ARYNews.tv | Urdu – Har Lamha Bakhabar

Tag: Salman Iqbal

  • سلمان اقبال نے نہیں بلکہ کسی اور دوست نے ارشد شریف کی میزبانی کا کہا تھا: وقار احمد

    سلمان اقبال نے نہیں بلکہ کسی اور دوست نے ارشد شریف کی میزبانی کا کہا تھا: وقار احمد

    کراچی: کینیا میں ارشد شریف کی شہادت کے سلسلے میں پاکستانی تحقیقاتی افسران نے کینیا میں تفتیش شروع کر دی ہے۔

    تفصیلات کے مطابق کینیا میں ارشد شریف کی میزبانی کرنے والے بھائیوں خرم اور وقار احمد نے فائرنگ کے واقعے کو ’’شناخت کی غلطی‘‘ قرار دے دیا، وقار احمد نے یہ بھی کہا کہ انھیں سلمان اقبال نے نہیں بلکہ کسی اور دوست نے ارشد شریف کی میزبانی کا کہا تھا۔

    ذرائع کا کہنا ہے کہ کینیا میں وقار احمد اور خرم احمد سے تحقیقاتی ٹیم نے تفتیش کی، ٹیم نے دونوں بھائیوں سے واقعے سے متعلق پوچھ گچھ کی، وقار احمد نے بتایا کہ ارشد شریف میرے گیسٹ ہاؤس پر 2 ماہ سے قیام پذیر تھے۔

    انھوں نے کہا نیروبی سے قبل ارشد شریف سے صرف ایک بار کھانے پر ملاقات ہوئی تھی، انھیں نیروبی سے باہر اپنے لاج پر کھانے پر مدعو کیا، اور واقعے کے روز ارشد شریف نے لاج پر ہمارے ساتھ کھانا کھایا۔

    ’واضح کہتا ہوں میرے بھائی ارشد کیخلاف بہیمانہ فعل میں میرا کوئی دخل نہیں‘

    وقار احمد نے اپنے بیان میں کہا کھانے کے بعد ارشد شریف میرے بھائی خرم کے ساتھ گاڑی میں نکلے، اور آدھے گھنٹے بعد گاڑی پر فائرنگ کی اطلاع آئی۔

    انھوں نے مزید کہا کہ خرم واقعے کے دوران معجزانہ طور پر محفوظ رہے، ارشد شریف کے زیر استعمال آئی پیڈ اور موبائل کینیا کے حکام کے حوالے کر دیا۔

    وقار احمد نے کہا ارشد شریف نیروبی منتقل ہونے کا سوچ رہے تھے، ویزے کی مدت بھی بڑھوائی تھی۔

    سلمان اقبال کو ارشد شریف کا قاتل ثابت کرنے کا بیانیہ عقل سے پیدل ہے، احمد جواد

    خرم احمد نے ٹیم کو بتایا کہ لاج سے نکلنے کے بعد 18 کلو میٹر کا کچا راستہ ہے پھر سڑک شروع ہو جاتی ہے، سڑک شروع ہونے سے تھوڑا پہلے کچھ پتھر رکھے تھے، ان پتھروں کو کراس کرتے ہی فائرنگ ہو گئی۔

    خرم نے بیان میں کہا فائرنگ سے خوف زدہ ہو کر میں نے گاڑی بھگالی، واقعہ ’’شناخت کی غلطی‘‘ کا ہی ہے۔

    واضح رہے کہ ایف آئی اے اور انٹیلیجنس بیورو کے افسران پر مشتمل ٹیم تحقیقات کے لیے کینیا میں موجود ہے۔

