کراچی: معروف اداکارعدنان صدیقی نے کراچی کنگز اوراے آر وائی ڈیجیٹل کے سی ای او سلمان اقبال کے لیے نیک تمناؤں کا اظہار کرتے ہوئے کہا کہ پی ایس ایل میں کراچی کنگز کے شیر ڈھاریں گے۔
تفصیلات کے مطابق پاکستان کے معروف اداکارعدنان صدیقی نے سوشل میڈیا کی ویب سائٹ فیس بک پر اپنے پیغام میں دلوں کے بادشاہ کراچی کنگز کا حصہ بننے پرخوشی کا اظہار کیا۔
عدنان صدیقی نے اے آر وائی ڈیجیٹل کے سی ای او اور کراچی کنگز کے مالک سلمان اقبال کا بالخصوص شکریہ ادا کیا۔
معروف اداکار نے پی ایس ایل میں کھیلنے والی تمام ٹیموں اورخاص کرکراچی کنگز کے لیے نیک خواہشات کا اظہار کرتے ہوئے کہا کہ لڑکوں جاؤ اور ہمارے لیے کپ اٹھاؤ، خوشی کو دوبالا بلکہ سہہ بالا کردو کیونکہ بین الاقوامی کرکٹرز کراچی آرہے ہیں۔
انہوں نے کہا کہ کرکٹ ایک ایسا کھیل ہے جو ہماری قوم کو متحد کرتا ہے اور پی ایس ایل پاکستان کرکٹ کے لیے گیم چینجر ہے، اس کے ذریعے نیا ٹیلنٹ سامنے آرہا ہے۔
عدنان صدیقی نے کہا کہ پاکستان سپرلیگ کا تھرڈ ایڈیشن پورے آب وتاب سے شروع ہونے کو ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
کراچی: کراچی کنگز کے مالک اور اے آر وائی ڈیجیٹل کے سی ای او سلمان اقبال کا کہنا ہے کہ ہمارے ٹیلنٹ ہنٹ سے ڈھونڈے گئے لڑکےعالمی کرکٹ کھیل رہے ہیں۔
تفصیلات کے مطابق نیا ناظم آباد میں کراچی کنگز کے اعزازمیں تقریب سے خطاب کرتے ہوئے کراچی کنگز کے مالک سلمان اقبال نے کہا کہ بھارت نے بنگلہ دیش اور سری لنکا کے کھلاڑیوں کو پی ایس ایل سے روکنے کے لیے سیریزکا اعلان کردیا۔
کراچی کنگز کے مالک سلمان اقبال نے کہا کہ ہم نے پاکستان میں کرکٹ واپس لانے کاوعدہ کیا تھا، ہم نے ٹی 10 لیگ شروع کی جوآج بہت مقبول ہوچکی ہے۔
اے آر وائی ڈیجیٹل کے سی ای او سلمان اقبال نے کہا کہ ہمارے ٹیلنٹ ہنٹ سے ڈھونڈے گئے لڑکےعالمی کرکٹ کھیل رہے ہیں۔
کراچی کنگز کے مالک سلمان اقبال نے کہا کہ تین سال سے روایت برقرار رکھنے پر عارف حبیب صاحب کا شکرگزار ہوں۔
اے آر وائی ڈیجیٹل کے سی ای او سلمان اقبال نے سیکیورٹی دینے پرپولیس اورسیکیورٹی اداروں کا شکریہ ادا کیا۔
کراچی کنگز کے مالک سلمان اقبال نے کہا کہ دعاکریں ہم دبئی سے سرخروہوکرآئیں اور کراچی میں فائنل کھیلیں۔
ناصرحسین شاہ
صوبائی وزیربرائے اطلاعات ناصرحسین شاہ نے تقریب سے خطاب کرتے ہوئے کہا کہ کراچی کنگزناصرف فائنل کھیلےگی بلکہ جیتے گی بھی۔
انہوں نے کہا کہ قیام امن کا سہرا سندھ حکومت ، سیکیورٹی اداروں، عوام کے سر ہے جبکہ وزیراعلیٰ سندھ کا شہر میں امن کے لیے اہم کردار ہے۔
