ARYNews.tv | Urdu – Har Lamha Bakhabar

Tag: Salman Iqbal

  • اے آر وائی نیٹ ورک کے سربراہ سلمان اقبال کا بیگم کلثوم نواز کی صحتیابی کیلئے نیک خواہشات کا اظہار

    اے آر وائی نیٹ ورک کے سربراہ سلمان اقبال کا بیگم کلثوم نواز کی صحتیابی کیلئے نیک خواہشات کا اظہار

    کراچی : اے آر وائی نیٹ ورک کے سربراہ سلمان اقبال نے بیگم کلثوم نواز کی صحتیابی کے لیے نیک خواہشات کا اظہار کیا۔

    تفصیلات کے مطابق نواز شریف کی اہلیہ کلثوم نواز کی بیماری کی‌ خبر کے بعد دعاؤں اور نیک تمناؤں کا سلسلہ جاری ہے، اے آروائی نیٹ ورک کے سربراہ سلمان اقبال نے سماجی رابطے کی ویب سائٹ ٹوئٹر پر کلثوم نواز کی صحتیابی کی دعا اور نیک خواہشات کا اظہار کیا۔

    سلمان اقبال نے کہا کہ دعا ہے کہ بیگم کلثوم نواز جلد ٹھیک ہوجائیں۔

    یاد رہے کہ سابق وزیر اعظم میاں نواز شریف کی اہلیہ بیگم کلثوم نواز کو گلے کے کینسرکی تشخیص ہوئی تھی، ڈاکٹرز کا کہنا ہے بیگم کلثوم نوازکا کینسر ابتدائی مراحل میں ہے، جو قابل علاج ہے اور وہ جلد صحت یاب ہو جائیں گی، بیگم کلثوم نواز کا علاج لندن میں ہوگا۔

    مزید پڑھیں : کلثوم نواز گلے کے کینسر میں مبتلا

    سابق وزیراعظم کی اہلیہ قومی اسمبلی کے حلقہ این اے ایک سو بیس کے ضمنی انتخاب کے لئے مسلم لیگ (ن) کی امیدوار ہیں، سابق خاتون اول ضمنی انتخاب کے لئے کاغذات نامزدگی جمع کرانے کے آخری روز لندن روانہ ہوگئی تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • رعنائیوں بھرا اے آر وائی فلم فیسٹیول اختتام پذیر

    رعنائیوں بھرا اے آر وائی فلم فیسٹیول اختتام پذیر

    کراچی: پہلا اے آر وائی فلم فیسٹیول 3 روز تک جلوے بکھیرنے کے بعد اختتام پذیر ہوگیا۔ فیسٹیول کے آخری روز بہترین فلموں کو اعزازات سے نوازا گیا۔

    صوبہ سندھ کے دارالحکومت کراچی میں اے آر وائی نیٹ ورک کی جانب سے پہلے فلم فیسٹیول کا انعقاد کیا گیا جسے فن و ادب کے دلدادہ افراد کی جانب سے بے حد پذیرائی ملی۔

    اوشین مال میں 3 روز تک جاری رہنے والے اس فیسٹیول میں 33 ملکی و بین الاقوامی فلم سازوں اور ہدایت کاروں کی ایوارڈ یافتہ فلموں کی نمائش کی گئی۔

    ان میں آسکر ایوارڈ یافتہ فلمساز شرمین عبید چنائے کی ایوارڈ یافتہ دستاویزی فلم سانگ آف لاہور، ماہین ضیا کی لیاری نوٹس، اور ہدایتکار انجم شہزاد کی ماہ میر بھی شامل ہیں۔

    اس دوران ان فلموں کے ہدایت کاروں، مشہور شخصیات اور عام افراد نے بڑی تعداد میں شرکت کی۔

    فیسٹیول کا مقصد پاکستانی فلم انڈسٹری کی ترقی

    اے آر وائی ڈیجیٹل نیٹ ورک کے سربراہ سلمان اقبال نے اپنے پیغام میں کہا، ’اے آر وائی فلمز کے قیام کے آغاز سے ہی ہمارا بنیادی مقصد پاکستانی فلم انڈسٹری کی بحالی اور اس کو مزید ترقی دینا تھا۔ اس ضمن میں اے آر وائی نے پہلا فلم فیسٹیول منعقد کروا کر ایک اور سنگ میل عبور کرلیا ہے‘۔

