ARYNews.tv | Urdu – Har Lamha Bakhabar

Tag: Salman Khan

  • شاہ رخ خان نے اپنے اصل محسن کا نام بتا دیا

    شاہ رخ خان نے اپنے اصل محسن کا نام بتا دیا

    ممبئی: بھارتی انڈسٹری کے سپراسٹار کنگ خان نے اپنے اصل محسن کا نام بتا دیا.

    تفصیلات کے مطابق شاہ رخ‌ خان نے اپنے ایک بیان میں اس شخص کا تذکرہ کیا، جس نے جدوجہد کے ابتدائی مشکل دور میں‌ ان کی حوصلہ افزائی کی تھی.

    کنگ خان کا کہنا ہے کہ ان کی کامیابیوں‌ کا سہرا سلمان خان کے والد اور اپنے زمانے کے معروف اسکرپٹ‌رائٹر سلیم خان کے سر ہے.

    یاد رہے کہ کسی زمانے میں‌ سلمان خان اور شاہ رخ خان کے تعلقات انتہائی کشیدہ تھے، لیکن آج کل دونوں میں‌گاڑھی چھنتی ہے، اس دوستی کا پوری انڈسٹری میں چرچا ہے، البتہ یہ سلمان خان نہیں، بلکہ سلیم خان تھے، جن کا اوائل میں کنگ خان سے تعلق قائم ہوا.

    مزید پڑھیں: فلم ڈان کے اداکار حادثے میں شدید زخمی

    شاہ رخ‌ خان کا کہنا ہے کہ مشکل دنوں میں سلیم خان نے انھیں‌ اپنے گھر میں‌ خوش آمدید کہا اور ان کی حوصلہ افزائی کی.

    کنگ خان کے مطابق وہ اکثر سلیم خان کے خاندان کے ساتھ کھانا کھایا کرتے تھے، جہاں وہ انھیں اپنے مشورہ سے نوازتے اور یہ سلسلہ آج بھی جاری ہے.

    یاد ہے کہ اس وقت کنگ خان فلم زیرو کی شوٹنگ میں مصروف ہیں، جو کرسمس پر ریلیز ہوگی. فلم میں‌شاہ رخ‌ بونے کا کردار نبھا رہے ہیں.

  • کون بنے گا کروڑ پتی کی میزبانی کے لیے سلمان خان کو خوش آمدید کہتا ہوں: امیتابھ بچن

    کون بنے گا کروڑ پتی کی میزبانی کے لیے سلمان خان کو خوش آمدید کہتا ہوں: امیتابھ بچن

    نئی دہلی : بھارتی اداکار امیتابھ بچن نے بالی وڈ کے دبنگ خان کو ’کون بنے گا کروڑ پتی کی ‘ میزبانی کے لیے خوش آمدید کہہ دیا، امیتابھ بچن پہلے سیزن سے اس شو کی میزبانی کررہے ہیں۔

    بھارتی میڈیا ذرائع کے مطابق سلمان خان جو کہ اسی نوعیت کے ایک اور شو ’ دس کا دم‘ کے میزبان ہیں، انہوں نے خواہش ظاہر کی تھی کہ وہ ’کون بنے گا کروڑ پتی‘ کی میزبانی کے خواہش مند ہیں۔

    یاد رہے کہ امیتابھ بچن گزشتہ آٹھ سیزن سے اس کی میزبانی کرتے آرہے ہیں اور ایک وقفے کے کے بعد آنے والے اس کے دسویں سیزن کی میزبانی بھی امیتابھ بچن ہی کررہے ہیں، سیزن 10 آئندہ ماہ کی تین تاریخ سے شروع ہوگا۔

    شو کے حوالے سے ایک پریس کانفرنس میں امیتابھ بچن نے سلمان خان کی اس خواہش پر پسندیدگی کا اظہا ر کیا اور کہا کہ’میں سلمان خان کو شو کی میزبانی کرنے کے لیے خوش آمدید کہتا ہوں‘۔

