ARYNews.tv | Urdu – Har Lamha Bakhabar

Tag: Salman Iqbal

  • کراچی کنگزکےاعزازمیں نیاناظم آباداسٹیڈیم میں استقبالیہ تقریب

    کراچی کنگزکےاعزازمیں نیاناظم آباداسٹیڈیم میں استقبالیہ تقریب

    کراچی: شہر قائد کی نمائندہ اور پی ایس ایل کی مقبول ترین ٹیم ’ کراچی کنگز‘ کے اعزاز میں نیا ناظم آباد اسٹیڈیم میں استقبالیہ تقریب کا انعقاد کیا گیا۔

    تفصیلات کے مطابق کراچی کنگز کے اعزاز میں منعقدہ تقریب سے خطاب کرتے ہوئے پی ایس ایل کی مقبول ترین ٹیم کے اونر سلمان اقبال کا کہناتھاکہ چوتھاسال ہے،ٹیم اس گراؤنڈسےپرجوش ہوکرجاتی ہے۔

    سلمان اقبال کا کہنا تھا کہ کراچی کا تحفظ ضروری ہے ، کراچی سے3لوگ پی ایس ایل بڈنگ میں گئےتھے۔ مجھے یقین تھا کہ پی ایس ایل بہت بڑابرانڈبنےگا۔ ان کا کہنا تھا کہ کراچی کنگزکےسب سےزیادہ فین ہیں۔

    ان کا کہنا تھا کہ کراچی کنگزکی وجہ سےہربڑی کمپنی کھیلوں میں کرداراداکررہی ہیں۔ہماری65فیصدآبادی نوجوانوں پرمشتمل ہے۔ انہوں نے کہا کہ کراچی میں گراؤنڈزسےقبضےواگزارکرائےجارہےہیں،کراچی کنگزکوبھی ایک گراؤنڈدے دیں۔

    کراچی کنگز کے اونر کا کہنا تھا کہ پاکستان کے رورل ایریاز میں بہت ٹیلنٹ ہے۔ابرارانجرڈہوا توعثمان شنواری کوبلایا،عثمان شنواری پی ایس ایل کاایک سیزن کھیل کرنیشنل ٹیم میں سلیکٹ ہوگئے۔

    سلمان اقبال نے اپنے خطاب میں تقریب کے شرکا ء کو بتایا کہ وسیم اکرم اورمکی آرتھرپہلی باریہاں آئےہیں، دونوں کونیاناظم آبادگراؤنڈبہت اچھالگا۔

    اس موقع پر کراچی کنگز کے صدر وسیم اکرم نے شرکا سے گفتگو کرتے ہوئےکہا کہ کراچی میں لوگوں کاجنون قابل دیدہے۔

    انہوں نے یہ بھی کہا کہ کراچی کےشہریوں کے جذبے کو دیکھتے ہوئے کوشش ہے کہ ٹرافی جیت کرآئیں،کھیل کی آخری گیندتک جیت کیلئےلڑیں گے۔ وسیم اکرم کا مزید کہنا تھا کہ کراچی میں نیا ناظم آباد جیسا گراؤنڈدیکھ کرخوشی ہوئی ہے۔

  • پی ایس ایل ڈرافٹ: میڈیا نے پی ایس ایل کووہ بنا دیا، جو کوئی سوچ بھی نہیں سکتا تھا: سلمان اقبال

    پی ایس ایل ڈرافٹ: میڈیا نے پی ایس ایل کووہ بنا دیا، جو کوئی سوچ بھی نہیں سکتا تھا: سلمان اقبال

    اسلام آباد: پی ایس ایل سیزن فور کی ڈرافٹنگ کی تقریب کا آغاز ہوگیا ہے ، تقریب سے خطاب کرتے ہوئے کراچی کنگز کے مالک مسٹر سلمان اقبال کا کہنا ہے کہ پی ایس ایل کی کامیابی میں میڈیا نے انتہائی اہم کردار ادا کیا ہے، صدر وسیم اکرم کا کہنا تھا کہ ڈرافٹنگ میں بہترین کھلاڑیوں کا انتخاب کریں گے۔

