ARYNews.tv | Urdu – Har Lamha Bakhabar

Tag: Salman

  • دنیا ایرانی دہشت گردی کے خلاف سعودیہ کا ساتھ دے، سعودی کابینہ

    دنیا ایرانی دہشت گردی کے خلاف سعودیہ کا ساتھ دے، سعودی کابینہ

    ریاض : سعودی عرب کی کابینہ نے اجلاس کے دوران عالمی برادری پر زور دیا کہ دہشت گردی و انتہا پسندی اور خطے میں جاری ایران کی قبیح سرگرمیوں کے خلاف سعودی حکومت کا ساتھ دے۔

    تفصیلات کے مطابق سعودی عرب کے بادشاہ شاہ سلمان بن عبد العزیز کی سربراہی میں جاری اجلاس میں کابینہ نے سعودی عرب کی ثالثی میں برسوں سے ایک دوسرے کے خلاف نبرد آزما ایتھوپیا اور اریٹریا کے مابین امن معاہدے کی تعریف کی اور سلمان بن عبد العزیز نے امن معاہدے کے لیے ولی عہد کی کوششوں کو سراہا ہے۔

    عرب خبر رساں ادارے کا کہنا تھا کہ سعودی کابینہ کے اجلاس کے بعد جاری بیان میں عالمی برادری کے خطے میں جاری ایرانی دہشت گردی کے خلاف متحد ہونے کی ضرورت پر زور دیا گیا ہے۔

    غیر ملکی خبر رساں ادارے کا کہنا تھا کہ ایرانی رجیم عرب ممالک کے اندرونی معاملات میں کئی عرصے سے مداخلت کررہی ہے اور خطے میں سرگرام دہشت گرد تنظیموں کی معاونت بھی کررہی ہے۔

    سعودی کابینہ کا جاری بیان میں کہنا تھا کہ عالمی برادری کو ایران کی سپاہ پاسداران کی دہشت گردانہ سرگرمیوں کی روک تھام کے لیے سیسہ پلائی دیوار بننا ہوگا، دنیا کو سعودی عرب کی جانب سے دہشت گردی کے خلاف جاری جنگ میں ریاست کے ساتھ تعاون کرنا ہوگا۔

    سعودی عرب کے وزیر اطلاعات و نشریات ڈاکٹر صالح العواد کا کہنا تھا کہ کابینہ اجلاس کے دوران مشرق وسطیٰ جاری مسائل اور عالمی برادری کی مشکلات پر غور کیا گیا۔

    یاد رہے کہ ایک ماہ قبل سعودی عرب کی وفاقی کابینہ کا اجلاس نیوم سٹی میں حاکم وقت شاہ سلمان بن عبد العزیز کی زیر صدرات منعقد ہوا تھا، جس میں ایرانی حمایت یافتہ حوثی جنگجوؤں کی سعودی عرب کے تیل بردار جہازوں پر حملے اور خطے میں بڑھتی ہوئی ایرانی مداخلت پر گفتگو کی گئی۔

    غیر ملکی خبر رساں ادارے کا کہنا تھا کہ اجلاس کے دوران سعودی عرب کی وفاقی کابینہ نے سرحد پار سے جاری ایران نواز حوثیوں کی بڑھتی ہوئی دہشت گردی اور دیگر عالمی مسائل پر بھی شدید تحفظات کا اظہار کیا تھا۔

  • سلمان خان کے خلاف ہندو سرگرم، توہین مذہب کا مقدمہ درج

    سلمان خان کے خلاف ہندو سرگرم، توہین مذہب کا مقدمہ درج

    ممبئی: بھارتی ریاست بہار کی مقامی عدالت نے نامور بالی ووڈ اداکار سلمان خان اُن کے بہنوئی آیوش شرما سمیت 7 افراد کے خلاف توہین مذہب کا حکم دے دیا۔

    تفصیلات کے مطابق دبنگ خان کے اپنے پروڈکشن ہاؤس میں بنائی جانے والی نئی بالی ووڈ فلم ’لوراتری‘ کے نام کو بنیاد بناتے ہوئے ہندو تنظیموں نے بھارتی ریاست بہار کے شہر مظفر آباد کی عدالت میں توہین مذہب کا مقدمہ درج کرنے کی درخواست 6 ستمبر کو دائر کی۔