    انہوں نے کہا، ’اس فیسٹیول کا مقصد پاکستانی و بین الاقوامی ٹیلنٹ کو ان کے فن کے اظہار کا موقع دینا اور ان کی کاوشوں کو سراہنا تھا‘۔

    سلمان اقبال نے اس عزم کا اظہار بھی کیا کہ آئندہ آنے والے سالوں میں اس فیسٹیول کو مزید بڑے پیمانے پر منعقد کیا جائے گا۔

    فیسٹیول کے آخری روز عالمی شہرت یافتہ رقاصہ شیما کرمانی نے شاندار رقص کا مظاہرہ کیا جبکہ صنم ماروی نے اپنی خوبصورت آواز میں رنگ بکھیرے۔

    آخری روز مندرجہ ذیل فلموں کو ایوارڈز سے بھی نوازا گیا۔

    بہترین اسٹوری فیچر فلم ۔ چورا ایک پراٹھا

    بہترین شارٹ فلم (سلور کیٹیگری) ۔ امرتا اور میں

    بہترین شارٹ فلم (گولڈ کیٹیگری) ۔ ان سرچ آف امریکا

    بہترین مختصر دستاویزی فلم ۔ ماسٹرز آف دی اسکائی

    بہترین ہدایت کار برائے مختصر دستاویزی فلم ۔ علی اعجاز، پینگولینز ان پیرل

    بہترین اداکار (شارٹ فلم) ۔ سید فضل حسین، دل تو بچہ ہے

    بہترین دستاویزی فیچر فلم ۔ کے 2 اینڈ دا انویژیبل فٹ مین

    بہترین دستاویزی فیچر فلم (ریڈ ایکسیلنس) ۔ لیاری نوٹس

    بہترین دستاویزی فیچر فلم (پرپل ایکسیلنس) ۔ سونگ آف لاہور

    بہترین فلم ۔ ماہ میر

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شکریہ سلمان اقبال! شاہد آفریدی کا ٹویٹ

    شکریہ سلمان اقبال! شاہد آفریدی کا ٹویٹ

    کراچی : کراچی کنگز کے صدر بننے کے بعد شاہد آفریدی نے سلمان اقبال کا شکریہ ادا کیا اور کہا کرکٹ کے لیے اپنی خدمات سرانجام دیتا رہوں گا۔

    تفصلات کے مطابق کراچی کنگز کے صدر بننے کے بعد سماجی رابطے کی ویب سائٹ ٹوئٹر پر اپنے پیغام میں شاہد آفریدی کا کہنا ہے کہ شکریہ سلمان اقبال ، میں کراچی کنگز کے صدر کی حیثیت سے پاکستانی اسپورٹس خصوصاً کرکٹ کے لیے اپنی خدمات سرانجام دیتا رہوں گا۔

    مزید پڑھیں : شاہد آفریدی کراچی کنگز کے صدر بن گئے

    یاد رہے کہ گزشتہ روز بوم بوم شاہد آفریدی کراچی کنگز میں بحیثیت صدر شامل ہوگئے تھے، اے آر وائی نیوز نیٹ ورک کے سی ای او اور کراچی کنگز کے مالک سلمان اقبال نے شاہد آفریدی کو ٹیم میں خوش آمدید کہا اور کراچی کنگز بطور صدر شمولیت کو اپنے لئے اور اپنی ٹیم کیلئے ایک بڑا اعزاز قرار دیا ہے۔

    کراچی کنگز کے مالک سلمان اقبال کا کہنا تھا کہ کراچی کنگز میں شاہد آفریدی کی شمولیت اچھا فیصلہ ہے جس پر انہیں مبارک باد پیش کرتا ہوں، شاہد آفریدی ٹیم میں بحیثیت صدر شامل ہوں گے ، جب پی ایس ایل ڈرافٹنگ ہوگی تو ہم انہیں کھلائیں گے۔

    خیال رہے کہ قبل ازیں شاہد آفریدی پی ایس ایل کی ٹیم پشاور زلمی چھوڑنے کا اعلان کیا تھا۔