    پی ایس ایل ڈرافٹنگ کی تقریب آج وفاقی دارالحکومت اسلام آباد میں منعقد ہورہی ہے ، کراچی کنگز کی جانب سے ٹیم کے مالک مسٹرسلمان اقبال اور صدرو سیم اکرم نے میڈ یا سے خصوصی گفتگو کی ۔

    میڈیا کانفرنس سے خطاب کرتے ہوئےکراچی کنگز کے مالک مسٹر سلمان اقبال کا کہنا تھا کہ کراچی کنگز پی ایس ایل کی سب سے پسندیدہ ٹیم ہے ، کوشش کریں اس سال بھی پی ایس ایل کی اچھی ٹیم بنائیں۔

    انہوں نے اعلان کیا کہ اس سال بھی کراچی کنگزکےکپتان عمادوسیم ہی ہوں گے۔ہماری ٹیم بہترین کھلاڑیوں پرمشتمل ہے اور ہمارےپاس3بلےبازہیں جبکہ کپتان عمادوسیم آل راؤنڈرہیں۔گزشتہ سال بھی ہماری ٹیم مضبوط تھی4میچ جیتےاور2میچ ہارے۔

    گزشتہ سال ہمارےکپتان عمادوسیم انجرڈہوگئے تھے ،شاہدآفریدی کپتان بنے تاہم وہ بھی انجری کا شکار ہوئے۔

    مسٹر سلمان اقبال کا کہنا تھا کہ میڈیانےپی ایس ایل کووہ بنادیاہےجوکوئی سوچ بھی نہیں سکتاتھا،پی ایس ایل کے8میچزکراچی اورلاہورمیں ہوں گے۔

    پریس کانفرنس سے قبل مسٹر سلمان اقبال نے کراچی کنگز کے مداحوں کے لیے سوشل میڈیا پر ویڈیو پیغام بھی جاری کیا تھا۔

    دریں اثنا کراچی کنگز کے حال ہی میں منتخب کیے جانے والے صدر اور سابق آل راؤنڈر وسیم اکرم کا کہنا تھا کہ کوشش ہوگی بہترین ٹیم بنائیں،ڈرافٹ میں بہترین کھلاڑیوں کومنتخب کریں گے۔

    ان کا کہنا تھا کہ کوئی بھی جیت سکتا ہے اور ہار سکتا ہے ، ہماری کوشش ہوگی کہ آخری گیند تک لڑ کر عمدہ کھیل پیش کریں۔ وسیم اکرم کا مزید کہنا تھا کہ پی ایس ایل ایک کامیاب ایونٹ بن گیا ہے۔پی ایس ایل میں غیرملکی کھیلناچاہتےہیں اور اس کی تعریف بھی کرتےہیں۔

    کراچی کنگز کے صدر وسیم اکرم نے بھی پریس کانفرنس سے قبل ٹیم کے مداحوں ے لیے ویڈیو پیغام جاری کیا تھا۔

  • میڈیا کا کام اچھا اور برا جو بھی ہو اسے دکھانا ہے: سلمان اقبال

    میڈیا کا کام اچھا اور برا جو بھی ہو اسے دکھانا ہے: سلمان اقبال

    کراچی: اے آر وائی ڈیجیٹل نیٹ ورک کے سربراہ سلمان اقبال کا کہنا ہے کہ میڈیا اچھا اور برا جو بھی ہوتا ہے دکھاتا ہے، اس کا کردار یہی ہے۔ میڈیا نے قدرتی آفات سے متاثرہ علاقوں کی نشاندہی اور کام کیا۔

    تفصیلات کے مطابق ورلڈ میمن آرگنائزیشن پاکستان چیپٹر کے تحت بزنس کانفرنس 2018 کا آغاز ہوگیا۔ بزنس کانفرنس کا عنوان ’چینجنگ گلوبل اکانومی دی پاکستان آپرچیونٹی‘ ہے۔

    کانفرنس سے خطاب کرتے ہوئے اے آر وائی ڈیجیٹل نیٹ ورک کے سربراہ سلمان اقبال کا کہنا تھا کہ میں دو دن پہلے وزیر اعظم سے ملا۔ وزیر اعظم نے کہا بزنس مین پیدائشی ہوتا ہے بنا نہیں سکتے۔

    سلمان اقبال نے کہا کہ ہم بچپن سے ہی کام کر رہے ہوتے ہیں۔ 10 لاکھ میمن اپر مڈل کلاس سے ہیں۔ پاکستان میں تمام شعبوں میں میمن کام کر رہے ہیں۔