    درخواست گزار کے وکیل نے عدالت میں مؤقف اختیار کیا کہ سلمان خان کی زیرسرپرستی بنائی جانے والی فلم کا نام ’لوراتری‘ رکھ کر ہندوؤں کے مذہبی تہوار ’نوراتری‘ کی تضحیک کی گئی۔

    وکیل کا کہنا تھا کہ فلم ڈائریکٹر کے اس اقدام سے نہ صرف ہندو مذہب سے تعلق رکھنے والے افراد کے جذبات مجروح ہوئے لہذا عدالت فلم کی ریلیز روکنے اور متعلقہ افراد کے خلاف مقدمہ درج کرنے کا حکم دے۔

    مزید پڑھیں: سلمان خان پاکستانی اداکاروں کے حق میں بول پڑے

    انہوں نے عدالت کو آگاہ کیا کہ فلم میں ایک منظر شامل کیا گیا جس میں دیکھاگیا ہے کہ نوجوان لڑکے اور لڑکی کی ملاقات ’نوراتری‘ کے تہوار پر ہوتی ہے جس کے بعد وہ ایک دوسرے سے پیار کرنے لگتے ہیں، فلم بنانے کا مقصد مذہبی دن کو متاثر کرنا ہے۔

    درخواست گزار کے وکیل نے یہ بھی الزام عائد کیا کہ فلم کی تشہیر کے دوران ہدایت کار سمیت پوری ٹیم نے نوراتری کے تہوار کو غلط انداز میں پیش کیا جس کی وجہ سے نیا تنازع بھی پیدا ہوا۔

    مقامی عدالت نے 6 ستمبر کو دائر ہونے والی درخواست کی سماعت کی اور مدعا علیہ کے وکیل سدھیرا اوجھا کے دلائل کی روشنی میں پولیس کو سلمان خان اُن کے بہنوئی آیوش شرما سمیت 7 افراد کے خلاف مقدمہ درج کرنے کا حکم  جاری کیا۔

    یہ بھی پڑھیں: سلمان خان اور شلپا سیٹھی کے خلاف مقدمے کی درخواست

    عدالت نے درخواست پر فیصلہ سناتے ہوئے بالی ووڈ کے سلطان سلمان خان، فلم کی مرکزی اداکارہ ورینا حسین، اداکار آیوش شرما، ہدایت کار سمیت دیگر اراکین کو مقدمے میں نامزد کرنے کا حکم دیا۔

    فلم کا ٹریلر

    واضح رہے کہ فلم’’لوراتری‘‘سلمان خان کے پروڈکشن ہاؤس میں بنائی گئی جس میں اُن کے بہنوئی آیوش شرما ڈیبیو کررہے ہیں، فلم 5 اکتوبر کو ریلیز ہونے کا امکان ہے۔

    دوسری جانب ہندو تنظیموں نے فلم کی تشہیر کو ہر صورت روکنے کے لیے مظاہرے شروع کردیے جبکہ کچھ تنظیموں نے دھمکی دی ہے کہ جن سینیما گھروں کے مالکان نے لوارتری کے ریلیز ہونے میں کسی بھی قسم کی مدد کی وہ اپنے نقصان کے خود ذمہ دار ہوں گے۔

  • دبئی شاپنگ مال میں سلمان خان کا مٹر گشت، ویڈیو وائرل

    دبئی شاپنگ مال میں سلمان خان کا مٹر گشت، ویڈیو وائرل

    ممبئی: بالی ووڈ انڈسٹری کے نامور اداکار سلمان خان شوبز مصروفیات ختم ہونے کے بعد دبئی میں شاپنگ کے لیے نکلے جس کی ویڈیو سوشل میڈیا پر وائرل ہوگئی۔

    بھارتی میڈیا رپورٹ کے مطابق سلمان خان اور دیگر بالی ووڈ اداکاروں نے دبنگ ٹور مکمل کرلیا جس کے بعد کترینہ کیف اپنے اہل خانہ کے ساتھ چھٹیاں گزارنے انگلینڈ چلی گئیں جبکہ ٹائیگر زندہ ہے کے اداکار اور جیکولین فرنینڈس فراغت کے کچھ دن ایک ساتھ گزارنے کے لیے دبئی پہنچے۔

