ابو ظہبی: متحدہ عرب امارات میں رمضان المبارک کے دوران اشیائے خور و نوش کی قیمتوں میں بڑی کمی کردی گئی۔
متحدہ عرب امارات کے اسٹورز نے رمضان المبارک کے لیے 10 ہزار اشیا کی قیمتوں میں 75 فیصد کمی کا اعلان کیا ہے۔
رمضان میں سپر مارکیٹس لوگوں کو کھانے پینے کی اشیا سمیت روز مرہ استعمال کی چیزوں کی قیمت پر 75 فیصد رعایت دیں گے، بچت اسکیموں سے آن لائن بھی فائدہ اٹھایا جا سکے گا۔
ماہ مبارک میں اشیا کی طلب میں اضافے کو پورا کرنے کے لیے اسٹاک کو بھی 15 فیصد بڑھا دیا گیا ہے۔
صارفین کو زیادہ سے زیادہ فائدہ پہنچانے کے لیے مختلف بچت اسکیمز اور خصوصی ڈسکاؤنٹس متعارف کروائے گئے ہیں۔
ابو ظہبی: متحدہ عرب امارات دبئی میں ریٹیل کے کاروباری مراکز نے موسم گرما کی آمد پر حسب معمول رعایتی پیشکشوں کا آغاز کردیا۔
بین الاقوامی ویب سائٹ کے مطابق متحدہ عرب امارات دبئی میں ریٹیل کے کاروباری مراکز نے موسم گرما کی آمد پر رعایتی پیشکشوں کا آغاز کیا ہے، 20 سے 75 فیصد تک رعایت کے ساتھ کھانے پینے کی چیزیں اوراشیائے صرف فروخت کی جارہی ہیں۔
تعاونیہ الشارقہ میں تعلقات عامہ کے انچارج فیصل النابودۃ نے بتایا کہ موسم گرما میں ہر سال رعایتی پیشکش معمول کی بات ہے۔
التعاونیہ نے 50 فیصد تک رعایتی نرخوں کا اعلان کیا ہے جن میں کھانے پینے کی اشیا اور دیگر ضرورت کا سامان شامل ہے۔
فیصل النابودۃ کا کہنا ہے کہ بیشتر صارفین موسم گرما کی تعطیلات کی تیاری کے پیش نظر شاپنگ کر رہے ہیں، ان میں کچھ وہ بھی ہیں جنہیں رشتہ داروں اور احباب سے ملنے کے لیے سفر کرنا ہے اور وہ بھی ہیں جو اندرون ملک تعطیلات گزارنے کے لیے نکلیں گے۔
انہوں نے کہا کہ اگست کے آخر تک رعایتی پیشکش کا سلسلہ جاری رہے گا، نیا تعلیمی سال شروع ہونے تک رعایتی نرخوں پر سامان دستیاب رہے گا۔ ہر ہفتے کے آخر میں خصوصی رعایتی پیکج بھی جاری ہوں گے۔
دبئی گورنمنٹ انویسٹمنٹ فاؤنڈیشن کے ماتحت اسواق گروپ کے ترجمان عبد الحمید الخشابی نے بتایا کہ 30 فیصد سے زیادہ رعایتی نرخوں پر سامان فروخت ہو رہا ہے۔
لولو گروپ کے رابطہ مینیجر نندا کمار نے کہا کہ موسم گرما کی بہترین رعایتی سیل چل رہی ہے جو 25 سے 75 فیصد تک ہے، ان میں ملبوسات، لیڈیز بیگز، دھوپ کے چشمے اور بچوں کے لوازمات شامل ہیں۔
تعاونیہ الاتحاد کے عہدیدار شعیب عبداللہ الحمادی کا کہنا ہے کہ جون کے دوران 8 رعایتی پیشکشیں کی گئی ہیں جس میں 75 فیصد تک رعایت دی گئی۔ 5 ہزار کے لگ بھگ اشیا رعایتی قیمتوں پر فروخت کی جارہی ہیں۔