    انہوں نے کہا کہ میڈیا میں پاکستان میں کام کرنے والوں میں بہت اضافہ ہوا۔ اربوں روپے کی سرمایہ کاری ہوئی ہے۔ میڈیا کا کردار بہت اہم ہے۔ کنسورشیم نے مجھے میڈیا میں کام کرنے کا مشورہ دیا تھا۔

    سلمان اقبال نے کہا کہ پاکستانی میڈیا میں ذرائع بہت اہم ہیں۔ عوامی رائے کو میڈیا مینیج کرتا ہے۔ مختلف ممالک میں میڈیا کنٹرول ہے۔ ہم میڈیا سیکٹر کو لیڈ کر رہے ہیں۔

    انہوں نے کہا کہ میمن ہر شعبے میں بہترین کارکردگی دکھا رہے ہیں، میمن کمیونٹی کا میڈیا انڈسٹری میں بہت مضبوط کردار ہے۔ میمن خواتین بھی اب میڈیا میں خدمات انجام دے رہی ہیں۔ ’ہمیں فخر ہے اپنے پاکستانی اور اپنے میمن ہونے پر‘۔

    سلمان اقبال نے کہا کہ میڈیا پوری دنیا کے حالات عوام تک پہنچاتا ہے۔ آئندہ سب سےزیادہ مواقع میڈیا خاص کر سوشل میڈیا میں ہوں گے۔ میڈیا میں سب سے زیادہ مواقع پروڈکشن میں ہیں۔ ہمیں میڈیا میں نئے اور اچھے لوگوں کی ضرورت ہے۔ اوور سیز میمن اس فیلڈ میں کام کر سکتے ہیں۔

    انہوں نے کہا کہ اسپورٹس میں بھی سرمایہ کاری کے مواقع موجود ہیں، ہماری میڈیا انڈسٹری ابھی ارتقا سے گزر رہی ہے۔ ہمیں اپنے ملک اور معیشت سے برے عناصر کو نکالنا ہے۔

    انہوں نے کہا کہ میڈیا اچھا اور برا جو بھی ہوتا ہے دکھاتا ہے، اس کا کردار یہی ہے۔ میڈیا نے قدرتی آفات سے متاثرہ علاقوں کی نشاندہی اور کام کیا۔ میڈیا انڈسٹری میں کام شروع کرنے کے لیے پہلے ایک چھوٹا قدم لینا ہوتا ہے۔

    سلمان اقبال کا کہنا تھا کہ ابھی بھی میڈیا انڈسٹری میں پاکستان کافی پیچھے ہے، ابھی بھی پاکستان میں ڈیجٹائزیشن نہیں ہوئی۔ میڈیا انڈسٹری کا ریونیو 45 ارب روپے کا ہے۔

    انہوں نے مزید کہا کہ میڈیا میں صرف ایک کمپنی ہے جو اسٹاک مارکیٹ میں لسٹڈ ہے، امریکا میں بھی مختلف چینل مختلف سیاسی جماعتوں کی طرفداری کرتے ہیں۔

  • کراچی کنگز کے مالک سلمان اقبال کی غیرملکی کرکٹرز سے اہم ملاقات

    کراچی کنگز کے مالک سلمان اقبال کی غیرملکی کرکٹرز سے اہم ملاقات

    دبئی: اے آر وائی کے چیف ایگزیکٹو آفیسر اور کراچی کنگز کے مالک سلمان اقبال نے متحدہ عرب امارات میں غیر ملکی کرکٹرز سے ملاقات کی ہے۔

    سماجی رابطے کی ویب سائٹ پر سلمان اقبال نے ٹائمل ملز، روی بھوپارا اور کولن انگرام کے ساتھ ایک تصویر شیئر کرتے ہوئے لکھا کہ ’میں کراچی کنگز کے بوائز کے ساتھ دبئی میں ہوں، تینوں غیر ملکی کرکٹرز سے مل کر خوشی ہوئی‘۔

    واضح رہے کہ پاکستان سپرلیگ کی سب سے بڑی اور مہنگی ترین ٹیم کراچی کنگز کی سیزن تھری میں کپتان عماد وسیم نے کی تھی جس کے بعد وہ زخمی ہوگئے تھے تو فاسٹ باؤلر محمد عامر نے بھی ٹیم کی قیادت کی تھی۔

