Tag: Sajjad ali

کراچی: نامور پاپ اور کلاسیکل موسیقی پر مہارت رکھنے والے پاکستانی گلوکار سجاد علی نے اپنے مداحوں کو معروف شاعر جون ایلیا کی شاعری پڑھنے کا مشورہ دے دیا۔

تفصیلات کے مطابق گلوکار سجاد علی نے اپنے حالیہ ریلیز ہونے والے گانے ’لگایا دل‘ کے بول کی مکمل ویڈیو جاری کردی جس میں اُن کا کہنا تھا کہ وقت کی کمی کے باعث گانے میں صرف پانچ اشعار پیش کیے گئے تھے البتہ اب آپ اُسے پورا سُن سکیں گے۔

سجاد علی نے گانے میں ایک شعر پڑھا جس کے ذریعے انہوں نے اپنے مداحوں کو مشورہ دیا کہ اگر شاعری پڑھنی ہو تو جون ایلیا کو پڑھو کیونکہ میں نے بڑے بڑے شاعروں کو پڑھا ہوگا مگر  ایسا کبھی نہیں پڑھا، ساتھ ہی گلوکار کا کہنا تھا کہ یہ شعر اُن کا پسندیدہ ہے جس سے اب بات کا اندازہ لگایا جاسکتا ہے کہ دیگر لوگوں کی طرح سجاد علی بھی جون ایلیا کی شاعری اور فلسفے سے متاثر ہیں۔

اگر پڑھنے لگو تو جون پڑھنا

بڑے شاعر پڑھے ایسا پڑھا نئیں

واضح رہے کہ سجاد علی کے نئے گانے ’لگایا دل‘ کی ویڈیو 7 اپریل 2018 کو ریلیز ہوئی تھی جس کی ہدایت کا اُن کی صاحبزادی تھیں، منفرد ویڈیو میں کالج کے طلباء کی محبت کی اور کہانی بیان بتائی گئی تھی کہ کس طرح وہ ایک دوسرے کی محبت میں مبتلا ہوتے ہیں اور جب ان کے دل ٹوٹتے ہیں تو ان کے کیا احساسات ہوتے ہیں۔

سجاد علی دھیمی اور دلوں کو چھو جانے والی موسیقی ترتیب دینے کے حوالے سے مشہور ہیں، ان کے نئے گانے میں بھی اس کی جھلک واضح طور پر نظر آئی، سجاد علی کا 2013 میں ریلیز کیا گیا گانا ’ہر ظلم تیرا یاد ہے‘ آج بھی لوگوں کے دلوں میں رچا بسا ہوا ہے۔

یہ بھی پڑھیں: کیا ستم ہے کہ ہم لوگ مر جائیں گے

اپریل میں ریلیز ہونے والی چار منٹ کی ویڈیو میں گانے کے صرف پانچ اشعار تھے جسے مداحوں نے بہت پسند کیا تھا تاہم اب گلوکار نے مکمل گانے کے بول کی ویڈیو ریلیز کردی۔

ویڈیو دیکھیں

خیال رہے کہ سجاد علی نے جون ایلیا کی مشہور و معروف غزل ‘میرا ایک مشورہ ہے التجا نئیں‘ کی زمین پر گانے کے بول خود تحریر کر کے انہیں خراج عقیدت پیش کیا۔