ARYNews.tv | Urdu – Har Lamha Bakhabar

Tag: saim ayub

  • سلمان علی آغا کا صائم ایوب سے متعلق دلچسپ انکشاف

    سلمان علی آغا کا صائم ایوب سے متعلق دلچسپ انکشاف

    لاہور: قومی ٹی 20 ٹیم کے اوپننگ بیٹسمین صائم ایوب کے حوالے سے کپتان سلمان علی آغا کا دلچسپ انکشاف سامنے آگیا۔

    پی سی بی کی طرف سے جاری کردہ دلچسپ انٹرویو میں سلمان علی آغا نے بتایا کہ صائم ایوب سے بھوک برداشت نہیں ہوتی جبکہ کھانے کا زیادہ شوقین شاداب خان ہے، اس کے علاوہ باہر جاکر کھانے کا بل زیادہ تر بابر اعظم ہی دیتے ہیں۔

    سلمان علی آغا کا کہنا تھا کہ اگر کوئی خدانخواستہ مشکل وقت آن پڑے گا تو سب سے پہلے اپنی بیگم اور پھر کرکٹرز میں سے عبداللہ شفیق کو کال کروں گا۔

    اُنہوں نے کہا کہ میرا ایک ہی شادی سے شوق پورا ہوگیا ہے، دوسری شادی نہیں کروں گا، شادی کے بعد پہلے جیسی آزادی بہت یاد آرہی ہے۔

    انہوں نے کہا کہ سوشل میڈیا پر صائم ایوب کے بارے میں ایک میم دلچسپ لگی تھی، صائم ایوب جن دنوں پرفارم نہیں کررہے تو اُس وقت کسی صارف نے ان کی ’نو لک شاٹ‘ پر لکھا تھا کہ اب تو دیکھ کر بھی شاٹ نہیں لگ رہا۔

    صائم ایوب کی ڈریم ٹی 20 ورلڈ الیون میں کون کون شامل:

    پاکستان ٹیم کے اوپنر بیٹر صائم ایوب نے اپنی ڈریم ٹی 20 ورلڈ الیون کا اعلان کردیا۔

    پی ایس ایل میں پشاور زلمی کے اوپنر صائم ایوب نے کپتان بابر اعظم کو چھوڑ کر اپنی ڈریم ٹی 20 ورلڈ الیون میں صرف ایک پاکستانی کرکٹر کو شامل کیا ہے۔

    زلمی پوڈ کاسٹ میں صائم ایوب سے کہا گیا کہ وہ اپنے ڈریم کھلاڑیوں کو چنیں اور اس میں ایک ملک کے دو سے زیادہ کھلاڑی نہیں ہونے چاہئیں۔

    انہوں نے دو پاکستانی کھلاڑیوں کے آپشن کے باوجود صرف ایک کھلاڑی فخر زمان کا نام لیا اور ان کے ساتھ اوپننگ میں آسٹریلیا کے ٹریوس ہیڈ کو شامل کیا۔

    تیسرے نمبر پر انہوں نے انگلینڈ کے جارحانہ وکٹ کیپر بیٹر جوز بٹؒر کا انتخاب کیا، اس کے بعد مڈل آرڈر میں ویسٹ انڈیز کے نکولس پوران اور جنوبی افریقا کے ہینرک کلاسن کو اپنی ٹیم کا حصہ بنایا۔

    صائم نے انگلینڈ کے بین اسٹوکس کو چھٹے نمبر پر رکھا، آل راؤنڈر میں انہوں نے بھارت کے ہاردک پانڈیا اور اسپنر میں افغانستان کے راشد خان اور کیوی اسپنر مچل سینٹں ر پر اعتماد کا اظہار کیا۔

    یہ تینوں درمیانی اوورز کو کنٹرول کرتے ہوئے شاندار بولنگ کرنے کی صلاحیت رکھتے ہیں۔

    کوہلی نے ٹیسٹ کرکٹ سے ریٹائرمنٹ کی وجہ بتادی

    فاسٹ بولرز میں صائم نے بھارت کے جسپریت بمراہ اور آسٹریلیا کے مچل اسٹارک کا انتخاب کیا۔