  • ہمارا نظریہ عظیم وطن پاکستان ہے اور ہم آج بھی اسی پر قائم ہیں ، سلمان اقبال

    ہمارا نظریہ عظیم وطن پاکستان ہے اور ہم آج بھی اسی پر قائم ہیں ، سلمان اقبال

    کراچی : اے آر وائی ڈیجیٹل نیٹ ورک کے صدر اور سی ای او سلمان اقبال کا کہنا ہے کہ ہمارا نظریہ عظیم وطن پاکستان ہے اور ہم آج بھی اسی پرقائم ہیں، دشمن چاہےبیرونی ہو یااندرونی اے آر وائی نے ہر حالت میں ملک وافواج کا دفاع کیا۔

    تفصیلات کے مطابق اے آر وائی ڈیجیٹل نیٹ ورک کے صدر اور سی ای او سلمان اقبال نے سماجی رابطے کی ویب سائٹ ٹوئٹر پر اپنے بیان میں کہا کہ اےآروائی کے قیام سےاب تک ہمارا ایک نظریہ اورایک مقصد ہے ، ہمارا نظریہ عظیم وطن پاکستان، ہم آج بھی اسی پر قائم ہیں ، دشمن چاہے بیرونی ہو یا اندرونی اےآروائی نے ہر حالت میں ملک وافواج کا دفاع کیا ہے۔

    سلمان اقبال نے ایک اور ٹوئٹ میں لکھا "اے آر وائی فوج کی قربانیوں اور اسکی خدمات کو ہمیشہ سامنے لاتا رہا، جو چینل، سیاسی قوتیں ریاست اور فوج پرحملے کرتے رہے وہ اے آر وائی پر الزام لگا رہے ہیں، حکومت ہمیں سیاسی انتقامی کارروائی کا نشانہ بنانا چاہتی ہے تو ضرور بنائے۔

    صدر اے آر وائی نیٹ ورک نے مزید کہا کہ مجھےاس سےفرق نہیں پڑتا کہ ہمارےخلاف کیا انتقامی کارروائی کی جاتی ہے، لیکن میں اور میرا ادارہ وطن اور بہادر افواج کے ساتھ کھڑےرہیں گے۔

    .

    ان کا کہنا تھا کہ مجھے اور میرے ادارے کو فوج اور ملک دشمن قرارنہ دے ، اےآروائی نےہمیشہ سیاسی جماعتوں کوبات کرنےکاموقع دیا، ایسا ہی ایک معاملہ پیر کو ہوا جب گل صاحب نے اپنی رائےدی ، حکومت سیاسی شخصیت کی ذاتی رہے ادارے سے جوڑنے کی کوشش کررہی ہے۔

  • سی ای او اے آر وائی سلمان اقبال، ارشد شریف سمیت دیگر ایف آئی آر میں نامزد

    سی ای او اے آر وائی سلمان اقبال، ارشد شریف سمیت دیگر ایف آئی آر میں نامزد

    کراچی: عماد یوسف کی گرفتاری جس ایف آئی آر کے ذریعے عمل میں آئی ہے اس میں سی ای او اے آر وائی سلمان اقبال، اور ارشد شریف سمیت دیگر صحافی بھی نامزد کیے گئے ہیں۔

    تفصیلات کے مطابق ایف آئی آر سے حکومت کی پھرتیاں ظاہر ہو گئیں، اے آر وائی کے ہیڈ آف نیوز عماد یوسف کی گرفتاری سے صرف ایک گھنٹہ قبل ایف آئی آر درج کی گئی۔

    ایف آئی آر میں سی ای او اے آر وائی سلمان اقبال، ارشد شریف، خاور گھمن، اور عدیل راجہ کے نام بھی شامل ہیں، ایف آئی آر میمن گوٹھ تھانے کے ایس ایچ او کی مدعیت درج کی گئی ہے۔

    نشریات کی بندش کے باعث اے آر وائی نیوز کی لائیو ٹرانسمیشن یہاں دیکھیں

    ایف آئی آر دفعہ 120،124A،131،153A کے تحت درج کی گئی، جس میں بغاوت اور سازش جیسے سنگین الزامات لگائے گئے ہیں۔