    دریں اثنا ء جب بگ بی سے پوچھاگیا کہ آیا ان کی پوتی آرادھیا اس شو کی مقبولیت سے واقف ہے تو انہوں نے بتایا کہ ’ ہاں اسے پتا ہے کہ ’ کے بی سی‘ ( کون بنے گا کروڑ پتی ) نام کا ایک شو ہے، وہ اس کا میوزک پہچانتی ہے اور اسے بے پناہ پسند کرتی ہے‘۔ انہوں نے یہ بھی بتایا کہ انہوں نے کبھی بھی اپنی پوتی کے ساتھ کروڑ پتی نہیں کھیلا حالانکہ یہ ایک بہت اچھا آئیڈیا ہے۔

    حال ہی میں کون بنے گا کروڑ پتی کا ٹیزر بھی جاری کیا گیا ہے اور اس سال شو کی ٹیگ لائن ’ کب تک روکو گے‘ ہے۔

  • اکشے اور سلمان ایک سال میں سب سے زیادہ کمانے والے اداکار

    اکشے اور سلمان ایک سال میں سب سے زیادہ کمانے والے اداکار

    واشنگٹن: امریکا کے نامور جریدے فوبز نے ایک سال کے دوران سب سے زیادہ کمانے والے اداکاروں کی فہرست جاری کردی جس کے ابتدائی 10 افراد میں اکشے کمار اور سلمان خان بھی جگہ بنانے میں کامیاب رہے۔

    تفصیلات کے مطابق امریکی جریدے فوبز نے گزشتہ برس جون 2017 سے جون 2018 تک سب سے زیادہ معاوضہ لینے والے اداکاروں کی فہرست جاری کی جس میں ہالی ووڈ کے  58 سالہ آسکر ایوارڈ یافتہ اداکار و ہدایت کار جارج کلونی 2 کروڑ 39 لاکھ لے کر سرفہرست رہے۔

    فوربز میگزین کی جانب سے شائع ہونے والی فہرست کے مطابق سابق ریسلر اور نامور ہالی ووڈ اداکار راک ایک سال میں 1 کروڑ چوبیس لاکھ ڈالرز معاوضہ لے کر دوسرے اسی طرح رابرٹ ڈوئنی 81 لاکھ روپے کے ساتھے تیسرے جبکہ چینی اداکار جیکی چن نے ایک سال میں 45 لاکھ پچاس ہزار ڈالرز کما کر پانچویں نمبر پر آئے۔

    مزید پڑھیں: سلمان خان اور دپیکا سب سے زیادہ کمانے والے بھارتی اداکار

    امریکی جریدے کی جانب سے شائع کردہ فہرست کے مطابق بالی ووڈ اداکار اکشے کمار نے سلمان خان کو پیچھے چھوڑ دیا اور وہ 40 لاکھ پچاس ہزار ڈالرز (بھارتی کرنسی کے حساب سے 284 کروڑ روپے) کے ساتھ ساتویں پوزیشن حاصل کرسکے۔

    بالی ووڈ کے دبنگ خان نے ایک سال میں 38 لاکھ پچاس ہزار ڈالرز (270 کروڑ روپے) کے ساتھ نویں نمبر پر رہے۔

    واضح رہے کہ امریکی جریدہ فوربز ہر سال دنیا بھر میں سب سے زیادہ معاوضہ لینے والے اداکاروں کی فہرست جاری کرتا ہے، جس میں فلموں کا باکس آفس پر کاروبار اور اداکار کی فیس کو مدنظر رکھا جاتا ہے۔

    یہ بھی پڑھیں: دنیا میں سب سے زیادہ معاوضہ کمانے والے 100 افراد کی فہرست جاری

    خیال رہے کہ گزشتہ برس جاری ہونے والی فوربز میگزین کی فہرست میں شاہ رخ خان آٹھویں سب سے زیادہ کمانے والے اداکار تھے تاہم امسال وہ جگہ بنانے میں ناکام رہے جبکہ اکشے کمار نے اوپر کی پوزیشن حاصل کی۔

