ARYNews.tv | Urdu – Har Lamha Bakhabar

Tag: Salman Iqbal

  • پی ایس ایل کی کامیابی میں میڈیا کا بڑا مثبت کردار ہے، سلمان اقبال

    پی ایس ایل کی کامیابی میں میڈیا کا بڑا مثبت کردار ہے، سلمان اقبال

    کراچی: کراچی کنگز کے مالک سلمان اقبال نے کہا ہے کہ پی ایس ایل کی کامیابی میں میڈیا کا بہت بڑا کردار ہے، اب پورا پی ایس ایل پاکستان آچکا ہے، ان لمحات کا بے صبری سے انتظار تھا۔

    تفصیلات کے مطابق پی ایس ایل کی سب سے مقبول ٹیم کراچی کنگز کے مالک سلمان اقبال نے کہا ہے کہ پاکستان میں لوگ پی ایس ایل کا شدت سے انتظار کررہے ہیں، سب پی ایس ایل کے لیے پرجوش نظر آرہے ہیں، پی سی بی اور احسان مانی کے شکر گزار ہیں۔

    سلمان اقبال کا کہنا ہے کہ ہم نے بڑے مشکل وقت دیکھے تھے، پاکستان میں ابھی سے پی ایس ایل کا جوش دیکھ رہا ہوں، ہم اپنی لیگ کو پاکستان لے کر آگئے ہیں۔

    مزید پڑھیں: پوری کوشش ہے آئندہ سیزن پشاور میں بھی میچ کھیلے جائیں، احسان مانی

    پشاور زلمی کے مالک جاوید اقبال کا کہنا تھا کہ ہم سب کی کوشش ہے پی ایس ایل کو کامیاب بنائیں۔

    اسلام آباد یونائیٹڈ کے مالک علی نقوی نے کہا کہ کرکٹ ملک میں واپس آنے پر پی سی بی کے شکر گزار ہیں، پی ایس ایل کے پاکستان میں انعقاد پر سب کو مبارک باد دیتے ہیں، جہانگیر خان کامیابی کی ایک مثال ہیں۔

    کوئٹہ گلیڈی ایٹرز کے مالک ندیم عمر نے کہا کہ دعا کریں پی ایس ایل کا انعقاد کامیابی کے ساتھ ہو، کرکٹ کا جوش اور جذبہ برقرار رہنا چاہئے۔

    لاہور قلندرز کے سی ای او کا کہنا تھا کہ پاکستان کا مثبت چہرہ دنیا کو دکھانے جارہے ہیں جبکہ نمائندہ ملتان سلطانز کا کہنا ہے کہ پی ایس ایل کا مکمل ایونٹ پاکستان آنا کوئی چھوٹی بات نہیں ہے۔

  • عماد وسیم کراچی کنگز کے کپتان ہوں‌ گے، سلمان اقبال

    عماد وسیم کراچی کنگز کے کپتان ہوں‌ گے، سلمان اقبال

    لاہور : پی ایس ایل سیزن 5 کے پلیئرز ڈرافٹ کی تقریب جاری ہے، مالک کراچی کنگز سلمان اقبال نے کہا کہ کوشش کریں گے کہ کراچی کنگز میں اچھے کھلاڑیوں کا انتخاب کریں۔

    تفصیلات کے مطابق نیشنل کرکٹ اکیڈمی لاہور میں کھلاڑیوں کے ڈرافٹنگ کی تقریب کا آغاز ہوچکا ہے جس میں پاکستان سپر لیگ کی 6 ٹیمیں کھلاڑیوں کا انتخاب کریں گی، ڈرافٹ میں کھلاڑیوں کی سلیکشن کی پہلی باری کوئٹہ گلیڈی ایٹرز کی ہوگی۔

    مالک کراچی کنگز و سی ای او اے آر وائی ڈیجیٹل سلمان اقبال، صدر کراچی کنگز وسیم اکرم اور ہیڈ کوچ ڈین جونز بھی اس موقع پر نیشنل کرکٹ اکیڈمی میں موجود ہیں۔

    مالک کراچی کنگز سلمان اقبال کا کہنا ہے کہ پچھلے ہر سیزن میں کپتان کے معاملے پر ہم پریشان رہے ہیں، کوشش کریں گے کراچی کنگز میں اچھے کھلاڑیوں کو منتخب کریں۔