  • کراچی کنگز کےشیر چیمپین اور چیمپین ہی رہیں گے،سلمان اقبال

    کراچی کنگز کےشیر چیمپین اور چیمپین ہی رہیں گے،سلمان اقبال

    کراچی : کراچی کنگز کے مالک سلمان اقبال کا کہنا ہے کہ کراچی کنگز نے ثابت کردیا کہ وہ آن پیپر ہی نہیں آن گراؤنڈ بھی بہترین ٹیم ہے،کون سے غیر ملکی کھلاڑی لاہور آئیں گے میچ جیتنے کے بعد بتائیں گے۔

    تفصیلات کے مطابق اے آر وائی نیوز کے پروگرام ہرلمحہ پرجوش میں کراچی کنگز کی عمدہ پرفارمنس پر سلمان اقبال نے کہا کہ کراچی کنگز کاغذی نہیں بلکہ بہترین ٹیم ہے، کراچی کنگز کےشیر چیمپین اور چیمپین ہی رہیں گے۔

    انہوں نے کہا کہ کرس گیل میچ ونر ہے، کریز پرموجود ہو تو مخالف ٹیم پریشر میں رہتی ہے، میچ کےدوران دل کی دھڑکن تیزہوتی ہے، کراچی کنگز نے بتا دیا کہ صرف نام کی بڑی ٹیم نہیں ہے، میچ جیتنےکےبعدبتائیں گے کہ کون سے غیر ملکی کھلاڑی لاہور آئیں گے۔

    کراچی کنگز کے مالک سلمان اقبال نے کہا کہ کہ عماد وسیم کی کارکردگی بہترین رہی، ٹیم اسی طرح کھیلتی رہی تو انشا اللہ فائنل میں ضرور پہنچے گی،  ٹی ٹوینٹی کرکٹ میں کچھ پتہ نہیں ہوتا کہ کب کیا ہو جائے، پشاور سے ہونے والے میچ میں بھی کامیابی کی امید ہے، کراچی کنگز نے کارکردگی برقرار رکھی تو فائنل جیت سکتی ہے۔

    مالک کراچی کنگز سلمان اقبال کا کہنا تھا کہ عوام نے کراچی کنگز کو اپنایا ہے، کل اسٹیڈیم میں22ہزارشائقین کراچی جیتے گا کے نعرے لگارہے تھے، کھلاڑیوں کو پیغام بھیجا ہے کچھ بھی ہو جائے آپ لوگ اسٹار ہیں۔

    یاد رہے کہ پی ایس ایل پلے آف کے دوسرے میچ میں کراچی کنگز نے سنسنی خیز میچ کے بعد دفاعی چیمپیئن اسلام آباد یونائیٹڈ کو 44 رنز سے ہرا کر ٹورنامنٹ میں اپنی پوزیشن مزید مستحکم کرلی تھی۔

  • پی ایس ایل کا اگلا فائنل کراچی میں کرائیں گے، نجم سیٹھی

    پی ایس ایل کا اگلا فائنل کراچی میں کرائیں گے، نجم سیٹھی

    کراچی : پاکستان سپرلیگ کے چیئرمین نجم سیٹھی نے وعدہ کیا ہے کہ اگلے سال فائنل کراچی میں کرانے کی کوشش کریں گے، گورنر سندھ کا کہنا ہے پی ایس ایل کراچی کا مثبت رخ ہے اورشہر کے اس رخ کو اجاگر کرنے کی ضرورت ہے،کراچی کنگز کےمالک سلمان اقبال نے کہا کہ اس سال فائنل لاہورمیں ہورہا ہے،ایک سیمی فائنل کراچی میں بھی کرایا جائے تو بہترہوگا۔

    ان خیالات کا اظہار انہوں نے اے آر وائی نیوز کے پروگرام الیونتھ آورمیں میزبان وسیم بادامی سے خصوصی گفتگو کرتے ہوئے کیا، پروگرام میں گفتگو کرتے ہوئے نجم سیٹھی نے کراچی کنگز کو پی ایس ایل کی فیورٹ ٹیم قرار دیا۔