  • اداکارہ حنا خان کا سلمان خان کے شو میں شرکت سے انکار

    اداکارہ حنا خان کا سلمان خان کے شو میں شرکت سے انکار

    ممبئی: بگ باس سیزن 11 میں کامیابی حاصل کرنے والی اداکارہ حنا خان نے سلمان خان کے شو ’دس کا دم‘ میں شرکت سے انکار کردیا۔

    بھارتی میڈیا رپورٹس کے مطابق اداکارہ حنا خان نے ٹویٹر پر ایک ویڈیو شیئر کی جس میں انہوں نے دبنگ خان کے شو میں شرکت نہ کرنے کی وجہ بتاتے ہوئے کہا کہ میرے بہت سے مداح اس فیصلے سے ناخوش ہوں گے اور سوچ رہے ہوں گے کہ میں نے شو میں شرکت سے انکار کیوں کردیا۔

    انہوں نے کہا کہ میں واضح کرنا چاہتی ہوں کہ سونی چینل انتظامیہ کی جانب سے مجھے ’دس کا دم‘ شو میں شرکت کرنے کی آفر ہوئی تھی تاہم مصروفیت کی وجہ سے میں نے انکار کردیا۔

    حنا خان نے اپنی ویڈیو میں مزید بتایا کہ میں اُس وقت نئی دہلی میں ایک گانے کی شوٹنگ میں مصروف تھی اس لیے ان کی دعوت قبول نہ کرسکی، میری عدم شرکت نے آپ سب کو مایوس کیا ہے جس کے لیے معافی چاہتی ہوں۔

    واضح رہے کہ اداکارہ حنا خان بھارتی ڈرامہ انڈسٹری میں کافی شہرت رکھتی ہیں، حنا خان بھارتی چینل اسٹار پلس کے مشہور ڈراموں کسوٹی زندگی کی میں کومالیکا کا منفی رول نبھایا تھا۔

    حنا خان کے شو میں انکار کرنے پر ان کی حریف شلپا شندے نے ساتھی اداکار کرن پٹیل کے ساتھ دس کا دم میں شرکت کی اور کرن پٹیل نے اداکارہ کے انکار پر انہیں تنقید کا نشانہ بھی بنایا۔

    دوسری جانب دبنگ خان کے متنازع شو بگ باس سیزن 12 کا ٹیژر جاری کردیا گیا ہے جسے مداحوں کی جانب سے بے حد سراہا جارہا ہے۔

    خیال رہے کہ اداکارہ پریانکا چوپڑا نے بھی سلمان خان کی نئی آنے والی فلم بھارت میں شرکت سے انکار کردیا تھا جس کے بعد سلو میاں کو کترینا کیف کو فلم میں شامل کرنا پڑا۔

  • پریانکا نے فلم سے باہر ہونے کے لیے شادی کا بہانہ بنایا، سلمان خان

    پریانکا نے فلم سے باہر ہونے کے لیے شادی کا بہانہ بنایا، سلمان خان

    ممبئی: بالی ووڈ اداکار سلمان خان نے اپنی نئی آنے والی فلم ’بھارت‘ سے اچانک پریانکا چوپڑا کے جانے پر سوال اٹھاتے ہوئے انکشاف کیا ہے کہ کاسٹ سے باہر ہونے پر شادی کا بہانہ بنانا مضحکہ خیز ہے۔

    تفصیلات کے مطابق بھارتی دارالحکومت میں منعقد ہونے والی تقریب کے دوران سلمان خان نے پریانکا کے اچانک فلم بھارت کی کاسٹ اور امریکی شو کوانٹیکو سے یک دم علیحدگی پر اپنی پریشانی کا اظہار کیا۔

    دبنگ خان کا کہنا تھا کہ فلم ’بھارت‘ سے اداکارہ نے اچانک علیحدگی اختیار کی اور انہوں نے ساتھ ہی اپنا شو بھی چھوڑنے کا اعلان کیا یہ سب میرے لیے حیران کن اور گھبراہٹ کا باعث ہے۔

