لاہور : پاکستان شوبز انڈسٹری کے نامور اداکار بہروز سبزواری اور ان کی اہلیہ سفینہ کے درمیان بے مثال ذہنی ہم آہنگی پائی جاتی ہے جس کا اظہار پروگرام ہوشیاریاں میں سامنے آیا۔
اے آر وائی نیوز کے پروگرام ہوشیاریاں کے عید اسپیشل میں بطور مہمان معروف اداکار بہروز سبزواری اور ان کی اہلیہ سفینہ بہروز نے خصوصی شرکت کی اس موقع پر دونوں میاں بیوی نے سوالات کے دلچسپ جوابات دیئے۔
پروگرام کے میزبان ہارون رفیق نے بہروز سبزواری کو کچھ دیر کیلئے باہر بھیجا اور ان کی اہلیہ سفینہ سے ان کے شوہر کی پسند اور ناپسند کے حوالے سے کچھ سوالات کیے۔
سوالات مکمل ہونے پر بہروز سبزواری کو بلایا گیا اور وہی سوالات ان سے بھی پوچھے گئے جس میں سے ایک کے سوا تقریباً تمام سوالات کے جوابات انہوں نے وہی دیئے جو ان کی اہلیہ نے دیئے تھے۔
اس موقع پر اسٹیج پر موجود تمام فنکاروں اور سامنے بیٹھے حاضرین نے ان کو سراہا اور انہیں خراج تحسین پیش کرتے ہوئے تالیاں بجائیں۔
