ARYNews.tv | Urdu – Har Lamha Bakhabar

Tag: Salman Khan

  • سلمان خان کے قتل کیلیے کرائے کے قاتلوں کو کتنی رقم دی گئی؟

    سلمان خان کے قتل کیلیے کرائے کے قاتلوں کو کتنی رقم دی گئی؟

    بالی ووڈ کے معروف اداکار سلمان خان کو قتل کرنے لے لیے کرانے کے قاتلوں کو لاکھوں روپے دینے کا انکشاف ہوا ہے۔

    بھارتی میڈیا کے مطابق بالی ووڈ سپر اسٹار سلمان خان کے گھر پر فائرنگ کے کیس میں ایک بڑی پیش رفت سامنے آئی ہے، ممبئی کرائم برانچ کی جانب سے دائر چارج شیٹ میں اہم انکشاف کیا گیا ہے۔

    بھارتی میڈیا کے مطابق لارنس بشنوئی نے سلمان خان کے قتل کی ہدایت دی تھی اور اس کام کے لیے 6 کرائے کے قاتلوں کو ٹاسک دیا گیا تھا، لارنس بشنوئی نے قاتلوں کو سلمان خان کو قتل کرنے کے لیے 20 لاکھ کی ادائیگی کی تھی۔

    چند روز قبل ممبئی کی خصوصی عدالت نے جیل میں قید گینگسٹر لارنس بشنوئی کے بھائی انمول بشنوئی اور روہت گوڈیرا نامی شخص کے خلاف ناقابل ضمانت وارنٹ جاری کیا تھا، روہت مبینہ طور پر لارنس بشنوئی گینگ کا رکن ہے۔

    تاہم انمول اور روہت واقعے کے بعد سے مفرور ہیں اور ممبئی پولیس نے انہیں چارج شیٹ میں نامزد کیا تھا۔

    واضح رہے کہ اسی سال 14 اپریل کو 2 موٹر سائیکل سواروں نے سلمان خان کی ممبئی کی رہائش گاہ پر فائرنگ کی تھی، جس کے بعد متعدد لوگوں کو گرفتار کیا گیا تھا۔

  • ’جان کو سنگین خطرہ ہے‘ فائرنگ واقعے کے بعد سلمان خان کا بیان سامنے آگیا

    ’جان کو سنگین خطرہ ہے‘ فائرنگ واقعے کے بعد سلمان خان کا بیان سامنے آگیا

    بالی ووڈ اداکار سلمان خان نے بشنوئی گینگ کے حملے کے بعد ممبئی پولیس کے پاس اپنا بیان ریکارڈ کرایا ہے۔

    بھارتی میڈیا کے مطابق سلمان خان کے باندرہ اپارٹمنٹ کے باہر فائرنگ کے واقعے کے معاملے میں داخل کی گئی چارج شیٹ میں، ممبئی پولیس نے الزام لگایا ہے کہ جیل میں بند گینگسٹر لارنس بشنوئی کے چھوٹے بھائی انمول بشنوئی نے ایک بندوق بردار کو بالی ووڈ سپر اسٹار سلمان خان کے گھر کے باہر ہوائی فائرنگ کرنے کی ہدایت دی تاکہ انہیں ڈرایا جاسکے۔

    ممبئی پولیس کی جانب سے عدالت میں پیش کی گئی چارج شیٹ میں انمول بشنوئی اور شوٹر وکی کمار گپتا کے درمیان ہونے والی بات چیت کی نقلیں شامل ہیں ساتھ ہی اداکار سلمان خان کا بیان بھی عدالت میں دائر چارج شیٹ کا حصہ بنالیا گیا ہے۔

    بالی ووڈ اداکار سلمان خان نے ممبئی پولیس کو اپنے بیان میں بتایا  کہ رواں برس اپریل میں میری رہائش گاہ پر لارنس بشنوئی گینگ کی فائرنگ کا مقصد مجھے اور میرے اہل خانہ کو قتل کرنا تھا۔

