ARYNews.tv | Urdu – Har Lamha Bakhabar

Tag: Salman Khan

  • فلم ’ریس تھری‘ میں سلمان خان کی پہلی جھلک نےدھوم مچا دی

    فلم ’ریس تھری‘ میں سلمان خان کی پہلی جھلک نےدھوم مچا دی

    ممبئی: بالی ووڈ کے سپراسٹارسلمان خان نے اپنی نئی آنے والی ایکشن فلم ’ریس تھری‘ کی پہلی تصویر جاری کردی۔

    تفصیلات کے مطابق بالی ووڈ کے سلطان کروڑوں دلوں کی جان سلمان خان نے سماجی رابطے کی ویب سائٹ ٹویٹر پر اپنی فلم ’ریس تھری‘ کی پہلی جھلک جاری کردی جس میں وہ نیلے کوٹ اور سیاہ شرٹ میں ملبوس ہاتھ میں پستول لیےغصے میں نظرآرہے ہیں۔

    بالی ووڈ کے دبنگ خان نے ٹویٹر پر مداحوں کے نام اپنے پیغام میں کہا کہ اس ہفتے ملتا ہوں ’ریس تھری‘ کی فیملی سے اورساتھ ہی انہوں نے کہا میرا نام سکندر ہے۔

    سلمان خان ان دنوں معروف کوریوگرافر ریموڈیسوزا کی ہدایت کاری میں بننے والی فلم ’ریس تھری‘ کی شوٹنگ میں مصروف ہیں جو کہ فلم ’ریس‘ کا تیسرا سیکوئل ہے۔

    سلمان خان فلم ’ریس تھری‘ میں اپنی آواز کا جادو جگائیں گے

    میڈیا رپورٹس کے مطابق بالی ووڈ کے سلطان سلمان خان نے فلم ’ریس تھری‘ کے لیے گانا بھی لکھا ہے جسے وہ اپنی آواز میں ریکارڈ بھی کروائیں گے۔

    خیال رہے کہ فلم ’ریس تھری‘ میں سلمان خان اور جیکولین فرنینڈزمرکزی کردار ادا کررہے ہیں جبکہ فلم کی دیگر کاسٹ میں انیل کپور، ڈیزی شاہ، بوبی دیول، ثاقب سلیم اور پوچا ہیکڈے شامل ہیں، فلم عید الفطر پرسینماگھروں کی زینت بنے گی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بالی ووڈ کے دبنگ خان شاعر بن گئے

    بالی ووڈ کے دبنگ خان شاعر بن گئے

    ممبئی: بھارتی فلم انڈسٹری کے سپر اسٹار سلمان خان شاعر بن گئے، ان کے مداح بالی ووڈ کے دبنگ خان کا نیا انداز دیکھنے کے لیے پرجوش ہیں۔

    تفصیلات کے مطابق بالی ووڈ کے سلطان سلمان خان ادکاری کے بعد اب شاعری کی دنیا میں قدم رکھ چکے ہیں، انہوں نے اپنی نئی فلم ’ریس تھری‘ کے گانے لکھنے کے لیے قلم اٹھا لیا ہے۔

    باصلاحیت اداکار اس سے قبل فلم ’ٹائیگر زندہ ہے‘ میں ڈائیلاگ لکھ چکے ہیں جس پر انہوں نے بھرپور داد وصول کی تھی، سلمان خان اب فلم ’ریس تھری‘ کے گانے لکھ رہے ہیں، جس کا مداحوں کو بے صبری سے انتظار ہے۔

    سلمان خان’ریس تھری‘ کی شوٹنگ کے لیے کہاں چلے گئے

    خیال رہے کہ بھارتی اداکار کے والد سلیم خان بھارتی فلم انڈسٹری کے معروف اسکرپٹ رائٹر ہیں جو ماضی میں بلاک بسٹر فلم ’شعلے‘ کے لئے ڈائیلاگ لکھ چکے ہیں۔