    واضح رہے کہ رات گئے اے آر وائی نیوز کے خلاف حکومت نے انتقامی کارروائی کرتے ہوئے اے آر وائی کے ہیڈ آف نیوز عماد یوسف کو کراچی میں ڈیفنس سے گرفتار کر لیا ہے، 15 سے 20 افراد نے گھر پر دھاوا بولا۔

    اے آر وائی کے ہیڈ آف نیوز عماد یوسف بغیر وارنٹ ڈیفنس سے گرفتار

    چھاپے کے وقت سی سی ٹی وی کیمروں کا رخ موڑا گیا، چادر اور چار دیواری کا تقدس پامال کرتے ہوئے دروازے توڑ کر گھر میں گھسے، اور توڑ پھوڑ مچائی۔

    کچھ افراد پولیس کی وردی اور بعض سادہ کپڑوں میں ملبوس تھے، عماد یوسف کا لائسنس یافتہ اسلحہ، سی سی ٹی وی کیمروں کا ریکارڈ بھی ساتھ لےگئے، چھاپا مار ٹیم میں نہ کوئی خاتون اہل کار تھی اور نہ ہی وارنٹ گرفتاری دکھایا گیا۔

  • اے آر وائی نیٹ ورک کے صدر سی ای او سلمان اقبال کو ستارہ امتیاز سے نوازا گیا

    اے آر وائی نیٹ ورک کے صدر سی ای او سلمان اقبال کو ستارہ امتیاز سے نوازا گیا

    یوم پاکستان کے موقع پر اے آر وائی نیٹ ورک کے صدر وسی ای او اور کراچی کنگز کے مالک سلمان اقبال کو ستارہ امتیاز سے نوازا گیا ہے۔

    یوم پاکستان کے موقع پر ایوان صدر میں منعقدہ ایک پروقار تقریب میں صدر مملکت ڈاکٹر عارف علوی نے سلمان اقبال کو ستارہ امتیاز کے اعزاز سے نوازا۔

    اے آر وائی نیٹ ورک کے سربراہ اور پاکستان سپر لیگ کی اہم فرنچائز کراچی کنگز کے مالک سلمان اقبال کو کھیل بالخصوص کرکٹ کے شعبے میں غیر معمولی خدمات کے اعتراف میں ستارہ امتیاز کا اعزاز عطا کیا گیا ہے۔

    صدر مملکت نے تقریب میں مختلف شعبہ ہائے زندگی سے تعلق رکھنے والے دیگر نمایاں افراد کو بھی اپنے اپنے شعبہ جات میں گرانقدر خدمات انجام دینے پر اعزازات سے نوازا ہے۔

    سلمان اقبال پی ایس ایل فرنچائز کراچی کنگز کے مالک ہیں جنہوں نے متعدد معیاری کرکٹرز تیار کیے ہیں-

    جون 2021 میں سلمان اقبال نے ’90-نائنٹی بیش’ کے نام سے ایک نئی بین الاقوامی کرکٹ لیگ کا بھی اعلان کیا تھا جو جلد ہی متحدہ عرب امارات (یو اے ای) میں منعقد ہوگی۔

  • اقرارالحسن اور ان کی ٹیم پر وحشیانہ تشدد قابل مذمت ہے، سلمان اقبال

    اقرارالحسن اور ان کی ٹیم پر وحشیانہ تشدد قابل مذمت ہے، سلمان اقبال

    کراچی : اے آر وائی نیٹ ورک کے صدر اور  سی ای او سلمان اقبال نے آئی بی افسران کی جانب سے”ٹیم سرعام” پر وحشیانہ حملے اور تشدد کی شدید الفاظ میں مذمت کی ہے۔

    اس حوالے سے سماجی رابطے کی ویب سائٹ ٹوئٹر پر اپنے ایک پیغام میں انہوں نے کہا کہ اقرارالحسن اور ان کی ٹیم پر آئی بی افسران و عملے کا وحشیانہ حملہ اور تشدد انتہائی قابل مذمت ہے۔

