پاکستان کے ابھرتے ہوئے اداکار و گلوکار ثمر جعفری نے ارجنٹینا کے اسٹار فٹبالر لیونل میسی کو پہلی بار لائیو دیکھنے کا دلچسپ قصہ سنادیا۔
ثمر جعفری پاکستانی انٹرٹینمنٹ انڈسٹری کی نوجوان دل کی دھڑکن ہیں۔ انہوں نے مائی ری میں ایک غیر معمولی ڈیبیو کرنے کے بعد اس انڈسٹری میں ایک بڑا نام بنایا ہے، وہ ڈرامہ پرورش میں ولی کا کردار ادا کرتے ہوئے نظر آرہے ہیں۔
حال ہی میں اے آر وائی ڈیجیٹل کے مقبول ڈرامے پرورش کے اداکارہ ثمر جعفری نے نجی چینل کے پوڈکاسٹ میں شرکت کی جس میں انہوں نے کیرئیر سے لے کر اپنی ذاتی زندگی کے حوالے سے بات چیت کی۔
پوڈ کاسٹ میں گفتگو کرتے ہوئے کہا کہ گزشتہ برس 2024 میں، میں نے تین کام سوچے تھے جو 2025 میں لازمی کرنا تھے اور خوش قسمتی سے میں نے تینوں کام کر لیے۔
اداکار نے کہا کہ میں 2025 میں ایک ایسا ڈرامہ کرنا چاہتا تھا جس میں یوتھ کو مثبت پیغام جائے اور یہ ہوگیا، دوسری میری خواہش تھی کہ میرا گانا اسٹریمنگ پلیٹ فارم کے ٹاپ گانوں میں آئے اور یہ بھی ہوگیا
View this post on Instagram
"جب کہ تیسرے نمبر پر میں نے دوست سے کہا تھا کہ میں امریکا جاکر لیونل میسی کو دیکھ کر آؤں گا اور یہ بھی پورا ہوگیا حالانکہ اس وقت نہ میرا ویزا لگا تھا اور نہ کوئی ارادہ تھا”
ثمر نے کہا کہ میں میسی کا بہت بڑا مداح ہوں اور میں گھر والوں کے ساتھ امریکا اس لیے ہی گیا تھا کیوں کہ مجھے میسی سے ملاقات کرنی تھی، میچ دیکھنے کے لیے گراؤنڈ میں گیا تو مجھے شاندار وی آئی پی سیٹ ملی، میرے بالکل سامنے میسی کھیل رہا تھا۔
انہوں نے مزید بتایا کہ گراؤنڈ میں داخل ہوتے ہی میسی سامنے سے وارم اپ کے لیے بھاگتا ہوا آیا، میں وہیں رُک گیا، میں تقریباً رونے والا تھا کیونکہ میں میسی کا بچپن سے بہت بڑا مداح ہوں۔
ثمر نے کہا کہ جب میسی فٹبال ورلڈکپ کے فاتح بنے تو اس وقت میں نے وہ میچ اسلام آباد میں دیکھا تھا اور میسی کی ٹیم کے جیتنے پر میں خود رو دیا تھا۔