    بالی وڈ سلطان ’’ ٹائیگر زندہ ہے‘‘ میں 300 کروڑ سے زائد کا بزنس کرنے اور فلم نگری میں اپنی دھاک بٹھانے کے بعد اپنے مداحوں کے لیے ’’ریس تھری‘‘ پراجیکٹ پر مستقل مزاجی سے کام کرہے ہیں۔ ان کے دیگر پراجیکٹس میں فلم ’’بھارت‘‘ اور ’’ویلکم ٹو نیویارک‘‘ شامل ہیں۔ یاد رہے کہ ریس کے ابتدائی حصوں میں سیف علی خان نے مرکزی کردار نبھایا تھا۔

    سلمان خان کے ٹوئیٹ نے تہلکہ مچا دیا

    ریمو ڈی سوزا کی ہدایت کاری میں بننے والے یہ فلم ریس کی تیسری کڑی ہے جس میں سلمان خان مرکزی کردار میں نظر آئیں گے، فلم کی دیگر کاسٹ میں انیل کپور، جیکولین فرنینڈس، بوبی دیول، ثاقب سلیم اور پوجا ہیج شامل ہیں۔

    واضح رہے کہ سلمان خان کی فلم ‘ریس تھری ‘اس سال عید کے موقع پر ریلیز کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سلمان خان’ریس تھری‘ کی شوٹنگ کے لیے کہاں چلے گئے

    سلمان خان’ریس تھری‘ کی شوٹنگ کے لیے کہاں چلے گئے

    بالی وڈ کے سلطان سلمان خان ان دنوں اپنی آئندہ آنے والی فلم ریس تھری کی شوٹنگ کے سلسلے میں تھائی لینڈ میں موجود ہیں‘ اور وہاں کے حسین مناظرسے ٹویٹر کے ذریعے اپنے صارفین کو اپ ڈیٹ کررہے ہیں۔

    تفصیلات کے مطابق بالی وڈ سپراسٹار سلمان خان اپنی اگلی فلم ’’ریس تھری‘‘ پر تیزی سے کام کر رہے ہیں،فلم کا پہلا حصہ مکمل ہوچکا ہے اور دوسرے حصے کی شوٹنگ جاری ہے‘ شوٹنگ کے دوران سلمان خان ایک قدرتی لوکیشن پر پانی کے تالاب کے کنارے پہنچے تھے انہوں نے اس حسین منظر کواپنے مداحوں کے ساتھ بھی شیئر کیا۔

    اس سے قبل ایک ویڈیو میں سلمان خان ایک تھائی پس منظر والی جگہ پر کھڑے ہیں اور تھائی زبان میں کچھ کہہ رہے تھے ‘ ویڈیو کا کیپشن ’’ریس تھری کے سیٹ سے ’’ ہے۔ بھارتی ویب سائٹس کے مطابق وہ تھائی زبان میں اپنے مداحوں کو تھائی زبان میں ہیلو کہہ کر بتارہے تھے کہ وہ ریس تھری کی شوٹنگ کے لیے بنکاک میں موجود ہیں۔

    بالی وڈ سلطان ’’ ٹائیگر زندہ ہے‘‘ میں 300 کروڑ سے زائد کا بزنس کرنے اور فلم نگری میں اپنی دھاک بٹھانے کے بعد اپنے مداحوں کے لیے ’’ریس تھری‘‘ پراجیکٹ پر مستقل مزاجی سے کام کرہے ہیں۔ ان کے دیگر پراجیکٹس میں فلم ’’بھارت‘‘ اور ’’ویلکم ٹو نیویارک‘‘ شامل ہیں۔ یاد رہے کہ ریس کے ابتدائی حصوں میں سیف علی خان نے مرکزی کردار نبھایا تھا۔

     

    فلم ’’ ریس تھری ‘‘ کے ہدایت کار رومیو ڈی سوزا نے اپنے ایک بیان میں کہا ہے کہ فلم کی تیاری تیزی سے جاری ہے، پراجیکٹ کو عید سے پہلے مکمل کر لیا جائے گا، فلم کا ایک حصہ مکمل ہوچکا، اگلے شیڈول کی شوٹنگ ابوظہبی اور تھائی لینڈ میں کی جائے گی۔

