ARYNews.tv | Urdu – Har Lamha Bakhabar

Tag: Salman Mujahid baloch

  • سلمان مجاہد کی جانب سے لڑکی کیخلاف مقدمہ سی کلاس قرار

    سلمان مجاہد کی جانب سے لڑکی کیخلاف مقدمہ سی کلاس قرار

    کراچی : ایم کیو ایم پاکستان کے ایم این اے سلمان مجاہد بلوچ کی جانب سے تھانہ گلشن اقبال میں علینہ نامی خاتون کیخلاف مقدمہ پولیس نے سی کلاس قرار دے دیا، مدعی کے الزامات سچ ثابت نہیں ہوئے۔

    تفصیلات کے مطابق رکن قومی اسمبلی اور ایم کیوایم پاکستان کے رہنما سلمان مجاہد بلوچ کی جانب سے علینہ نامی خاتون کیخلاف دائر کیے گئے مقدمہ کو خارج کرنے سے متعلق سی کلاس کی رپورٹ پولیس نے عدالت میں جمع کرادی ہے۔

    رپورٹ میں انکشاف کیا گیا ہے کہ سلمان مجاہد بلوچ کے علینہ خان پر لگائے گئے الزام پر شواہد موصول نہیں ہوئے، پولیس کا کہنا ہے کہ سلمان مجاہد بلوچ نے مقدمہ درج کرانے کے بعد تفتیش میں بھی کوئی تعاون نہیں کیا۔

    جوڈیشل مجسٹریٹ شرقی کی عدالت نے پولیس کی جانب سے دی گئی رپورٹ پراسیکیوشن ڈیپارٹمنٹ میں جمع کرادی ہے، ایف آئی آر میں متحدہ قومی موومنٹ کے ایم این اے نے دعویٰ کیا تھا کہ علینہ خان اپنی والدہ کی بیماری کا جھانسہ دے کر ان سے رقوم بٹورتی رہیں اور رقم واپس مانگنے پر انہیں قتل کی دھمکیاں دیں۔

    واضح رہے کہ علینہ خان پہلے ہی صارم برنی ایڈوکیٹ کے توسط سے سلمان مجاہد بلوچ کیخلاف زیادتی و ہراساں کرنے کا مقدمہ درج کرانے کیلئے سٹی کورٹ سے رجوع کرچکی ہیں۔

    واضح رہے کہ متحدہ رکن قومی اسمبلی سلمان مجاہد بلوچ کے خلاف تھانہ تیموریہ میں علینہ نامی خاتون نے مقدمہ درج کرایا تھا‘ مقدمے میں اغواء، دست درازی اور جان سے مارنے کی دھمکیوں کے حوالے سے دفعات شامل کی گئی ہیں۔

    علینہ نامی لڑکی نے الزام عائد کیا تھا کہ سلمان مجاہد نے اسے اسلام آباد کے ایک ہوٹل میں نوکری کا جھانسہ دے کر بلایا اور پھر زبردستی زیادتی کا نشانہ بنایا جب کہ بعد میں شادی کا وعدہ کرکے معافی بھی مانگی۔

    مزید پڑھیں : سلمان مجاہد بلوچ کے خلاف ایک اور مقدمہ درج

    اس سے قبل کراچی کے علاقے گلشن اقبال میں مبینہ طور پر متاثرہ لڑکی کے بھائی کی مدعیت میں ایک مقدمہ درج کیا جاچکا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • متحدہ کے کسی رکن اسمبلی نے استعفیٰ نہیں دیا، سلمان مجاہد بلوچ

    متحدہ کے کسی رکن اسمبلی نے استعفیٰ نہیں دیا، سلمان مجاہد بلوچ

    اسلام آباد: ایم کیو ایم پاکستان کے رہنما سلمان مجاہد بلوچ نے کہا ہے کہ فاروق ستار اگر ایم کیو ایم علیحدہ کرنے کا فیصلہ نہ کرتے تو 22 اگست کی رات کوئی گھر ایسا نہ ہوتا جہاں لوگ حملہ نہ کرتے، اس شخص کو پکڑا جائے جس نے الطاف حسین کو فاروق ستار کے خلاف اور نعرے لگانے پر اکسایا۔

    یہ پڑھیں:متعدد اراکین اسمبلی کے استعفے موجود ہیں،جلد منظر عام پر لائیں گے، واسع جلیل