    صائم ایوب کی ورلڈ ٹی 20 الیون

    فخر زمان (پاکستان)، ٹریوس ہیڈ (آسٹریلیا)، جوس بٹلر (انگلینڈ)، نکولس پوران (ویسٹ انڈیز)، ہینرک کلاسن (جنوبی افریقہ)، بین اسٹوکس (انگلینڈ)، ہاردک پانڈیا (انڈیا)، راشد خان (افغانستان)، مچل سینٹنر (نیوزی لینڈ)، (آسٹریلیا)، مچل اسٹارک، (بھارت)، جسپریت بمراہ۔

  • جیسن گلیسپی کو صائم ایوب میں سعید انور کی جھلک دکھائی دینے لگی

    جیسن گلیسپی کو صائم ایوب میں سعید انور کی جھلک دکھائی دینے لگی

    پاکستانی کرکٹ ٹیم کے سابق ہیڈ کوچ جیسن گلیسپی کو نوجوان جارح مزاج بلے باز صائم ایوب میں پاکستانی ٹیم کے سابق بہترین بلے باز سعید انور کی جھلک دکھائی دینے لگی۔

    پاکستانی ٹیم کے سابق ہیڈکوچ جیسن گلیسپی نے سوشل میڈیا پلیٹ فارم پر ایک صارف کے سوال کے جواب میں صائم ایوب کی تعریفوں کے پُل باندھتے ہوئے انکا سابق لیجنڈری اوپنر سعید انور سے موازنہ کیا۔

    گلیسپی کا کہنا تھا کہ سعید انور تاریخ کے عظیم ترین کھلاڑیوں میں سے ایک تھے، میں انکی جھلک کو صائم میں دیکھ رہا ہوں۔

    واضح رہے کہ سابق کرکٹ تجزیہ کاروں کی جانب سے بھی صائم سے متعلق کہا گیا تھا کہ ان کے کیرئیر کی شروعات ہی اسٹار بلے باز سعید انور کی طرح ہے وہ اگر مستقل مزاجی کا مظاہرہ کریں گے تو پاکستان کا نام روشن کرنے کی صلاحیت رکھتے ہیں۔

    واضح رہے کہ نوجوان بلے باز صائم نے دورہ آسٹریلیا اور جنوبی افریقا کے خلاف سیریز میں 2023 میں 6 میچز میں 360 رنز اسکور کئے تھے۔

    محمد عامر نے میچ کے دوران گھورتے ہوئے کیا کہا؟ صائم ایوب نے بتادیا

    دورہ جنوبی افریقا میں ٹیسٹ میچ کے دوران چیمپئینز ٹرافی کے آغاز سے قبل صائم انجری کا شکار ہوکر ٹورنامنٹ سے باہر ہوگئے تھے تاہم 3 ماہ بعد اُنہوں نے دوبارہ ٹیم کو جوائن کرلیا ہے۔

  • محمد عامر نے میچ کے دوران گھورتے ہوئے کیا کہا؟ صائم ایوب نے بتادیا

    محمد عامر نے میچ کے دوران گھورتے ہوئے کیا کہا؟ صائم ایوب نے بتادیا

    پی ایس ایل کے دوسرے میچ میں صائم ایوب نے محمد عامر کیساتھ گراؤنڈ میں ہونے والی گفتگو کے بارے میں بتادیا۔

    پاکستان سپر لیگ (پی ایس ایل) کے 10ویں ایڈیشن کے دوسرے میچ میں پشاور زلمی کے اوپنر صائم ایوب اور کوئٹہ گلیڈی ایٹرز کے فاسٹ بولر محمد عامر کے درمیان جملوں کا تبادلہ ہوا۔

    میچ کے دوران گراؤنڈ میں اس گرما گرمی کی ویڈیو سوشل میڈیا پر وائرل ہوگئی تھی، ویڈیو میں دیکھا جاسکتا ہے کہ صائم ایوب، محمد عامر کی گیند پر شاٹ کھیلنے گئے اور ناکام رہے اس دوران دونوں کھلاڑیوں کے درمیان جملوں کا تبادلہ ہوا۔