    اس سیریز میں پہلی بار بالی ووڈ کے دبنگ خان کی انٹری ہے جو جیکولین فرنینڈس کے ہمراہ عید الفطر پر باکس آفس پر ریس لگائیں گے۔ فلم کے پہلے دونوں حصوں میں چھوٹے نواب سیف علی خان نے مرکزی کردار ادا کیا تھا جب کہ انیل کپور بھی دونوں سیکوئل کا حصہ تھے اور فلم نے بھر پور کامیابی سمیٹی تھی۔

    واضح رہے ریس کے پہلے دونوں حصوں میں مرکزی کردار ادا کرنے والے سیف علی خان نے ’ریس تھری‘ کرنے سے انکار کردیا تھا جب کہ فلم کی دیگر کاسٹ میں انیل کپور، بوبی دیول، ثاقب سلیم، ڈیزی شاہ اور پوچا ہیکڈے شامل ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

     

  • سلمان خان کے ٹوئیٹ نے تہلکہ مچا دیا

    سلمان خان کے ٹوئیٹ نے تہلکہ مچا دیا

    ممبئی : سلمان خان کے ٹوئیٹ نے ہلچل مچا دی، بھابھی ملی یا نئی فلم کی ہیروئن مداح سوچ میں پڑگئے۔

    تفصیلات کے مطابق بالی ووڈ کے سپر اسٹار سلمان خان نے سماجی رابطے کی ویب سائٹ ٹوئٹر پر اپنے پیغام میں لکھا مجھے لڑکی مل گئی، سلمان خان کے اس پیغام نے ٹوئیٹر پر تہلکہ مچا دیا۔

    ٹوئیٹر پر سوالات کی بھرمار ہوگئی اور سلمان خان کے چاہنے والوں نے مبارکباد دینا شروع کردی، کسی نے یہ تک کہہ دیا شادی میں کرواؤں گا، کسی نے پوچھا بھابھی کون ہے کہاں سے ہے۔

    البتہ سلمان خان کے بعض دیوانوں نے اس ٹوئیٹ کو الگ انداز سے دیکھا اور سوال اٹھادیا کہ کہیں یہ سلو بھائی کی نئی فلم بھارت کی ہیروئن کی بات تو نہیں ہورہی ۔

    چند گھنٹوں کی خاموشی کے بعد سلمان خان نے ایک وضاحتی ٹوئٹ میں ایک لڑکی کی تصویر شیئر کرتے ہوئے کہا فکر نہ کریں اور خوش رہیں ،  انہیں اپنے بہن ارپیتا خان ، شرما کے شوہر کی پہلی بالی وڈ فلم ’لو راتری‘ کی ہیروئن مل گئی۔

    ورینہ حسین کے فیس بک پیچ کے مطابق 22 فروری کو پیدا ہونے والی ورینا حسین اپنے عراقی والد اور افغانی ماں کا واحد اولاد ہے اور 2013 میں  نئی دہلی سے ماڈلنگ کی شروعات کی، فی الحال ممبئی میں بھارتی انڈسٹری میں کام کر رہی ہے۔

     خیال رہے کہ سلمان خان اپنی بہن کے شوہر آیوش کوفلم’’لوراتری‘‘کے ذریعے بالی ووڈ میں متعارف کرانے جارہے ہیں، یہ فلم دبنگ خان کے پروڈکوشن ہاﺅس کے بینر تلے بنائی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • دبنگ خان کے مداحوں‌ کے لیے خوش خبری: ’ریس تھری‘ کا پہلا مرحلہ مکمل

    دبنگ خان کے مداحوں‌ کے لیے خوش خبری: ’ریس تھری‘ کا پہلا مرحلہ مکمل

    ممبئی: دبنگ خان فلم ’’ ٹائیگر زندہ ہے‘‘ کے بعد اپنی نئی فلم ’’ریس تھری‘‘ کی تیاریوں میں مصروف ہیں، جو رواں سال عید پر ریلیز کی جائی گی۔

