Tag: sadia imam

پاکستان انڈسٹری کی ماضی کی معروف اداکارہ سعدیہ امام نے کہا ہے کہ وہ اپنی بیٹی کی اچھی تربیت کرنے کے لیے باقاعدگی سے پانچ وقت کی نماز پڑھتی ہیں۔

سعدیہ امام نے حال ہی میں اپنی بیٹی کے ہمراہ اے آر وائی ڈیجیٹل کے مارننگ شو میں بطورِ مہمان شرکت کی جہاں اُنہوں نے اپنی بیٹی کی تعلیم و تربیت کے حوالے سے بات چیت کی۔

اداکارہ سعدیہ امام نے کہا کہ میرے شوہر کام کی وجہ سے ملک سے باہر رہنا پڑتا ہے، اسی لیے میں ماں اور باپ دونوں بن کر اپنی بیٹی کی پرورش کررہی ہوں۔

 

View this post on Instagram

 

A post shared by Galaxy Lollywood (@galaxylollywood)

ان کا کہنا تھا کہ بچوں کی تربیت تعلیم سے نہیں بلکہ والدین کی روز مرہ کی روٹین سے ہوتی ہے، میں نے اپنی والدہ سے زندگی کے طور طریقے سیکھے تھے اور اب میری بیٹی میرب مجھے دیکھ کر سیکھ رہی ہے۔

اداکارہ کا کہنا تھا کہ جب بچے چھوٹے ہوتے ہیں تو وہ ہر اچھے اور بُرے کام اپنے والدین سے ہی سیکھتے ہیں لہٰذا والدین کو چاہیے کہ وہ اپنے بچوں کے سامنے نیک اور اچھے کام کریں۔

سعدیہ امام نے کہا کہ اگر کبھی ایسا ہوتا ہے کہ میں گھر میں موجود نہیں ہوں اور پیچھے سے مہمان آگئے تو میری بیٹی بہت اچھی مہمان نوازی کرتی ہے، وہ میرے آنے کا انتظار نہیں کرتی اور مہمانوں کے ساتھ اچھے سے پیش آتی ہے۔

اداکارہ نے کہا کہ میں اپنی بیٹی کی وجہ سے ہی پانچ وقت کی نماز پڑھتی ہوں تاکہ وہ مجھے دیکھ کر سیکھے، اب مجھے اپنی بیٹی کو نماز کے لیے کہنا نہیں پڑتا کیونکہ وہ مجھے دیکھ کر سیکھ چکی ہے اور اب خود ہی باقاعدگی سے نماز پڑھتی ہے۔

واضح رہے کہ  سعدیہ امام نے 2012 میں پاکستانی نژاد جرمنی کے صنعت کار عدنان حیدر کے ساتھ نکاح کیا تھا جبکہ اُن کی رخصتی 2013 میں ہوئی تھی، اس جوڑے کی ایک بیٹی ہے جس کا نام میرب ہے۔

کراچی : پاکستان شوبز کی معروف اداکارہ سعدیہ امام نے خود پر کیے جانے والے لوگوں کے کمنٹس سے متعلق بتایا کہ ایک طعنہ مجھے بہت برا لگتا تھا۔

اے آر وائی ڈیجیٹل کے پروگرام گڈ مارننگ پاکستان میں میزبان ندا یاسر سے گفتگو کرتے ہوئے انہوں نے اپنی زندگی کے بارے میں کچھ باتیں شیئر کیں۔

سعدیہ امام نے کہا کہ میں اور میری بڑی بہن عالیہ امام ایک ساتھ پلے بڑھے ایک ہی اسکول میں تعلیم حاصل کی، عالیہ سے بہت کچھ سیکھا اور لوگ کہتے تھے کہ تم تو عالیہ کی نقل کرتی ہو یہ طعنہ مجھے برا لگتا تھا۔

انہوں نے کہا کہ ظاہر ہے عالیہ میری بہن ہے اور میں ایک مقرر تھی مجھے تقریر لکھ کر وہی دیتی تھی اور اس کی ٹریننگ بھی مجھے عالیہ نے ہی دی تو اس کا اثر تو آنا ہی تھا لیکن جب لوگ یہ بات کہتے تھے تو بہت معیوب لگتا تھا۔

انہوں نے بتایا کہ وقت گزرتا گیا اور سمجھ آتی گئی کہ ان باتوں سے کچھ نہیں ہوتا بچپن میں چیزیں بہت غصہ دلاتی تھیں لیکن اب اس طرح سوچنا چھوڑ دیا ہے۔