    سلمان اقبال نے کہا کہ اقرارالحسن اور ان کی ٹیم پر تھرڈ گری ٹارچر کیا گیا، میری درخواست ہے کہ اس معاملے کی جلد از جلد تحقیقات کرکے ذمہ داروں کو سخت سزا دی جائے۔

    سی ای او  اے آر  وائی سلمان اقبال نے مزیدکہا کہ اس اندوہناک واقعے کا فوری ایکشن لینے  پر  میں وزیراعظم عمران خان کا شکر گزار  ہوں۔

    اس کے علاوہ وزیراعظم کے معاون خصوصی عثمان ڈار نے بھی واقعے کی مذمت کرتے ہوئے کہا ہے کہ اقرارالحسن ایک بہادر صحافی ہے، ان کی ٹیم پر حملہ افسوسناک اور قابل مذمت ہے۔

    عثمان ڈار نے اپنے ٹوئٹر پیغام میں مزید کہا کہ سچ بولتی آوازوں کو دبانے کی کوشش کبھی کامیاب نہیں ہوگی، میں اپنے بھائی اقرارالحسن کے ساتھ کھڑا ہوں، میں سمجھتا ہوں کہ افسوسناک واقعے کی مکمل تحقیقات ہونی چاہیے۔

  • کراچی کنگز اے آر وائی کی نہیں پورے پاکستان کی ٹیم ہے: سلمان اقبال

    کراچی کنگز اے آر وائی کی نہیں پورے پاکستان کی ٹیم ہے: سلمان اقبال

    کراچی: صدر، سی ای او اے آر وائی گروپ اور کراچی کنگز کے مالک سلمان اقبال نے کہا ہے کہ کراچی کنگز اے آر وائی کی نہیں پورے پاکستان کی ٹیم ہے، پاکستان سپر لیگ کو ہم سب نے مل کر کامیاب بنانا ہے۔

    کراچی کنگز کے مالک سلمان اقبال اے آر وائی نیوز کے پروگرام اسپورٹس روم کے مہمان بنے تھے، میزبان کے ساتھ گفتگو کرتے ہوئے انھوں نے کہا کہ بابر اعظم بہترین کھلاڑی اور گریٹ لیڈر ہے، اس بار ٹیم سے کافی امیدیں ہیں۔

    سلمان اقبال نے کہا کہ انھیں کرکٹ سے بہت زیادہ لگاؤ ہے، اور انھوں نے لیگ کا پہلے سے سوچ رکھا تھا، مرحوم حاجی عبدالرزاق کو بھی کرکٹ کا بہت شوق تھا، کرکٹ ملک کو یکجا کرتا ہے، ہم نے ساری زندگی پاکستان کے لیے کام کیا، ہمارے لوگ بھی محبت کرنے والے ہیں۔

    اونر کراچی کنگز نے کہا پی ایس ایل پاکستان سپر لیگ ہے، یہ پاکستان کا پروڈکٹ ہے، پی ایس ایل کو ہم سب نے کامیاب بنانا ہے، یہ ایک فیسٹیول بن چکا ہے، کراچی کنگز سب سے بڑے شہر کی ٹیم ہے، میں کوشش کرتا ہوں کہ میچ کے دوران جذبات پر قابو رکھوں، کراچی کنگز اے آر وائی نہیں پورے پاکستان کی ٹیم ہے۔

    سلمان اقبال نے کہا عماد نے خود بابر کو کپتان بنانے کی تجویز دی، بابر بہترین کھلاڑی، اور گریٹ لیڈر ہے، پیٹر کافی تجربہ کار کوچ ہیں، اس بار ٹیم سے کافی امیدیں ہیں، بہت آل راؤنڈرز ہیں اور ٹیم متوازن ہے، لیکن اس کے ساتھ ساتھ اس بار بھی کووِڈ سے مقابلہ کرنا پڑ رہا ہے۔