    سلمان خان نے پولیس کو بتایا کہ انہوں نے 14 اپریل کی صبح گلیکسی اپارٹمنٹس میں اپنی رہائش گاہ پر سوتے ہوئے پٹاخوں جیسی آواز سنی تھی، صبح انہیں پولیس گارڈ نے بتایا کہ موٹر سائیکل پر سوار 2 افراد نے پہلی منزل کی بالکونی پر فائرنگ کی ہے۔

    سلمان خان نے پولیس کو بتایا کہ اس سے پہلے بھی مجھے پر اور میرے گھر والوں پر حملہ کرنے کی کوشش کی گئی تھی  جس سے متعلق باندرہ پولیس اسٹیشن میں شکایت بھی درج کروائی تھی۔

    بالی ووڈ اسٹار نے اپنے بیان میں مزید کہا کہ مجھے بعد میں پتا چلا کہ گینگسٹر لارنس بشنوئی اور اس کے بھائی انمول بشنوئی نے ایک فیس بک پوسٹ میں حملے کا اعتراف کیا ہے اور حملے کی ذمہ داری قبول کی ہے۔

  • سلمان خان ’کک 2‘ میں جلوہ گر ہونے کیلئے تیار

    سلمان خان ’کک 2‘ میں جلوہ گر ہونے کیلئے تیار

    بھارتی فلم انڈسٹری کے معروف اداکار سلمان نے کک 2 میں اپنی صلاحیتوں کے جوہر دکھانے کے لئے تیاری پکڑ لی۔

    بھارتی میڈیا کا اس حوالے سے کہنا ہے کہ دبنگ خان کک ٹو میں ڈیول (شیطان) کے کردار میں ناظرین کو محظوظ کرنے کے لیے تیاری پکڑ چکے ہیں۔

    مڈ ڈے کی رپورٹ میں کہا گیا ہے کہ فی الحال ’کک 2 ’کے اسکرپٹ پر ہدایت کار ساجد ناڈیا ڈوالا کام کر رہے ہیں۔ جبکہ ان کے پروڈکشن کے بینر تلے کئی فلمیں بھی ہیں۔

    ان کی خواہش ہے کہ فلم کِک 2 بنانے کا عمل ہموار ہو اور انہیں سیکوئل پر کام کرنے کے لیے اچھا وقت مل سکے۔

    ذرائع نے اس حوالے سے مزید کہا ہے کہ دبنگ خان اور ساجد سیکوئل کے لیے ایک بار پھر شامل ہونے کے لیے تیار ہیں۔

    سیف علی خان کرشمہ سے کیوں چڑتے ہیں؟ کرینہ نے وجہ بتادی

    واضح رہے کہ فلم ’کک‘ سے ہی ساجد ناڈیاڈوالا نے ہدایت کاری کا آغاز کیا تھا اور یہ فلم کک 2014 میں سینما گھروں کی زینت بنی تھی اور یہ وہ سال تھا جب کک فلم کو اس سال کی سب سے کامیاب فلم ہونے کا اعزاز حاصل ہوا تھا۔

  • سلمان خان نے کس معروف اداکارہ کے گھر رشتہ بھیجا تھا؟ اہم انکشاف

    سلمان خان نے کس معروف اداکارہ کے گھر رشتہ بھیجا تھا؟ اہم انکشاف

    ممبئی: بالی ووڈ کے معروف اداکارہ سلمان خان نے انکشاف کیا ہے انہوں نے ماضی میں جوہی چاولہ کے گھر رشتہ بھیجا تھا۔

    بالی وڈ میں سلمان خان کی شادی کئی دہائیوں سے موضوع بحث ہے لیکن کیا آپ جانتے ہیں کہ بالی وڈ اداکارہ جوہی چاولہ کیلئے سلمان خان نے رشتہ بھیجا تھا لیکن اداکارہ کے والد نے شادی کی پیشکش مسترد کردی تھی۔