ناصر حسین شاہ نے کہا کہ پی ایس ایل کی تمام ٹیمیں ہماری ہیں، مگرکراچی کنگزخاص اہم ہے، کراچی کنگز اورپی ایس ایل کے یے بہت محنت کی گئی ہے۔
صوبائی وزیر نے کہا کہ عارف حبیب صاحب کرکٹ کوبہت پروموٹ کرتے ہیں، نیا ناظم آباد میں ہم بھی کرکٹ کھیل چکے ہیں۔
کپتان کراچی کنگزعماد وسیم
کراچی کنگز کے کپتان عماد وسیم نے نیا ناظم آباد میں کراچی کنگز کے اعزازمیں تقریب سے بات چیت کرتے ہوئے کہا کہ کوشش ہے کہ ہم فائنل کراچی میں آکر کھیلیں۔
عماد وسیم نے کہا کہ پی ایس ایل میں بھرپورکارکردگی دکھانے کی کوشش کریں گی، کراچی کنگز کی کامیابی کے لیے قوم سے دعا کی اپیل ہے۔
کراچی کنگز کے کپتان نے کہا کہ عوام ہماری فتخ کے لیے دعائیں کریں ، باقی کام ہمارا ہے۔
راشد لطیف
کراچی کنگز کے ٹیم ڈائریکٹر راشد لطیف نے تقریب میں تقریب میں شرکت کرنے والوں کا شکریہ ادا کرتے ہوئے کہا کہ پی ایس ایل 3 کی اہم بات یہ ہےکہ فائنل کراچی میں ہے۔
راشد لطیف نے کہا کہ ملک بھر میں ٹیلنٹ ہے، سامنے لانے کے لیے وسائل کی کمی ہے، ٹیلنٹ کوپلیٹ فارم دے کر سامنے لانے کی کوشش کررہے ہیں۔
کراچی کنگز کے ٹیم ڈائریکٹر نے کہا کہ اگرسندھ حکومت ساتھ دے تو کرکٹ اکیڈمی بن سکتی ہے، حیدرآباد میں اکیڈمی بنے تو پورے سندھ کو فائدہ ہوگا۔
راشد لطیف نے کہا کہ پاکستان میں ہرجگہ ٹیلنٹ ہے بس ڈھونڈنے کی ضرورت ہے۔
وزیراعلیٰ سندھ مراد علی شاہ
وزیراعلیٰ سندھ مرادعلی شاہ نے تقریب سے خطاب کرتے ہوئے کہا کہ پی ایس ایل 3 کا فائنل انشااللہ کراچی کنگز ہی جیتے گی۔
انہوں نے کہا کہ کراچی کنگزکا کراچی میں فائنل کھیلنے کا انتظار کروں گا، پی ایس ایل 3 کا فائنل انشااللہ کراچی کنگزہی جیتے گی۔
اے آروائی کے پروگرام جیتو پاکستان کے خصوصی پروگرام میں کراچی کنگز کی ٹیم لانچنگ اور تھیم سانگ لانچنگ کی خصوصی تقریب منعقد ہوئی‘ اس موقع پر ٹیم انتظامیہ‘ کھلاڑی اور معزز اسپانسرز بھی موجود تھے۔
تفصیلات کے مطابق پاکستان کے سب سے بڑے گیم شو’جیتو پاکستان‘ کے خصوصی پروگرام کی میزبانی فہد مصطفےٰ اور وسیم بادامی نے کی ‘ اس موقع پر ٹیم کے مالک سلمان اقبال کا کہنا تھا کہ کراچی کنگز محض ایک ٹیم نہیں بلکہ ایک خاندان ہے۔
لانچنگ کی تقریب سے قبل ٹیم مالکان ‘ انتظامیہ اور کھلاڑیوں نے اپنے مداحوں اور اسپانسرز کے ساتھ بھرپور وقت گزارا۔ اس موقع پر کراچی کنگز کے مالک سلمان اقبا ل اور ان کی مکمل ٹیم، صدر شاہد خان آفریدی، کپتان عماد وسیم، بابر اعظم، عثمان خان، اسامہ میر، تابش خان، حسن محسن، خرم منظور، محمد رضوان، مشتاق کلہوڑو، سیف اللہ بنگش، محمد طحہٰ، محمد عرفان اور روی بوپارا موجود تھے۔