    پی ایس ایل کے سابق چیئرمین نجم سیٹھی اس بات کا اعتراف بھی کرچکے ہیں کہ جب پاکستان سپرلیگ کے انعقاد کے حوالے سے بات چیت جاری تھی تو سب سے پہلے سلمان اقبال نے کراچی کنگز کے نام سے ٹیم لینے کا اعلان کیا تھا۔

    مزید پڑھیں: ٹیلنٹ کی تلاش میں کراچی کنگز کا قافلہ ہری پور پہنچ گیا

    انسانیت کے جذبے سے سرشار اور کھیلوں سے محبت رکھنے والے اے آر وائی کے سی ای او سلمان اقبال پاکستان میں‌ کھیلوں‌ کے فروغ کے لیے سرگرم رہتے ہیں اور وہ نئے ٹیلنٹ کو سامنے لانے کے لیے ہر میدان میں ہی پیش پیش بھی نظر آتے ہیں۔

    یاد رہے کہ کراچی کنگز پی ایس ایل کے چوتھے سیزن میں بھی حصہ لے رہی ہے، جس کے لیے مینیجمنٹ نے باصلاحیت کھلاڑیوں کو سامنے لانے کے لیے پہلے ’سندھ کے شہزادے‘ نامی ٹورنامنٹ کا افتتاح کیا جس میں 75 کھلاڑیوں اور سندھ کے مختلف شہروں سے تعلق رکھنی والی پانچ ٹیموں نے حصہ لیا۔

    کراچی کنگز کی ٹیم ملک بھر سے باصلاحیت کھلاڑیوں کی کھوج میں پاکستان کے تمام ہی صوبوں میں نوجوان کھلاڑیوں کا ٹرائل لے رہی ہے تاکہ ایسی کرکٹرز کو سامنے لایا جائے جو عالمی سطح پر پاکستان کا نام روشن کرسکیں۔

    یہ بھی پڑھیں: پی ایس ایل 4، کھلاڑیوں کی ڈرافٹنگ 20 نومبر کو ہوگی

    یہ بھی یاد رہے کہ پی ایس ایل انتظامیہ نے 12 اکتوبر کو پاکستان سپر لیگ 4 میں حصہ لینے والے کھلاڑیوں کی ڈرافٹنگ کا اعلان کیا تھا جو 20 اکتوبر بروز منگل اسلام آباد میں منعقد کی جائے گی، اس میں تمام فرنچائز مالکان شرکت کریں گے۔

    رواں سیزن حصہ لینے والے 6 فرنچائز مالکان 13 اکتوبر تک اپنے ساتھ برقرار رکھنے والے کھلاڑیوں کے ناموں کا اعلان کردیں گے، قانون کے مطابق ہر ٹیم 10 پرانے کھلاڑیوں کو ساتھ رکھ سکتی ہے۔

    رواں برس لیگ میں نامور انٹرنیشنل کھلاڑی اے بی ڈویلیرز، اسٹیو اسمتھ، کیورن پولارڈ، کولن مونرو، شین واٹسن، سنیل نارائن، کرس لائن اور ڈیرن سیمی بھی ایکشن دکھائیں گے۔

    اسے بھی پڑھیں: کراچی کنگز سندھ کے شہزادے ٹورنامنٹ کا کامیاب انعقاد، کراچی کی ٹیم فاتح

    قومی ٹیم کے نامور کھلاڑی سرفراز احمد، شاہد خان آفریدی، شعیب ملک، محمد حفیظ، فہیم اشرف، شاداب خان، حسن علی اور فخر زمان سمیت دیگر بھی ایکشن دکھائیں گے۔

    واضح رہے کہ پاکستان سپر لیگ کے چوتھے ایڈیشن کا آغاز آئندہ برس 14 فروری سے دبئی میں جبکہ فائنل 17 مارچ کو کراچی میں منعقد کیا جائے گا، پی ایس ایل کے آخری 8 میچز بھی پاکستان میں کھیلے جائیں گے۔