    بھارتی میڈیا کو دیے گئے ایک انٹرویو میں سلمان خان نے انکشاف کیا تھا کہ ’ مجھے جوہی چاولہ پسند تھیں وہ مجھے بہت معصوم لگتی تھیں لیکن جب میں نے اداکارہ کے والد سے جوہی کا ہاتھ مانگا تو انہوں نے انکار کردیا۔

    سلمان خان نے بتایا کہ جب یہ ہی بات جوہی چاولہ سے پوچھا گیا تو اداکارہ نے بتایا کہ سلمان خان نے اُن کے کیریئر کی آغاز میں شادی کے لیے رشتہ بھیجا تھا اور اُس وقت ان کی زیادہ توجہ کیریئر بنانے پر تھی۔

    جوہی چاولہ نے بتایا تھا کہ اس وقت سلمان خان  اتنے مقبول نہیں تھے جتنے آج ہیں، حتیٰ کہ میں سلمان اور عامر کو بھی اچھے سے نہیں جانتی تھی جس کی وجہ سے ان کے ساتھ فلم کرنے سے بھی انکار کردیا تھا۔

    واضح رہے کہ 58 سالہ سلمان خان ماضی میں کئی نامور بالی ووڈ اداکاراؤں کے ساتھ تعلق میں رہے ہیں جن میں سرفہرست ایشوریا رائے بچن اور کترینہ کیف ہیں۔

  • سلمان خان نے کترینہ کیف کے شوہر وکی کوشل کے ڈانس پر کیا کہا؟

    سلمان خان نے کترینہ کیف کے شوہر وکی کوشل کے ڈانس پر کیا کہا؟

    بالی ووڈ کے اسٹار اداکار سلمان خان نے اپنی سابقہ گرل فرینڈ کترینہ کیف کے شوہر وکی کوشل کی تعریفوں کے پُل باندھ دیے۔

    بالی ووڈ کے معروف اداکار وکی کوشل کی نئی ڈانس ویڈیو نے انٹرنیٹ پر تہلکہ مچا دیا ہے، وکی کوشل کی آنے والی نئی فلم ’بیڈ نیوز‘ کے ٹریلر کے بعد نیا گانا ’توبہ توبہ‘ دو دن قبل ریلیز کیا گیا ہے۔

    اس گانے میں وکی کوشل کی جانب سے کیا گیا پرجوش اور دھماکے دار ڈانس جہاں کروڑوں صارفین کو دنگ کر گیا وہیں بالی ووڈ کے سلمان خان بھی وکی کے ڈانس کے دیوانے ہوگئے۔

    فوٹو اینڈ شیئرنگ ایپ انسٹاگرام پر سلمان خان نے اسٹوری میں اداکار وکی کوشل کے نئے گانے کی ویڈیو شیئر کی اور ڈانس کی تعریف کرتے ہوئے کہا کہ ’وکی آپ نے گانے میں کمال کا ڈانس کیا ہے جس کی وجہ سے گانا بہترین لگ رہا ہے فلم کی کامیابی کے لیے میری طرف سے آپ کو بہت ساری نیک دعائیں ‘۔

    دوسری جانب سلمان خان کی اسٹوری کو ری شیئر کرتے ہوئے وکی کوشل نے لکھا کہ ’آپ بہت سوئیٹ ہیں سلمان سر، آپ کا بہت شکریہ، آپ کا تعریف کرنا میرے اور میری ٹیم کے لیے بہت معنی رکھتا ہے۔‘

     

    View this post on Instagram

     

    A post shared by Vicky Kaushal (@vickykaushal09)

    واضح رہے ’توبہ توبہ‘ فلم بیڈ نیوز کا گانا ہے جس کی ہدایت کاری آنند تیواری نے کی ہے جبکہ فلم کو مشترکہ طور پر ہیرو یش جوہر، کرن جوہر، اپوروا مہتا، امرت پال سنگھ بندرا اور تیواری نے پروڈیوس کیا ہے، فلم 19 جولائی کو سینما گھروں میں ریلیز کی جائے گی۔