کراچی کنگز کی جانب سے سجائی گئی اس رنگا رنگ تقریب میں ٹیم اینتھم ’دے دھنادن‘ کی لانچنگ بھی کی گئی جس پر معروف گلوکار شہزاد رائے نے پرفارم کیا ۔گانے کی ویڈیو میں بوم بوم شاہد آفریدی، عماد وسیم، محمد عامر اور بابر اعظم نے بھی اپنا جلوہ دکھایا ہے
‘کراچی کنگز محض ٹیم نہیں بلکہ ایک خاندان ہے’
اس موقع پر ٹیم کے مالک جناب سلمان اقبال کا کہنا تھا کہ ’’کراچی کنگز ہم سب کا ہے ‘ یہ ٹیم سے بڑھ کر ایک خاندان ہے۔ انہوں نے کہا کہ ہم پر یقین ہیں کہ یہ خاندان پی ایس ایل کے اس سیزن میں اپنے جذبے اور محنت سے کامیابی حاصل کرے گا۔ جیسا کہ آپ جانتے ہیں کہ فائنل کا انعقاد کراچی میں ہوگا اور ہمارے لیے یہ فخر کا مقام ہوگا کہ ہم اپنے گھر کے میدان میں اپنے لوگوں کے درمیان فاتح کے طور پر کھڑے ہوں۔ انہوں نے اس موقع پر روی بوپارا کا خصوصی شکریہ ادا کیا کہ وہ ٹیم کی لانچنگ کے لیے کراچی تشریف لائے‘ اس سے پاکستان کا مثبت چہرہ دنیا کے سامنے ابھرے گا۔ جو کہ ہمیشہ سے ہمارا مقصد رہا ہے‘‘۔
اس خوبصورت شام کو یاد گار بنانے کے لیے فیصل قریشی اور صنم بلوچ بھی موجود تھے۔ دی آرکیڈین کے چیئرمین عقیل کریم ڈھیڈی، فوجی فاؤنڈیشن کے شعبہ کارپوریٹ کمیونیکیشن کے سربراہ بریگیڈیر مجتبیٰ۔ کراچی کنگز کے سی ای او طارق وصی اور ٹیم ڈائریکٹر راشد لطیف خصوصی طور پر موجود تھے۔
اس خوبصورت شام کو یادگار بنانے کے لیے کراچی کنگز ٹیم کی انتظامیہ اور ممبران اپنے مداحوں کی محبت کے شکرگزار ہیں اور اس موقع پر اپنے اسپانسرز کا خصوصی شکریہ ادا کرتے ہیں۔ ’بحریہ ٹاؤن ‘ – کراچی کنگز کا ٹائی ٹینیم اسپانسر ہے جبکہ’نور پور‘ اور’دی آرکیڈین‘ کراچی کنگز کے پلاٹینیم اسپانسرز ہیں۔ ٹیم کی آفیشل سپر مارکیٹ -’امتیاز سپر اسٹور‘ہے ، ’برائیٹو پینٹ‘ ہمارے پینٹ پارٹنر ہیں جبکہ ہمارا ہوم گراؤنڈ پارٹنر ’نیا ناظم آباد‘ہے۔
ایونٹ کی تصویری جھلکیاں
ٹیم کے مالک جناب سلمان اقبال تقریب سےخطاب کرتے ہوئےشاہد خان آفریدی دیگر کھلاڑیوں کے ہمراہ خوش گوار انداز میںگفتگو کا ایک منظرصنم بلوچ اور فہد مصطفیٰ – شرکاء کو محضوظ کرتے ہوئےوسیم بادامی – پرجوش انداز میںاے آروائی انتظامیہ
اےآروائی نیٹ ورک کے صدر اور سی ای او آج اپنے چینل کے مارننگ شو میں مہمان کی صورت جلوہ افروز ہوئے اور کہہ دیں اپنے دل کی وہ سب باتیں جو عوام جاننا چاہتے ہیں ‘ انہوں نے شہرقائد کے باسیوں سے درخواست کی ہے کہ کراچی کنگز کے میچز کے دوران شہر ِقائد اپنی ٹیم کے بینرز سے ایسے سجے کہ تمام شہر اس کی مثال دیں ۔
اے آر وائی نیوز کے ’دامارننگ شو ‘ میں آج کے مہمان سلمان اقبال نے شو کی میزبان صنم بلوچ کے سوالات کے جواب دیتے ہوئے کہا کہ کراچی کنگز کو اپنی ٹیم بنانے کی خواہش ان کے والدِ محترم اقبال صاحب کی تھی۔