    دو روز قبل بالی ووڈ اداکار خریداری کے لیے دبئی شاپنگ مال پہنچے جہاں وہ گھوم پھر رہے تھے تو اسی دوران کسی مداح نے ویڈیو بناکر سوشل میڈیا پر شیئر کردی جو دیکھتے ہی دیکھتے وائرل ہوگئی۔

    واضح رہے کہ دبنگ خان وطن واپس آکر اپنی نئی آنے والی فلم بھارت کی شوٹنگ کا آغاز کریں گے جس میں اُن کے ساتھ پریانکا چوپڑا بھی مرکزی کردار ادا کرتی نظر آئیں گی، یہ فلم 2019 میں ریلیز کی جائے گی۔

    مزید پڑھیں: سیلفی سے انکار، سلمان کے مداحوں‌ کی کترینہ سے بدتمیزی، ویڈیو وائرل

    خیال رہے کہ سلمان خان، سوناکشی سنہا، کترینہ کیف، جیکولین فرنینڈس، دیزی سمیت کئی اداکار ’دبنگ ٹورز‘ کے سلسلے میں دبئی ، امریکا، لندن اور پھر انگلینڈ گئے تھے جہاں انہوں نے مختلف فلموں گانوں پر پرفارم کر کے شائقین کی داد سمیٹی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی ولی عہد محمد بن سلمان کی ہلاکت؟ ویڈیو نے قیاس آرائیوں کو ختم کردیا

    سعودی ولی عہد محمد بن سلمان کی ہلاکت؟ ویڈیو نے قیاس آرائیوں کو ختم کردیا

    ریاض: سعودی ولی عہد کی ہلاکت کے حوالے سے اٹھنے والی افواہیں آخر کار دم توڑ گئیں، عرب میڈیا نے شہزادہ محمد بن سلمان کی حالیہ ویڈیو جاری کردی۔

    تفصیلات کے مطابق گزشتہ دنوں غیرملکی میڈیا میں یہ افواہیں زیرگردش تھیں کہ سعودی عرب کے ولی عہد اور وزیر دفاع شہزادہ محمد بن سلمان پراسرار طور پر گمشدہ ہوگئے اور وہ منظر عام پر نہیں آرہے۔

    بین الاقوامی تعلقات کے ماہرین اور مبصرین کا خیال تھا کہ شہزادہ محمد بن سلمان امریکا میں مبینہ طور پر اسرائیل کی حمایت میں دیے جانے والے کے بعد سے منظر عام پر نہیں آرہے تاہم جلد دوبارہ اپنی سرگرمیوں کا آغاز کریں گے۔

    برطانوی نیوز چینل نے دو روزقبل ایک نوجوان کی تصویر جاری کی تھی جس میں دعویٰ کیا گیا تھا کہ یہ سعودی ولی عہد محمد بن سلمان کی لاش ہے جنہیں مبینہ طور پر ہلاک کردیا گیا۔

    مزید پڑھیں: سعودی ولی عہد محمد بن سلمان سے متعلق قیاس آرائیاں جھوٹی ثابت ہوئیں

    قبل ازیں سعوی ولی عہد  شہزادہ محمد بن سلمان کی پراسرار گمشدگی پر خاموشی توڑتے ہوئے سرکاری ادارے نے سماجی رابطے کی ویب سائٹ ٹوئٹر پر ایک تصویرجاری کی تھی جس میں سعودی وزیردفاع مصری صدر عبد الفتح السیسی، امیر بحرین حماد بن عیسیٰ اور متحدہ عرب امارات کے ولی عہد کے ساتھ موجود تھے۔

    بعد ازاں سعودی عرب کے سرکاری میڈیا نے تمام افواہوں کو ایک بار پھر غلط ثابت کرتے ہوئے محمد بن سلمان کی حالیہ تصویر جاری کردی جس میں وہ کونسل برائے اقتصادی کونسل کے اجلاس کی صدارت کررہے تھے۔

    تاہم اب سعودی میڈیا نے محمد بن سلمان کی حالیہ ویڈیو جاری کی جس کے ساتھ ہی تمام افواہوں نے دم توڑ دیا، عرب میڈیا کے مطابق مذکورہ فوٹیج بدھ کے روز جدہ کی ہے جہاں سعودی ولی عہد نے یمنی صدر سے ملاقات کی اور اُن کا استقبال بھی کیا۔

    ویڈیو دیکھیں

     