  • بشنوئی گینگ نے سلمان خان کو قتل کرنے کیلئے کتنی رقم دی تھی؟

    بشنوئی گینگ نے سلمان خان کو قتل کرنے کیلئے کتنی رقم دی تھی؟

    بالی ووڈ اداکار سلمان خان کے قتل کی منصوبہ بندی کرنے والے 5 ملزمان کے خلاف نئی چارج شیٹ دائر کردی گئی جس میں تہلکہ خیز تفصیلات سامنے آئی ہیں۔

    بھارتی میڈیا کے مطابق نئی چارج شیٹ میں بدنام زمانہ لارنس بشنوئی گینگ کے ملزمان پر قتل کی سازش اور دیگر سنگین الزامات عائد کیے گئے ہیں، لیے بشنوئی گروپ نے سلمان خان کو قتل کرنے کیلئے 25 لاکھ روپے کا کانٹریکٹ دیا تھا۔

    پولیس کے مطابق سلمان خان کو قتل کرنے کی منصوبہ بندی اگست 2023 سے لے کر اپریل 2024 تک کی گئی،  60 سے 70 افراد کے گروپ نے سلمان خان کے نگرانی کی اور ہر وقت کی خبر رکھتے تھے۔

    پولیس نے بتایا کہ سلمان خان کے گھر، فارم ہاؤس اور فلم اسٹوڈیوزپر نگرانی کرنے والے افراد دن رات موجود رہے اور اس بات کو یقینی بنایا کہ سلمان خان کی ہر ہرحرکت اور آمد ورفت پر کڑی نظر رکھی جائے۔

    پولیس چارج شیٹ کے مطابق بالی ووڈ اسٹار کو قتل کرنے کے لیے 18 سال سے کم عمر کے لڑکوں کو بھرتی کیا گیا، یہ نوجوان سلمان خان کو قتل کرنے کے لیے گینگسٹر گولڈی برار اور انمول بشنوئی کے حکم کے منتظر تھے۔

    واضح رہے کہ اسی سال 14 اپریل کو 2 موٹر سائیکل سواروں نے سلمان خان کی ممبئی کی رہائش گاہ پر فائرنگ کی تھی، جس کے بعد متعدد لوگوں کو گرفتار کیا گیا تھا۔

  • میری جان کو خطرہ ہے: سلمان خان

    میری جان کو خطرہ ہے: سلمان خان

    بھارت کے معروف اداکار سلمان خان نے 14 اپریل کو ممبئی میں اپنی رہائش گاہ پر مبینہ طور پر لارنس بشنوئی گینگ کی جانب سے فائرنگ کے واقعے پر شدید تشویش کا اظہار کیا ہے۔

    ہندوستان ٹائمز کے مطابق ممبئی کرائم برانچ نے سلمان خان کا ریکارڈ بیان کرلیا ہے جس میں انہوں نے کہا کہ یہ واقعہ میرے اور خاندان کے افراد کے لیے ایک بڑا خطرہ ہے اور اسے کم نہیں سمجھا جانا چاہیے۔

    سلمان خان نے اپنے بیان میں پولیس کو بتایا کہ وہ 14 اپریل کو فائرنگ کے واقعے کے وقت اپنی رہائش گاہ پر ہی موجود تھے، اُنہوں نے رات میں پارٹی کی تھی جس کی وجہ سے وہ دیر سے سوئے تھے۔

    سلمان خان نے کہا کہ جب ملزمان نے اُن کی رہائش گاہ پر فائرنگ کی تو بالکونی سے اُنہیں فائرنگ کی آواز آئی، وہ نیند سے بیدار ہوئے اور چیک کرنے کے لیے بالکونی میں گئے لیکن اُنہیں کوئی نظر نہیں آیا۔