انہوں نے کہا کہ کراچی کنگز آپ کے اپنے شہر کی ٹیم ہے‘ چاہے آپ میچز دیکھنے یواے ای جائیں یا گھر میں ٹی وی کی اسکرین پر اس سنسنی خیز معرکے سے لطف اندوزہوں کراچی کنگز آپ کی ٹیم ہے اسے سپورٹ کریں تاکہ کھلاڑیوں کے حوصلے بلند رہیں۔
شو میں ان کی موجودگی سے فائدہ اٹھاتے ہوئے صنم بلو چ نے پوچھے ان سے ایسے بہت سے سوالات جن کے جواب سلمان اقبال کی ملک و قوم کے لیے خدمات کے گرویدہ افراد جاننا چاہتے ہیں۔ٹیم میں پسندیدہ کھلاڑی سے متعلق پوچھے گئے سوال کے جواب میں انہوں نے بتایا کہ ویسے تو انہیں اپنی ٹیم کے ہر کھلاڑی سے بے پناہ پیار ہے لیکن شاہد آفریدی اور عماد وسیم انہیں خصوصی طور پر پسند ہیں۔ انہوں نے یہ بھی بتایا کہ وہ پی ایس ایل کے شروع سے اس بات کے خواہش مند تھے کہ اسٹار کرکٹر شاہد آفریدی کراچی کنگز سے کھیلیں اور اب یہ ممکن ہوچکا ہے۔
پاکستان سے باہر پسندیدہ شہر سے متعلق پوچھے گئے سوال کے جواب میں انہوں نے بتایا کہ پاکستان سے باہر نیویارک ان کا پسندیدہ شہر ہے‘ جہاں جاکر وہ خود کوپرسکون محسوس کرتے ہیں حالانکہ وہ ہرگز کوئی پرسکون شہر نہیں ہے۔ انہوں نے یہ بھی بتایا کہ فون پر مسلسل مصروف رہنا ان کی ذمہ داریوں کے سبب مجبوری بن چکا ہے۔ زندگی میں ایک بار جب تعطیلات پر گئے تو ان کی شریکِ حیات نے پابندی عائد کردی تھی کہ وہ فون استعمال کریں گے‘ تب بھی وہ چپکے چپکے اپنا فون چیک کرتے رہے۔
انہوں نے اعتراف کیا کہ انہوں نے اپنے غصے پر قابو پایا ہے اور اب وہ بہت کم کسی بات پر غصے میں آتے ہیں۔ انہوں نے کہا کہ انہیں کام پر غصہ آتا ہے ‘ اور جو ان کے دل میں ہوتا ہے وہ کہہ دیتے ہیں۔ اپنی خوشی اور ناراضی کا بروقت اظہار کرتے ہیں‘ ان کے دل میں اور زبان پر کوئی سنسر شپ نہیں۔
اےآروائی نیٹ ورک کے صدر اور سی ای او ‘ سلمان اقبال گزشہ کئی برس سے وطنِ عزیز کے مثبت تاثر کو اجاگر کرنے کے لیے کوشاں ہیں اور اس کے لیے اے آروائی فلمز کے بینر سے پیش کی جانے والی فلمیں‘ پی ایس ایل میں کراچی کنگز اور ٹی ٹین کرکٹ فارمیٹ کے
علاوہ مختلف کھیلوں اور مثبت معاشرتی سرگرمیوں کی بھرپورحوصلہ افزائی اور سپورٹ ان کی شخصیت کا خاصہ ہے۔
کراچی: پی ایس ایل کی سب سے بڑی ٹیم کراچی کنگز اور دی آرکیڈینز کے مابین اسپانسر شپ کا معاہدہ طے پاگیا، آرکیڈینز کے سربراہ عقیل کریم ڈھیڈھی کا کہنا ہے کہ کراچی کنگز اس بار چیمپئن بنے گی۔
تفصیلات کے مطابق کراچی کنگز کے مالک اور اے آر وائی ڈیجیٹل کے سی ای او سلمان اقبال اور پاکستان کی معروف کاروباری شخصیت عقیل کریم ڈھیڈی (اے کے ڈی) کی ملاقات ہوئی۔