    سلمان خان نے کاسٹ سے باہر ہونے کو غائب ہونا قرار دیتے ہوئے کہا کہ ’میرے علم میں آیا کہ سیٹ چھوڑنے سے قبل انہوں نے ایک بڑی فلم سائن کی ، ہم انہیں روک نہیں سکتے تھے البتہ یہ ہم سب کے لیے خوشی کی بات ہے‘۔

    مزید پڑھیں: ممکنہ شادی، پریانکا کی جگہ کرینہ فلم ’بھارت‘ کا حصہ

    سلمان خان کا کہناتھا کہ ’کاسٹ سے باہر ہونے پر شادی کا بہانہ بنانا مضحکہ خیز ہے کیونکہ پریانکا ہالی ووڈ کی فلم کرنا چاہتی تھی مگر یہ اُس کی مرضی ہے کہ وہ بھارتی فلموں میں کام کرے یا نہیں، ہمیں سب کچھ منظور ہے‘۔

    بجرنگی بھائی جان کا کہنا تھا کہ ’دس روز قبل اداکارہ شیڈول کے مطابق میرے گھر آئیں اور بتایا کہ اگر تمھیں کوئی مسئلہ نہیں تو مجھے بھی کوئی پریشانی نہیں ہے‘۔

    واضح رہے کہ کوانٹیکو میں مرکزی کردار ادا کرنے والی اداکارہ بالی ووڈ کی نئی آنے والی فلم ’بھارت‘ میں سلمان خان کے ساتھ مرکزی کردار ادا کررہی تھیں تاہم انہوں نے اب علیحدگی اختیار کرلی جس کے بعد اب کترینہ کیف مرکزی کردار ادا کرتی نظر آئیں گی‘۔

    یہ بھی پڑھیں: پریانکا چوپڑا کو سپنوں کا شہزادہ مل گیا، منگنی اگلے ماہ ہوگی

    خیال رہے کہ بھارتی ذرائع ابلاغ میں یہ بات زیر گردش ہے کہ پریانکا امریکی گلوکار نک جانس کے ساتھ رشتہ ازدواج میں منسلک ہونے جارہی ہیں، گزشتہ دنوں ہدایت کار علی عباس ظفر نے بھی اداکارہ کے کاسٹ سے باہر ہونے پر کچھ اسی طرح کا ٹویٹ کیا تھا جس سے یہ تاثر نظر آیا کہ وہ شادی کے بندھن میں بندنے جارہی ہیں۔

    شادی کے حوالے سے ابھی دونوں شخصیات نے کوئی تصدیق یا تردید نہیں کی تاہم قریبی ذرائع اس بات کا دعویٰ ہے کہ جولائی یا اگست کے آغاز پر امریکا میں منگنی کا انعقاد کیا جائے گا جس میں صرف مخصوص لوگ اور قریبی دوست شرکت کریں گے البتہ اب فلم بھارت کے ہدایت کار کی تصدیق نے اس قیاس آرائی کو تقویت دے دی۔

    قبل ازیں بھارتی میڈیا کے ذرائع نے جون کی 27 تاریخ کو دعویٰ کیا تھا کہ پریانکا چوپڑا جولائی یا اگست میں امریکی گلوکار نک جانس کے ساتھ رشتہ ازدواج میں منسلک ہونے کا ارادہ رکھتی ہیں۔

  • سنجو نے عامر خان اور سلمان کی کامیاب فلموں کو پیچھے چھوڑ دیا

    سنجو نے عامر خان اور سلمان کی کامیاب فلموں کو پیچھے چھوڑ دیا

    ممبئی: بالی ووڈ کے متنازع اداکار کی زندگی پر بننے والی فلم ’سنجو‘ نے باکس آفس پر کمائی کے تمام ریکارڈ توڑ دیے اور یہ اب تک کمانے والی دوسری بڑی انڈین فلم بن گئی۔