    میچ کے بعد پشاور زلمی کے اہم کھلاڑی صائم ایوب نے پریس کانفرنس کی جہاں صحافی نے ان سے پوچھا کہ محمد عامر نے گراؤنڈ میں انہیں کیا کہا تھا؟

    جس پر صائم ایوب نے کہا کہ گراؤنڈ میں اس طرح کمنٹس پاس ہوتے رہتے ہیں، بولر کہتا ہے میری بال پر کھیل کر دکھاؤ اور بیٹر کہتا ہے تیز پھینک پر دکھاؤ۔

    صائم ایوب نے مزید کہا کہ اس طرح کے کمنٹ پاس ہونا کوئی بڑی بات نہیں ایسا گرانڈ میں چلتا رہتا ہے اس میں سیریس ہونے والی کوئی بات نہیں۔

    PSL 10- پی ایس ایل کی تمام خبریں

    واضح رہے کہ راولپنڈی میں کھیلے گئے پی ایس ایل کے دوسرے میچ میں کوئٹہ گلیڈی ایٹرز نے پشاور زلمی کو 80 رنز سے شکست دے دی تھی۔ کوئٹہ گلیڈی ایٹرز کی جانب سے دیے گئے 217 رنز کے تعاقب میں پشاور زلمی کی ٹیم 15.1 اوورز میں 136 رنز پر ڈھیر ہوگئی تھی۔

  • صائم ایوب کی فٹنس سے متعلق میڈیکل پینل کا اہم بیان

    صائم ایوب کی فٹنس سے متعلق میڈیکل پینل کا اہم بیان

    پاکستان کرکٹ بورڈ کے میڈیکل پینل کی جانب سے پاکستان کے جارح مزاج نوجوان اوپنر صائم ایوب کو مکمل فٹ قرار دے دیا گیا۔

    میڈیکل پینل کی جانب سے گرین سگنل ملنے کے بعد صائم ایوب اور وکٹ کیپر بیٹر محمد حارث آج پشاور زلمی کو جوائن کرلیں گے، زلمی کے بیشتر کھلاڑیوں کی جانب سے ٹیم منیجمنٹ کو رپورٹ کیا جا چکا ہے۔

    اسلام آباد کلب میں پشاور زلمی کے کھلاڑی پہلا پریکٹس سیشن کریں گے جبکہ بابر اعظم نیوزی لینڈ سے واپسی پر ٹیم کو جوائن کریں گے۔

    صائم ٹخنے کی انجری کے باعث قومی ٹیم سے باہر تھے تاہم لندن میں اپنا ری ہیب مکمل کرنے کے بعد انہوں نے عید کراچی میں اپنی فیملی کے ساتھ منائی۔

    اس سے قبل نوجوان اوپنر صائم سے ایک پروگرام میں میزبان نے سوال کیا تھا کہ کونسا ایسا انٹرنیشنل کرکٹر ہے جسے دیکھ کر آپ کہتے تھے کہ مجھے ان کے جیسے کھیلنا ہے؟

    جواب میں صائم نے کہا کہ سب سے زیادہ متاثر تب ہوتا تھا جب پاکستان ٹیم کو کھیلتا دیکھتا تھا، کھلاڑی پاکستان کے بیگز لے کر جارہے ہوتے تھے تو سوچتا تھا کہ کاش میں بھی ایسے ہی بیگ لے کر گھر جاؤں اس میں پاکستان کا ہیلمٹ رکھوں۔

    انہوں نے کہا کہ کوئی ایک ایسا کھلاڑی نہیں ہے جو پسند ہے بہت سے ایسے کھلاڑی ہیں جو پسند ہیں۔

    میزبان کے اصرار پر صائم نے کہا کہ سعید انور، برائن لارا، سچن ٹنڈولکر، ایڈم گلکرسٹ پسند ہیں، سعید انور سے ملنے کا اتفاق ہوا ہے۔

    ایچ بی ایل پی ایس ایل 10 کیلئے آرمی اور رینجرز کی خدمات طلب

    اوپنر بیٹر نے کہا کہ سعید انور سے کوئی خاص بات نہیں ہوئی ان سے مسجد سے ملاقات ہوئی تھی لیکن کرکٹ پر بات نہیں ہوئی کیونکہ اس وقت میں پاکستان سے نہیں کھیلا تھا وہ مجھے نہیں جانتے تھے۔