    انھوں نے انٹرویو میں کہا بہت سی طاقتوں کی کوشش تھی کہ پی ایس ایل کامیاب نہ ہو سکے، داخلی قوتوں نے بھی ان کا ساتھ دیا، اور یہ اب بھی کوششوں میں لگے ہوئے ہیں۔ پہلا ایچ ڈی اسپورٹس چینل لایا تو کون سا غلط کام کیا؟ نشریاتی حقوق کے لیے سب سے زیادہ بولی دی، تو کیا غلط کیا؟

    ان کا کہنا تھا کہ ان سب معاملات کی آڑ میں ذاتی ایجنڈے کے لیے کرکٹ کو نقصان پہنچایا گیا ہے، ذاتی مقاصد تھے جن کے لیے کروڑوں لوگوں کا دل دکھایا گیا۔

  • سی ای او اے آر وائی ڈیجیٹل نیٹ ورک سلمان اقبال کو یوم پاکستان پر ستارہ امتیاز سے نوازا جائے گا

    سی ای او اے آر وائی ڈیجیٹل نیٹ ورک سلمان اقبال کو یوم پاکستان پر ستارہ امتیاز سے نوازا جائے گا

    کراچی: اے آر وائی ڈیجیٹل نیٹ ورک کے صدر اور سی ای او سلمان اقبال کو 23 مارچ 2022 کو یوم پاکستان کے موقع پر پاکستان کا ؕاعلیٰ سول ایوارڈ ستارہ امتیاز سے نوازا جائے گا۔

    پاکستان سپر لیگ (پی ایس ایل) کی فرنچائز کراچی کنگز کے مالک سلمان اقبال کو کرکٹ کے لیے ان کی خدمات پر یہ اعزاز دیا جائے گا۔

    کابینہ ڈویژن کی جانب سے جاری کردہ خط میں اے آر وائی ڈیجیٹل نیٹ ورک کے صدر اور سی ای او کو بتایا گیا ہے کہ یوم پاکستان کے موقع پر منعقدہ تقریب میں گورنر سندھ عمران اسماعیل کی جانب سے انھیں ستارہ امتیاز سے نوازا جائے گا۔

    سلمان اقبال پی ایس ایل فرنچائز کراچی کنگز کے مالک ہیں جس نے متعدد معیاری کرکٹرز تیار کیے ہیں-

    جون 2021 میں سلمان اقبال نے ’90-نائنٹی بیش’ کے نام سے ایک نئی بین الاقوامی کرکٹ لیگ کا بھی اعلان کیا تھا جو جلد ہی متحدہ عرب امارات (یو اے ای) میں منعقد ہوگی۔

    ستارہ امتیاز کیا ہے؟

    ستارہ امتیاز پاکستان کا اعلیٰ سویلین اعزاز ہے۔ یہ ان افراد کو دیا جاتا ہے جنھوں نے "پاکستان کی سلامتی یا قومی مفادات، عالمی امن، ثقافتی یا دیگر اہم عوامی کوششوں کے لیے شان دار خدمات” انجام دی ہوں۔

  • سی ای او اے آر وائی نیٹ ورک سلمان اقبال کی قومی کرکٹ ٹیم کو منفرد انداز میں مبارک باد

    سی ای او اے آر وائی نیٹ ورک سلمان اقبال کی قومی کرکٹ ٹیم کو منفرد انداز میں مبارک باد

    دبئی : بھارت کے خلاف پاکستان کی تاریخی فتح پر سی ای او اے آر وائی نیٹ ورک سلمان اقبال نے ‘موقع موقع’ کہہ کر پاکستانی ٹیم کو منفرد اندار میں مبارک باد دی ہے۔

    تفصیلات کے مطابق اے آر وائی نیوز کے پروگرام ‘ ہر لمحہ پُرجوش’ میں سی ای او اے آر وائی نیٹ ورک سلمان اقبال نے خصوصی ٹیلی فونک گفتگو کی اور آج ہونے والے تاریخی میچ کا آنکھوں دیکھا احوال بتایا۔

