لاڑکانہ :  وزیربلدیات سندھ سعید غنی نے کہا کہ کراچی میں پہلے نتائج چوری ہوتے تھے  اور  اس مرتبہ ڈاکہ پڑاہے، سندھ کےشہروں میں 3 سے 4ماہ میں تبدیلی نظر آئے گی۔

تفصیلات کے مطابق وزیربلدیات سندھ سعیدغنی نے لاڑکانہ میں پریس کانفرنس کرتے ہوئے کہا لاڑکانہ کےمختلف علاقوں کادورہ کیا ہے،  مسئلے موجود ہیں، کچرے کو ڈمپ کرنے کی جگہ نامناسب ہے۔

وزیربلدیات سندھ کا کہنا تھا کہ لاڑکانہ ڈیویلپمنٹ کمیٹی غیر فعال ہے اورتنخواہیں لےرہےہیں، محکمہ بلدیات میں بڑی تبدیلی کی ضرورت ہے، محکمہ کے غیر فعال اداروں کو فعال ہونا چاہیئے۔

سعیدغنی نے کہا کہ کراچی میں پہلے نتائج چوری ہوتے تھے اور اس مرتبہ ڈاکہ پڑا ہے، لاڑکانہ اورلیاری میں ہارنےکی وجوہات صرف مخالفین نہیں تھے۔

صدارتی انتخاب کے حوالے سے ان کا کہنا تھا کہ صدارتی الیکشن میں دیکھا جائے تو حزب اختلاف پی پی کو کمزور کررہی ہے ، صدارتی الیکشن میں حصہ لینے والا ہمارا امیدوار سب سے تجربہ کار ہے۔

وزیربلدیات سندھ نے کہا سندھ کےشہروں میں 3 سے 4ماہ میں تبدیلی نظر آئے گی، عمران خان شور زیادہ مچاتے ہیں لیکن سفر بھی ہیلی کاپٹر پر کرتے ہیں۔

مزید پڑھیں : خاتونِ اول عمران خان کو مزارِقائد بھیجیں، سعید غنی کا مشورہ

گذشتہ روز وزیربلدیات سندھ سعید غنی نے خاتون اول کو عمران خان کو مزارقائد بھیجنے کا مشورہ دیتے ہوئے کہا تھا کہ عمران خان کا مزار قائد پر نہ آنا اچھی بات نہیں۔

رہنماپیپلزپارٹی کا کہنا تھا کہ گورنرسندھ کو کچھ دن سیاسی سرگرمیاں کرنے دیں، عمران اسماعیل کو گورنرہاؤس میں نہیں رہنا چاہئے یہ ان کی پارٹی کا فیصلہ تھا۔

انھوں نے کہا تھا یہ بھی بتا دیا ہے کہ میئرکراچی کے کہنے پر بلدیاتی قوانین تبدیل نہیں ہوں گے، میئرکراچی کے نمائندے اسمبلی میں ہیں ترمیم لےآئیں۔

کراچی: پیپلزپارٹی کے سینئر رہنما سعید غنی نے کہا ہے کہ ایم کیوایم حکومتی کاموں میں رکاوٹیں ڈال رہی ہے.

رہنما پیپلز پارٹی کا کہنا تھا کہ میرے حلقے میں ایم کیوایم اورعرفان اللہ مروت مل کربھی مجھے نہیں ہرا سکتے، انشااللہ موقع ملا تو تمام رکاوٹیں توڑ کر کام کریں گے.

سعیدغنی نے کہا کہ گلی ڈنڈا اتحاد پہلی بارنہیں بنے، ماضی میں ایسا ہوتا رہا ہے، ان کا مقصد پیپلزپارٹی کو شکست دینا ہے.

پیپلزپارٹی کے رہنما نے کہا کہ فہمیدہ مرزاکی فیملی نےقرض معاف کرایا، یہ ایک حقیقت ہے، سندھ حکومت نے بدین میں اربوں کا بجٹ ان کے حوالے کیا تھا.

سعیدغنی نے الزام لگایا کہ ذوالفقارمرزا وزیر داخلہ تھے، مگر وہ وزیراعلیٰ کے اختیارات استعمال کیا کرتے رہے، کافی وزیرذوالفقارمرزا کی سفارش پرلگائے گئے تھے.

ان کا کہنا تھا کہ ذوالفقارمرزانے متعدد بار کہا کہ ان کے پاس جو کچھ ہے وہ زرداری کا دیا ہوا ہے، 2013 کے انتخابات میں آصف زرداری نےان کوٹکٹ دیاتھا، فہمیدہ مرزا کوپہلی خاتون اسپیکربننےکااعزازبھی آصٖف زرداری نےدلایا، مگر آج وہ ان کے خلاف ہوگئے ہیں.

یاد رہے کہ مرزا خاندان نے 15 مئی کے جلسے میں‌ پیپلزپارٹی کی پالیسیوں کو شدید تنقید کا نشانہ بنایا تھا، بعد ازاں فہمیدہ مرزا نے پیر پگارا اور ذوالفقار کے ہمراہ کراچی میں پریس کانفرنس کرتے ہوئے گرینڈ ڈیموکریٹک الائنس کا حصہ بننے کا اعلان کیا تھا.

ڈاکٹر فہمیدہ مرزا کا گرینڈ ڈیموکریٹک الائنس کا حصہ بننے کا اعلان

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