  • اے آروائی فیملی کا بیگم کلثوم نواز کے انتقال پر اظہار افسوس

    اے آروائی فیملی کا بیگم کلثوم نواز کے انتقال پر اظہار افسوس

    کراچی : اے آر وائی فیملی نے بیگم کلثوم نواز کے انتقال پر اظہار افسوس کرتے ہوئے دعا کی ہے کہ اللہ تعالیٰ بیگم کلثوم نواز کے درجات بلند کرے آمین۔

    تفصیلات کے مطابق اے آر وائی فیملی نے میاں نواز شریف کی بیگم کلثوم نواز کے انتقال پر ان کے اہل خانہ سے تعزیت کا اظہار کیا ہے۔

    اپنے پیغام میں حاجی اقبال، حاجی جان محمد، حاجی رؤف اور سلمان اقبال نے شریف خاندان سے افسوس کا اظہار کرتے ہوئے مرحومہ کی مغفرت اور درجات کی بلندی اور لواحقین کیلئے کی صبر جمیل کی دعا کی۔

    یاد رہے کہ سابق وزیراعظم نواز شریف کی اہلیہ بیگم کلثوم نواز طویل عرصہ برطانیہ میں ہارلے اسٹریٹ کلینک میں زیرِ علاج رہنے کے بعد انتقال کرگئیں، وہ طویل عرصے سے گلے کے سرطان میں مبتلا تھیں۔

    مسلم لیگ ن کے صدر شہباز شریف ان کا جسدِ خاکی لاہور لانے کے لیے لندن روانہ ہوں گے اور ان کی تدفین جاتی امراء میں کی جائے گی۔

    ان کے انتقال پر ملک کی معروف شخصیات وزیراعظم عمران خان، صدر مملکت عارف علوی، آرمی چیف جنرل قمر جاوید باجوہ، چیف جسٹس ثاقب نثار، چیئرمین نیب جاوید اقبال، چیف الیکشن کمشنرسرداررضا بھی نے بیگم کلثوم نواز کی وفات پر افسوس کا اظہار کرتے ہوئے ان کیلئے دعائے مغفرت کی ہے، ان کا کہنا ہے کہ اللہ تعالیٰ ان کے لواحقین کو صبر جمیل عطا فرمائے۔

  • آئیں ہم سب شہدا کے اہل خانہ کیساتھ وقت گزاریں، ہمیں پیار ہے پاکستان سے، صدر اے آروائی نیٹ ورک

    آئیں ہم سب شہدا کے اہل خانہ کیساتھ وقت گزاریں، ہمیں پیار ہے پاکستان سے، صدر اے آروائی نیٹ ورک

    کراچی : اے آروائی نیٹ ورک کے صدر سلمان اقبال نے اپنے پیغام میں کہا آئیں ہم سب شہدا کے اہل خانہ کیساتھ وقت گزاریں ، یوم شہدا پر اےآروائی اور اس کی ٹیم شہدا کے اہلخانہ کے ساتھ دن گزارے گی، ہمیں پیار ہے پاکستان سے ۔

    تفصیلات کے مطابق اے آروائی نیٹ ورک کے صدر سلمان اقبال نے پاک فوج کے یوم دفاع و شہدا منفرد انداز میں منانے کے اعلان کے بعد سماجی رابطے ویب سائٹ ٹوئٹر پر اپنے پیغام میں کہا کہ ہمیں پیار ہے پاکستان سے، آئیں ہم سب شہدا کے اہل خانہ کیساتھ وقت گزاریں۔

    سلمان اقبال کا کہنا تھا کہ یوم شہدا پر اے آر وائی اور اس کی ٹیم شہدا کے اہل خانہ کے ساتھ دن گزارے گی اور شہدا کو فقید المثال خراج تحسین پیش کریں گے، ہیروز کو سلام۔

    یاد رہے گذشتہ روز ڈی جی آئی ایس پی آر میجر جنرل آصف غفور نے 6 ستمبر کو یوم دفاع و شہدا پر آئی ایس پی آر میں پلاننگ کانفرنس کرتے ہوئے کہا تھا کہ یوم دفاع و شہداء منفرد انداز میں ہمیں پیار ہے پاکستان سے کے نام سے منایا جائے گا۔، کوئی شہادت بھولی نہیں جائے گی اور وطن کی حفاظت کے لیے جانیں دینے والوں کو سلام پیش کیا جائے گا۔