    صائم نے کہا کہ اب اگر سعید انور سے ملاقات ہوئی تو ضرور کرکٹ پر بات کروں گا۔

  • صائم ایوب کی لندن سے ماڈل کشف علی کے ہمراہ ویڈیو وائرل

    صائم ایوب کی لندن سے ماڈل کشف علی کے ہمراہ ویڈیو وائرل

    قومی کرکٹ ٹیم کے جارح مزاج بلے باز صائم ایوب کے لندن میں ماڈل کشف علی کے ہمراہ سیر سپاٹوں کی ویڈیو سوشل میڈیا پر گردش کررہی ہے۔

    سوشل میڈیا صارفین کی جانب سے وائرل ویڈیو پر دلچسپ تبصرے کئے جارہے ہیں، افواہوں میں یہ دعویٰ کیا جارہا ہے کہ صائم ایوب اور ماڈل کشف علی مغربی لندن میں ایک ساتھ اچھا وقت گزار رہے ہیں۔

    واضح رہے کہ پاکستان شوبز انڈسٹری کی ابھرتی ہوئی خوبرو اداکارہ، ماڈل و انفلوئنسر کشف علی بھی آج کل لندن میں موجود ہیں۔

    کشف علی کے انسٹاگرام پر صائم کے ہمراہ اپ لوڈ کی گئی اسٹوریز سوشل میڈیا کی زینت بنی ہوئی ہیں۔

    کشف علی کی انسٹاگرام اسٹوریز میں صائم کو کشف کے ہمراہ بولنگ کرتے اور خوش گوار موڈ میں تصاویر لیتے دیکھا جاسکتا ہے۔

    اس سے قبل بھی قومی ٹیم کے نوجوان بیٹر صائم ایوب کے ساتھ خاتون مداح کے ساتھ ویڈیو سوشل میڈیا پر وائرل ہوگئی تھی۔

    نوجوان بیٹر ٹخنے کی انجری کی وجہ سے ان دنوں لندن میں موجود ہیں جہاں ان کی گزشتہ دنوں اداکارہ ہانیہ عامر سے ملاقات ہوئی تھی۔ مداحوں کی جانب سے ہانیہ عامر اور صائم کی ویڈیو کو پسند کیا گیا تھا۔

    تاہم ایک ویڈیو سوشل میڈیا پر وائرل ہوگئی تھی جس میں خاتون مداح کو ان کے ساتھ گفتگو کرتے دیکھا گیا، خاتون تصویر بنوانے کے لیے صائم کو بلاتی ہیں اور اپنے دوستوں کو ہدایت کرتی ہیں کہ ان کے ساتھ مکمل تصویر کھینچیں۔

    خاتون کے یہ کہنے پر صائم ایوب ان سے تھوڑا دور ہوگئے اور جانے لگے۔

    مداح نے کہا کہ اگر آپ تصویر بنوانے کے لیے دو منٹ رک جائیں گے تو آپ کا کچھ گھس نہیں جائے گا، پھر صائم رکے تو وہ کہنے لگیں اب نہیں بنوانی آپ جائیں۔‘

    قومی کرکٹر نے انہیں کچھ نہیں کہا اور چپ چاپ وہاں سے چلے گئے۔ صائم کے ساتھ خاتون مداح کے رویے پر سوشل میڈیا صارفین نے انہیں آڑے ہاتھوں لیا۔

    ایک صارف نے لکھا کہ ’صائم کے بجائے اس وقت شعیب اختر کو ہونا چاہیے تھا۔‘ دوسرے صارف نے کہا کہ صائم اچھا لڑکا ہے اگر کوئی اور ہوتا تو انہیں لگ پتا جاتا۔‘تیسرے صارف نے کہا کہ ’صائم بہت معصوم ہے مجھے بہت برا لگ رہا ہے اس خاتون کو کچھ آداب سیکھنے کی ضرورت ہے۔‘