دورانِ ملاقات کراچی کنگز اور دی آرکیڈینز کے درمیان اسپانسر شپ کا معاہدہ طے پایا جس پر سلمان اقبال اور عقیل کریم ڈھیڈی نے دستخط کئے، اس موقع پر کراچی کنگز کے سی ای او طارق وصی بھی موجود تھے۔
دی آرکیڈینز کے چیئرمین اے کے ڈی کا کہنا تھا کہ کراچی کنگز کرکٹ کے فروغ میں بہترین کردار ادا کررہی ہے جبکہ سلمان اقبال کی کاوشوں سے ہی پاکستان سپرلیگ کے تیسرے ایڈیشن کا فائنل اب کراچی میں منعقد کیا جارہا ہے۔
اُن کا کہناتھا کہ پی ایس ایل کا تیسرا ایڈیشن کراچی کنگز کے لیے خوش قسمت ثابت ہوگا اور اس بار چیمئن بھی کراچی کی ہی ٹیم بنے گی۔
کراچی کنگز کے مالک سلمان اقبال نے عقیل کریم ڈھیڈی کو کراچی کنگز کی اعزازی جرسی پیش کی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
کراچی کنگز اور ٹی سی ایس کے درمیان معاہدہ طے پاگیا ہے، شائقین اب گھر بیٹھے باآسانی ٹی شرٹ حاصل کرسکیں گے۔ کراچی کنگز کے مالک سلمان اقبال کا کہنا ہے کہ کراچی کنگز پی ایس ایل کی بہترین ٹیموں میں سے ایک ہے ،پی ایس ایل کا فائنل کراچی میں ہے، دعا کریں ہم بھی فائنل میں پہنچیں۔
تفصیلات کے مطابق پی سی ایل سیزن تھری شروع ہونے میں کچھ دن ہی باقی رہ گئے ہیں اور اس عظیم الشان ایونٹ کی سرگرمیاں عروج پر ہیں، اسی سلسلے میں کراچی کنگز اور ٹی سی ایس کے درمیان معاہدہ طے پا گیا ہے، جس کے تحت کراچی کنگز کے شائقین ٹی سی ایس کے ذریعے آن لائن ٹی شرٹس اوردیگر چیزیں حاصل کرسکیں گے۔
کراچی کنگز اور ٹی سی ایس کی مشترکہ پریس کانفرنس میں کراچی کنگز کے مالک سلمان اقبال اور ٹی سی ایس کے سی ای او اور صدر ایم اے منان موجود تھے۔ معاہدے کی تقریب میں کراچی کنگز کے کپتان عماد وسیم اور دیگر اسٹارز کی بھی شرکت کی۔
اس حوالے سے کراچی کنگز کے مالک سلمان اقبال نے تقریب سے خطاب کرتے ہوئے کہا کہ کراچی کنگزکاحصہ بننے پرٹی ایس اورایم اے منان کوخوش آمدید، yayvo.comسےشائقین کراچی کنگز کی مرچنڈائز ٹی شرٹس اور دیگر اشیا با آسانی حاصل کرسکیں گے۔
سلمان اقبال کا کہنا تھا کہ ٹیم کی مقبولیت کے لیے مرچنڈائزنگ اورمارکیٹنگ بے پناہ اہمیت کی حامل ہے، پی ایس ایل کا فائنل کراچی میں ہوگا دعا ہے کراچی میں پی ایس ایل کافائنل کراچی کنگز کھیلے، ان کا کہنا تھا کہ گزشتہ سال کراچی کنگز کی ٹی شرٹس کی ڈیمانڈ سب سے زیادہ تھی۔
کراچی کنگز کے مالک سلمان اقبال نے یہ بھی کہا کہ کراچی کنگز پی ایس ایل کی بہترین ٹیموں میں سے ایک ہے‘ کراچی کنگز اچھی کارکردگی دکھانے کی بھرپورکوشش کرے گی۔
کراچی کنگز کی ٹی شرٹس شائقین کو گھر بیٹھے ملے گی