    تفصیلات کے مطابق فلم سنجو نے ریلیز کے 28 روز میں اب تک 339 کروڑ 75 لاکھ روپے سے زائد کا بزنس کر کے ’دنگل‘ کے بعد بالی ووڈ دوسری بڑی فلم ہونے کا اعزاز اپنے نام کرلیا۔

    اگر یوں کہا جائے کہ بالی ووڈ کے ابھرتے ہوئے اداکار رنبیر کی ’سنجو‘ میں کی جانے والی اداکاری نے عامر خان اور سلمان خان کے لیے خطرے کی گھنٹی بجا دی۔

    سنجے دت کی زندگی پر بنائی جانے والی فلم نے ریلیز کے پہلے ہی روز ریکارڈ بزنس کیا تھا جس کے بعد سے اُس کی کامیابی کا سفر اب تک جاری ہے اور لوگ اسے دیکھنے میں دلچپسی لے رہے ہیں۔

    مزید پڑھیں: سنجو کی کامیابیوں‌ میں‌ کتنی ناکامیاں‌ شامل

    بھارتی سینما گھروں میں 28 روز بعد بھی لوگ سنجے دت کی زندگی پر بننے والی فلم دیکھنے آرہے ہیں اور روزانہ کی بنیاد پر شوز اب بھی جاری ہیں۔

    اس سے قبل مسٹر پرفیکٹ (عامر خان) کی پی کے نے باکس آفس پر 339 کروڑ 50 لاکھ جبکہ سلمان خان کی ’ٹائیگرزندہ ہے‘ نے 339 کروڑ 16 لاکھ بھارتی روپے کی کمائی کی تھی۔

    علاوہ ازیں بالی ووڈ کی سب سے زیادہ کمانے والی فلم دنگل تھی جس نے باکس آفس پر 370 کروڑ کا کاروبار کیا تھا اور اب سنجو 333 ارب کے ساتھ دوسرے نمبر پر آگئی۔ انٹرٹینمنٹ انڈسٹری پر نظر رکھنے والے تجزیہ نگاروں کا ماننا ہے کہ سنجو مستقبل میں دبنگ کو بھی پیچھے چھوڑ سکتی ہے۔

    واضح رہے کہ ”تھری ایڈیٹس“ اور” پی کے“ جیسی بلاک بسٹر فلمیں بنانے والے ہدایت کار راج کمار ہیرانی نے ممتاز اداکار سنجے دت کی زندگی کے مختلف ادوار کو یکجاں کرکے فلم بنانے کا اعلان دو برس قبل کیا تھا۔

    یہ بھی پڑھیں: فلم سنجو، رشی کپور 25 برس پرانی تصویر سامنے لے آئے

    سنجے دت کا شمار بالی وڈ کے متنازع ترین اداکاروں میں ہوتا ہے جن کی زندگی میں محبت کی کہانیاں، منشیات اور اسلحہ رکھنے جیسے بڑے اسکینڈلز سامنے آئے۔

    انڈسٹری کو کئی بلاک بسٹر دینے والے سنجے دت کو ایک بار جیل کی ہوا کھانی پڑی تھی، ایک دور میں تصور کیا جاتا تھا کہ شاید منا بھائی کے مرکزی کردار کا فلمی مستقبل ختم ہوگیا مگر انہوں نے اپنے کرداروں اور صلاحیتوں سے ایک بار پھر انڈسٹری میں جگہ بنائی۔

    فلم سنجو 29 جولائی کو ریلیز ہوئی تھی، معروف ہندوستانی نقاد ترن آدیش نے کہانی کو ماسٹر پیس ٹھہرایا اور جذبات سے بھرپور ایک طاقتور فلم قرار دیتے ہوئے ہدایت کار راج کمار ہیرانی کوخوب سراہا۔