    مزید پڑھیں : ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    ڈی جی آئی ایس پی آر کا کہنا تھا کہ جی ایچ کیومیں منعقد تقریب براہ راست نشر کی جائے گی، جس کے لئے سول سوسائٹی ، میڈیا اور افواجِ پاکستان کے نمائندوں کو آگاہ کیا گیا ہے، وزارت اطلاعات ،آئی ایس پی آر مہم کا فوکل پوائنٹ ہوں گے،شرکاء کو شہیدوں کی فہرست اور پتے مہیا کیے گئے ہیں، قوم کے نمائندے ہر شہید کے گھر جائیں گے۔

    میجر جنرل آصف غفور نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں ، شہیدوں کو سلام ، ہمیں پیار ہے پاکستان سے۔

  • اے آر وائی فلم ’پنجاب نہیں جاؤں گی‘ نے عالمی ایوارڈ جیت لیا

    اے آر وائی فلم ’پنجاب نہیں جاؤں گی‘ نے عالمی ایوارڈ جیت لیا

    بیجنگ: چین میں منعقد ہونے والے شنگھائی فلم فیسٹیول میں اے آر وائی فلمز کے بینر تلے بننے والی فلم ’پنجاب نہیں جاؤں گی‘ نے بہترین فلم کا ایوارڈ جیت لیا۔

    تفصیلات کے مطابق چین کے صوبے شانڈونگ میں واقع شہر چنگڈاؤ میں پہلا شنگھائی تعاون تنظیم فلم فیسٹیول منعقد کیا گیا جس میں بھارت سمیت 12 ممالک کی فلموں کو اسکریننگ کے لیے منتخب کیا گیا۔

    شنگھائی آرگنائزشن کوآپریشن میں اسپیشل جیوری ایوارڈ کیٹگری میں تمام فلموں کو دیکھنے کے بعد ججز نے اے آر وائی کی فلم پنجاب نہیں جاؤں گی کو بہترین فلم کا ایوارڈ دیا۔

    مزید پڑھیں: باکس آفس پر’’پنجاب نہیں جاؤں گی‘‘ سال2017کی کامیاب ترین فلم قرار

    فیسٹیول میں ہزاروں چینی شہریوں نے شرکت کی، ناظرین کو تمام ممالک بشمول پاکستان میں ریلیز ہونے والی فلمیں دکھائی گئیں، فلم کی کہانی، ہدایت کاری اور اداکاری کو مدنظر رکھتے ہوئے فلم پنجاب نہیں جاؤں گی کو بیسٹ فلم اسپیشل جیوری کا ایوارڈ دیا گیا۔

    اداکارہ ہمایوں سعید اور مہوش حیات نے تقریب میں شرکت کی اور ایوارڈ وصول کیا، سماجی رابطے کی ویب سائٹ پر ہمایوں سعید نے عید کے موقع پر پاکستانیوں کو بڑی خوش خبری سنائی۔

    سماجی رابطے کی ویب سائٹ پر اُن کا کہنا تھا کہ ’یہ ایوارڈ فلم کی ٹیم اور پاکستانیوں کے لیے عید کا تحفہ ہے‘۔

    دوسری جانب اداکارہ مہوش حیات نےبھی خوشی کا اظہارکرتےہوئے لکھا کہ پاکستانیوں کے لئے عالمی ایوارڈ ملنا بہت بڑے فخرکاموقع ہے، پاکستانی فلمیں دنیا میں  سب کا مقابلہ کرسکتی ہیں۔

    تقریب میں ہمایوں سعید نے روایتی شیروانی اور مہوش حیات نے خوبصورت شلوارقمیص زیب تن کرکے شرکت کی اور ایوارڈ وصول کیا۔

    یہ بھی پڑھیں: بھارتی فلم ساز نے ’پنجاب نہیں جاؤں گی‘ کو ونر قرار دے دیا

    واضح رہے کہ  سال میں فلم پنجاب نہیں جاؤں گی سال 2017 میں ریلیز کی گئی تھی جس نے باکس آفس پر شاندار بزنس کرتے ہوئے تمام پاکستانی فلموں کا ریکارڈ توڑ دیا تھا،  سلمان اقبال فلمز، اےآروائی فلمز اور سکس سگما پلس کی مشترکہ پیشکش اور ندیم بیگ کی ہدایات میں بننے والی رومانوی اور کامیڈی فلم ’’پنجاب نہیں جاؤں گی‘‘ نے 50 کروڑ روپے کمائی کی تھی۔