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

  • سعودی شہزادے محمد بن سلمان خیریت سے ہیں: سعودی ذرائع کا دعویٰ

    سعودی شہزادے محمد بن سلمان خیریت سے ہیں: سعودی ذرائع کا دعویٰ

    ریاض: سعودی شہزادے محمد بن سلمان سے متعلق تمام افواہیں دم توڑ گئیں، ذرائع کا کہنا ہے کہ محمد بن سلمان خیریت سے ہیں اور معمول کے مطابق امور مملکت ادا کر رہے ہیں۔

    تصیلات کے مطابق سعودی ولی عہد شہزاد محمد بن سلمان کے منظر عام سے مسلسل غائب رہنے کے بعد ایرانی میڈیا نے یہ دعویٰ کیا تھا کہ گزشتہ ماہ سعودی عرب میں بغاوت کی کوشش کے دوران شہزادہ محمد بن سلمان قتل ہوچکے ہیں، یہی وجہ ہے کہ وہ عالمی منظر نامے سے غائب ہیں۔

    سعودی عرب کے معتبر ذرائع نے اب یہ دعویٰ کیا ہے کہ ولی عہد شہزادہ محمد بن سلمان خیریت سے ہیں اور وہ معمول کے مطابق امور مملکت ادا کر رہے ہیں، ولی عہد محمد بن سلمان سے متعلق منفی خبروں میں کوئی صداقت نہیں ہے، ان کی ہلاکت کی خبریں بھی بے بنیاد ہیں۔

    محمد بن سلمان طویل غیر ملکی دورے کے بعد ملک واپس پہنچ گئے

    بین الاقوامی تعلقات کے ماہرین اور مبصرین کا خیال ہے کہ شہزادہ محمد بن سلمان امریکا میں فلسطین مخالف بیانات کے بعد سے سعودی عرب میں منظر عام پر نہیں آرہے، جلد دوبارہ اپنی بیرونی سرگرمیوں کا آغاز کریں گے۔

    امریکی صدر کا داماد میری جیب میں ہے‘محمد بن سلمان

    خیال رہے کہ ایک ماہ قبل سعودی حکام کی جانب سے جاری کردہ بیان میں کہا گیا تھا کہ  21 اپریل کو ریاض کے شاہی محل کے قریب ایک ڈرون دیکھا گیا تھا جس پر شاہی محافظوں نے فائرنگ کی تھی ، حکام کے مطابق اس واقعے میں سعودی شاہ سلمان کو بھی محفوظ مقام پر منتقل کیا گیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تینوں خانز ایک ساتھ ایک ہی شہر میں

    تینوں خانز ایک ساتھ ایک ہی شہر میں

    ممبئی: بالی ووڈ انڈسٹری کی تاریخ میں ایسا پہلی بار ہورہا ہے کہ تینوں نامور خانز شاہ رخ، سلمان اور عامر ایک ہی شہر میں اپنی نئی آنے والی فلموں کی شوٹنگز شروع کرنے جارہے ہیں۔

    تفصیلات کے مطابق مسٹر پرفیکٹ، کنگ خان، اور دبنگ خان کا شمار بالی ووڈ کے اُن صفِ اول اداکاروں میں ہوتا ہے جن کے دنیا بھر میں لاکھوں مداح موجود ہیں یہی وجہ ہے کہ اُن کے پرستار اپنے پسندیدہ اداکار کی نئی فلم کا شدت سے انتظار کرتے ہیں۔

    بھارت کے نامور اینکر راجت شرما نے اپنے حالیہ پروگرام ’جنتا کی عدالت‘ میں تینوں بالی ووڈ خانز کو دعوت دی اور اُن سے نئی آنے والی فلموں کے حوالے سے دریافت کیا تھا۔

    اس دوران یہ بات سامنے آئی کہ تینوں خانز کی نئی فلموں کی شوٹنگ کے انتظامات ایک ہی شہر کے مختلف مقامات پر کیے گئے جبکہ شاہ رخ خان تو اپنی فلم ’زیرو‘ کی باقاعدہ شوٹنگ کا آغاز کرچکے ہیں۔

    مزید پڑھیں: شاہ رخ خان ’زیرو‘ کے ہیرو، ٹریلر جاری

    آنند ایل رائے کی ہدایت کاری میں بنائی جانے والی فلم ’زیرو‘میں کنگ خان مرکزی کردار ادا کررہے ہیں جبکہ اُن کے ساتھ کترینہ کیف اور انوشکا شرما بھی جلوہ گر ہوں گی۔