    سلمان اقبال نے تقریب کے آغاز پر خطاب کرتے ہوئے کہا کہ ہمارا خواب تھا کہ تمام میچز پاکستان میں ہوں اور ہمارا خواب پورا ہونے جارہا ہے تمام میچز پاکستان میں ہوں گے۔

    مالک کراچی کنگز کا کہنا تھا کہ پوری کوشش ہوگی کہ کراچی کنگز کےلیے اچھی ٹیم کا نتخاب کریں، کراچی کنگز کی ٹیم میں 7 کھلاڑی برقرار رکھیں گے جبکہ عماد وسیم کپتان اور بابر اعظم کراچی کنگز کے نائب کپتان ہوں گے۔

    اس موقع پر صدر کراچی کنگز وسیم اکرم نے کہا کہ پی ایس ایل کے تمام میچز پاکستان میں ہونا خوش آئند ہے، سلمان اقبال نے درست کہا ہمیں مستقل کپتان رکھنا چاہیے۔

    وسیم اکرم کا کہنا تھا کہ ڈین جونز اچھے کوچ ہیں انہیں معلوم ہے کہ اسٹریٹجی کیسے بنانی چاہیے، کپتان اور کوچ بدلنے سے ٹیم نہیں بدلتی، کسی بھی ایک کوچ یا کپتان کے ایک ٹور سے مستقبل کا فیصلہ نہیں ہوسکتا۔

    ہیڈ کوچ ڈین جونز نے تقریب سے خطاب کرتے ہوئے کہا کہ امید ہے پاکستان میں اچھی کرکٹ دیکھنے کو ملے گی۔

  • پوری کوشش ہے اےآروائی نیٹ ورک کو مزید آگے لیکر جائیں، سلمان اقبال

    کراچی : اے آر وائی نیٹ ورک کے سی ای او سلمان اقبال نے کہا ہے کہ اےآروائی فیملی کو 19سال ہوچکے ہیںاللہ کا شکر ہے اےآروائی اس جگہ پر کھڑا ہے کہ اچھی کہانی سناسکتا ہے، پوری کوشش ہے اےآروائی نیٹ ورک کو مزید آگے لیکرجائیں۔

    تفصیلات کے مطابق اے آر وائی نیٹ ورک کے سی ای او سلمان اقبال نے اے آروائی کی 19ویں سالگرہ کے موقع پر اے آر وائی نیوز کے پروگرام باخبر سویرا میں بات کرتے ہوئے کہا 4 سال سے میں اےآروائی کی سالگرہ اسٹوڈیو میں نہیں مناسکا، انشااللہ اگلے سال اے آروائی کی سالگرہ پر اسٹوڈیو میں موجود ہوں گا۔

    سلمان اقبال کا کہنا تھا کہ اےآروائی فیملی کو 19سال ہوچکے ہیں ، اےآروائی کے شائقین بہت اہم کردار ادا کرتے ہیں، اےآروائی کا میڈیا انڈسٹری کیساتھ طویل وقت گزراہے، اللہ کا شکر ہے اےآروائی اس جگہ پر کھڑا ہے کہ اچھی کہانی سناسکتا ہے۔

    اے آر وائی نیٹ ورک کے صدر اور سی ای او نے کہا پوری کوشش کروں گا اےآروائی نیٹ ورک کو مزید آگے لیکرجائیں ، اکثر لوگ پوچھتے ہیں کہ اےآروائی شروع کس نے کیا تھا، اےآروائی کا آئیڈیا میرے والد محمد اقبال کا ہے۔

    ان کا کہنا تھا کہ حاجی عبدالرزاق صاحب کوبہت یادکرتے ہیں ، پہلے 10سال مشکل تھے بعدکے10سال اچھے گزرے، مشکلات کے باوجود پچھلے10سال آسان لگتے ہیں، کوئی بھی مشکل ہواےآروائی فیملی کا ہر ممبر سامنا کرتا ہے۔

    سلمان اقبال نے مزید کہا اےآروائی کا اسپورٹس چینل بھی جلد آئے گا، اگلے سال تک اےآروائی اسپورٹس چینل کی کمی بھی پوری کردیں گے۔

    خیال رہے دنیا بھر کے کروڑوں ناظرین کا پسندیدہ چینل اے آر وائی نیٹ ورک کی آج19ویں سالگرہ منائی جارہی ہے، 16 ستمبرسنہ دو ہزار کو لندن کے ایک دفتر سے شروع ہونے والا اے آر وائی پاکستان کی شناخت بنا، انیس برس میں اے آر وائی میڈیا انڈسٹری پر چھا گیا۔