دنیا کا سب سے قدیم (3.8 ارب سال پرانا) اور نایاب ہیرا 42 لاکھ 80 ہزار ڈالر (75 کروڑ پاکستانی روپے سے زائد) میں فروخت کردیا گیا۔
دنیا کا سب سے بڑا اور نایاب 555.55 قیراط کا سیاہ ہیرا نیلامی میں 31 لاکھ 60 ہزار برطانوی پاؤنڈ یعنی 42 لاکھ 80 ہزار ڈالر میں فروخت کردیا گیا جس کی پاکستانی کرنسی میں مالیت 75 کروڑ روپے سے زائد بنتی ہے۔
اینگما نامی یہ ہیرا ہیکس نامی کرپٹو کرنسی کے بانی رچرڈ ہارٹ نے لندن میں سودبی کی ایک آن لائن نیلامی میں خریدا ہے۔
ہیرے کو خریدنے کے بعد رچرڈ ہارٹ ٹوئٹ کیا کہ میں نے دنیا کا سب سے بڑا ہیرا ہمارے HEXican# کلچرل ہیریٹیج کے لیے جیت لیا ہے۔
انہوں نے مزید لکھا کہ اس کو HEX.co. کوم ہیرا کہا جائے گا جس کا وزن 555.55 قیراط ہے اور اس کے پچپن ہی پہلو ہیں، آپ تمام HEXicans# کو مبارک ہو۔
اس ہیرے کے متعلق کہا جاتا ہے کہ جب 2.6 سے 3.8 ارب سال قبل زمین پر ایک سیارچہ گرا تھا تو یہ ہیرا وجود میں آیا تھا، اگرچہ اس کے مقابلے میں ایک نظریہ یہ بھی پیش کیا جاتا ہے کہ ممکن ہے کہ یہ خلا سے آیا ہو۔
اس ہیرے کا وزن تقریباْ 111.11 گرام ہے اور یہ زمین پر ڈائنوسار سے پہلے سے موجود ہے۔
یہ ایک کاربناڈو ہے جو انتہائی نایاب چٹان ہے اور صرف برازیل اور وسطی افریقی ریپبلک میں دریافت ہوئی ہے اور یہ قدرتی ہیرے کی سب سے سخت قسم ہے۔
اس کے متعلق یہ بھی کہا جاتا ہے کہ اس کا وجود خلا سے ممکن ہوا کیونکہ اس میں اوسبومائٹ نامی منرل ہوتا ہے جو صرف شہاب ثاقب میں پایا جاتا ہے لیکن ان کے حوالے سے اب بھی پراسراریت برقرار ہے۔
موسم سرما میں انڈوں کی مانگ میں اضافہ ہوتے ہی مارکیٹ میں نقلی انڈے بھی آگئے ہیں جو صحت کے لیے نقصان دہ ہیں
پاکستان میں کھانے پینے کی اشیا میں ملاوٹ اب ایک عام بات ہوگئی ہے اور ملاوٹ کرکے لوگوں کی صحت سے کھیلنے والا ضمیر فروش طبقہ ایک مافیا کی صورت اختیار کرگیا ہے۔
سردیوں میں اضافے کے ساتھ ہی انڈوں کی مانگ میں اضافہ ہوگیا ہے جو بوائل، فرائی کھانے کے ساتھ کارن سوپ اور دیگر کھانوں میں بھی استعمال ہوتا ہے، مگر ڈیمانڈ بڑھتے ہی ایک بار پھر انڈا مافیا سرگرم ہوگیا اور نقلی انڈے مارکیٹ میں پھیلا دیے ہیں۔
یہ نقلی انڈے دیکھنے میں تو اصلی کے مشابہہ ہیں لیکن اصل کی طرح صحت بخش نہیں بلکہ نقصان دہ ہیں۔
ملک کے مختلف شہروں سے ملنے والی رپورٹس کے مطابق مارکیٹوں میں جو انڈے فروخت ہورہے ہیں وہ کئی جھلیوں پر مشتمل ہیں، زردی پلاسٹک کی گیند جیسی ہے اور انڈے کی رنگت ہلکی گلابی ہے۔