    خیال رہے کہ سنجو فلم سنجے دت کی زندگی پر مبنی ہے، اس فلم میں رنبیر کپور نے سنجے دت کا کردار بھرپور طریقے سے ادا کیا اور خوب داد سمیٹی، سنجو رنبیر کی بلاک باسٹر فلم ثابت ہوئی۔

    فلم میں پریش راول سنیل دت اور منیشا کوئرالا نرگس کے روپ میں نظر آئے ہیں جبکہ دیا مرزا اور سونم کپور نے بھی اپنی صلاحیتوں کا مظاہرہ کیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ممکنہ شادی، پریانکا کی جگہ کرینہ فلم ’بھارت‘ کا حصہ

    ممکنہ شادی، پریانکا کی جگہ کرینہ فلم ’بھارت‘ کا حصہ

    ممبئی: بالی ووڈ اداکارہ پریانکا نے ممکنہ شادی کے پیش نظر اپنی نئی آنے فلم ’بھارت‘ کی شوٹنگ چھوڑ دی جبکہ اب اُن کی جگہ کرینہ کپور مرکزی کردار ادا کرتی نظر آئیں گی۔

    تفصیلات کے مطابق ’بھارت‘ کے ہدایت کار علی عباس ظفر نے سماجی رابطے کی ویب سائٹ پر تصدیق کی کہ اب پریانکا فلم کی کاسٹ کا حصہ نہیں ہیں۔

    انہوں نے لکھا کہ ’پریانکا نے جس وجہ سے فلم چھوڑی وہ بہت اہم ہے اور ہم سب اُن کے لیے بہت خوش ہیں‘۔

    قبل ازیں بھارتی میڈیا کے ذرائع نے جون کی 27 تاریخ کو دعویٰ کیا تھا کہ پریانکا چوپڑا جولائی یا اگست میں امریکی گلوکار نک جانس کے ساتھ رشتہ ازدواج میں منسلک ہونے کا ارادہ رکھتی ہیں۔

    مزید پڑھیں: پریانکا چوپڑا کو سپنوں کا شہزادہ مل گیا، منگنی اگلے ماہ ہوگی

    ذرائع ابلاغ کے مطابق بالی ووڈ اداکارہ اور امریکی گلوکار کی پہلی ملاقات گزشتہ برس میٹ گالا پر ہوئی جس کے بعد دونوں کے درمیان قربت بڑھی اور پھر یہ لوگ ایک دوسرے کی محبت میں گرفتار ہوئے۔ نک جانس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کی جسے پریانکا نے قبول کرلیا تھا۔

    امریکی گلوکار ماہ جون کے آخری ایام میں پریانکا کے ساتھ بھارت پہنچے تھے، اُن کے دورے کا مقصد اداکارہ کی والدہ کو راضی کرنا اور منگنی کی تاریخ کے ساتھ دن بھی طے کرنا تھا۔ 

    شادی کے حوالے سے ابھی دونوں شخصیات نے کوئی تصدیق یا تردید نہیں کی تاہم قریبی ذرائع اس بات کا دعویٰ ہے کہ جولائی یا اگست کے آغاز پر امریکا میں منگنی کا انعقاد کیا جائے گا جس میں صرف مخصوص لوگ اور قریبی دوست شرکت کریں گے البتہ اب فلم بھارت کے ہدایت کار کی تصدیق نے اس قیاس آرائی کو تقویت دے دی۔

    یہ بھی پڑھیں: فلمی کردار: کرینہ 7 برس بعد شاہ رخ کی اہلیہ بننے کو تیار

    دوسری جانب بھارتی میڈیا نے اس بات کی تصدیق کی ہے کہ پریانکا کے بعد اب کرینہ کپور سلمان خان کے ساتھ فلم بھارت میں مرکزی کردار ادا کرتی نظر آئیں گی۔