    تفصیلات کے مطابق بالی وڈ سپراسٹار سلمان خان اپنی اگلی فلم ’’ریس تھری‘‘ پر تیزی سے کام کر رہے ہیں، جس کا پہلا حصہ مکمل ہوچکا ہے۔

    بالی وڈ سلطان ’’ ٹائیگر زندہ ہے‘‘ میں 300 کروڑ سے زائد کا بزنس کرنے اور فلم نگری میں اپنی دھاک بٹھانے کے بعد اپنے مداحوں کے لیے ’’ریس تھری‘‘ پراجیکٹ پر مستقل مزاجی سے کام کرہے ہیں۔ ان کے دیگر پراجیکٹس میں فلم ’’بھارت‘‘ اور ’’ویلکم ٹو  نیویارک‘‘ شامل ہیں۔ یاد رہے کہ ریس کے ابتدائی حصوں میں سیف علی خان نے مرکزی کردار نبھایا تھا۔

    فلم ’’ ریس تھری ‘‘ کے ہدایت کار رومیو ڈی سوزا نے اپنے ایک بیان میں کہا ہے کہ فلم کی تیاری تیزی سے جاری ہے، پراجیکٹ کو عید سے پہلے مکمل کر لیا جائے گا،  فلم کا ایک حصہ مکمل ہوچکا، اگلے شیڈول کی شوٹنگ ابوظہبی اور تھائی لینڈ میں کی جائے گی۔

    فلم کے پہلے حصے کی تیاری مکمل ہونے کی خوشی میں سلمان خان نے اپنے ساتھی  اداکاروں کے ساتھ کیک کاٹا اور تصویریں بنوائیں، مذکورہ فلم میں اداکاری کے جوہر دکھانے والوں میں سلمان خان سمیت بوبی ڈیول، ثاقب سلیم، انیل کپور، ڈیزی شاہ، اور پوجا ہیج اداکار شامل ہیں۔

    خیال رہے بوبی دیول گذشتہ برس اپنے والد دھرمندر اور بھائی سنی ڈیول کے ساتھ فلم ’’پوسٹر بوائز‘‘ میں دیکھا گیا تھا، لیکن فلم خاطر خواہ کامیابی نہیں سمیٹ سکی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • دبنگ خان، ایک ہی فلم میں‌ نبھائیں‌ گے پانچ مختلف کردار

    دبنگ خان، ایک ہی فلم میں‌ نبھائیں‌ گے پانچ مختلف کردار

    ممبئی: معروف بالی وڈ اداکار سپراسٹار سلمان خان اگلی عید پر ریلیز ہونے والی اپنی فلم میں پانچ مختلف روپ میں نظر آئیں گے۔

    تفصیلات کے مطابق دبنگ خان نئے پراجیکٹ پر کام شروع کر چکے ہیں، جس میں انھوں نے خود کو چیلینج کیا ہے۔ سلمان خان اس بار ایک ہی فلم میں پانچ مختلف کردار نبھائیں گے۔

    فلم کے ہدایت کار علی عباس ظفر ہیں، جن کے ساتھ  سلمان ’ٹائیگر زندہ ہے‘ اور ’سلطان‘ جیسی بلاک بسٹر فلمیں دے چکے ہیں۔ اب یہ جوڑی پھر ساتھ نظر آئے گی۔ ہدایت کار علی عباس ظفر نے اپنے ایک بیان میں کہا ہے کہ ان کی نئی فلم اگلے سال عید کے موقع پر ریلیز ہوگی، جو مداحوں کو حیران کر دے گی۔

    مقامی میڈیا سے گفتگو کرتے ہوئے  ہدایت کار نے کہا کہ فلم کی کہانی ماضی کے گرد گھومتی ہے۔ اس میں سات عشروں پرانے حالات و واقعات کا احاطہ کیا جائے گا۔ سلمان خان پانچ مختلف کردار نبھانے کے حوالے سے خاصے پرجوش ہیں۔ فلم کی تیاری رواں سال جون میں شروع کی جائے گی۔