    مزید پڑھیں : پاکستانیوں کے دل کی آواز : اے آر وائی نیٹ ورک کی19ویں سالگرہ آج منائی جارہی ہے

    اے آر وائی نیوز پاکستان میں سب سے زیادہ دیکھا جانے والا سب سے معتبر نیوز چینل ہے، اس کے علاوہ اے آر وائی کیو ٹی وی پاکستان کا سب سے پہلا اور سب سے بڑا مذہبی چینل ہے جس کا طرہ امتیاز مذہبی ہم آہنگی کا فروغ اور دین کا فہم عام کرنا ہے۔

    اے آر وائی زندگی ہر گھر میں زندگی کے رنگ بکھیر رہا ہے جبکہ اے آروائی میوزک جدید میوزک میں پاکستان کو عالمی افق پر متعارف کرارہا ہے۔

    اے آر وائی فیملی میں عالمی شہرت یافتہ فلم چینل ایچ بی او بھی شامل ہے جہاں ہر روز ہالی ووڈ کی نئی اور بلاک بسٹر فلمیں پاکستان میں پیش کی جاتی ہیں اور نکولوڈین سے کون واقف نہیں جوعالمی سطح پر بچوں کا جانا پہچانا ایک چینل ہے، اور یہ بھی اے آر وائی فیملی کا حصہ ہے۔

  • آل راؤنڈرعماد وسیم کی تقریب ولیمہ میں ملک کی ممتاز شخصیات کی شرکت

    آل راؤنڈرعماد وسیم کی تقریب ولیمہ میں ملک کی ممتاز شخصیات کی شرکت

    اسلام آباد : پاکستان کرکٹ ٹیم کے آل راؤنڈر عماد وسیم اور برطانوی نژاد پاکستانی ثانیہ اشفاق کے ولیمہ میں ملک کی ممتاز شخصیات نے شرکت کی۔

    اسلام آباد میں ہونے والی اس تقریب میں ڈی جی آئی ایس پی آر میجرجنرل آصف غفور، کراچی کنگز کےمالک
    سی ای او اے آر وائی نیٹ ورک سلمان اقبال بھی شریک تھے۔

    اس کے علاوہ سینیٹر فیصل جاوید، بابراعوان اور دیگر اہم شخصیات نے دولہا دلہن کو ان کی نئی زندگی کیلئے دعائیں دیں۔

    سینیٹر فیصل جاوید کا کہنا تھا کہ کراچی کنگز کے کپتان اپنی کوئین لے آئے ہیں انہیں دل کی گہرائیوں سے مبارکباد دیتا ہوں۔ تقریب میں عماد وسیم کے عزیز و اقارب کے علاوہ پی سی بی سے تعلق رکھنے والے افراد بھی موجود تھے۔

    واضح رہے کہ24اگست کو عماد وسیم اور ثانیہ کا نکاح اسلام آباد کی فیصل مسجد میں ہوا تھا، نکاح کے لیے سادہ تقریب کا اہتمام کیا گیا۔

    عماد وسیم کی جانب سے ولیمے کی تقریب میں وزیراعظم عمران خان، چیئرمین پی سی بی اور وسیم اکرم سمیت اعلٰی شخصیات کو کومدعو کیا گیا تھا۔

    ورلڈ کپ میں افغانستان کے خلاف میچ میں عماد وسیم نے شاندار کارکردگی کا مظاہرہ کرتے ہوئے ٹیم کی جیت میں اہم کردار ادا کیا تھا، ہیڈنگلے میچ کے ہیرو عماد وسیم نے ناقابل شکست 49 رنز بنائے تھے اور دو وکٹیں بھی حاصل کی تھیں۔

    ورلڈ کپ میں افغانستان کے خلاف میچ میں عماد وسیم نے شاندار کارکردگی کا مظاہرہ کرتے ہوئے ٹیم کی جیت میں اہم کردار ادا کیا تھا۔ ہیڈنگلے میچ کے ہیرو عماد وسیم نے ناقابل شکست49 رنز بنائے تھے اور دو وکٹیں بھی حاصل کی تھیں۔