  • صائم ایوب کب تک صحت مند ہوں گے؟ اہم خبر

    صائم ایوب کب تک صحت مند ہوں گے؟ اہم خبر

    پاکستان کرکٹ بورڈ کے چیئرمین محسن نقوی نے قومی ٹیم کے اہم کھلاڑی صائم ایوب کی صحت سے متعلق اہم خبر شیئر کردی ہے۔

    اے آر وائی نیوز کے مطابق چیئرمین پاکستان کرکٹ بورڈ محسن نقوی نے لاہور میں پریس کانفرنس کرتے ہوئے کہا ہے کہ میگا ایونٹ میں آنے والی تمام ٹیموں کو خوش آمدید کہیں گے، پی سی بی کی پوری ٹیم چیمپئنز ٹرافی کی بھرپور تیاریوں میں مصروف ہے۔

    پاکستان کرکٹ بورڈ کے چیئرمین محسن نقوی نے کہا کہ آئی سی سی چیمپئنز ٹرافی کے لیے آج کسی بھی وقت قومی اسکواڈ کا اعلان کر دیا جائے گا۔

    محسن نقوی نے صائم ایوب کی صحت سے متعلق سوال پر کہا کہ صائم کو ٹھیک ہونے میں کم سے کم 3 سے 4 ہفتے لگیں گے، ان کی صحت پہلے سے بہتر ہے۔

    صائم ایوب اگلے۔۔۔۔۔؟ بڑی پیشگوئی سامنے آ گئی

    پاکستان کرکٹ بورڈ کے چیئرمین محسن نقوی نے مزید کہا کہ ڈاکٹرز سے رابطے میں ہیں، صائم ایوب کے پیر سے پلستر اتر گیا ہے۔

    واضح رہے کہ صائم ایوب جنوبی افریقہ کے خلاف دوسرے ٹیسٹ میں فیلڈنگ کے دوران ٹخنے کی انجری کا شکار ہوئے تھے اور انہیں چیئرمین پی سی بی کی ہدایت پر لندن علاج کے لیے بھیجا گیا ہے۔

    دوسری جانب پی سی بی نے چیمپئنز ٹرافی کے لیے ابتدائی اسکواڈ کا اعلان کیا ہے جس میں صائم ایوب کا نام بھی شامل ہے، تاہم بورڈ نے حتمی اسکواڈ کا فیصلہ آج کرنا ہے۔

  • چیمپئنز ٹرافی کیلئے صائم کا مستقبل خطرے میں نہیں ڈال سکتا: محسن نقوی

    چیمپئنز ٹرافی کیلئے صائم کا مستقبل خطرے میں نہیں ڈال سکتا: محسن نقوی

    چیئرمین پی سی بی محسن نقوی کا کہنا ہے کہ چیمپئنز ٹرافی کی وجہ سے صائم ایوب کا مستقبل داؤ پر نہیں لگا سکتے۔

    پاکستان کرکٹ بورڈ (پی سی بی) کے چیئرمین محسن نقوی نے ہیوسٹن میں میڈیا سے گفتگو کرتے ہوئے کہا کہ صائم ایوب سے روزانہ کی بنیاد پر رابطے میں ہوں، اس کا ریہیب چل رہا ہے۔

    محسن نقوی نے بتایا کہ صائم کے پاؤں کا پلستر ایک دو روز میں اتر جائے گا جس کے بعد انہیں گراؤنڈ میں واپس آنے میں ٹائم لگے گا، ایک چیمپئنز ٹرافی سے صائم کا مستقبل خطرے میں نہیں ڈالنا چاہتا۔

    انہوں نے کہا کہ خود ایک ایک چیز کی نگرانی کررہا ہوں، صائم ایوب ہمارا اثاثہ ہے انشااللہ بہت جلد ٹھیک ہوگا، تمام معاملات کی نگرانی کر رہا ہوں۔

    صائم ایوب کے حوالے سے بڑی خبر

    واضح رہے کہ پاکستان کے اوپنر صائم ایوب دائیں ٹخنے میں فریکچر کے سبب 6 ہفتے تک کرکٹ سے باہر ہو گئے ہیں، صائم ایوب کو یہ فریکچر جنوبی افریقا کے خلاف دوسرے ٹیسٹ میچ کے پہلے دن فیلڈنگ کرتے ہوئے ہوا تھا۔