    اسرائیلی وزیر اعظم کا دورہ بھارت، تینوں خانز نے مسلمانوں کے دل جیت لیے

    علی عباس ظفر کی ہدایت کاری میں بننے والی اس کی فلم شوٹنگ بھارتی ریاست پنجاب، دہلی، ابوظہبی اوراسپین میں کی جائے گی۔ یاد رہے کہ سلمان خان اس وقت ’’ریس تھری‘‘ کی شوٹنگ میں مصروف ہیں، جو رواں سال عید پر ریلیز کی جائے گی۔ سلمان کی جانب سے ’دبنگ‘ کی شوٹنگ کا بھی اعلان کر دیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کیا دبنگ خان اور کنگ خان پھر مدمقابل آگئے؟

    کیا دبنگ خان اور کنگ خان پھر مدمقابل آگئے؟

    ممبئی: دبنگ خان کے مداحوں کے لیے خوش خبری، سلمان خان نے دبنگ 3 پر کام شروع کر دیا۔ فلم رواں‌ برس دسمبر میں‌ شاہ رخ خان کی میگا بجٹ فلم زیرو کے مدمقابل ریلیز ہوسکتی ہے۔

    تفصیلات کے مطابق سلمان خان اپنی 2010 میں‌ ریلیز ہونے والی بلاک بسٹر فلم دبنگ کے تیسرے سیکوئیل پر کام شروع کرنے کا فیصلہ کر چکے ہیں، جس کی اپریل میں شوٹنگ شروع ہوجائے گی.

    یاد رہے کہ فلم کا دوسرا سیکوئیل 2012 میں‌ ریلیز ہوا تھا، جو خاصا کامیاب رہا تھا اور تب سے اس کے تیسرے سیکوئیل کی بازگشت سنائی دے رہی تھی، مگر فلم کے پروڈیوسرز کی جانب سے تصدیق کی گئی ہے کہ فلم پر رواں‌ برس کام شروع کر دیا جائے گا.

    سب سے دلچسپ پہلو یہ ہے کہ فلم پروڈیوسراسے دسمبر میں‌ کرسمس کے موقع پر ریلیز کرنا چاہتے ہیں. یاد رہے کہ کنگ خان 25 دسمبرکو اپنی فلم زیرو ریلیز کرنے کا اعلان کر چکے ہیں.

    فلمی پنڈتوں کے مطابق بالی وڈ میں‌ فلم کی کامیابی میں‌ ریلیز کی تاریخ‌ کا کردار کلیدی ہوتا ہے، عید، کرسمس اور دیوالی کے موقع پر ریلیز ہونے والے فلمز کی کامیابی کے زیادہ امکانات ہوتے ہیں.

    آنکھ بند کرکے شاہ رخ‌ خان پر اعتماد کرسکتی ہوں: کترینا کیف

    اکثر ان تاریخوں کے حصول کی کوشش اختلافات اور جھگڑوں‌ کا سبب بن جاتی ہے، شیوائے اور اے دل ہے مشکل کے موقع پر ایسی ہی صورت حال دیکھنے میں‌ آئی تھی.اب پھر سلمان خان اور شاہ رخ خان کے مدمقابل آنے کی خبر گردش کر رہی ہے.

    یاد رہے کہ ایک پارٹی میں‌ ہونے والی بدمزگی سے شاہ رخ اور سلمان خان کے اختلافات آغاز ہوا تھا۔ چند برس بعد ایک افطاری پارٹی میں اتفاقیہ ملاقات سے یہ برف پگھلنے لگی اور سلمان خان کی بہن کی شادی کے بعد دونوں‌ سپر اسٹار ایک بار پھر دوست بن گئے تھے.