صدر اور سی ای او ٹی سی ایس ایم اےمنان نے تقریب سے خطاب میں کہا کہ پاکستان اور پاکستانیوں کو کرکٹ سے دور نہیں کیاجاسکتا ، کراچی کنگز کی ٹی شرٹس ہماری ویب سائٹ yayvo.com پر دستیاب ہوں گی، کراچی کنگز کی ٹی شرٹس گھربیٹھے2گھنٹے میں مل جائے گی، کرکٹ دیکھئے چیزیں خریدیں اور لطف اندوز ہوں۔
اس موقع پر ایم اے منان نے کراچی کنگز کے مالک سلمان اقبال کا شکریہ ادا کیا۔
تقریب میں کراچی کنگز کے کپتان عمادوسیم نے کہا کہ شائقین کو مایوس نہیں کریں گے، پی ایس ایل کے تیسرے ایڈیشن میں پہلے سے زیادہ اچھی اوربہترین کارکردگی دکھائیں گے۔
لاہور: پاکستان کرکٹ بورڈ (پی سی بی) نے پی ایس ایل کے تیسرے ایڈیشن کے شیڈول کا اعلان کردیا، ایونٹ کے میچز 22 فروری سے 25 مارچ تک ہوں گے جبکہ فائنل 25 مارچ کو کراچی میں ہوگا۔
پی سی بی کی جانب سے جاری کردہ شیڈول کے مطابق پی ایس ایل کا تیسرا ایڈیشن 22 فروری سے 25 مارچ تک ہوگا اور اس دوران مختلف ٹیموں کے مابین 34 میچز کھیلے جائیں گے۔
ایونٹ کا افتتاحی میچ پشاور زلمی اور تیسرے ایڈیشن میں شامل ہونے والی نئی فرنچائز ملتان سلطان کے درمیان ہوگا جبکہ پلے آف 20 اور 21 مارچ کو لاہور میں کھیلے جائیں گے۔
اس ضمن میں چیئرمین پی سی بی نجم سیٹھی کا کہنا ہے کہ دنیا کے سامنے نیا ٹیلنٹ لانے میں پی ایس ایل کا تیسرا ایڈیشن بھی اہم کردار ادا کرے گا، امید ہے شائقین کی بڑی تعداد میچز دیکھنے کے لیے گراؤنڈ آئے گی۔
نجم سیٹھی کے مطابق کراچی کنگز 23 فروری کو کوئٹہ گلیڈی ایٹرز جبکہ دوسرا میچ 25 فروری کو پشاور زلمی اور 26 فروری کو لاہور قلندرز اور 2 مارچ ملتان سلطان، 4 مارچ کو اسلام آباد یونائیٹڈ سے مدمقابل ہوگی۔
علاوہ ازیں کراچی کنگز کا دوبارہ 8 مارچ کو کوئٹہ گلیڈی ایٹرز، 10 مارچ کو ملتان سلطان، 11 مارچ کو لاہور قلندرز، 15 مارچ کو پشاور زلمی اور 16 مارچ کو اسلام آباد یونائیٹیڈ سے مقابلہ ہوگا۔
پی سی بی کے چیئرمین کا کہنا تھا کہ پی ایس ایل تھرڈ ایڈیشن کے مقابلے دبئی، لاہور اور کراچی میں منعقد کیے جائیں گے جن میں بین الاقوامی کھلاڑی بھی حصہ لیں گے۔
مکمل شیڈول
واضح رہے کہ پی ایس ایل میں کراچی کنگز، لاہور قلندرز، کوئٹہ گلیڈی ایٹرز، اسلام آباد یونائیٹڈ اور پشاور زلمی کی ٹیمیں تھیں تاہم تیسرے سیزن میں ایک ملتان سلطان کی چھٹی ٹیم کو بھی شامل کیا گیا ہے۔
دریں اثناء پہلے دو سیزن میں ٹوٹل 24 میچز منعقد کیے گئے تھے تاہم تیسرے سیزن میں مقابلوں کی تعداد بڑھا کر 34 کردی گئی ہے، ابتدائی دو سیزن کے میچ دبئی میں منعقد کیے گئے تھے جبکہ فائنل لاہور کے قذافی اسٹیڈیم میں کھیلا گیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : کروڑوں ناظرین کا پسندیدہ چینل اےآروائی نیٹ ورک 17سال کا ہوگیا، لندن میں چھوٹے دفتر سے شروع ہونے والا یہ چینل اب دنیا بھر میں چھا گیا ہے۔