    انہوں نے وعدہ کیا کہ اگلے سال فائنل کراچی میں کرانے کی کوشش کریں گے، آپ بھی دعا کریں آئندہ سال پی ایس ایل فائنل کراچی میں کھیلیں، انہوں نے کراچی کنگز کو پی ایس ایل کی فیورٹ ٹیم قرار دیتے ہوئے کہا کہ کراچی کنگز جب میدان میں اترے گی تو میدان جنگ کا منظر ہی کچھ اورہوگا سب کراچی والے کراچی کنگز ہیں۔

    نجم سیٹھی کا کہنا تھا کہ جب فرنچائز کو محنت کرتا دیکھتاہوں تو بہت خوشی ہوتی ہے، پی ایس ایل کا جوش وخروش پہلے سے کہیں زیادہ ہے۔ کسی کواحساس نہیں تھا کہ پی ایس ایل اتنا کامیاب ہوگا، ایک سوال کے جواب میں انہوں نے کہا کہ پی سی بی میں کرکٹ کےمعاملات چیئرمین دیکھ رہےہیں، عمران خان کرکٹ کے معاملات چلانا چاہتے ہیں تو ہم ان کا خیرمقدم کریں گے۔

    پروگرام میں اپنے خیالات کا اظہار کرتے ہوئے کراچی کنگز کے مالک اور اےآر وائی نیٹ ورک کے سی ای او سلمان اقبال نے کہا کہ شہر قائد کی رونقیں ختم نہیں ہوئیں، کراچی کے لوگ کل اسٹیڈیم ضرورآئیں گے، چاہتاہوں شائقین کرکٹ زیادہ سے زیادہ تعداد میں اسٹیڈیم کا رخ کریں۔

    انہوں نے کہا کہ جیت کیلیے اس سال بھی پوری کوشش کریں گے، ہماراکام ہے کہ بہترین سےبہترین ٹیم بنائیں، میدان میں کھیلنا کھلاڑیوں کا کام ہے، عوام میں بہت زیادہ جوش وخروش ہے، جنگ میدان میں ہے اور میدان سے باہر ہم سب پاکستانی ہیں، چاہتےہیں نجم سیٹھی نے جو کام شروع کیا حکومت اس کاحصہ بنے۔

    سلمان اقبال نے کہا کہ فائنل لاہور میں ہے اور ایک سیمی فائنل کراچی میں بھی کرالیں تو بہتر ہوگا، گورنر سندھ محمد زبیر نے کہا کہ کراچی کنگز کی لانچنگ اہم تقریب ہے، کراچی کاماحول تبدیل کرنے میں کھیل اہم کردارادا کرسکتاہے۔

  • پانچ سو بااثر مسلمانوں کی فہرست: سی ای او اے آر وائی سلمان اقبال دوبارہ شامل

    پانچ سو بااثر مسلمانوں کی فہرست: سی ای او اے آر وائی سلمان اقبال دوبارہ شامل

    کراچی: دنیا بھر کے 500 سو بااثر مسلمانوں کی فہرست میں اے آر وائی نیٹ ورک کے سی ای او اور صدر سلمان اقبال کا نام ایک بار پھر شامل کیا گیا ہے۔

    فہرست جاری کرنے والے میگزین کے مطابق سلمان اقبال کو پاکستان کے آزاد میڈیا کا بااثر ترجمان تصور کیا جاتا ہے۔سلمان اقبال مسلم دنیا کے میڈیا کی بااثر شخصیت ہیں۔

    اینکر پرسن انیس شیخ نے ٹیلی فونک بات کرتے ہوئے کہا کہ ہر سال کی طرح اس بار بھی فہرست جاری کی گئی جس میں سلمان اقبال کا نام دوبارہ شامل کیا گیا ہے اور کہا گیا ہے کہ سلمان اقبال مسلم میڈیامیں آزادی اور طاقت ور شخصیت ہیں۔