اطلاعات کے مطابق یہ مارکیٹ میں فروخت ہونے والے جعلی انڈے چائنا سے درآمد کیے جاتے ہیں انڈے کے چھلکے کو کیلشیم کاربونیٹ سے بنایا جاتا ہے جبکہ زردی اور سفیدی کو ایلگی نیٹ، جی لیٹنگ، کیلشیم کلورائیڈ، پانی اور فوڈ کلرز سے بنایا جاتا ہے اور یہ سب انسانی جسم کے لیے زہر کے مترادف ہے۔
اسی لیے ان انڈوں کو کھانے سے طرح طرح کے امراض جنم لے رہے ہیں، نقلی انڈوں کی تیاری کی ویڈیو دیکھیں تو اندازہ ہوجائے گا کہ کیمیکل زدہ انڈے کیوں صحت کے لیے نقصان دہ ہیں۔
لیکن پریشان نہ ہوں ان نقلی انڈوں کی پہچان بھی ممکن ہے، چین کی ہینان یونیورسٹی آف سائنس اینڈ ٹیکنالوجی میں بائیولوجیکل انجینئرنگ کے اسسٹنٹ پروفیسر بی جوب پنگ نے اصلی اور نقلی انڈوں کی پہچان کا طریقہ بتادیا ہے۔
بی جوب چنگ کے مطابق اصلی کے مقابلے میں نقلی انڈے کے بیرونی خول زیادہ چمکدار چکنے اور ہموار ہوتے ہیں، صلی انڈوں میں ایک خاص قسم کی بو ہوتی ہے جو نقلی میں نہیں ہوتی اس کے علاوہ اگر اصلی انڈے کو ہلائیں تو اس میں سے کوئی آواز نہیں آتی جب کہ نقلی انڈے کو ہلانے سے ایسی آواز آتی ہے جیسے وہ اندر سے کھوکھلا ہو۔
نقلی انڈے کی سب سے عام پہچان یہ ہے کہ اسے توڑتے ہی سفیدی اور زردی ایک دوسرے سے مل جاتی ہے جب کہ اصلی انڈے کی زردی اور سفیدی الگ الگ رہتی ہے، اصلی انڈا پانی میں ڈالن پر نیچے بیٹھ جاتا ہے جب کہ نقلی انڈا تیرتا رہتا ہے۔
تو آپ انڈے ضرور کھائیں لیکن کھانے سے پہلے ان پیمائشوں پر انڈے کو پرکھ لیں تو یہ آپ کی صحت کے ضامن ہوں گے۔
ٹورنٹو : انسانی حقوق کی تنظیموں نے کہا ہے کہ یمن کے تنازع میں سعودی عرب کے ملوث ہونے کے سبب برطانیہ اور جرمنی سمیت کئی یورپی ممالک نے مملکت کو عسکری ساز و سامان کی فراہمی روک دی۔
تفصیلات کے مطابق کینیڈا میں انسانی حقوق کی 12 تنظیموں نے وزیراعظم جسٹن ٹروڈو پر زور دیا ہے کہ وہ سعودی عرب کو(وی ایل بی) ساخت کی لائٹ آرمرڈ فوجی گاڑیوں کی فروخت پر پابندی عائد کرے۔
کینیڈا کے اخبار لو جرنل ڈو مونٹریال کے مطابق اکتوبر 2018 میں وزیراعظم ٹروڈو نے یہ بیان دیا تھا کہ وہ سعودی عرب کو برآمدات کی اجازت پر نظر ثانی کرنے کے خواہش مند ہیں تاہم اس کے بعد سے کوئی پیش رفت سامنے نہیں آئی۔
