کراچی : دبئی سے گرفتار مبینہ دہشت گرد سعید بھرم کوکراچی منتقل کردیاگیا۔ حساس اداروں نے تحویل میں لے لیا۔ ملزم کی سفری دستاویزات کی کاپی اے آروائی نیوز نے حاصل کرلی ہے۔
تفصیلات کے مطابق دبئی سے گرفتار ہونے والے ایک سیاسی جماعت کے مبینہ دہشت گرد سعید بھرم کو غیرملکی ایئرلائن کے ذریعے کراچی منتقل کیاگیا۔
اے آر وائی نیوز کوملنے والی سفری دستاویزات میں ملزم کا نام سعید احمد لکھاہواہے۔ کراچی پہنچتے ہی سعید بھرم کو حساس اداروں نے تحویل میں لے کرنامعلوم مقام پر منتقل کردیا۔
سعید بھرم پردبئی اور جنوبی افریقہ سے کراچی میں ٹارگٹ کلنگ کی ٹیمیں چلانے کا الزام ہے، بعض گرفتار ملزمان نےتفتیش کےدوران سعید بھرم کے بارے میں سیکیورٹی اداروں کو تفصیلات فراہم کی تھیں۔
یاد رہے کہ مبینہ دہشت گردسعید بھرم کو انٹرپول کے ذریعے دبئی میں گزشتہ ہفتےگرفتارکیاگیاتھا۔