    یہ پڑھیں:دنیا کے 500 بااثر مسلمانوں کی فہرست جاری، 40 پاکستانی شامل

    پانچ سو افراد کی اس فہرست میں 40 پاکستانی بھی موجود ہیں ان میں وزیراعظم نواز شریف، آرمی چیف جنرل راحیل شریف، ملالہ یوسف زئی،عمران خان، طاہر القادری، سراج الحق، مولانا فضل الرحمن، ادیب رضوی، بلقیس ایدھی، عابدہ پروین، مولانا طارق جمیل، عاصمہ جہانگیر، سراج الحق اور دیگر شامل ہیں۔

  • راشد لطیف کی زیر نگرانی کراچی کنگز ٹیلنٹ ہنٹ پروگرام میں ایک دن باقی

    راشد لطیف کی زیر نگرانی کراچی کنگز ٹیلنٹ ہنٹ پروگرام میں ایک دن باقی

    کراچی: کراچی کنگز پاکستان کے سب سے بڑے ٹیلنٹ ہنٹ پروگرام ’کھلاڑی کی کھوج‘ کے ٹرائلز 3 اکتوبر سے کراچی کے نیشنل اسٹیڈیم میں شروع ہوں گے۔

    پاکستان سپر لیگ کی سب سے مہنگی ٹیم کراچی کنگز لا رہا ہے پاکستان کا سب سے بڑا ٹیلنٹ ہنٹ پروگرام ’کھلاڑی کی کھوج‘، جس میں کراچی کنگز پاکستان بھر سے باصلاحیت نوجوانوں کو دعوت دیتا ہے، انڈر ٹوئنٹی تھری ٹرائلر تین اکتوبر سے نیشنل اسٹیڈیم کراچی میں شروع ہوں گے۔

    پاکستان کے نامور کرکٹر سابق کپتان راشد لطیف اس ٹیلنٹ پروگرام کے ڈائریکٹر ہوں گے جبکہ سابق چیف سلیکٹر اقبال قاسم، سلیم یوسف اور جلال الدین کھلاڑیوں کا انتخاب کریں گے۔

    14440835_1120058748079825_1189108672438994073_n

    سلیکٹرز بھی ٹیلنٹ ہنٹ پروگرام کیلئے بہت پر جوش ہیں، ٹرائل میں منتخب ہونے والے کھلاڑیوں کو اس سال ہونے والے ڈرافٹ میں شامل ہونے کے ساتھ ساتھ قومی کرکٹ ٹیم میں کھیلنے کا بھی موقع مل سکتا ہے ۔

    کراچی کنگز کے ٹیلنٹ ہنٹ پروگرام میں اب صرف ایک روزباقی رہ گیا ہے تاہم کراچی کنگز کی ویب سائٹ پر رجسٹریشن کروانے والوں کا انبار لگ گیا۔

    پاکستان سپر لیگ کی ٹیم کراچی کنگز کے مالک، اے آر وائی ڈیجیٹل گروپ کے صدر اورسی ای او سلمان اقبال کا کہنا ہے کہ یہ پاکستان کرکٹ میں نئے دور کا آغاز ہے ، پاکستان سپر لیگ ثابت کردے گا کہ یہ ایک صحیح سمت میں بڑا قدم ہے ۔

    انہوں نے کہا کہ کراچی کنگز کے منتخب کردہ کھلاڑی قومی کرکٹ کے میدان میں ایک اور سنگ میل ثابت ہونگے ۔

    کراچی کنگز کے اسٹارز بھی نوجوان کرکٹرز کو کیمپ میں آنے کی دعوت دے رہے ہیں۔

     

    تین اکتوبر سے شروع ہونے والے کراچی کنگز کے ٹرائلز کے لئے گائڈ لائن بھی جاری کردی گئی ہے۔

    ٹرائلز صبح نو سے شام چھ بجے تک جاری رہیں گے۔

    ٹرائلز میں حصہ لینے والے نوجوان کرکٹرز کی عمر سولہ سال سے زائد اور تئیس سال سے کم ہونی چاہیے۔

    ٹرائلز کے لیے نوجوانوں کو وائٹ کٹ پہننی ہوگی۔

    بغیر شناختی کارڈ اور بے فارم کے انٹری نہیں ہوگی۔

    rules-kk

    ٹیلنٹ ہنٹ پروگرام کا حصہ بننے کے لیے کراچی کنگز کی ویب سائٹ پر جا کر رجسٹریشن کرائی جاسکتی ہے۔