تفصیلات کے مطابق اے آر وائی نیٹ ورک نے اپنے سفر کے سترہ سال کامیابی سے مکمل کر لئے ہیں، اس وقت اے آر وائی نیٹ ورک دنیا کے 126سے زائد ممالک میں پاکستان کی پہچان بن چکا ہے۔
اس موقع پر اے آروائی ڈیجیٹل نیٹ ورک کے صدر اور سی ای او سلمان اقبال کا کہنا ہے کہ اے آر وائی نیٹ ورک کی کامیابی کے سفر میں اپنی فیملی اپنی ٹیم اور ناظرین اورساتھ دینے والوں کا بے حد مشکور ہوں، ہم نے 17 سال قبل ایک چھوٹے سے دفتر سے اےآ ر وائی کا آغاز کیا تھا۔
انہوں نے کہا کہ اے آر وائی کو اس مقام تک پہنچانا اتنا آسان کام نہیں تھا، بہت محنت کے بعد اللہ کے فضل و کرم سے یہ مقام حاصل کیا۔
انہوں نے کہا کہ اے آر وائی کی کاوشوں سے اب پاکستانی فلمیں دنیا بھر کے سینماؤں میں دکھائی جاتی ہیں۔
علاوہ ازیں اے آر وائی نیٹ ورک کی سترہویں سالگرہ کے موقع پر مختلف سیاسی اور سماجی شخصیات نے مبارکباد کے پیغامات دیئے ہیں۔
It has been 17 years mashallah since we started ARY network from a small office. I would like to thank my family , my team and my viewers .
پاکستان تحریک انصاف کے رہنما فیصل جاوید نے اپنے پیغام میں کہا ہے کہ اےآر وائی نیٹ ورک میڈیا انڈسٹری میں انقلاب بن کر ابھرا ہے، اے آر وائی نیٹ ورک دیگر چینلز کیلئے اکیڈمی کی حیثیت رکھتا ہے۔
عثمان ڈار نے کہا کہ صحافتی میدان میں اے آر وائی نیوز کی خدمات ناقابل فراموش ہیں۔
کراچی: اے آر وائی فلم فیسٹیول کے کامیاب انعقاد کے بعد اب اے آر وائی نیٹ ورک پاکستان کی میوزک انڈسٹری کی ترقی کے لیے کوشاں ہے اور اس مقصد کے لیے ایک اچھوتے پروگرام ’آؤ مل کر بنائیں پاکستان‘ کا آغاز کردیا گیا ہے۔
اے آر وائی نیٹ ورک کے تحت شروع کیے جانے والے اس پروگرام کا مقصد گلوکاروں، موسیقاروں اور آرٹ کی دیگر صنف سے جڑے ملک بھر میں پھیلے نئے ٹیلنٹ کو سامنے لانا ہے۔
یہی نہیں اے آر وائی اپنے ملک کے منجھے ہوئے، عظیم اور باصلاحیت فنکاروں کو بھی نہیں بھولا جنہوں نے دنیا بھر میں ملک کا نام روشن کیا اور اب وہ بھی اس پروگرام کا حصہ ہیں۔
اے آر وائی کے اس پروگرام کا ایک مقصد پائریسی (جعلی طریقوں سے میوزک و فلموں کا انٹرنیٹ پر آجانا) کی روک تھام کرنا اور درست طریقے سے آرٹ کو فروغ دینا بھی ہے تاکہ نئے ٹیلنٹ کی نہ صرف حوصلہ افزائی ہو بلکہ انہیں ان کے فن اور محنت کا معاشی صلہ بھی ملے۔
اے آر وائی میوزک کے زیر اہتمام شروع کی جانے والی اس مہم کے تحت باصلاحیت فنکاروں کے گانوں کی ویڈیوز کو آے آر وائی نیٹ ورک کے تمام پلیٹ فارمز بشمول ٹی وی چینلز، سوشل میڈیا صفحات اور ویب سائٹس پر مشتہر کیا جائے گا تاکہ نیا ٹیلنٹ زیادہ سے زیادہ ابھر کر سامنے آسکے۔