    سی ای او اے آر وائی نیٹ ورک سلمان اقبال نے کہا کہ آج اللہ تعالیٰ نے ہمیں بہت عزت دی، میں تو ہر کسی کو کہہ رہا تھا کہ آج ہم اس لئے جیتے ہیں کہ ‘ ہم نے” اے  اسپورٹس ” متعارف کرادیا ہے۔

    یہ بھی پڑھیں: اے اسپورٹس: پاکستان کے پہلے ایچ ڈی چینل کی نشریات کا آغاز

    سلمان اقبال نے بتایا کہ آج نوے فیصد میدان انڈین سپورٹر سے بھرا ہوا تھا جبکہ پاکستانی شائقین آٹے میں نمک برابر تھے، لیکن اس کے باوجود ان لوگوں میں بہت جوش ولولہ تھا، میرے خیال میں آزادی کے بعد آج لوگوں میں ایسا جوش ولولہ دیکھا۔

    اے آر وائی نیٹ ورک کےصدر اور سی ای او سلمان اقبال نے کہا کہ آج تاریخی فتح کے بعد ہم نے موقع موقع کے نعرے لگاکر گلے خراب کرلیے جبکہ بھارتی شائقین کرکٹ کا یہ عالم تھا کہ وہ میچ ختم ہونے سے قبل ہی میدان سے جانا شروع ہوگئے تھے۔

    سلمان اقبال کا مزید کہنا تھا کہ میں نے شارجہ میں پاکستان انڈیا کے بہت مقابلے دیکھے، مجھے میانداد کا تاریخی چھکا بھی یاد ہے اس وقت بھی میں گراؤنڈ میں موجود تھا، اس وقت بھی میرے گلے کی آواز ایسی ہی تھی جیسے آج ہے۔

     

  • اے آر وائی ڈیجیٹل کا 21 سالہ کامیاب سفر

    اے آر وائی ڈیجیٹل کا 21 سالہ کامیاب سفر

    کراچی : دنیا بھر کےکروڑوں ناظرین کے پسندیدہ چینل اےآر وائی نیٹ ورک کے آج 21 سال مکمل ہوگئے، لندن میں چھوٹے دفتر سے شروع ہونے والا یہ چینل اب پاکستانیوں کے دل کی آواز بن چکا ہے۔

    اے آر وائی نیٹ ورک کی آج 21 ویں سالگرہ ہے، اللہ تعالیٰ کی خاص رحمت، کارکنان کی انتھک محنت، مثالی لیڈر شپ اور شاندار ٹیم ورک کی وجہ سے اے آر وائی نیٹ ورک میڈیا انڈسٹری میں پاکستان کی سب سے بڑی شناخت بن گیا ہے۔

    تمام کی کاوشوں سے اے آر وائی نیٹ ورک دنیا کے126سے زائد ممالک میں پاکستان کی پہچان بن چکا ہے۔ اس کا ہر سال بےمثال رہا، آج اے آر وائی نیٹ ورک میڈیا انڈسٹری میں انقلاب بن کر ابھرا ہے، اے آر وائی نیٹ ورک دیگر چینلز کیلئے ایک اکیڈمی کی حیثیت رکھتا ہے۔

     

    View this post on Instagram

     

    A post shared by Salman Iqbal ARY (@salman_ary)

    اے آر وائی کی کامیابی کا سفر

    یاد رہے کہ آج سے اکیس برس قبل 16 ستمبر کو اے آر وائی نیٹ ورک کا قیام عمل میں لایا گیا، ان 21 برسوں میں اے آر وائی نیٹ ورک نے کامیابیاں سمیٹیں اور آج وہ میڈیا انڈسٹری میں پاکستان کی بڑی شناخت بن گیا ہے ، آج نیٹ ورک کے بینر تلے چلنے والا ہر چینل پاکستانیوں کے دل کی آواز ہے۔