غیر ملکی میڈیا کا کہنا تھا کہ اپنے دستخط شدہ خط میں انسانی حقوق کی تنظیموں نے اسی تجاہل کی مذمت کی، مذکورہ تنظیموں میں اوکسفیم، ایمنسٹی انٹرنیشنل اور ڈاکٹروں کی عالمی تنظیم بھی شامل ہے۔دسمبر 2018 میں ٹروڈو نے کہاکہ وہ اس عسکری ڈیل کو ختم کرنے کا راستہ تلاش کر رہے ہیں، اس کے بعد سے کوئی اقدام سامنے نہیں آیا۔
مذکورہ تنظیموں نے اس پر افسوس کا اظہار کرتے ہوئے کہاکہ نظر ثانی کے حوالے سے کوئی پیش رفت نہیں ہوئی جس نے ان کوششوں کی صداقت کو مشکوک بنا دیا ہے، وفاقی انتخابات سے قبل کینیڈا کے عوام کا یہ حق ہے کہ وہ حکومت کی جانب سے نظر ثانی کے نتائج کی جان کاری حاصل کریں۔
انسانی حقوق کی تنظیموں نے کہاکہ یمن کے تنازع میں سعودی عرب کے ملوث ہونے کے سبب برطانیہ اور جرمنی سمیت کئی یورپی ممالک نے مملکت کو عسکری ساز و سامان کی فراہمی روک دی ہے۔
اخبار نے سعودی عرب کو تنقید کا نشانہ بناتے ہوئے کہا کہ وہ اس وقت یمن میں حوثی باغیوں کی جماعت کے خلاف خانہ جنگی کو سپورٹ کر رہا ہے، حوثی جماعت ایران کے بہت قریب ہے۔
اخبار کے مطابق 2017 میں کینیڈا نے ان لائٹ آرمرڈ گاڑیوں کے یمن کے آپریشنز میں ممکنہ استعمال کے حوالے سے اپنی تشویش کا اظہار کیا تھا۔ سال 2018 میں کینیڈا نے سعودی عرب کو (وی ایل بی)ساخت کی 127 بکتر بند گاڑیاں برآمد کی تھیں۔
غیر ملکی میڈیا کا کہنا تھا کہ سال 2014 میں دستخط ہونے والے 15 ارب ڈالر کی اس ڈیل کے تحت مجموعی طور پر 928 بکتر بند گاڑیاں فراہم کی جانی ہیں۔
واشنگٹن: امریکی کانگریس نے سعودی عرب کو اسلحہ فروخت کرنے کے خلاف قرارداد منظور کرلی، امریکی صدر ڈونلڈ ٹرمپ نے سعودی عرب کو آٹھ اعشاریہ 1 ارب ڈالر کا اسلحہ دینے کا اعلان کیا تھا۔
تفصیلات کے مطابق امریکی ایوان نمائندگان میں امریکا کے بہترین اتحادی سعودی عرب کو اسلحہ فروخت کرنے کے خلاف پیش کردہ قرارداد منظور کرلی گئی ہے جب کہ ایوان نمائندگان سے قبل امریکی سینیٹ بھی قرارداد منظور کرچکی۔
دوسری جانب وائٹ ہاؤس ذرائع کا کہنا ہے کہ امریکی صدر ڈونلڈ ٹرمپ کانگریس کی سعودی عرب کو اسلحہ فروخت کے خلاف قرارداد کو ویٹو کردیں گے۔
غیر ملکی خبررساں ادارے کا کہنا تھا کہ کانگریس کی جانب سے ٹرمپ کی سعودیہ کے ساتھ ڈیل کےخلاف ووٹ آنے وجہ مشرق وسطیٰ میں جاری کشیدگی ہے۔
غیر ملکی میڈیا کاکہنا تھا کہ امریکی صدر ڈونلڈ ٹرمپ کے سنہ 2015 میں طے کیے گئے معاہدے سے نکلنے کے بعد تہران نے یورینیم کی افزودگی میں اضافہ کردیا ہے۔
مقامی خبررساں ادارے کے مطابق امریکی سیکریٹری مائیک پومپیو نے کانگریس کو بتایا کہ انہوں نے یہ فیصلہ مشرق وسطیٰ میں ایرانی حکومت کے بڑھتے اثر و رسوخ کو روکنے کےلیے کیا ہے۔