    Khiladi Ki Khoj

     

  • کراچی کنگز ٹیلنٹ ہنٹ پروگرام تین اکتوبر سے شروع ہوگا

    کراچی کنگز ٹیلنٹ ہنٹ پروگرام تین اکتوبر سے شروع ہوگا

    کراچی: کراچی کنگز پاکستان کے سب سے بڑے ٹیلنٹ ہنٹ پروگرام ’کھلاڑی کی کھوج‘ کے ٹرائلز 3 اکتوبر سے کراچی کے نیشنل اسٹیڈیم میں شروع ہوں گے۔

    پاکستان سپر لیگ کی سب سے مہنگی ٹیم کراچی کنگز لا رہا ہے پاکستان کا سب سے بڑا ٹیلنٹ ہنٹ پروگرام ’کھلاڑی کی کھوج‘، جس میں کراچی کنگز پاکستان بھر سے باصلاحیت نوجوانوں کو دعوت دیتا ہے، انڈر ٹوئنٹی تھری ٹرائلر تین اکتوبر سے نیشنل اسٹیڈیم کراچی میں شروع ہوں گے۔

    پاکستان کے نامور کرکٹر سابق کپتان راشد لطیف اس ٹیلنٹ پروگرام کے ڈائریکٹر ہوں گے جبکہ سابق چیف سلیکٹر اقبال قاسم، سلیم یوسف اور جلال الدین کھلاڑیوں کا انتخاب کریں گے۔ ٹرائل میں منتخب ہونے والے کھلاڑیوں کو اس سال ہونے والے ڈرافٹ میں شامل ہونے کا موقع ملے گا، ٹرائلز کے لیے نوجوانوں کو وائٹ کٹ پہننی ہوگی۔

    ٹیلنٹ ہنٹ پروگرام کا حصہ بننے کے لیے کراچی کنگز کی ویب سائٹ پر جا کر رجسٹریشن کرائی جاسکتی ہے۔

    http://karachikings.com.pk/khiladi-ki-khoj

  • ہاکی کے فروغ کیلئے اے آر وائی نیٹ ورک اور پی ایچ ایف میں ایم او یو سائن

    ہاکی کے فروغ کیلئے اے آر وائی نیٹ ورک اور پی ایچ ایف میں ایم او یو سائن

    کراچی:اے آر وائی نیٹ ورک اور پاکستان ہاکی فیڈریشن کے درمیان ایک مفاہمتی یادداشت پر دستخط کیے گئے ہیں جس کے تحت ہاکی کو فروغ دینے کے لیے اقدامات کیے جائیں گے جبکہ سات اگست سے پاکستان کپ کا انعقاد کیا جائےگا۔

    میموری آف انڈراسٹینڈنگ (ایم او یو) پر اے آر وائی نیٹ ورک کے صدر و سی ای او سلمان اقبال اور پی ایچ ایف کے جنرل سیکریٹری شہباز سینئر نے دستخط کیے۔

      salman-post-1

    اے آر وائی نیٹ ورک کے صدر و سی ای او سلمان اقبال نے بتایا کہ شکریہ پاکستان مہم کے تحت سات اگست سے پاکستان کپ شروع ہوگا جس کا فائنل میچ 14 اگست کو ہاکی اسٹیڈیم میں منعقد ہوگا جبکہ ہاکی کے فروغ کے لیے اسکالر شپ پروگرام بھی شروع کیا جائے گا۔

    salman-post-2

    انہوں نے مزید کہا کہ جس طرح کرکٹ کو پروان چڑھایا ہاکی کو بھی پروان چڑھائیں گے،اسکول کی سطح پر بچوں کو بھی ہاکی کی تربیت دی جائے گی،ہاکی کا کھیل پاکستان میں پھر بحال کیا جائے گا۔

    salman-post-3

    صدر پاکستانی ہاکی فیڈریشن بریگیڈئیر(ر) خالد کھرل نے کہا ہے کہ اے آر وائی نیٹ ورک نے ایک بڑا قدم اٹھایا ہے۔ جنرل سیکریٹری شہباز سینئر نے ہاکی کی بحالی کے لیے اس اقدام پر اے آر وائی نیٹ ورک کا شکریہ ادا کیا اور کہا کہ پاکستان میں صلاحیت کی کمی نہیں، پاکستان دوبارہ عالمی چیمپین بن سکتا ہے، مجھے اس فیصلے سے بہت خوشی ہوئی، پرامید ہوں کہ ہاکی کی دنیا میں انقلاب کا آغاز ہوگیا۔