    مزید پڑھیں: معروف آل راؤنڈرعماد وسیم اورثانیہ اشفاق رشتہ ازدواج میں منسلک

    عماد وسیم52 ون ڈے میچز میں940رنز اسکور کر چکے ہیں جب کہ اس فارمیٹ میں انہوں نے41 وکٹیں اپنے نام کیں۔ انہوں نے35 ٹی ٹوینٹی میچز میں اپنی صلاحیتوں کے جوہر دکھائے، جس میں 39 وکٹیں ان کے حصے میں آئیں۔ عماد وسیم کراچی کنگز کی کپتانی کا فریضہ بھی انجام دے رہے ہیں۔

  • پی ایس ایل : کراچی کنگز کے مالک سلمان اقبال نے مداحوں سے معافی مانگ لی

    پی ایس ایل : کراچی کنگز کے مالک سلمان اقبال نے مداحوں سے معافی مانگ لی

    کراچی : پی ایس ایل کی ٹیم کراچی کنگز کے مالک سلمان اقبال نے سیزن فور کے فائنل میں نہ پہچنے پر مداحوں سے معافی مانگ لی، ان کا کہنا ہے کہ آئندہ سال نئے عزم کے ساتھ میدان میں اتریں گے۔

    تفصیلات کے مطابقکراچی کنگز کے مالک سلمان اقبال نے ٹیم کے فائنل میں نہ پہنچنے پر اپنے پیغام میں کہا ہے کہ شکست ہر کراچی کنگز کے پرستاروں کو مایوسی ہوئی اس پر معذرت چاہتا ہوں۔

    یہ بات انہوں نے سماجی رابطے کی ویب سائٹ ٹوئٹر پر اسلام آباد یونائیٹڈ کے ہاتھوں کراچی کنگز کی شکست کے بعد اپنے پیغام میں کہی۔

    سلمان اقبال کا مزید کہنا تھا کہ اسلام آباد یونائیٹڈ نے بہتر کھیل کا مظاہرہ کیا، کراچی کنگز کی ٹیم پی ایس ایل سے باہر ہوگئی لیکن مجھے پورا یقین ہے کہ جیت پاکستان کی ہوئی، پی ایس ایل کے اگلے سیزن میں نئے عزم کے ساتھ میدان میں اتریں گے۔

    واضح رہے کہ پی ایس ایل سیزن فور کے ایلیمینیٹر میچ میں کراچی کنگز کو سخت مقابلے کے بعد اسلام آباد یونائیٹڈ کے ہاتھوں چار وکٹوں سے شکست کا سامنا کرنا پڑا۔

    کراچی کنگز نے پہلے بیٹنگ کرتے ہوئے مقررہ 20 اوورز میں نو وکٹوں کے نقصان پر161رنز بنائے تھے ۔اسلام آباد یونائیٹڈ نے 162 رنز کا ہدف تین گیندیں پہلے ہی 6 وکٹوں کے نقصان پر حاصل کیا۔

  • سلمان اقبال کی کراچی کنگز کے لیے نیک تمنائیں

    سلمان اقبال کی کراچی کنگز کے لیے نیک تمنائیں

    کراچی: کراچی کنگز کے مالک سلمان اقبال نے کراچی کنگز کے لیے نیک تمناؤں کا اظہار کرتے ہوئے کہا ہے کہ جو ٹیم اچھا کھیلے گی وہی جیتے گی۔

    تفصیلات کے مطابق کراچی کنگز کے مالک اور اے آر وائی نیٹ ورک کے سربراہ سلمان اقبال نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایلی منیٹر کا وقت آگیا ہے،کراچی کے عوام پرجوش ہیں۔

    انہوں نے کراچی کنگز کے لیے نیک تمناؤں کا اظہار کرتے ہوئے کہا کہ جو ٹیم اچھا کھیلے گی وہی جیتے گی۔

    خیال رہے کہ پاکستان سپر لیگ کے چوتھے سیزن میں آج پہلے ایلی منیٹر میں کراچی کنگز اور اسلام آباد یونائیٹڈ مدمقابل ہوں گے۔ میچ شام 7 بجے کراچی کے نیشنل اسٹیڈیم میں کھیلا جائے گا۔

    میچ کے شائقین کو اسٹیڈیم پہنچانے کے لیے شٹل سروس جاری ہے اور نیشنل اسٹیڈیم کے دروازے کھول دیے گئے ہیں۔