    دبنگ اسٹار نے اپنے بیان میں مزید کہا کہ فائرنگ کے واقعے کے بعد، اُنہیں احساس ہوگیا ہے کہ اُن کی جان کو خطرہ ہے۔

    سینیئر پولیس اہلکار نے کہا کہ سلمان خان نے اپنے بیان میں فائرنگ کے پورے واقعے کی تفصیل بتائی اور کہا کہ لارنس بشنوئی گینگ نے انہیں بلاجواز نشانہ بنایا۔

    یاد رہے کہ 14 اپریل کی صبح موٹر سائیکل پر سوار دو حملہ آوروں نے اداکار کے گھر پر پانچ چھ راؤنڈ فائر کیے تھے اور شہر سے فرار ہو گئے تھے۔

  • بھارتی شو’بگ باس‘ کے نئے میزبان کا اعلان ہوگیا

    بھارتی شو’بگ باس‘ کے نئے میزبان کا اعلان ہوگیا

    بھارت کے مشہور رئیلیٹی شو ’بگ باس‘ کے اوور دا ٹاپ (او ٹی ٹی) ورژن کے تیسرے سیزن کی میزبانی سلمان خان نہیں کریں گے۔

    بھارت کے مشہور رئیلیٹی شو ’بگ باس‘ کی میزبانی اب سلمان خان کی جگہ بالی ووڈ کے سینئر اداکار انیل کپور کریں گے، بھارت کی جیو سینما نے اعلان کیا ہے کہ اداکار انیل کپور بگ باس کے میزبان کے طور پر بالی ووڈ اسٹار سلمان خان کی جگہ لیں گے۔

     

    View this post on Instagram

     

    A post shared by JioCinema (@officialjiocinema)

    میکرز نے انسٹاگرام پر بگ باس شو کا نیا پرومو جاری کیا ہے جس میں ایک شخص سرخ جوتوں میں چلتے ہوئے نظر آ رہا ہے، وہ شخص کوئی اور نہیں بلکہ انیل کپور ہے، جو شو کی مناسبت سے کچھ جملے بولتے دکھائی دے رہے ہیں۔

    ویڈیو میں انیل کپور کو کرسی کا آرڈر دیتے ہوئے دکھایا گیا ہے جبکہ ان کا چہرہ ابھی تک نظر نہیں آرہا ہے، مسٹر انڈیا اداکار سیٹی بجاتے ہوئے کرسی مانگتے ہیں، جبکہ پس منظر سے آواز آتی ہے سر جھکاس۔

    ویڈیو میں انیل کپور جواب دیتے ہیں ’بہت ہوگیا جھکاس اب کرتے ہیں نہ کچھ اور خاص‘۔

    خیال رہے کہ  سلمان خان اپنی نئی فلم ’سکندر‘ کی شوٹنگ کے مصروف شیڈول کی بنا پر اس  سیزن سے کنارہ کشی اختیار کر رہے ہیں یہ بھی یاد رہے کہ بگ باس او ٹی ٹی کے پہلے سیزن کی میزبانی بھارتی فلمساز، ہدایتکار و اداکار کرن جوہر نے کی جبکہ سیزن ٹو کی میزبانی سلمان خان کرتے دکھے۔

  • سلمان خان کو قتل کرنے کا منصوبہ ناکام، ملزمان گرفتار

    سلمان خان کو قتل کرنے کا منصوبہ ناکام، ملزمان گرفتار

    ممبئی: بالی ووڈ اسٹار سلمان خان کو ان کی گاڑی میں قتل کرنے کا منصوبہ ممبئی پولیس نے ناکام بنادیا۔

    بھارتی میڈیا رپورٹ کے مطابق لارنس بشنوئی کے گینگ کے 4 لوگ سلمان خا پر حملے کی منصوبہ بندی کر رہے تھے، تاہم ممبئی پولیس نے پنویل سے چاروں ملزمان کو گرفتار کرلیا۔