ان کا کہنا تھا کہ ’یہ پنگامی صورتحال ہے اس میں سعودی عرب کوفوری اسلحہ فروخت کرنا ضروری ہے‘۔
واضح رہے کہ ٹرمپ حکومت نے سعودی عرب کو 8.1 ارب ڈالر کا اسلحہ دینے کا اعلان کیا تھا۔
ویانا : سعودی عرب کے وزیر توانائی نے میڈیا سے گفتگو کرتے ہوئے کہا کہ آرامکو کےحصص کی عوامی پیش کش کا عمل مکمل طور پر کبھی معطل ہی نہیں کیا گیاتھا۔
تفصیلات کے مطابق سعودی عرب کے وزیر توانائی خالد الفالح نے کہا ہے کہ بڑی تیل کمپنی آرامکو کے2020-21میں حصص کی فروخت کے لیے انتظامات کو حتمی شکل دے جارہی ہے اور اس کا پیٹرو کیمیکل فرم سعودی بیسک انڈسٹریز کارپوریشن (سابک) سے انضمام کا عمل بھی جلد مکمل کیا جارہا ہے۔
عرب خبر رساں ادارے کا کہنا تھا کہ خالد الفالح نے ویانا میں صحافیوں سے گفتگو کرتے ہوئے کہا کہ آئی پی او (حصص کی عوامی پیش کش) کا عمل مکمل طور پر تو کبھی معطل نہیں کیا گیا تھا، ہم ہمیشہ سے اس بات میں واضح رہے ہیں کہ آئی پی او 2020-2021 کے ٹائم فریم میں ہوگا، ہم نے اس موضوع پر کبھی بات چیت معطل نہیں کی ہے۔
انھوں نے آرامکو کے پیٹرو کیمیکلز فرم سابک کے 70 فی صد حصص کی خریداری کا حوالہ دیا ،سعودی آرامکو نے 69 ارب 10 کروڑ ڈالرز میں سابک کے یہ حصص خرید کیے ہیں۔اس کے علاوہ 12 ارب ڈالرز کے بانڈز کی فروخت کی ہے جس کی وجہ سے آئی پی او میں تاخیر ہوئی ہے۔
وزیر توانائی خالد الفالح کا کہنا تھا کہ اب یہ تمام معاملات طے پا چکے ہیں اور ہم نے آئی پی او کے لیے منصوبہ بندی شروع کردی ہے۔اآ
نئی دہلی : بھارتی ریاست تامل ناڈو میں نوزائیدہ بچوں کی فروخت کا مکروہ دھندہ سامنے آگیا، ایک نرس نے انکشاف کیا ہے کہ وہ گزشتہ 30 برس سے شیر خوار بچوں کو فروخت کررہی ہے۔
تفصیلات کے مطابق بھارت کی ریاست تامل ناڈو کی ایک خاتون نے بچوں کی فروخت سے متعلق ہولناک انکشافات کیے ہیں، سماجی رابطوں کی ویب سائٹس پروائرل ہونے والی ایک آڈیو کلپ میں ایک بھارتی نرس نے انکشاف کیا کہ وہ گزشتہ 30سال سے شیرخوار بچے بغیر کسی دشواری کے فروخت کررہی ہے۔
نرس کا کہنا تھا اس کام میں ان کا 30 سالہ تجربہ ہے، آڈیو کلپ کے وائرل ہوتے ہی تامیل ناڈو کے سیکرٹری صحت بیلا راجیش نے محکمہ صحت اور دیہی بہبود کے ڈائر یکٹر کو معاملے میں نظرثانی کا حکم جاری کردیا۔
خاتون نے آڈیو کلپ میں بتایا کہ ’اگر آپ کو لڑکی کی چاہیے‘ تو اس کی قیمت 2 لاکھ 70 ہزار ہے اور اگر بچی تین کلو کے برابر ہو، رنگ صاف ہو تو اس کی قیمت تین لاکھ روپے ہوگی۔