  • انتظارگھڑیاں ختم : دبئی میں پی ایس ایل کی شاندار افتتاحی تقریب

    انتظارگھڑیاں ختم : دبئی میں پی ایس ایل کی شاندار افتتاحی تقریب

    دبئی: انتظار کی گھڑیاں ختم پاکستان سپر لیگ کی شاندار افتتاحی تقریب دبئی انٹرنیشنل اسٹیڈیم کی گئیں۔

    پاکستان کی پہلی سپرلیگ کی افتتاحی تقریب میں دبئی کرکٹ اسٹیڈیم پاکستان پرچم میں رنگ گیا، کانٹ ڈاؤن کے بعد پاکستان سپرلیگ کی افتتاحی تقریب شروع ہوئی، آسمان پررنگ اورنور کی برسات سے جگمگا اٹھا۔

    قومی ترانےسے پی ایس ایل کی تقریب شروع ہوئی، بختاور بھٹوزرداری بھی تقریب میں موجود،تقریب کا آغاز بختاور بھٹوزرداری نے بٹن دبا کر شروع کیا، پاکستان سپرلیگ کی افتتاحی تقریب کے مہمان خصوصی شیخ نہیان بن مبارک تھے۔

    پی ایس ایل کی شاندارافتتاحی تقریب قومی ترانے پرشرکا اٹھ کھڑے ہوئے، اے پی ایس کے146طلبہ اور5اساتذہ اسٹیڈیم میں موجود ہیں.

    پاکستان سپرلیگ کے سربراہ نجم سیٹھی کاکہناہےکہ پاکستانی پرامن لوگ ہے جو کرکٹ کھیلنا بھی جانتے اورکھلانا بھی جانتے ہیں ۔

    پاکستانی گلوکارعلی ظفر اورشان پال کی نے مشہورگیتوں پر پرفارمنس سے شائقین کے دل جیت لیے،تقریب کی شروعات علی ظفرکے گانے سے ہوئی، علی ظفرکی آوازکے جادو نے تماشائیوں کو جھومنے پر مجبور کردیا۔ جس کے بعد انہوں نے مختلف دھنوں سے شائقین کو محظوظ کیا۔

    جمیکن گلوکار شان پال نے عمدہ پرفارم کر کے تقریب کو چار چاند لگا دیئے، افتتاحی تقریب میں پی ایس ایل کی پانچ ٹیموں کے کھلاڑیوں کے ساتھ ٹیم مالکان نے بھی شرکت کی۔

    پاکستانی اداکار مہب مرزا اوراہلیہ آمینہ شیخ نے بھی افتتاحی تقریب میں رنگ جمائے، انتظامیہ کی جانب سےتماشائیوں میں جگمگاتے رسٹ بینڈ مفت تقسیم کئے گئے۔

     

    اسٹیڈیم میں آمد کے موقع پر پی ایس ایل کے پانچ ستارے کراچی کنگز، پشاور زلمی، لاہور قلندرز، اسلام آباد یونائٹڈ اور کوئٹہ گلیڈی ایٹرز کےکھلاڑی پرجوش نظر آئے۔

    پاکستان سپر لیگ میں کراچی کنگز کو سپورٹ کرنے کے لئے بڑی تعداد میں لوگ دبئی پہنچے تو ایسے میں شوبز کے ستارے بھی پیچھے نہیں ہیں،پاکستان کے معروف اداکار فیصل قریشی کے علاوہ عدنان صدیقی ، احسن خان، عائشہ عمر ، یاسر حسین اور سوہائے علی ابڑو دبئی پہنچ گئے ہیں۔

    تمام ادار کار کراچی کنگز کے سپورٹر ہیں اور میچز کے دوران کراچی کی ٹیم سپورٹ کرنے کے لئے گراونڈ میں موجود ہوں گے۔