    پاکستان میں بھرپور پذیرائی حاصل کرنے کے ساتھ ساتھ فلم نے عالمی سطح پر بھی باکس آفس کے نئے ریکارڈ قائم کیے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کرکٹ کے فروغ میں اے آر وائی نیوز کا اہم کردار ہے، باکسرعامرخان

    کرکٹ کے فروغ میں اے آر وائی نیوز کا اہم کردار ہے، باکسرعامرخان

    لندن : پاکستانی نژاد برطانوی باکسر عامر خان نے کہا ہے کہ  اے آر وائی نیوز کے سی ای او سلمان اقبال نے پی ایس ایل کے ذریعے پاکستان میں کرکٹ کو فروغ دیا، میری خواہش ہے کہ میں بھی پاکستان میں باکسنگ لیگ کراؤں۔

    ان خیالات کا اظہار انہوں نے لندن میں میڈیا سے غیر رسمی گفتگو کرتے ہوئے کیا، باکسر عامر خان نے پاکستان میں کرکٹ کی بحالی پر اے آر وائی نیوز  اور سی ای او سلمان اقبال کو خراج تحسین پیش  کیا۔

    انہوں نے کہا کہ اے آر وائی نیٹ ورک کے سی ای او سلمان اقبال نے پی ایس ایل کے ذریعے کرکٹ کو فروغ دیا، سلمان اقبال میرے اچھے دوست ہیں، وہ کرکٹ کے فروغ کیلئے بہت کام کررہے ہیں، امید ہے کہ سلمان اقبال کرکٹ کے فروغ کیلئے کام جاری رکھیں گے۔

    عامر خان نے مزید کہا کہ پی ایس ایل کو اےآر وائی کی سپورٹ بھی حاصل ہے، پی ایس ایل سے پاکستان کی کرکٹ کو بہت فائدہ ہورہا ہے، انٹرنیشنل کھلاڑیوں کو پاکستان لانا بڑی کامیابی ہے۔

    باکسرعامرخان کا کہنا تھا کہ اس سال پاکستان میں باکسنگ لیگ شروع کررہا ہوں، امید کرتا ہوں کہ سلمان اقبال اور اےآروائی نیوز اسے سپورٹ کریں گے، مجھے یقین ہے کہ باکسنگ لیگ بھی پی ایس ایل کی طرح کامیاب ہوگی۔

    وہ دن بھی آئے گا جب کرکٹ اسٹیڈیم میں باکسنگ کا میچ ہوگا جس میں میری فائٹ ہوگی، عامر خان کا کہنا تھا کہ میری اگلی فائٹ ستمبر میں ہے جس کیلئے محنت کررہاہوں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • ریسلر انعام بٹ کی آئندہ اولمپکس کے لیے تیاری کا بیڑا سلمان اقبال نے اٹھا لیا

    ریسلر انعام بٹ کی آئندہ اولمپکس کے لیے تیاری کا بیڑا سلمان اقبال نے اٹھا لیا

    کراچی: کامن ویلتھ گیمز میں گولڈ میڈل حاصل کرنے والے ریسلر انعام بٹ کی آئندہ اولمپکس کی تیاری اے آر وائی نیٹ ورک کے سربراہ سلمان اقبال نے اپنے ذمے لے لی۔

    تفصیلات کے مطابق اے آر وائی نیٹ ورک کے سربراہ سلمان اقبال نے کامن ویلتھ گیمز میں گولڈ میڈل جیتنے والے ریسلر انعام بٹ کے لیے بڑا اعلان کرتے ہوئے کہا ہے کہ انعام بٹ کی آئندہ اولمپکس کے لیے تیاری میں مدد فراہم کریں گے۔

    سلمان اقبال نے انعام بٹ سے ٹیلی فونک رابطہ کے دوران کہا کہ پاکستان کا نام روشن کرنے والے ہر کھلاڑی کے ساتھ ہیں۔ انعام بٹ کو 2 سال کے دوران مختلف بین الاقوامی ایونٹس میں بھیج کر تیاری کروائی جائے گی۔