    خیال رہے کہ سلمان اور کرینہ کی جوڑی چار فلموں ’کیوں کہ، میں اور مسٹر کھنہ، باڈی گارڈ اور بجرنگی بھائی جان‘میں نظر آچکی ہے۔ فلم بھارت آئندہ برس عید پر ریلیز  جائے گی جس میں دبنگ خان، ڈشا پٹنی، مزاحیہ اداکار سنیل گواسکر اہم کردار ادا کرتے نظر آئیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی شاپنگ مال میں سلمان خان کا مٹر گشت، ویڈیو وائرل

    دبئی شاپنگ مال میں سلمان خان کا مٹر گشت، ویڈیو وائرل

    ممبئی: بالی ووڈ انڈسٹری کے نامور اداکار سلمان خان شوبز مصروفیات ختم ہونے کے بعد دبئی میں شاپنگ کے لیے نکلے جس کی ویڈیو سوشل میڈیا پر وائرل ہوگئی۔

    بھارتی میڈیا رپورٹ کے مطابق سلمان خان اور دیگر بالی ووڈ اداکاروں نے دبنگ ٹور مکمل کرلیا جس کے بعد کترینہ کیف اپنے اہل خانہ کے ساتھ چھٹیاں گزارنے انگلینڈ چلی گئیں جبکہ ٹائیگر زندہ ہے کے اداکار اور جیکولین فرنینڈس فراغت کے کچھ دن ایک ساتھ گزارنے کے لیے دبئی پہنچے۔

    دو روز قبل بالی ووڈ اداکار خریداری کے لیے دبئی شاپنگ مال پہنچے جہاں وہ گھوم پھر رہے تھے تو اسی دوران کسی مداح نے ویڈیو بناکر سوشل میڈیا پر شیئر کردی جو دیکھتے ہی دیکھتے وائرل ہوگئی۔

    واضح رہے کہ دبنگ خان وطن واپس آکر اپنی نئی آنے والی فلم بھارت کی شوٹنگ کا آغاز کریں گے جس میں اُن کے ساتھ پریانکا چوپڑا بھی مرکزی کردار ادا کرتی نظر آئیں گی، یہ فلم 2019 میں ریلیز کی جائے گی۔

    مزید پڑھیں: سیلفی سے انکار، سلمان کے مداحوں‌ کی کترینہ سے بدتمیزی، ویڈیو وائرل

    خیال رہے کہ سلمان خان، سوناکشی سنہا، کترینہ کیف، جیکولین فرنینڈس، دیزی سمیت کئی اداکار ’دبنگ ٹورز‘ کے سلسلے میں دبئی ، امریکا، لندن اور پھر انگلینڈ گئے تھے جہاں انہوں نے مختلف فلموں گانوں پر پرفارم کر کے شائقین کی داد سمیٹی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شاہ رخ‌ خان آخر کار سلمان خان کی نقالی پر مجبور ہوگئے

    شاہ رخ‌ خان آخر کار سلمان خان کی نقالی پر مجبور ہوگئے

    ممبئی: بالی وڈ کے کنگ بھی دبنگ خان کے مداح نکلے، سلمان خان کا انداز کاپی کر لیا۔

    تفصیلات کے مطابق ریس تھری فلاپ ہونے کے باوجود دبنگ خان کی مقبولیت میں کوئی کمی نہیں آئی اور ان کا انداز، چال ڈھال آج بھی پہلے کی طرح مقبول ہے۔

    البتہ اب بالی وڈ کے چلبل پانڈے کو نیا مداح مل گیا ہے، جس نے ان کی فلم دبنگ کے انداز کو کاپی کرکے سب کو حیران کر دیا۔

    یہ مداح کوئی اور نہیں، خود شاہ رخ خان ہیں، جنھوں نے اپنی فلم زیرو کے ڈائریکٹر آنند ایل رائے کے ساتھ اپنی تصویر شیئر کی، جس میں ان کی عینک پرفلم کا ٹائٹل زیرو لکھا ہوا ہے۔

    یاد رہے کہ سلمان خان نے دبنگ میں ایسی عینک استعمال کی تھی، جس میں دل کا عکس بنا ہوا تھا۔اب سلمان خان زیرو کے سیٹ پر ایسی ہی عینک میں نظر آئے۔