    یاد رہے کہ چیمپئنز ٹرافی کے لیے 11 فروری تک حتمی اسکواڈ کا لازمی اعلان کرنا ہے، آئی سی سی چیمپئنز ٹرافی 19 فروری سے پاکستان میں شروع ہو رہی ہے جبکہ بھارت اپنے تمام میچز یو اے ای میں کھیلے گا۔

  • صائم ایوب کے حوالے سے اہم خبر

    صائم ایوب کے حوالے سے اہم خبر

    اسسٹنٹ کوچ اظہر محمود لندن سے ملتان کے لئے روانہ ہورہے ہیں، جبکہ ٹیسٹ اوپنر صائم ایوب لندن میں اکیلے رہیں گے۔

    اسسٹنٹ کوچ اظہر محمود کو پاکستان کرکٹ بورڈ (پی سی بی) نے صائم ایوب کیساتھ لندن روانہ کیا تھا، تاہم وہ اب ویسٹ انڈیز کے خلاف ملتان میں جمعے سے شروع ہونیوالے ٹیسٹ سے قبل پاکستان پہنچ رہے ہیں۔

    رپورٹس کے مطابق صائم ایوب کی لندن میں معائنہ رپورٹس رواں ہفتہ آنے کی توقع ہے، رپورٹس کی روشنی میں آئندہ کا لائحہ عمل طے کیا جائے گا۔

    رپورٹس کے مطابق صائم کے ری ہیب کے لیے لندن میں قیام کا فیصلہ ہوگا یا پھر صائم کے لاہور واپس آکر ری ہیب مکمل کرنے کا فیصلہ کیا جائے گا۔

    دوسری جانب قومی ٹیم کے بیٹر فخر زمان نے صائم کی انجری پر حوصلہ افزا بیان دیا ہے۔

    کرکٹ ویب سائٹ سے گفتگو کرتے ہوئے فخر زمان نے کہا کہ یہ برا لگتا ہے جب ایک کھلاڑی جس پر پاکستان نے بہت زیادہ سرمایہ کاری کی ہے وہ زخمی ہوجاتا ہے جب وہ اپنے عروج پر پرفارم کرنا شروع کردیتا ہے۔انہوں نے کہا کہ اس طرح کی انجری کھلاڑی کے سفر کا حصہ ہوتے ہیں۔

    فخر زمان نے کہا کہ مجھے یقین ہے کہ یہ چیلنجز زندگی کا حصہ ہیں اور ایک عظیم کھلاڑی بننے کے لیے آپ کو ان کا سامنا کرنا ہوگا۔ انہوں نے صائم کی جلد صحت یابی کے لیے بھی امید ظاہر کی۔

    بیویاں ساتھ جاتی ہیں تو ٹیم ہار جاتی ہے! بی سی سی آئی نے اہم فیصلہ کرلیا

    اوپننگ بیٹر نے کہا کہ فٹنس دوبارہ حاصل کرنے میں وقت لگتا ہے مجھے یقین ہے کہ صائم بہت جلد واپس آئے گا۔

  • چیئرمین پی سی بی کا صائم ایوب کے علاج کیلئے بڑا اقدام

    چیئرمین پی سی بی کا صائم ایوب کے علاج کیلئے بڑا اقدام

    قومی کرکٹ ٹیم کے اسٹار بیٹر صائم ایوب علاج کے لئے کیپ ٹاؤن سے لندن روانہ ہوگئے۔

    تفصیلات کے مطابق قومی کرکٹ ٹیم کے اسٹار بیٹر صائم ایوب کے ساتھ اسسٹنٹ کوچ اظہر محمود لندن گئے ہیں، چئیرمین پی سی بی محسن نقوی کی ہدایت پر انگلینڈ کے ماہر اسپورٹس آرتھو ڈاکٹرز کل صائم ایوب کا چیک اپ کریں گے۔

