Tag: Samsam Bukhari

لاہور: وزیراطلاعات پنجاب صمصام بخاری کا کہنا ہے کہ ملکی اداروں کے خلاف ہرزہ سرائی کرنے والوں کو شرم آنی چاہیے۔

تفصیلات کے مطابق وزیراطلاعات پنجاب صمصام بخاری نے کہا کہ دھرتی ماں پربیٹوں کی قربانیوں کا سلسلہ جاری ہے، افواج پاکستان دفاع وطن کی نئی تاریخ رقم کررہی ہیں، جوان اور افسران بلا تفریق جانیں قربان کر رہے ہیں۔

انہوں نے کہا کہ دہشت گرد درندے کسی رعایت کے مستحق نہیں ہیں، ہر محب وطن شہری اپنے جوانوں کے شانہ بشانہ کھڑا ہے، ملکی تحفظ اور دفاع پر کوئی سمجھوتہ نہیں کیا جا سکتا۔

صمصام علی بخاری نے کہا کہ ملکی اداروں کے خلاف ہرزہ سرائی کرنے والوں کو شرم آنی چاہیے، اپوزیشن جماعتیں قومی امور پر ایک پیج پرآئیں۔

بارودی سرنگ کا دھماکہ، پاک فوج کے 3 افسر اور جوان شہید چار زخمی

یاد رہے کہ گزشتہ روز شمالی وزیرستان کے علاقے خاڑکمر میں بارودی سرنگ کے دھماکے کے نتیجے میں پاک فوج کے تین افسران سمیت 4 جوان شہید اور 4 زخمی ہوگئے تھے۔

آئی ایس پی آر کے مطابق گزشتہ ایک ماہ کے دوران شمالی وزیرستان میں 10 سیکیورٹی اہلکار شہید اور 35 زخمی ہوچکے ہیں۔

لاہور : صوبائی وزیر اطلاعات صمصام بخاری نے کہا یہ لوگ اتنی تباہی کرکےگئےکہ آئی ایم ایف کے پاس جانا پڑا، دونوں جماعتیں اپنی کرپشن بچانے کیلئےایک ہوئی ہیں، ڈالر کے بائیکاٹ پر ڈالر مارکیٹ میں لائیں گھر پر نہ رکھیں۔

تفصیلات کے مطابق وزیر اطلاعات پنجاب صمصام بخاری نے میڈیا سے گفتگو کرتے ہوئے کہا آئی ایم ایف کہتی ہے ہمیں اس ملک پراعتبار ہے، 22 ویں دفعہ پاکستان آئی ایم ایف کےپاس گیا، چارٹر آف ڈیموکریسی پر ن لیگ نے بے نظیر بھٹوکو دھوکا دیا تھا۔

صمصام بخاری کا کہنا تھا آئی ایم ایف کےپاس جانےکےعلاوہ کوئی راستہ نہیں تھا، آئی ایم ایف کے پاس جانے کا ارادہ نہیں تھا لیکن یہ لوگ اتنی تباہی کرکےگئے کہ آئی ایم ایف کے پاس جانا پڑا۔

آئی ایم ایف کےپاس جانےکےعلاوہ کوئی راستہ نہیں تھا

وزیر اطلاعات پنجاب نے کہا میں یہ نہیں کہتا کہ دودھ کی نہریں بہہ رہی ہیں، آئی ایم ایف کے پاس جانے کا ہمارا کوئی وژن نہیں تھا۔

ڈالر کی قیمت میں اضافے پر ان کا کہنا تھا عوام ڈالرکوگھرمیں نہ رکھیں انہیں فروخت کریں، ڈالرفروخت کریں گے تویہ پیسہ عوام کے مفاد میں جائےگا۔

عوام ڈالرکوگھرمیں نہ رکھیں انہیں فروخت کریں

صمصام بخاری نے مزید کہا ہم اس صورتحال سے جلد نکلیں گے، ڈالر کے بائیکاٹ پر ڈالر مارکیٹ میں لائیں گھر پر نہ رکھیں۔

ان کا کہنا تھا پاکستان میں ایساