کراچی: پاکستانی آف اسپنرسعید اجمل نے رہنگیا مسلمانوں کے لئے انگلینڈ میں ہونے والے چیریٹی پروگرام میں 30 ہزارپاؤنڈ اکھٹے کرلئے۔
تفصیلات کے مطابق فنڈ ریزنگ کے لئے اس چیریٹی شو کا انعقاد مانچسٹرمیں کیا گیا تھا جس میں سعید اجمل مہمان خصوصی تھے۔
میانمار میں فرقہ وارانہ تشدد کے سبب ہزاروں روہنگیا مسلمان اپنے گھر چھوڑکرکشتیوں میں رہنے پرمجبورہیں۔
سعید اجمل ان دنوں انگلینڈ میں ورکسٹرشائر کے لئے ڈومیسٹک کرکٹ کھیل رہیں ہیں۔
لاہور: پی سی بی نے دورہ سری لنکا کیلئے پندرہ رکنی ٹیسٹ ٹیم کا اعلان کردیا، احمد شہزاد ٹیم میں جگہ بنا نے میں کامیاب ہوگئے، سعیداجمل کو پھر ڈراپ کردیا گیا۔
پاکستان کرکٹ بورڈ کی سلیکشن کمیٹی نے کپتان اور کوچ سے مشاورت کے بعد ٹیم کا اعلان کردیا، ٹیم کی قیادت مصباح الحق کریں گے، اظہر علی نائب کپتان ہوں گے۔
ڈسپلن کے باعث ٹیم سے باہر ہونے والے احمد شہزاد سلیکٹرز کا اعتماد حاصل کرنے میں کامیاب رہے، مایہ ناز آف اسپنر سعید اجمل کو ایک بارپھر ڈراپ کردیا گیا۔
ٹیم میں محمد حفیظ، شان مسعود، یونس خان، اسد شفیق، حارث سہیل، سرفراز احمد، یاسر شاہ، ذوالفقار بابر، وہاب ریاض، جنید خان، عمران خان، اور احسان عادل شامل ہیں۔
بنگلہ دیش کا دورہ کرنے والی ٹیم میں سے سمیع اسلم کو باہر کیا گیا ہے، پاکستان اور سری لنکا کے درمیان تین میچ کی ٹیسٹ سیریز کا آغاز سترہ جون سے ہوگا، قومی ٹیم نو جون کو سری لنکا کے دورے پر روانہ ہوگی۔
لاہور : سری لنکا کے خلاف ٹیسٹ سیریز کیلئے قومی ٹیم کا اعلان آئندہ دو سے تین روز میں متوقع ہے۔دورہ سری لنکا کے لئے کن کھلاڑیوں کو پروانہ ملے گا۔
سلیکٹرز کی مشاورت حتمی مراحل میں داخل ہوگئی۔ اعلان دو سے تین روز میں متوقع ہے۔ مایہ ناز آف اسپنر سعید اجمل کی ٹیم میں واپسی کا کوئی امکان نہیں ہے۔
ڈسپلن کی وجہ سے ٹیم سے باہر ہونے والے احمد شہزاد کو موقع دیئے جانے کا امکان ہےجبکہ راحت علی اور احسان عادل کی میڈیکل رپورٹ آنے کے بعد ٹیم میں شمولیت کا فیصلہ کیا جائے گا۔
شعیب ملک اور محمد سعیع کی طویل فارمیٹ میں واپسی کا فیصلہ نہ ہوسکا۔ محمد عرفان کو محدود اوورز تک محدود رکھنے کا فیصلہ کیا گیا ہے۔
قومی ٹیم کی قیادت مصباح الحق کریں گے۔ پاکستان کرکٹ ٹیم آئندہ ہفتے سری لنکا کے دورے پر روانہ ہوگی۔
گرین شرٹس کا دورہ تین ٹیسٹ، پانچ ون ڈے اور دو ٹی ٹوئنٹی پر مشتمل ہوگا۔ ٹیسٹ سیریز کے آغاز سے قبل گیارہ جون کو تین روزہ وارم اپ میچ بھی کھیلاجائے گا۔
ڈھاکہ: پاکستان ٹیم نے فاسٹ بولر وھاب ریاض کے بغیر پریکٹس کی، سعید اجمل کا کہنا ہے کہ انہیں پلان کے مطابق ٹیسٹ ٹیم میں شامل نہیں کیا گیا۔
پاکستان ٹیم نے دوسرے ٹیسٹ سے قبل میر پور اسٹیڈیم میں پریکٹس کی، فاسٹ بولر وھاب ریاض نے آرام کیا اور ٹیم مینجمینٹ کے مطابق وھاب کل پریکٹس کریں گے جبکہ دوسرے ٹیسٹ میں بھی آف اسپنر سعید اجمل کو شامل نہیں کیا جائیگا۔
میڈیا سے بات کرتے ہوئے سعید اجمل کا کہنا تھا کہ انکو نہ کھلانا پلان کے مطابق ہے اور اس پر انہیں کوئی غم نہیں ہے، وہ کوچ اور کپتان کی حکمت عملی سے مطمئن ہیں۔
سعید اجمل نے کہا کہ بولنگ ایکشن کی وجہ سے معطلی انکے لئے ٹارچر تھا لیکن انہیں کلیئر ہونے کے بعد بھی معلوم تھا کہ ابھی انکی مشکلات ختم نہیں ہوئیں۔
سعید اجمل کے مطابق چونکہ وہ سائیڈ آن ایکشن سے بولنگ کر رھے ہیں اسلئے ابھی انہیں بھرپور فارم میں آنے میں وقت لگے گا۔
لاہور : دورہ بنگلہ دیش کیلئے قومی اسکواڈ کا اعلان کردیا گیا ہے، سلیکشن کمیٹی نے تینوں فارمیٹس کے لئے کپتانوں سے مشاورت مکمل کرلی، سلیکشن کمیٹی نے مشاورت کے بعد کھلاڑیوں کو شارٹ لسٹ کرلیا۔
ورلڈ کپ میں بری پرفارمنس دکھانے والوں کی چھٹی ہوگئی، عمر اکمل اور یونس خان کے نام پر لکیر کھینچ دی گئی ہے۔ ڈسپلن کی خلاف ورزی بھی کئی کھلاڑیوں کی سلیکشن کے آڑے آگئی۔
تفصیلات کے مطابق دورہ بنگلہ دیش کے لئے سلیکٹرزنے نوجوان کھلاڑیوں پر مشتمل ٹیم تشکیل دے دی ہے۔فیصلہ تینوں کپتانوں کی سے مشاورت کیا گیاہے۔
مایہ ناز آف اسپنر سعید اجمل کی ٹیم میں واپسی ہوگی۔ جبکہ عمر اکمل ٹیم میں اپنی جگہ بنانے میں ناکام رہے، عمر اکمل کو مسلسل ناقص کارکردگی پر تینوں فارمیٹ کی ٹیم سے ڈراپ کر دیا گیا ہے۔
اس کے ساتھ ساتھ احمد شہزاد کو بھی ٹیسٹ اور ایک روزہ ٹیم سے ڈراپ کر دیا گیا ہے اور صرف ٹی ٹوئنٹی ٹیم کا حصہ بنایا گیا ہے۔ ڈومیسٹک کرکٹ میں مسلسل شاندار کارکردگی دکھانے والے نوجوان سمیع اسلم، بابر اعظم، محمد رضوان اور فواد عالم کو ٹیم میں شامل کر لیا گیا ہے۔ قومی ٹیم ان کھلاڑیوں پر مشتمل ہے۔
ایک روزہ ٹیم: سمیع اسلم، سرفراز احمد، اظہر علی، محمد حفیظ، اسد شفیق، فواد عالم، محمد رضوان، حارث سہیل، صہیب مقصود، سعید اجمل، یاسر شاہ، وہاب ریاض، راحت علی، احسان عادل، سہیل خان۔
ٹیسٹ ٹیم: بابر اعظم ، محمد حفیظ، سمیع اسلم، مصباح الحق، اسد شفیق، اظہر علی، یونس خان، حارث سہیل، سعید اجمل، یاسر شاہ، ذوالفقاربابر، سرفراز احمد، وہاب ریاض، جنید خان، سہیل خان، راحت علی۔
ٹی ٹوئنٹی: احمد شہزاد، سرفراز احمد، محمد حفیظ، مختار احمد، صہیب مقصود، حارث سہیل، سعید اجمل، شاہد آفریدی، سہیل تنویر، سعد نسیم، وہاب ریاض، سہیل خان، عمر گل، جنید خان
چیئرمین سلیکشن کمیٹی ہارون رشید نے لاہور میں پریس کانفرنس سے خطاب کرتے ہوئے کہا کہ سلیکشن کمیٹی آزادانہ فیصلے لے رہی ہے، ہمیں چیئرمین پی سی بی کی مکمل حمایت حاصل ہے اور ہم پر فیصلے کرنے کے لئے کوئی دباؤ نہیں۔
ٹیم اپریل کے دوسرے ہفتے میں بنگلہ دیش روانہ ہوگی۔ ٹریننگ کیمپ سات اپریل سے لاہور میں شروع ہوگا۔