    دبنگ اور زیرو کا باکس آفس ٹاکرا اس دوستی پر کیا اثرات مرتب کرنے گا، یہ آنے والا وقت ہی بتائے گا.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سلمان خان کو قتل کرنے کی کوشش ناکام، والد کی تصدیق

    سلمان خان کو قتل کرنے کی کوشش ناکام، والد کی تصدیق

    ممبئی: بالی ووڈ اداکار سلمان خان فلم کی شوٹنگ میں مصروف تھے کہ نامعلوم افراد نے اچانک اُن پر حملہ کردیا مگر وہ خوش قسمتی سے بالکل محفوظ رہے، والد نے بھی بیٹے پر ہونے والے حملے کی تصدیق کردی۔

    بھارتی میڈیا کے مطابق  دبنگ خان کالے ہرن کو مارنے کے کیس کی سماعت پر جب پیر کے روز جود پور پہنچے تو انہیں ریاست راجھستان کے بدنامِ زمانہ بدمعاش لارنس بشونی نامی بدمعاش نے قتل کی دھمکی دی۔

    لارنس نامی شخص نے سلمان خان کو نچلی ذات کی برادری کے خلاف نازیبا کلمات ادا کرنے پر سنگین نتائج کی بھی دھمکی تھی جس کے پیش نظر کیس کی سماعت کے دوران پولیس کی بھاری نفری کو عدالت کے باہر تعینات کیا گیا تھا۔

    مزید پڑھیں: سلمان خان کی 28 برس قبل آنے والی فلم کامیاب کیوں ہوئی؟

    سلمان خان اور جیکو لین فرنینڈس ممبئی میں اپنی نئی آنے والی فلم ریس 3 کی شوٹنگ میں  بدھ کے روز مصروف تھے کہ اچانک سیٹ پر نامعلوم مسلح افراد حملہ  آور ہوئے اور اُن کا نشانہ دبنگ خان ہی تھے۔

    سلمان خان کے محافظوں نے حملے کو ناکام بنایا جس کے بعد فلم ڈائریکٹر رمیش ترانی نے پولیس کمانڈوز کو طلب کیا اور سلمان خان کو باحفاظت گھر منتقل کیا گیا، ریس 3 کی شوٹنگ کو حملے کے بعد کو کچھ روز کے لیے روک دیا گیا ہے۔

    پولیس حکام کا کہنا ہے کہ ’سلمان خان پر حملے میں ممکنہ طور پر بشونی ملوث ہوسکتا ہے کیونکہ ملزم نے دبنگ خان کو سنگین نتائج کی دھمکیاں دیں جنہیں سنجیدگی سے لے رہے ہیں‘۔

    یہ بھی پڑھیں: سلمان خان کی فلم ’ ٹائیگرزندہ ہے‘ نے423 کروڑکمالیے

    دبنگ خان کے والد سلیم خان نے بیٹے پر حملے کی تصدیق کرتے ہوئے کہا ہے کہ ’مجھے اس حملے کے محرکات کا علم نہیں مگر جب میں سیٹ سے نکل گیا تو سلمان خان پر حملہ کیا گیا تاہم وہ بالکل محفوظ ہے‘۔

    ساتھی اداکاروں اور سلمان خان کے مداحوں کو جب حملے کا علم ہوا تو انہوں نے اپنے دبنگ خان خیریت طلب کی اور نیک خواہشات کا اظہار بھی کیا۔

    واضح رہے کہ فلم ٹائیگر زندہ ہے کی تشہیر کے دوران سلمان خان اور شلپا شیٹھی نے نجی پروگرام میں راجھستان برادری کے لیے لفظ ’بھنگی‘ کا استعمال کیا تھا جس پر بھارت میں ہنگامے پھوٹے اور اداکاروں کے خلاف مقدمات درج کیے گیے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سلمان خان کا اسسٹنٹ ڈائریکٹرسےبالی ووڈ کےسلطان بننےکا سفر

    سلمان خان کا اسسٹنٹ ڈائریکٹرسےبالی ووڈ کےسلطان بننےکا سفر

    ممبئی: بالی ووڈ کے سلطان کروڑوں دلوں کی جان سپراسٹار سلمان خان آج اپنی 52 ویں سالگرہ منا رہے ہیں۔

    سلمان خان نے اسسٹنٹ ڈائریکٹر سے لےکربالی ووڈ کےسلطان بننے کے سفر میں کئی کامیابیوں اور ناکامیوں کا سامنا کیا لیکن ہمت نہیں ہاری اور فلم ’ تیرے نام ‘ کے بعد تو وہ شہرت کی بلندیوں پر پہنچ گئےاور پھر انہوں نے پیچھے مڑکرنہیں دیکھا۔