    واضح رہے کہ ماضی میں اختلافات کا شکار رہنے والے شاہ رخ اور سلمان خان اب قریبی دوست ہیں۔ سلمان خان زیرو کے ٹیزر میں بھی دکھائی دیے تھے۔ فلم میں وہ مختصر رول کر رہے ہیں۔

    شاہ رخ کی میگا بجٹ فلم زیرو کرسمس پر ریلیز ہوگئی، جس میں انوشکا شرما اور کترینا کیف بھی اہم کردار ادا کر رہے ہیں۔

    کیا کرن جوہر شاہ رخ خان اور کاجول کے لیے اسکرپٹ لکھ رہے ہیں؟

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • سیلفی سے انکار، سلمان کے مداحوں‌ کی کترینہ سے بدتمیزی، ویڈیو وائرل

    سیلفی سے انکار، سلمان کے مداحوں‌ کی کترینہ سے بدتمیزی، ویڈیو وائرل

    اوٹاوا: بالی ووڈ اداکار سلمان خان کے مداحوں نے اپنے ساتھ سیلفی نہ لینے پر کترینہ کیف کو آڑے ہاتھوں لیا اور اداکارہ سے شدید بدتمیزی کی۔

    تفصیلات کے مطابق بالی ووڈ اداکار سلمان خان ’دبنگ ٹورز‘ کے سلسلے میں اس وقت کینیڈا میں موجود ہیں جس میں اُن کے ساتھ سوناکشی سنہا، کترینہ کیف سمیت دیگر اداکار بھی موجود ہیں۔

    کترینہ کیف کی سوشل میڈیا پر ایک ویڈیو وائرل ہوئی جو اطلاعات کے مطابق ٹورنٹو شہر کی ہے، اس میں دیکھا جاسکتا ہے کہ فٹ پاتھ پر کھڑے نوجوان اُن کے ساتھ بدتمیزی کررہے ہیں۔

    مزید پڑھیں: کترینہ کیف نے بڑا اعزاز اپنے نام کرلیا

    بھارتی میڈیا کے مطابق بالی ووڈ اداکارہ خریداری کے بعد واپس ہوٹل کی طرف جارہی تھیں کہ گاڑی سے چند قدم کے فاصلے پر کچھ مداحوں نے سیلفی لینے کی خواہش کا اظہار کیا مگر کترینہ نے صاف انکار کردیا۔

    بالی ووڈ اداکارہ کا انکار مداحوں کو پسند نہ آیا تو انہوں نے دبنگ خان کی پرانی دوست پر آوازیں اور جملے بازی کی اور کہا کہ ’ہم سلمان خان کے مداح ہیں اور اُن کو دیکھنے کے لیے ہی یہاں موجود ہیں‘۔

    یہ بھی پڑھیں: کترینہ کیف ایک بار پھر پاکستانی لڑکی کا کردار نبھانے کو تیار

    جملے بازی سُن کر اداکارہ سیخ پا ہوئیں اور اُسی مقام پر رک کر مداحوں کو جواب دینے لگیں جس پر اُن کے ساتھ موجود ایک شخص نے انہیں خاموش رہنے کی تاکید بھی کی۔

    کترینہ نے نوجوانوں کو کہا کہ ’میں اس وقت تھکی ہوئی ہوں اس لیے تصویر لینے سے انکار کیا‘ البتہ مداحوں نے ایک نہ سنی اور پھر اداکارہ نے رک کر دوسرے راہگیروں کے ساتھ تصاویر ضرور بنوائیں۔

    خیال رہے کہ سلمان خان کے ’دبنگ ٹورز‘ میں سوناکشی سنہا، کترینہ کیف، جیکولین فرنینڈس، ڈیزی سمیت کئی اداکار شامل ہیں جنہوں نے مختلف فلمی گانوں پر شاندار رقص کا مظاہر کیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں