گزشتہ سے پیوستہ
سموسہ رول پٹی کے لیے میدے کا جو آٹا گوندھا جاتا ہے اور ساتھ ہی برانڈڈ کباب اور رول کس طرح گندگی سے تیار ہوتے ہیں، اس کے طریقہ کار کو دیکھ کر ٹیم سرعام کے کارکنان کے ہوش اُڑ گئے۔
اس کارخانے میں سموسہ رول پٹی کیلیے میدہ پیروں کی مدد سے گوندھا جا رہا تھا، اس موقع پر پنجاب فوڈ اتھارٹی کے ایک افسر نے بتایا کہ یہاں اس قدر گندگی سے کام کیا جاتا ہے کہ جس مقام پر یہ پٹیاں کاٹی جارہی ہیں وہ جگہ واش روم کے ساتھ ہے اور واش روم کے اندر کی ساری گندگی بھی پیروں کے ساتھ لگ کر آتی ہے۔ اس کے علاوہ سموسہ رول پٹی کیلیے جو کھلا نمک استعمال کیا جارہا تھا وہ بھی انتہائی غیر معیاری تھا۔
ڈائریکٹر جنرل پنجاب فوڈ اتھارٹی عاصم جاوید نے بتایا کہ ہم ہر سال خاص طور پر ایس او پیز جاری کرتے ہیں اور سختی سے ہدایات دی جاتی ہیں لیکن یہ لوگ شروع میں تو عمل کرتے ہیں اور کچھ روز بعد اپنی ڈگر پر واپس آجاتے ہیں۔
برانڈڈ کباب اور رول کس طرح گندگی سے تیار ہوتے ہیں؟ آپ بھی دیکھیں
مذکورہ کارخانے میں سموسہ رول پٹی کے علاوہ برانڈڈ کباب جس میں چپلی کباب، رول کباب، چکن کوفتہ اور دیگر اشیاء مشہور برانڈ کے نام سے تیار کی جا رہی تھیں، لیکن اس کیلیے بھی کسی قسم کی ایس او پیز یا صفائی ستھرائی کا کوئی انتظام بھی نہیں کیا گیا تھا۔