سڈنی : پاکستان کرکٹ ٹیم کے کپتان مصباح الحق نے کہا ہے کہ حال میں ہماری ون ڈے میں کارکردگی اچھی نہیں رہی، کوشش یہی ہے کہ ٹیم کی خراب کارکردگی کے تسلسل کو توڑنے میں کامیاب ہوجائیں۔
سڈنی میں پریس کانفرنس کرتے ہوئے پاکستان ٹیم کے کپتان مصباح الحق کا کہنا تھا کہ سعید اجمل بہترین بولر ہیں، لیکن انھوں نے معطلی کے بعد بالکل بھی انٹرنیشنل کرکٹ نہیں کھیلی ہے۔
ورلڈ کپ میں سعید اجمل کی شمولیت کا فیصلہ بہت مشکل ہے۔سعید اجمل کو خود بھی یقین نہیں وہ انٹرنیشنل کرکٹ کب کھیلیں گے۔
پاکستان ٹیم کی موجودہ کارکردگی کے حوالے سے مصباح نے کہا کہ گذشتہ کچھ سیریزمیں ٹیم کی کارکردگی اچھی نہیں رہی۔ کوشش ہوگی کہ خراب پرفارمنس کے بھنور سے نکلا جائے۔
انہوں نے کہا کہ ٹیم کو ایک اچھی جیت کی ضرورت ہے، ایک مرتبہ جیت کا سلسلہ شروع ہوا تو کارکردگی بہتر ہوتی چلی جائے گی۔
مصباح الحق نے مزید کہا کہ جنید خان کی انجری سے ٹیم کو بڑا نقصان ہوا، اس ٹیم کے بارے میں بھی کافی پرعزم ہوں، یہ ٹیم کسی بھی ٹیم کو مشکل میں ڈال سکتی ہے۔
چنائی : آئی سی سی نےسعید اجمل کابالنگ ایکشن قانونی قراردےدیا،چنئی کےکوچز کی کلین چٹ، سعید اجمل کہتےہیں ورلڈ کپ کے لئے تیار نہیں سیلکٹرز نےبھیجا توجاؤں گا۔
تفصیلات کے مطابق آئی سی سی نےپاکستانی آف اسپنر سعیداجمل کا ایکشن قانونی قراردیدیاہے، اس حوالے سےسعید اجمل نے میڈیا سے گفتگو کرتے ہوئے کہا کہ ورلڈکپ کیلئےتیارنہیں ہوں اگر سیلکٹرز نے بھیجا تو ضرور جاؤں گا۔
جبکہ پی سی بی کے چیئرمین شہریار خان کا کہنا ہے کہ قوانین کے مطابق سعید اجمل ورلڈکپ نہیں کھیل سکتے، کوئی انجری ہوئی تو ہی سعید کو زیر غور لایا جاسکتا ہے۔
سعید اجمل کی مشکلات ٹل گئیں۔ سعید اجمل ایک بار پھر بیٹسمینوں کی گلیاں اڑائیں گے۔ بیٹسمینوں کے لئے خوف کی علامت اجمل نئے ایکشن کے ساتھ ایکشن میں دکھائی دیں گے۔
اور دوسرا ، تیسرا کے ذریعے ایک کے بعد دوسرا پویلین بھیجیں گے۔دوسرا کے موجد سابق پاکستانی آف اسپنر ثقلین مشتاق کی پانچ ماہ کی کوششیں رنگ لے آئیں۔
چنئی کی بائیو میکنک لیب نے سعید اجمل کو کلین چٹ دے دی۔ اجمل کی دوسرا، کیرم اور تیز گیندیں قانون کے حد میں آگئیں۔ سعید اجمل کا بولنگ ایکشن ٹیسٹ چوبیس جنوری کو چنئی میں ہوا تھا۔ جس میں ان کے بازو کا خم پندرہ ڈگری کے اندر آگیا ہے۔
آئی سی سی کا کہنا ہے کہ اجمل انٹرنیشنل کرکٹ میں بولنگ کرسکتے ہیں۔ ون ڈے کی عالمی رینکنگ میں اجمل کا پہلا نمبر ہے۔ ٹی ٹوئنٹی میں انہیں سب سے زیادہ وکٹیں لینے کا اعزاز بھی حاصل ہے۔
کلین چٹ کے بعد قوم کو خوشیاں تو ہیں مگر ورلڈ کپ میں پاکستانی جادوگر کے ایکشن میں نہ ہونے کا دکھ بھی ہے۔
چنائی: پابندی کے شکار پاکستانی آف اسپنرسعید اجمل کاچنائی میں بولنگ ایکشن ٹیسٹ ہوگیا، جس کا نتیجہ ایک ہفتے میں متوقع ہے۔