    بھارتی میڈیا نے دعویٰ کیا کہ ان چاروں نے اعتراف کیا ہے کہ وہ لارنس بشنوئی کے گینگ کے بندے ہیں اور انہیں سلمان خان پر اے کے 47 سے حملہ کرنے کا حکم دیا گیا تھا۔

    بھارتی میڈیا کا کہنا ہے کہ اداکار کو مہاراشٹر کے علاقے پنویل  میں ان کے فارم ہاؤس کے نزدیک گاڑی میں نشانہ بنانے کی منصوبہ بندی کررہا ہے، پولیس نے حملے کی منصوبہ بندی کے الزام میں 4 افراد کو گرفتار کرکے مقدمہ درج کرلیا۔

    واضح رہے کہ اس سے قبل 14 اپریل کو 2 موٹر سائیکل سواروں نے ممبئی کے علاقے بینڈرہ میں واقع سلمان خان کے گھر پر فائرنگ کی تھی۔

    فائرنگ کرنے والوں کو گرفتار کرلیا گیا تھا، سلمان خان کو گینگسٹر لارنس بشنوئی نے قتل کرنے کی دھمکی دی ہے، لارنس بشنوئی گینگ کا مطالبہ ہے کہ سلمان خان کالے ہرن کو مارنے پر معافی مانگیں۔

  • بالی ووڈ فلم انڈسٹری میں سنجے لیلا کا واحد دوست کون ہے؟

    بالی ووڈ فلم انڈسٹری میں سنجے لیلا کا واحد دوست کون ہے؟

    بالی ووڈ انڈسٹری کے معروف ہدایتکار سنجے لیلا بھنسالی نے انڈسٹری کے ایک خان کو اپنا واحد دوست مانتے ہیں۔

    بالی ووڈ ہنگامہ کے ساتھ ایک نئے انٹرویو میں، ہدایتکار سنجے لیلا بھنسالی نے اب سلمان خان کے ساتھ اپنی دوستی کے بارے میں بات کی، انہوں نے بتایا کہ دونوں نے ایک ساتھ فلم’’ انشاء اللہ‘‘ میں کام کیا تھا لیکن تخلیقی اختلافات کی وجہ سے اس فلم کو روک دیا گیا۔

    بالی ووڈ کے ہدایتکار نے کہا کہ اس انڈسٹری میں صرف سلمان خان ہی میرا واحد دوست ہے، ہم فلم ’انشااللہ‘ نہیں بناسکے لیکن اس کے بعد بھی وہ ہمیشہ میرے ساتھ کھڑا تھا، وہ مجھے کال کرکے میرا حال پوچھتا اور کہتا تھا کہ تم ٹھیک ہو؟ کسی چیز کی ضرورت تو نہیں۔

    سنجے لیلا نے کہا کہ میں سلمان خان کے مزاح سے بہت لطف اندوز ہوتا ہوں، وہ مجھے 3 یا 5 ماہ بعد کال کرتا ہے لیکن وہ کال صرف میری خیریت دریافت کرنے کے لیے ہوتی ہے انہیں فلم کی پرواہ نہیں وہ بس یہ پوچھا کیا آپ ٹھیک ہیں؟

    انہوں نے مزید بتایا کہ ہمارے کام کو لے کر نوک جھوک ہوئی تو ہم نے ایک دوسرے سے بات کی اور معاملہ سلجھا لیا، میں سلمان خان کی دوستی کے لحاظ سے بہت خوش قسمت ہوں کیوں کہ سلمان میرا ایک واحد دوست ہے جس سے 6 ماہ بعد بھی ملاقات ہو تو ہم وہی سے شروعات کرتے جہاں سے ہم نے چھوڑا تھا۔

    واضح رہے کہ سنجے لیلا بھنسالی کے انتہائی متوقع پروجیکٹ ’’انشااللہ‘‘ میں سلمان خان اور عالیہ بھٹ مرکزی کردار ادا کرنے والے تھے۔ لیکن اس پروجیکٹ کو 2019 میں روک دیا گیا تھا۔