دوسری جانب نرس خاتون نے بتایا کہ اگر آپ کو نوزائیدہ لڑکا چاہیے تو اس کی قیمت 3 لاکھ روپے جبکہ خوبصورت اور صاف رنگ کے لڑکوں کی قیمت ساڑھے 3 سے 4 لاکھ ہوگی۔
بھارتی خبر رساں ادارے کا کہنا تھا کہ صرف یہی نہیں بلکہ خاتون نے یہ بھی بتایا کہ وہ 70 ہزار روپے میں برتھ سرٹیفیکٹ بھی بنوا کر دیتی ہے۔
تامیل پولیس کے مطابق یہ خاتون بھارت کے ایک سرکاری اسپتال کی سابقہ نرس ہے جسے اسپتال کے عملے کے ساتھ مل کر بچوں کی فروخت میں ملوث ہونے کے الزام میں نوکری سے نکالا گیا تھا۔
میڈیا رپورٹس کے مطابق تامیل ناڈو پولیس وائرل آڈیو کلپ کی مزید تحقیقات میں مصروف ہے۔
کراچی : جرمنی کے ائیر پورٹ پر موجود پی آئی اے کا ایئر بس 310 ساختہ طیارہ فروخت کرنے کے ذمہ دار سابق سی ای او پاکستان واپس نہ آئے، سابق جرمن سی او او ہلڈن برنڈ ایف آئی اے کو مطلوب ہیں۔
تفصیلات کے مطابق پی آئی اے کے سابق سربراہ جرمن نژاد ہلڈن برینڈ کی منظوری سے پی آئی اے کا ایئر بس 310 ساختہ طیارہ تین سال قبل ایک فلم ساز کمپنی کے لیے بیرون ملک لے جایا گیا تھا جہاں ہالی ووڈ کی ایک متنازعہ فلم کی شوٹنگ میں استعمال کیے جانے کے بعد وہ طیارہ کئی ماہ تک جرمنی کے لزپک ایئر پورٹ پر کھڑا رہا۔
ذرائع کا کہنا ہے کہ بعد ازاں پارکنگ چارجز کی مد میں انجن اور متعلقہ سامان 13 لاکھ 70 ہزار ڈالرز میں ایک غیر ملکی کمپنی کو فروخت کیا گیا۔
پیپلزپارٹی کے سینیٹر سلیم مانڈوی والا نے2016میں سینیٹ اجلاس میں مؤقف اختیار کیا تھا کہ پی آئی اے کے قائم مقام سی ای او نے حکومت کی اجازت کے بغیر ایک طیارہ جرمنی کو اونے پونے داموں فروخت کردیا ہے، ان کیخلاف سخت کارروائی کی جائے۔
واضح رہے کہ طیارے کے حوالے سے ایف آئی اے میں 2016سے انکوائری تکمیل کی منتظر ہے، پی آئی اے کے سابق جرمن سی ای او ہلڈن برنڈ چھ مئی2017 کو پاکستان سے چلے گئے تھے، ایف آئی اے کو تحقیقات میں مطلوب ہلڈن برنڈ کو ایک ماہ بعد پاکستان واپس آنا تھا۔
ہلڈن برنڈ کےعلاوہ جرمن کنسلٹنٹ کو بھی ایف آئی اے نے طلب کر رکھا ہے لیکن پی آئی اے کا طیارہ اے310روانہ کرنے کے ذمہ دار تاحال پاکستان واپس نہ آئے، شروڈکر نامی جرمن کنسلٹنٹ بھی کسی کو اطلاع دئیے بغیر اپنے وطن روانہ ہوگئے تھے۔
پاکستان تحریک انصاف اوراس کے سربراہ عمران خان کی فتح کی خوشی میں ایک غیر ملکی دوکاندار نے سیل لگادی، ویڈیو میں دوکاندار پاکستان زندہ باد اور عمران خان کے نعرے لگاتے ہوئے دیکھا جاسکتا ہے۔