    مرحوم حاجی عبدالرزاق یعقوب نے اے آر وائی گروپ کی بنیاد رکھی۔ حاجی اقبال نے اے آر وائی ڈیجیٹل نیٹ ورک کی بنیاد رکھی جبکہ مسٹر سلمان اقبال اے آر وائی ڈیجیٹل نیٹ ورک کے صدر اور سی ای او رہے ہیں۔

    اے آر وائی نیٹ ورک نے دبئی سے سال 2000 میں اپنی نشریات کا باقاعدہ آغاز کیا۔ تب سے اس نے نہ صرف پیشہ ورانہ اقدار کو برقرار رکھا بلکہ اے آر وائی ڈیجیٹل، اے آر وائی نیوز، اے آر وائی ذوق، اے آر وائی زندگی، اے آر وائی کیو ٹی وی اور اے آر وائی میوزک، HBO اور Nickelodeonبھی اس نیٹ ورک کا حصہ ہیں۔

    معروف شخصیات کی مبارک باد

    دوسری جانب اے آر وائی نیٹ ورک کو سیاسی رہنماؤں ، سماجی اور شوبز شخصیات نے اہم سنگِ میل عبور کرنے پر مبارک باد پیش کی اور دعا کی ہے کہ اے آر وائی نیٹ ورک اسی طرح اپنی ترقی کا سفر جاری رکھے۔

  • کرکٹ ہم سب کے لئے اچھی خبر ہے، مالک کراچی کنگز سلمان اقبال

    کرکٹ ہم سب کے لئے اچھی خبر ہے، مالک کراچی کنگز سلمان اقبال

    کراچی: کراچی کنگز کے مالک اور اے آر وائی نیٹ ورک کے سی ای او سلمان اقبال نے پی ایس ایل کے بقیہ میچز کے انعقاد پر خوشی کا اظہار کرتے ہوئے کہا کہ لیگ سے متعلق جو لاجسٹک معاملات رہ گئے ہیں ان پر بات چیت ضروری ہے۔

    تفصیلات کے مطابق متحدہ عرب امارات حکومت کی جانب سے ابوظہبی میں پی ایس ایل سکس کے بقیہ میچز کرانے کی تحریری اجازت دینے کے بعد اظہار خیال کرتے ہوئے کراچی کنگز کے مالک سلمان اقبال نے کہا کہ پی ایس ایل انتظامیہ کی تین بجےمیٹنگ ہے، جو لاجسٹک معاملات رہ گئے ہیں ان پربات چیت ضروری ہے۔

    کراچی کنگز کے مالک اور اے آر وائی نیٹ ورک کے سی ای او سلمان اقبال نے کہا کہ یو اے ای میں گرمی بڑھ گئی ہے ، اجلاس میں موسم کی صورتحال پربھی بات چیت ہوگی، کیونکہ گرمی کی وجہ سے کھلاڑیوں کےمسائل کے خدشےکو سامنےرکھناہوگا ۔

    کراچی کنگز کے مالک کا کہنا تھا کہ ہم نے پی ایس ایل میچز کراچی میں بھی کرانےکی تجویز دی تھی، میچز یو اے ای منتقل ہونے سے مجموعی طور پر لاگت میں اضافہ ہوگا۔

    سلمان اقبال کا مزید کہنا تھا کہ لوگ گزشتہ بارہ، چودہ ماہ سےبری خبریں سن رہے ہیں، ہم نے ہمیشہ کہا کہ کرکٹ کو واپس آنا چاہیے، کرکٹ ہمارے ملک اور خطے کیلئے مثبت رجحان کا باعث ہے، گذشتہ سال پاکستان میں کرکٹ ہورہی تھی تو ملک میں مثبت صورتحال تھی، جب کرکٹ ہورہی تھی تو ملک بھر میں ایک اچھا ماحول بناہوا تھا۔