    بالی ووڈ کے دبنگ خان نے بھارتی ریاست مدھیہ پردیش کے شہراندور میں 27 دسمبر 1965 کو ناموررائٹر سلیم خان کے گھرآنکھ کھولی اور نام عبدالرشید سلیم سلمان خان رکھا گیا لیکن فلمی دنیا میں وہ سلمان خان کے نام سے مشہور ہوئے۔

    سلمان خان کے دو بھائی ارباز خان اور سہیل خان ہیں اور ان کی دو بہنیں الویرہ خان اور لے پالک ارپیتاخان ہیں۔

    سپراسٹار سلمان خان اپنے کیریئرکی شروعات سےبطوررائٹر، ڈائریکٹرکام کرنا چاہتےتھےاورانہوں نے 1988 میں فلم
    ’ فلک‘ میں اسسٹنٹ ڈائریکٹرکے طور پر کام بھی کیا تھا تاہم وہ فلم باکس آفس پرنہیں چل سکی۔

    انہوں نے ڈائریکشن کے شعبے میں ناکامی کےبعد اداکاری کےمیدان میں اپنی قسمت آزمانے کا فیصلہ کیا اور 1988میں بننے والی فلم ’ بیوی ہو توایسی ‘ سےاپنےفلمی کیریئرکا آغاز کیا، لیکن پہلی کامیابی انہیں فلم ’میں نے پیار کیا‘ سےملی۔

    سلمان خان نے فلم ’ ساجن ‘ ، ’ ہم آپ کے ہیں کون ‘ ، ’ ہم دل دے چکے صنم ‘ میں رومانوی کردار نبھا کرعوام کو اپنا گرویدہ بنایا۔

    دبنگ خان نے اپنے فلمی کیریئر میں کئی عروج وزوال دیکھے اور ایک وقت ایسا بھی آیا کہ جب کہا جانے لگا کہ اب شاید وہ دوبارہ بڑے پردے پراداکاری کے جوہر نہ دکھا سکیں، لیکن 2003 میں ریلیز ہونے والی فلم ’ تیرے نام ‘ میں انہوں نے اپنی اداکاری ثابت کردیا کہ فلمی دنیا میں ان کا سفرختم نہیں ہوا یہ تو شروعات ہے۔

    بالی ووڈ کےسلطان کی فلم ’ پارٹنر‘ ، ’ وانٹڈ ‘ ، ’ ریڈی ‘ ، ’ باڈی گارڈ ‘ ، ’ دبنگ‘ ،  ’کک ‘ ، ’ پریم رتن دھن پایو‘،  ’بجرنگی بھائی    جان  ، ’ ایک تھا ٹائیگر‘  ’دبنگ ٹو‘ نے دنیا بھر میں کامیابی کے جھنڈے گاڑے۔

    بھارتی فلم انڈسٹری میں غیرملکی اداکاراؤں کو متعارف کرانے کا سہرا بھی سلمان خان کو جاتا ہے ان میں سے باربی ڈول کتریہ کیف، جیکولین فرنینڈس کا شمار بالی ووڈ کی صف اول کی اداکاراؤں میں ہوتا ہے۔

    عدالت میں کئی سالوں سے جاری قانونی جنگ کے بعد ممبئی کی سیشن کورٹ کے جج ڈی ڈبلیو دیش پانڈے نے سلمان کو ہٹ اینڈ رن کیس 2002 میں مجرم قرار دے کر 5 سال قید کی سزا سنائی تھی جسے بعد میں ممبئی ہائی کورٹ نے کالعدم قرار دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سلمان خان اور شلپا شیٹھی کے خلاف مقدمہ درج