    پروگرام آف دی ریکارڈ میں میزبان کاشف عباسی سے بات کرتے ہوئے انہوں نے کہا کہ اس دن ایم کیو ایم کے رہنمائوں کی وزیراعلیٰ سندھ اور پرویز رشید سے ملاقات ہوئی، الطاف حسین کو بتایا کہ فاروق ستار کو اٹھ کر نہیں جانا چاہیے تھا بلکہ پرویز رشید کو کیمپ آنا چاہیے تھا، جس نے الطاف حسین کو پاکستان مخالف نعرے لگانے اور پرویز رشید کے معاملے پر بھڑکایا اسے سزاد دینی چاہئے الطاف حسین کو نہیں، لیکن وہ غائب ہے اسے ڈھونڈا جائے۔

    انہوں نے اس بات کو مسترد کردیا کہ ایم کیو ایم پاکستان کے رہنمائوں نے استعفیٰ دے دیا ہے اور کہا کہ آصف حسنین نے بھی استعفیٰ واپس لے لیا، کسی رہنما نے استعفیٰ نہٰں دیا، یہ سب بے بنیاد باتیں ہیں۔

    انہوں نے کہا کہ 22 اگست کے بعد جس دبائو کا سامنا یہاں موجود لوگوں نے کیا اور کررہے ہیں لندن والوں کو اس بات کا اندازہ ہی نہیں۔

    پروگرام میں مولا بخش چانڈیو نے بھی شرکت کی اور ایک سوال پر کہاکہ ایم کیو ایم کے رہنمائوں کے بیانات سے کوئی مطمئن نہیں ہوتا، بانی ایم کیو ایم کی پارٹی میں دوبارہ شمولیت کے حوالے سے مستقبل میں ہی کچھ پتا چلے گا۔

  • حکومت الطاف حسین کے خلاف مقدمہ درج کراکے دکھائے،سلمان مجاہد بلوچ،آف دی ریکارڈ

    حکومت الطاف حسین کے خلاف مقدمہ درج کراکے دکھائے،سلمان مجاہد بلوچ،آف دی ریکارڈ

    کراچی: متحدہ قومی موومنٹ پاکستان کے رہنما سلمان مجاہد بلوچ نے کہا کہ معاملات فاروق ستار کے پاس ہیں وہ کھل کر کچھ نہیں کہہ رہے، پاکستان مخالف بات کرنے والوں پر آرٹیکل 6 لگایا جائے اور انہیں کٹہرے میں لایا جائے، حکومت میں ہمت ہے تو الطاف حسین کے خلاف بغاوت کامقدمہ درج کراکے دکھائے۔


    Salman Baloch dares govt to run a treason case… by arynews

    فاروق ستار طلاق کے بعد الطاف حسین سے رجوع نہ کریں، نبیل گبول

    Altaf dictates Farooq Sattar through Viber… by arynews

    سیاسی رہنما نبیل گبول نے کہا کہ سب سے پہلے الطاف حسین کو ایم کیو ایم سے باہر نکالا جائے اور آئین متحدہ میں تبدیلی کی جائے، فاروق ستار اور الطاف حسین کے تعلقات ناجائز ہیں، طلاق بھی ہوگئی اور رجوع بھی کیا جارہا ہے،فاروق ستار وائبر پر روانہ الطاف حسین سے ڈکٹیشن لے رہے ہیں یہ کیسی سیاسی طلاق ہے؟ ہم اسے تسلیم نہیں کرتے۔

    آرٹیکل 6 کے تحت کارروائی کا فیصلہ حکومت کوکرنا ہے، اسد عمر

    MQM voters voted for Altaf Hussain till today… by arynews

    پاکستان تحریک انصاف کے رہنما اسد عمر نے کہا کہ نائن زیرو میں اسلحہ رکھا ہے تو تمام تر مینڈٰیٹ کے باوجود اس کے خلاف آپریشن ہوناچاہیے، قانون کی حکمرانی ہونی چاہیے، ایم کیو ایم اس سے ماورا نہیں، اگر کسی کو پورے ملک کا بھی مینڈٰیٹ ہو تب بھی اسے قانون توڑے کا کوئی حق نہیں، یہ فیصلہ حکومت کو کرنا ہے کہ آرٹیکل سکس کے تحت الطاف حسین کے خلاف کارروائی کی جائے یا نہیں۔