    مزید پڑھیں: قومی ریسلنگ ٹیم کی وطن آمد

    انہوں نے انعام بٹ کو بھرپور سپورٹ کی یقین دہانی کرواتے ہوئے کہا کہ ہم اور آپ مل کر آئندہ اولمپکس میں انشا اللہ گولڈ میڈل پاکستان لائیں گے۔

    ریسلر انعام بٹ نے سپورٹ کرنے پر سلمان اقبال کا شکریہ ادا کیا۔ ان کا کہنا تھا کہ سلمان اقبال کی سپورٹ سے اولمپکس میں گولڈ میڈل ضرور جیتوں گا۔

    بعد ازاں اے آر وائی نیوز سے گفتگو کرتے ہوئے انعام بٹ نے کہا کہ مدد کے اعلان پر سلمان اقبال کا بہت شکر گزار ہوں۔

    انہوں نے کہا کہ میرے لیے مدد کا اعلان بہت بڑی خوشی ہے۔ ’مجھے اتنی خوشی میڈل جیت کر نہیں ہوئی جتنی اب ہو رہی ہے‘۔

    انعام نے مزید کہا کہ اللہ پر بھروسہ تھا، اللہ نے میری کوشش سے بڑھ کر مجھے پھل دیا۔

    خیال رہے کہ آئندہ اولمپکس سنہ 2020 میں ٹوکیو میں ہوگا۔

    انعام بٹ چند روز قبل آسٹریلیا کے شہر گولڈ کوسٹ میں ریسلنگ کی 86 کلو گرام کیٹگری میں ناقابل شکست رہے تھے۔

    انعام نے آسٹریلیا، بھارت اور کینیڈین ریسلر کو ہراتے ہوئے فائنل میں جگہ بنائی تھی اور پھر نائیجرین ریسلر کو فائنل میں چاروں شانے چت کردیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سلمان اقبال کا کراچی کنگز کو سپورٹ کرنے پر مداحوں کا شکریہ

    سلمان اقبال کا کراچی کنگز کو سپورٹ کرنے پر مداحوں کا شکریہ

    کراچی: پاکستان سپر لیگ میں کراچی کنگز کی ٹیم کے مالک سلمان اقبال نے ٹیم کو سپورٹ کرنے پر مداحوں کا شکریہ ادا کیا۔

    ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام میں کیا، انہوں کہا کہ مداحوں سے معذرت خواہ ہوں کہ ہم پی ایس ایل کے دوسرے ایلی مینٹر میں پشاور زلمی کے ہاتھوں شکست سے دوچار ہوگئے تاہم ہار جیت کھیل کا حصہ ہے۔

    کراچی کنگز کے مالک سلمان اقبال نے کہا کہ لاہور سے کراچی جارہا ہوں مگر افسوس ہے کہ اپنی ٹیم کے بغیر کراچی آنا پڑ رہا ہے مگر مداحوں کا بہت شکریہ جنہوں نے کراچی کنگز کی ٹیم کو سپورٹ کیا۔

     پشاور زلمی کی جیت کا مطلب ہے کہ کراچی کنگز اپنے ہوم گراؤنڈ پر فائنل نہیں کھیل پائے گی، مگر پشاور زلمی کا مقابلہ اتوار 25 مارچ کو سابق چیمپئن اسلام آباد یونائیٹڈ سے ہوگا۔

     ایونٹ میں کراچی کنگز کی ٹیم کے کھلاڑیوں کو انجریز کا سامنا رہا، شاہد آفریدی گھٹنے اور عماد وسیم کے سر پر چوٹیں آئیں جس کے سبب پشاور زلمی کے خلاف محمد عامر نے کپتانی کے فرائض انجام دئیے۔

    یہ پڑھیں: پشاور زلمی نے کراچی کنگز کو شکست دے کر فائنل تک رسائی حاصل کرلی

    واضح رہے کہ گزشتہ روز پاکستان سپر لیگ سیزن تھری کے دوسرے ایلی مینٹر میچ میں پشاور زلمی نے کراچی کنگز کو 13 رنز سے شکست دے کر فائنل کے لیے کوالیفائی کرلیا ہے، فائنل میچ میں پشاور زلمی اور اسلام آباد یونائیٹڈ کے درمیان 25 مارچ کو نیشنل اسٹیڈیم کراچی میں ہوگا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