    آج کی فاتح ٹیم فائنل میں رسائی کے لیے کل بروز جمعہ پشاور زلمی سے پنجہ آزمائی کرے گی۔ کل ہونے والے میچ کی ٹیم فائنل میں پہنچے گی جہاں اس کا مقابلہ کوئٹہ گلیڈی ایٹرز سے ہوگا۔

    پی ایس ایل کے آخری مرحلے میں کراچی کنگز نے کوئٹہ گلیڈی ایٹرز کو 1 رن سے شکست دی تھی۔ 191 رنز کے جواب میں کوئٹہ کی ٹیم 7 وکٹوں کے نقصان پر 189 رنز بنا سکی تھی۔

    کراچی کنگز کا اگلا میچ پشاور زلمی کے ساتھ تھا جس میں زلمی نے کنگز کو 61 رنز سے شکست دے کر فتح اپنے نام کی۔

  • پی ایس ایل سیزن 4: جیت بالآخر پاکستان کی ہی ہوگی، سلمان اقبال

    پی ایس ایل سیزن 4: جیت بالآخر پاکستان کی ہی ہوگی، سلمان اقبال

    دبئی: پاکستان سپر لیگ کی اہم ترین ٹیم کراچی کنگز کے مالک سلمان اقبال نے کہا ہے کہ پی ایس ایل کا مطلب پاکستان ہے اور لیگ کا جو بھی فاتح ہو مگر جیت آخر کار پاکستان کی ہی ہوگی۔

    تفصیلات کے مطابق اے آر وائی ڈیجیٹل کے چیف ایگزیکٹو آفیسر اور کراچی کنگز کے مالک سلمان اقبال ملک بھر میں کھیلوں کی سرگرمیوں میں اپنا اہم کردار ادا کررہے ہیں انہوں نے پی ایس ایل اور باکسنگ لیگ میں بھی بڑھ چڑھ کر حصہ لیا اور  ٹیلنٹ کو سامنے لائے۔

    پی ایس ایل سے قبل کراچی کنگز نے ملک بھر میں کھلاڑی کی کھوج نامی ایونٹ کا انعقاد کیا جس میں ملک بھر سے چھپے ہوئے کرکٹرز سامنے آئے  اور اب وہ قومی سطح پر ملک و قوم کا نام روشن کررہے ہیں۔

    کراچی کنگز نے رواں سیزن فاٹا سے تعلق رکھنے والے نوجوان باصلاحیت باؤلر عمر خان کو تلاش کیا جن کے والد پنکچر لگانے کا کام کرتے ہیں، دائیں ہاتھ سے اسپین باؤلنگ کرانے والے باؤلر نے پی ایس ایل کے پہلے مرحلے میں اپنی کرکٹ کی صلاحیتوں کا لوہا منوایا۔

    مزید پڑھیں: پی ایس ایل 4: پہلا مرحلہ مکمل، گلیڈی ایٹرز سرفہرست، نئے باؤلرز کا جادو چل گیا

    سماجی رابطے کی ویب سائٹ  پرکراچی کنگز ٹیم اور فرنچائز کے مالک سلمان اقبال نے قوم کو متحد رہ کر پی ایس ایل کامیاب بنانے کا پیغام جاری کیا تاکہ دنیا بھر میں کرکٹ کے ذریعے پاکستان کا شمار محبت کرنے والے ملک میں ہوسکے۔

    اپنے ٹویٹ میں اے آر وائی ڈیجیٹل کے سی ای او اور کراچی کنگز کے مالک کا کہنا تھا کہ ’پی ایس ایل کا مخفف پاکستان سپر لیگ ہے، جس میں پہلا لفظ پاکستان ہے جو ہمارے ملک کی نمائندگی کرتا ہے، ہمیں ملک کے لیے متحد رہنا ہےکیونکہ دنیا بھر میں اس ایونٹ کو دیکھا جارہا ہے‘۔

    اُن کا مزید کہنا تھا کہ لیگ کا فاتح جو بھی مگر جیت ہمارے ملک کی ہی ہوگی،  ساتھ میں سلمان اقبال نے پاکستان زندہ باد کا نعرہ بھی لگایا۔

    یاد رہے کہ اے آر وائی ڈیجیٹل کے چیف ایگزیکٹو آفیسر اور کراچی کنگز کے مالک نے پی ایس ایل لیگ کو کامیاب بنانے میں بہت اہم کردار ادا کیا جس کا اعتراف سابق چیئرمین پاکستان سپر لیگ نجم سیٹھی اور مختلف نامور شخصیات نے بھی کیا۔