    سلمان خان اور شلپا شیٹھی کے خلاف مقدمہ درج

    ممبئی: بالی ووڈ ادکار سلمان خان کی نئی فلم ٹائیگر زندہ ہے ریلیز ہوتے ہی تنازعات کا شکار ہوگئی، راجھستان کی ولمیکی برادری نے الزام عائد کیا ہے کہ فلم کی تشہیر کے دوران اداکار نے نچلی ذات کے ہندوؤں کی تضحیک کی جو ناقابل تلافی جرم ہے۔

    تفصیلات کے مطابق ابھی فلم پدماوتی کے تنازع کا سلسلہ ابھی ختم نہ ہوا کہ سلمان خان کی حال ہی میں ریلیز ہونے والی کامیاب فلم ٹائیگر زندہ ہے کے خلاف نیا محاذ کھڑا ہوگیا۔

    راجستھان کے ضلع چھورو میں بسنے والی ویمکی برادری نے سلمان خان کی فلم کے خلاف احتجاجی مظاہرہ کیا، مظاہرین کا کہنا ہے کہ ’ٹائیگر زندہ ہے کی تشہیر کے دوران سلمان خان نے  اُن کی اور نچلی ذات کے ہندوؤں کی تضحیک کی ‘۔

    بالی ووڈ اداکارہ شلپا شیٹھی اور سلمان خان نے ایک سال قبل نجی ٹی وی پروگرام میں فلم کی تشہیر کرتے ہوئے کچھ ایسا لفظ ادا کیا جس کی وجہ سے نچلی ذات کے ہندؤں کی دل آزاری ہوئی۔

    مزید پڑھیں: سلمان‌ خان کا دیوالی پر مداحوں کیلئے فلم “ٹائیگر زنده ہے”کے پوسٹر کا تحفہ

    ویمکی برادری نے راجھستان کے پولیس اسٹیشن کوٹ ولی میں بالی ووڈ اداکارہ اور سلمان خان کے خلاف لفظ بھنگی ادا کرنے پرمقدمہ درج کروایا جس میں اشتعال انگیزی کی دفعات شامل کی گئی ہیں، ایف آر کے متن میں لکھا گیا ہے کہ ’اداکاروں نے ایسی بات کی جس کے باعث ہمارے دلوں کو ٹھیس پہنچی‘۔

    پولیس کے مطابق بالی ووڈ اداکار سلمان خان اور شلپا سیٹھی کے خلاف ایف آئی آر کی بنیاد پر کارروائی عمل میں لائی جاسکتی ہے جبکہ مرکزی کردار ادا کرنے والی کترینہ کیف مقدمے میں نامزد نہیں ہیں۔

    برادری کے رکن نے الزام عائد کیا کہ بالی ووڈ اداکار شلپا شیٹھی نے پروگرام کے دوران ہماری کمیونٹی کے لیے تضحیک آمیز الفاظ بھی استعمال کیے جو ہم سب کے لیے تکلیف کا باعث بنے۔

    یہ بھی پڑھیں: پدماوتی تنازع: پریانکا انتہا پسندوں‌ کے خلاف میدان میں آگئیں

    قبل ازیں فلم میں تضحیک آمیز الفاظ استعمال کرنے پر تمام سینیما گھروں کے باہر احتجاجی مظاہرہ کیا اورمقدمات بھی درج کروائے اور مطالبہ کیا کہ فلم کو فوری طور پر سینیما گھروں سے ہٹایا جائے۔

    دوسری جانب شلپا نے سماجی رابطے کی ویب سائٹ ٹوئٹر پر معافی مانگتے ہوئے کہا ہے کہ ’میرے انٹرویو کی وجہ سے جن لوگوں کی دل آزاری ہوئی اُن سے معذرت کرتی ہوں، کوئی بھی لفظ بولنے کا یہ مقصد نہیں تھا کہ کسی کا دل ٹوٹے کیونکہ میں سب کی عزت کرتی ہوں‘۔

    ویمکی برادری نے سینیما گھروں سے فلم نہ ہٹنے کی صورت میں پورے ملک میں احتجاجی تحریک چلانے کا اعلان کردیا ہے جبکہ اترپردیش میں ہونے والے مظاہرے سے پولیس نے 10 افراد کو حراست میں لے کر مقدمہ درج کردیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