علاوہ ازیں ان نئے فنکاروں کو اے آر وائی نیٹ ورک ٹی وی کے مختلف پروگرامز میں بھی مدعو کیا جائے گا۔
اگر آپ بھی گلوکار ہیں تو آپ بھی اس نادر موقع سے فائدہ اٹھا سکتے ہیں اور دنیا کو اپنے فن سے روشناس کروا سکتے ہیں۔
بس اس کے لیے آپ کو اپنی آواز میں ریکارڈ شدہ گانا یا میوزک کمپوزیشن، اپنا نام اور دیگر تفصیلات اس ای میل ایڈریس پر روانہ کرنی ہوں گی۔
دوسری جانب اے آر وائی نیٹ ورک کے سربراہ سلمان اقبال نے اپنے پیغام میں عوام سے اپیل کی ہے کہ وہ بھی اس مہم کا حصہ بنیں، نہ صرف اپنے آس پاس موجود فنکاروں کو اس پروگرام کے بارے میں بتائیں، بلکہ دیگر باصلاحیت افراد کی حوصلہ افزائی کے لیے انہیں ووٹنگ بھی کریں۔
سلمان اقبال کا کہنا ہے، ’ایک عہد، ایک جستجو، پاکستان کی میوزک انڈسٹری کے لیے ۔ آؤ مل کر بنائیں پاکستان‘۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : سلمان اقبال فلمز، اےآروائی فلمزاور سکس سگما پلس کی مشترکہ پیشکش "فلم پنجاب نہیں جاؤں گی” نے دھوم مچادی جبکہ انٹرنیشنل لیول پر بھی باکس آفس کے نئے ریکارڈ قائم کردیئے۔
تفصیلات کے مطابق سلمان اقبال فلمز، اےآروائی فلمزاورسکس سگماپلس کی مشترکہ پیشکش فلم پنجاب نہیں جاؤں گی نےعید میلہ لُوٹ لیا، سینماگھروں پر رش جاری ہے جبکہ باکس پر فلم نے سب ہی کو پیچھے چھوڑدیا۔
فلم بین اداکار ہمایوں سعید اور سہیل احمد کی تعریف کرتے نہیں تھکتے، انکا کہنا ہے کہ دوبارہ بھی ٹکٹ لیکر فلم دیکھیں گے۔
فلم پنجاب نہیں جاؤں گی لوگوں کی اتنی پسند آئی کہ سینماگھروں میں یہی گونج تھی، پاکستان میں بھرپور پذیرائی حاصل کرنے کے ساتھ ساتھ فلم پنجاب نہیں جاؤں گی نے انٹرنیشنل لیول پر بھی باکس آفس کے نئے ریکارڈقائم کر دیے۔
سلمان اقبال فلمز، اے آروائی فلمز اور سکس سگما فلمز کی پیشکش پنجاب نہیں جاؤں گی انٹرنیشنل مارکیٹ میں اب تک کی سب سے کامیاب فلم قرار پائی ہے۔
ے آر وائی فلمز اور سکس سگما پلس کی یہ مشترکہ کاوش پنجاب نہیں جاؤں گی کے ہداایتکار ندیم بیگ ہیں جبکہ اس کے پروڈیوسر اے آر وائی ڈیجیٹل نیٹ ورک کے سربراہ سلمان اقبال ہیں۔
فلم میں ہمایوں سعید اور مہوش حیات مرکزی کردار ادا کیا ہے جبکہ دیگر فنکاروں میں عروہ حسین، احمد علی بٹ اور صبا حمید بھی شامل ہیں۔ ہمایوں سعید فلم کے پروڈیوسر بھی ہیں۔
فلم کی کہانی گاؤں سے تعلق رکھنے والے ایک لڑکے اور ایک شہری لڑکی کی محبت پر مبنی ہے، جو کسی صورت پنجاب نہ جانے کا اعلان کرتی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
