کراچی: کے ایم سی نے سفاری زو میں موجود ہاتھیوں کی سالگرہ پہلی بار منانے کا اعلان کر دیا ہے۔
تفصیلات کے مطابق سینیئر ڈائریکٹر سفاری اینڈ زو رضا عباس نے کہا ہے کہ سفاری پارک میں موجود ہاتھیوں ملیکہ اور سونیا کی سالگرہ کل منائی جائے گی۔
ملیکہ کی 18 ویں اور سونیا کی 16 ویں سالگرہ منائی جائے گی، ملیکہ اور سونیا کے لیے کیک بھی تیار کرایا جائے گا، سالگرہ کی تقریب میں گورنر سندھ اور ایڈمنسٹریٹر کراچی شرکت کریں گے۔
ملیکہ اور سونیا کو 2007 میں پاکستان لایا گیا تھا، دونوں ہاتھی افریقہ کے شہر تنزانیہ سے منگوائے گئے تھے۔ کے ایم سی کی جانب سے ایک ویڈیو بھی جاری کی گئی ہے جن میں دونوں ہاتھی موج مستی کر رہے ہیں۔