تفصیلات کے مطابق بھارت سے شہرچنائی میں آئی سی سی کی بائیو میکنک لیبارٹری میں اجمل کے ایکشن کی حتمی جانچ ہوگئی، رپورٹ ایک ہفتے میں آنے کا امکان ہے۔
ذرائع کے مطابق ان کے ٹیسٹ سے متعلق رپورٹ آئندہ ہفتے تک آنے کا امکان ہے جس کے بعد ان کی ورلڈکپ میں شمولیت کا حتمی فیصلہ بھی ہو جائے گا۔
اجمل کا ایکشن گزشتہ برس اگست میں سری لنکا کے خلاف سیریز میں رپورٹ ہوا تھا جس کے بعد ان پر پابندی عائد کردی گئی تھی۔ آف اسپنر کا چار مرتبہ انگلینڈ کی لیبارٹری میں غیر سرکاری ٹیسٹ ہوا جس میں بہتری تو آئی لیکن وہ قانونی ڈگری کے اندر نہ آسکے۔
دوسری جانب سابق اسپن ماسٹر سقلین مشتاق کی زیرنگرانی سعید اجمل نے بیٹسمینوں کو پریشان کرنے کے لئے نیا ہتھیار تیار کرلیا ہے، نئے ایکشن کے ساتھ اجمل کیرم بال کے علاوہ سیم اپ بال بھی کراسکیں گے۔
لاہور: جادوگر اسپنر سعید اجمل نے بیٹسمینوں کو پریشان کرنے کے لئے نیا ہتھیار تیار کرلیا ہے، نئے ایکشن کے ساتھ وہ کیرم بال کے علاوہ سیم اپ بال بھی کراسکیں گے۔
اے آر وائی نیوز کے پروگرام اسپورٹس روم میں خصوصی بات چیت کرتے ہوئے سعید اجمل نے کہا کہ ایکشن درست کرنے کیلئے بہت محنت کی۔ نیا ایکشن ایسے سیکھا جیسے پہلے بار بولنگ کر رہا ہوں۔
آف اسپنر نے کہا کہ چار مہینے میں بارہ ہزار سے زائد گیندیں کروائیں۔
ایک سوال پر سعید اجمل کا کہنا تھا کہ نئے ایکشن کے ساتھ نئی ورائٹی بھی حاصل کرلی ہے۔
انہوں نے کہا کہ اب کیرم بال کے علاوہ سیم اپ بال سے بھی بیٹسمینوں کو پریشان کروں گا۔
سعید اجمل انہوں نے کہا ٹیسٹ کلئیر کرنے کے بعد بھرپور تیاری کے ساتھ کم بیک کریں گے۔
سعید اجمل کو مکمل انٹرویو ناظرین جمعرات کو ساڑھے چار بجے اے آ روائی نیوز پر دیکھ سکتےہیں۔
دوسری جانب آف اسپنر سعید اجمل آفیشل بولنگ ایکشن ٹیسٹ کیلئے کل بھارت جائیں گے۔
کراچی: پاکستان کرکٹ ٹیم کے معطل آف اسپنر سعید اجمل کا کہنا ہے کہ آفیشل ٹیسٹ کلیئر بھی ہوگیا تو ورلڈ کپ میں شرکت نہیں کرونگا، میچ پریکٹس اور بھرپور اعتماد کے بعد میدان میں واپس آؤنگا۔
اے آر وائی نیوز سے ٹیلی فونک گفتگو کرتے ہوئے دوسرا اسپیشلسٹ سعید اجمل کا کہنا ہے کہ غیر سرکاری ٹیسٹ کلیئر کرنے کے بعد آفیشل ٹیسٹ کلیئر کرنے کی امیدیں مزید روشن ہوگئی ہے۔ دوسرا سمیت تمام گیندیں پندرہ ڈگری کی حد میں ہے۔
سعید اجمل سعید اجمل نے کہا کہ آفیشنل ٹیسٹ کلیئر کرنے کی صورت بھی ورلڈ کپ میں حصہ نہیں لوں گا۔ میچ پریکٹس حاصل کرنے کے بعد انٹرنیشنل میچز میں کم بیک کرونگا۔
اسپین جادوگر سعید اجمل نے مزید کہا کہ ٹیم پر بوجھ نہیں بناناچاہتا، پہلے جیسا کارآمد ثابت ہواتو عالمی کپ میں شرکت کرونگا۔
واضح رہے کہ پابندی کے شکار پاکستانی آف اسپنر سعید اجمل کا آج برطانیہ میں غیر سرکاری بولنگ ایکشن ٹیسٹ کلیئر قرار دے دیا گیا ہے