    دوسری جانب ’ریس 3‘ کے ڈائریکٹر نے شہر میں شوٹنگ کے لیے تین مختلف مقامات منتخب کیے تھے جن میں سے ایک کا انتخاب کرلیا گیا، فلم میں سلمان خان بطور مرکزی کرداری اپنی اداکاری کے جوہر دکھائیں گے جبکہ یہ بھی اطلاع ہے کہ مسٹر پرفیکٹ بھی جلد اپنی نئی فلم کی شوٹنگ کا آغاز ممبئی میں کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سلمان خان اور دپیکا سب سے زیادہ کمانے والے بھارتی اداکار

    سلمان خان اور دپیکا سب سے زیادہ کمانے والے بھارتی اداکار

    ممبئی: سلمان خان اور دپیکا نے بالی ووڈ انڈسٹری میں ایک سال کے دوران سب سے زیادہ کمانے کا ریکارڈ قائم کرتے ہوئے دیگر اسٹارز کو پیچھے چھوڑ دیا۔

    تفصیلات کے مطابق فوربس میگزین نے بھارت کی سب سے زیادہ کمانے والے افراد کی فہرست جاری کی جو گزشتہ سال اکتوبر سے رواں سال ستمبر تک مبنی ہے۔

    فلمی دنیا میں کمائی کے حوالے سے ترتیب دی جانے والی فہرست کے مطابق فلم ٹیوب لائٹ کی باکس آفس پر کم کمائی ہونے کے باوجود سلمان خان ایک سال میں 232 کروڑ کما کر سرفہرست رہے۔

    مزید پڑھیں: پریانکا چوپڑا زیادہ کمانے والے اداکاروں کی فہرست میں شامل

    فہرست کے مطابق شارخ خان 170.5 کروڑ کے ساتھ دوسرے اور 98 کروڑ 25 کے ساتھ اکشے کمار چوتھے نمبر پر رہے جبکہ بھارتی کرکٹ ٹیم کے کپتان ویرات کوہلی فہرست میں تیسرے نمبر پر رہے۔

    فہرست کے مطابق اداکارؤں میں پریاکنا چوپڑا سرفہرست رہیں انہوں نے رواں سال 68 کروڑ روپے کمائے اور فہرست میں وہ 7واں نمبر حاصل کرنے میں کامیاب رہیں۔

    واضح رہے کہ فوبس میگزین کی جانب سے بالی ووڈ فلموں اور انٹرٹینمنٹ کی دنیا میں ہونے والی کمائی سے متعلق فہرست شائع کی جاتی ہے جس میں باکس آفس اور معروف شخصیات کی سالانہ کمائی کے اعداد و شمار بتائے جاتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • برطانوی پارلیمنٹ کا سلمان خان کے لیے ایوارڈ

    برطانوی پارلیمنٹ کا سلمان خان کے لیے ایوارڈ

    ممبئی: برطانیہ کی مشترکہ پارلیمنٹ نے  بالی ووڈ کے نامور اداکار دبنگ خان کو گوبل ڈائیورسٹی ایوارڈ  سے نواز دیا۔

    تفصیلات کے مطابق بالی ووڈ کے دبنگ خان اداکاری کے ساتھ انسانی ہمدردی کے کاموں میں دلچسپی رکھتے ہیں جسے مدنظر رکھتے ہوئے برطانوی پارلیمنٹ نے سلمان خان کو ایوارڈ سے نوازا۔ سلمان خان نے ایوارڈ دینے پر برطانوی حکومت اور پارلیمنٹ کا شکریہ ادا کیا اور تصاویر سوشل میڈیا پر شیئر کیں۔

    سلمان خان کو یہ ایوارڈ برطانوی پارلیمنٹ کے رکن کیتھ باز نے دیا جو ایشیائی ممالک کے  ممبر ہیں۔ رکن پارلیمنٹ نے کہا کہ سلمان خان صرف میگا اسٹار ہی نہیں بلکہ انسانیت کے لیے بھی اپنی خدمات انجام دے رہے ہیں۔

