دفاع اور تحفظ کے لئے جانیں قربان کرنے والوں کو خراج عقیدت پیش کرنے کا دن ہے ۔

  • صدرممنون حسین کا اے آر وائی نیوزسندھ کے بیوروچیف کوفون

    صدرممنون حسین کا اے آر وائی نیوزسندھ کے بیوروچیف کوفون

    اسلام آباد:صدرمملکت ممنون حسین نےاےآروائی نیوز سندھ کےبیوروچیف کوفون کرکے فیض اللہ خان کی رہائی میں بھرپورتعاون کی یقین دہانی کرائی ہے۔

    صدرممنون حسین نے ایس ایم شکیل سےافغانستان میں اےآروائی کے اسیررپورٹر فیض اللہ خان کی رہائی کےمسئلہ پربات کی۔

    صدرممنون حسین نےکہا کہ حکومت فیض اللہ کےمعاملے پربھرپورمدد کرے گی، فیض اللہ کی رہائی کیلئےہرممکنہ اقدامات کیےجائیں گے،

    صدر مملکت نے کہا کہ حکومت افغان وزارت خارجہ سےرابطےمیں ہے اور ضرورت پڑی تو وہ فیض اللہ کی رہائی کیلئےافغان صدر سے بھی رابطہ کرینگے۔