    یہ بھی پڑھیں: پی ایس ایل 4 : کراچی کنگز کے مالک کی کینسر سے متاثرہ بچی سے ملاقات

    اے آر وائی نے پی ایس ایل کو کامیاب بنانے کے لیے ’میدان سجنا ہے‘ کے نام سے مہم کا آغاز کیا اور دبئی مین مقیم پاکستانیوں سے گزارش کی کہ وہ پی ایس ایل سیزن فور کو کامیاب بنانے کے لیے زیادہ سے زیادہ تعداد میں اسٹیڈیم آئیں۔

    کراچی کنگز کے ایمرجنگ کھلاڑی عمر خان کا انٹرویو

  • پی ایس ایل 4 : کراچی کنگز کے مالک کی کینسر سے متاثرہ بچی سے ملاقات

    پی ایس ایل 4 : کراچی کنگز کے مالک کی کینسر سے متاثرہ بچی سے ملاقات

    دبئی: اے آر وائی ڈیجیٹل کے چیف ایگزیکٹیو آفیسر اور کراچی کنگز کے مالک سلمان اقبال نے میچ کے دوران کینسر سے متاثرہ ننھی بچی عائشہ نور سے ملاقات کی اور اُس کے بلند حوصلے کو سراہا۔

    تفصیلات کے مطابق پی ایس ایل کے چوتھے سیزن کا دوسرا میچ کراچی کنگز اور ملتان سلطانز کی ٹیموں کے درمیان کھیلا گیا جس میں عماد الیون نے شاندار کارکردگی کا مظاہرہ کرتے ہوئے مخالف ٹیم کو شکست دے کر لیگ میں فاتحانہ آغاز کیا۔ میچ کے دوران اسٹیڈیم میں ہزاروں شائقین موجود تھے جو سنسنی خیز مقابلے سے لطف اندوز بھی ہوئے۔

    کراچی کنگز کے مالک سلمان اقبال نے انڈس اسپتال میں زیر علاج کینسر سے متاثرہ ننھی بچی سے ملاقات کی جو اسٹیڈیم میں میچ دیکھنے کے لیے موجود تھی۔

    اے آر وائی ڈیجیٹل کے سی ای او نے بچی کے ساتھ تصویر بنوائی اور اُس کے بلند حوصلے کو سراہتے ہوئے اپنی تمام تر نیک خواہشات کا اظہار کیا۔

    علاوہ ازیں شوبز انڈسٹری کے نامور فنکار اور تحریک انصاف کے سینیٹر فیصل جاوید بھی کراچی کنگز کو سپورٹ کررہے تھے۔

    نامور اینکر اور اداکار فہد مصطفیٰ نے ہیلمٹ پہنا اور خوب ایکشن دکھائے جبکہ مزاحیہ اداکار احمد علی بٹ کی بھی ویڈیو بنوائی۔

    میچ کی تفصیل : کراچی کنگز کا فاتحانہ آغاز، ملتان سلطانز کو 7 رنز سے شکست

    دبئی میں موجود تحریک انصاف سینیٹر فیصل جاوید نے میچ سے قبل اہل کراچی اور کراچی کنگز کے لیے نیک خواہشات کا اظہار کیا۔ اُن کا کہنا تھا کہ ’کراچی میں جلسے کرنے میں بہت مزہ آیا، میری تمام تر نیک خواہشات کراچی کنگز کے ساتھ ہیں‘۔

  • پی ایس ایل 4: کراچی کنگز کے آفیشل گانے کی ویڈیو ریلیز

    پی ایس ایل 4: کراچی کنگز کے آفیشل گانے کی ویڈیو ریلیز

    دبئی: پاکستان سپر لیگ کی مقبول ترین اور سب سے بڑی ٹیم کراچی کنگز نے پی ایس ایل 4 کے آفیشل گانے کی ویڈیو ریلیز کردی۔

    تفصیلات کے مطابق اے آر وائی ڈیجیٹل کے چیف ایگزیکٹیو آفیسر سلمان اقبال کی زیر ملکیت پی ایس ایل کی مقبول ترین ٹیم کا آفیشل گانا معروف گلوکار شہزاد رائے نے گایا۔

    انرجی سے اور زبردست دھن پر ترتیب دیے جانے والے گانے کے ابتدائی بول ’کراچی کنگز لگا کے ونگز سب کو لے کر اڑ جائیں گے، یہ شہر بڑے دل والوں کا سب آپس میں جڑ جائیں گے‘ ہیں۔