    واضح رہے سلمان خان آج کل کترینہ کیف کے ساتھ اپنی نئی آنے والی فلم ٹائیگر زندہ کی شوٹنگ میں مصروف ہیں اور وہ دس سال بعد برطانیہ گئے ہیں۔ یاد رہے سلمان خان فلاحی تنظیم بھی چلارہے ہیں جو دنیا بھر اور خصوصا بھارت میں فلاحی کام کرتی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شاہ رخ اور سلمان کے تعلقات، برسوں‌ پرانی برف پگھلنے لگی

    شاہ رخ اور سلمان کے تعلقات، برسوں‌ پرانی برف پگھلنے لگی

    ممبئی: بالی ووڈ کے کنگ اور دبنگ خان میں جمی برف پگھلنے لگی، شاہ رخ خان  نے سلمان کو اپنا بھائی بنا لیا کہتے ہیں سلمان خان میرے لیے بھائیوں سے بھی بڑ ھ کر ہے۔

    بھارتی میڈیا کے مطابق شاہ رخ خان سے جب سلمان خان سے متعلق سوال کیا گیا تو انہوں نے کہا کہ ’’سلمان خان میرے لیے بھائیوں سے بھی بڑ ھ کر ہے‘۔

    دوسری جانب سلمان خان نے بھی ایک انٹرویو کے دوران اپنی اور شاہ رخ خان کی پرانی تصویر سے متعلق پوچھے گئے سوال کے بارے میں جواب دیتے ہوئے کہا کہ ’’یہ تصویر مجھے بہت عزیز ہے اس لیے میں ہمیشہ اسے اپنے پاس رکھتا ہوں‘‘۔

    پڑھیں: سلمان خان کا بھائی کے ہمراہ رکشے میں سفر

    سلمان نے کہا کہ میں اور شاہ رخ لندن میں ایک ساتھ شو کررہے تھے، ہم نے وہاں بہت مزے کیے ، وہ وقت ہمارے لیے بہت یادگار تھا، یہ تصویر انہی دنوں بنائی گئی تھی، میں اُس وقت کو نہیں بھلا سکتا۔

    یاد رہے ماضی میں بالی ووڈ کے دونوں خانز کے درمیان تعلقات کچھ اچھے نظر نہیں آئے اور دونوں ہی اداکاروں کو ایک دوسرے کے خلاف بیان دیتے دیکھا گیا ہے تاہم اب سلمان کی نئی آنے والی فلم ٹیوب لائٹ میں جب دونوں اداکار ایک ساتھ اپنی اداکاری کے جلوے دکھا رہے ہیں تو اُن کے درمیان دوریاں بھی ختم ہوتی جارہی ہیں۔

    ویڈیو دیکھیں

  • کرکٹرعامر،سلمان،آصف کیخلاف مقدمہ چلانے کی درخواست مسترد

    کرکٹرعامر،سلمان،آصف کیخلاف مقدمہ چلانے کی درخواست مسترد

    لاہور:کرکٹر عامر ،سلمان،آصف کے خلاف مقدمہ چلانے کی درخواست مسترد کردی گئی، تفصیلات کے مطابق لاہور ہائی کورٹ نے کرکٹر محمد عامر ،سلمان بٹ اور محمد آصف کے خلاف نیب میں مقدمے چلانے کی درخواست مسترد کر دی ہے۔

    لاہور ہائیکورٹ میں کیس کی سماعت شروع ہوئی تو درخواست گزار نے دلائل دیئے کہ کرکٹر محمد عامر، سلمان بٹ اور محمد آصف کی میچ فکسنگ کے باعث پاکستان کی دنیا بھر میں بدنامی ہوئی، انہیں اس پر سزائیں بھی ہوئیں۔

    درخواست گزار کا کہنا تھا کہ اب محمد عامر کو ڈومیسٹک کرکٹ کھیلنے کی اجازت دے دی گئی ہے۔ ایسے کرکٹرز جو ملک کی بدنامی کا سبب بنے، انہیں ہر گز کرکٹ کھیلنے کی اجازت نہیں ملنی چاہیئے۔

    درخواست میں کہا گیا ہے کہ میچ فکسنگ میں ملوث تینوں کرکٹرز کیخلاف نیب میں مقدمہ چلانے کا حکم دیا جائے۔

    عدالت نے قرار دیا کہ تینوں کرکٹرز نے جو غلطی کی، اس کی انہیں سزا مل چکی ہے، ایک ہی جرم پر بار بار سزا نہیں دی جا سکتی۔ عدالت نے دلائل مکمل ہونے پر درخواست خارج کر دی۔