    صائم ایوب کیساتھ ڈاکٹرز کے بجائے اظہرمحمود کو کیوں بھیجا گیا؟ سابق کرکٹر برس پڑے

    چیئرمین پی سی بی کا کہنا ہے کہ صائم ایوب پاکستان کرکٹ کا قیمتی اثاثہ ہیں، صائم کے علاج معالجے کے لئے ہر ممکن وسائل فراہم کئے جائیں گے، میں بیٹر کی صحت کے حوالے سے مسلسل ڈاکٹرز سے رابطے میں ہوں۔

    پاکستان کرکٹ بورڈ کے چئیرمین محسن نقوی نے مزید کہا کہ صائم ایوب کے علاج پر کوئی سمجھوتہ نہیں کیا جائے گا، ہم سب کی کوشش ہے کہ وہ جلد از جلد ٹھیک ہوکر ٹیم میں واپس آجائے۔

    واضح رہے کہ پاکستان کرکٹ ٹیم کے اہم بیٹر جنوبی افریقا کے خلاف دوسرے ٹیسٹ میں دوران فیلڈنگ زخمی ہوئے تھے، دائیں ٹخنے میں فریکچر کے سبب 6 ہفتے تک کرکٹ سے باہر ہو گئے ہیں۔

    پاکستان کے لیے بدقستمی ہے کہ چیمپئنزٹرافی سے قبل اس وقت پاکستان کا سب سے زیادہ پریمیئم پلیئر ان فٹ ہوا ہے، ٹخنے کی انجری سے صحتیاب ہونے کے لیے 6 سے 7 ہفتے کا وقت چاہیے ہوتا ہے۔

  • صائم ایوب کی دائیں ٹخنے میں فریکچر، کب تک کرکٹ نہیں کھیل سکتے؟

    صائم ایوب کی دائیں ٹخنے میں فریکچر، کب تک کرکٹ نہیں کھیل سکتے؟

    جنوبی افریقا کے خلاف فیلڈنگ کرتے ہوئے انجری کا شکار ہونے والے اوپننگ بیٹر صائم ایوب کیپ ٹاؤن ٹیسٹ میچ سے باہر ہوگئے۔ تاہم اب اس بات کی تصدیق ہوگئی ہے کہ کرکٹر کے دائیں ٹخنے میں فریکچر ہوا ہے۔

    ذرائع کے مطابق ایم آر آئی کی رپورٹ میں فریکچر کی تصدیق ہوگئی ہے، صائم ایوب کے ٹخنے کو میڈیکل مون بوٹ سے فکس کردیا گیا ہے۔

    ذرائع کا کہنا ہے کہ نوجوان بلے باز دائیں ٹخنے میں فریکچر کے سبب 6 ہفتے تک کرکٹ نہیں کھیل سکیں گے۔ مگر وہ ٹیم کے ساتھ رہیں گے۔

    پاکستانی کرکٹ ٹیم کے جارح مزاج بلے باز صائم ٹیسٹ میچ ختم ہونے کے بعد پاکستان ٹیم کے ساتھ وطن واپس لوٹیں گے۔

    واضح رہے کہ کیپ ٹاؤن ٹیسٹ میں جنوبی افریقا نے ریکلٹن اور کپتان باووما کی شاندار سنچریوں کی بدولت 4 وکٹوں کے نقصان پر 316 رنز بنالیے ہیں۔

    کیپ ٹاؤن ٹیسٹ میں پہلے روز کھیل کے اختتام پر جنوبی افریقا نے 4 وکٹوں کے نقصان پر 316 رنز بنالیے، کپتان ٹیمبا باووما نے 106 رنز کی شاندار اننگز کھیلی، رائن ریکلٹن نے کیریئر بیسٹ 176 رنز کی ناٹ آؤٹ اننگز کھیلی۔

    رائن ریکلٹن اور ٹیمبا باووما نے چوتھی وکٹ پر 235 رنز کی شراکت قائم کی۔ایڈں مارکرم 17 رنز بنا کر آؤٹ ہوئے، ویان ملڈر 5 اور اسٹبس کوئی رن بنائے بغیر پویلین لوٹ گئے۔

    سارو گنگولی کی بیٹی کی گاڑی کو حادثہ

    پاکستان کی جانب سے سلمان علی آغا نے دو وکٹیں حاصل کیں، محمد عباس اور خرم شہزاد نے ایک، ایک وکٹ حاصل کی۔