    مزید پڑھیں: پی ایس ایل 4‌‌‌‌‌ دنیا کے سامنے پاکستان‌ کا‌ مثبت چہرہ پیش کرے گا: فن کاروں کی پریس کانفرنس

    کراچی کنگز کے صدر وسیم اکرم، اے آر وائی کے مختلف پروگراموں میں میزبانی کے فرائض انجام دینے والے فہد مصطفیٰ، فیصل قریشی جبکہ نامور صحافی اقرار الحسن اور وسیم بادامی کو بھی ویڈیو میں شامل کیا گیا جبکہ اس میں شائقین کرکٹ کے جذباتی انداز بھی دکھائے گئے ہیں۔

    کراچی کنگز کے کپتان اور کھلاڑیوں کو بھی ویڈیو کا حصہ بنایا گیا جبکہ نیا ناظم آباد اسٹیڈیم کو بھی ریکارڈنگ میں شامل کیا گیا۔ آفیشل گانے میں شہر قائد کی مکمل عکاسی کی گئی ہے کہ یہاں کے لوگ کس طرح محبت کرنے والے، رشتہ نبھانے والے اور مخالف کو دلیل سے خاموش کرانے والے ہیں۔

    گانے سے متعلق مزید معلومات

    آفیشل سانگ میں گلوکار شہزاد رائے نے آواز کا جادو جگایا جبکہ  کمپوزنگ نکاش حیدر نے کی، ویڈیو کی ہدایت کاری ذیشان ذیب جبکہ پرڈیوسر سید حامد حسین ہیں اور اس کا تصویر ریحان حیدر نے پیش کیا اور اے آر وائی فلم اور ٹی وی پروڈکشن ، شہزاد حسن نے اسے ایگزیکٹیو پروڈیوس کیا۔

    یہ بھی پڑھیں: کرکٹ کے دیوانوں کا انتظار ختم، کرکٹ شو ’ہر لمحہ پرجوش‘ کل سے شروع ہوگا

    پاکستان سپر لیگ کے چوتھے ایڈیشن کی افتتاحی تقریب چودہ فروری کو رات آٹھ بجے دبئی میں منعقد ہوگی، جس کے لیے ٹکٹیں فروخت لیے پیش کردی گئیں۔

  • "میدان سجانا ہے کی” دھوم، فیصل جاویدکا سی ای اواے آر وائی سلمان اقبال کو خراج تحسین پیش

    "میدان سجانا ہے کی” دھوم، فیصل جاویدکا سی ای اواے آر وائی سلمان اقبال کو خراج تحسین پیش

    دبئی : سینیٹرفیصل جاوید اے آر وائی کی مہم’میدان سجاناہے‘ کے معترف ہوگئے اور کرکٹ فینز کو متحرک کرنے کیلئے شاندارمہم چلانے پر سی ای اواےآر وائی سلمان اقبال اور حاجی اقبال کو خراج تحسین پیش کیا۔

    تفصیلات کے مطابق سینیٹرفیصل جاوید اے آروائی کی مہم "میدان سجاناہے، پاکستان کی شان بڑھاناہے” کی تعریف کئے بغیر نہ رہ سکے اور سماجی رابطے کی ویب سائٹ ٹوئٹر  پر شاندارمہم چلانے پر سی ای اواے آر وائی سلمان اقبال کو خراج تحسین پیش کیا۔

    سینیٹرفیصل جاوید نے کہا کرکٹ فینز کو متحرک کرنے کے لیے اے آر وائی نے شاندار مہم چلائی، مہم میں زبردست تیزی نےپی ایس ایل کوچارچاندلگادیے ، یواےای میں سنسنی خیزمقابلوں کابےتابی سےانتظارکررہے ہیں۔

    فیصل جاوید کا مزید کہنا تھا کہ پی ایس ایل کے لیےحاجی اقبال کی کاوشیں بھی قابل تعریف ہیں،ویلڈن سلمان اقبال، ویلڈن اے آروائی، پاکستان کی شان بڑھانا ہے تومیدان سجاناہے۔

    خیال رہے پی ایس ایل کا چوتھا ایڈیشن 14 فروری سے شروع ہورہا ہے، جو 17 مارچ تک جاری رہے گا، پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے، آخری 8 میچز پاکستان میں ہوں گے، جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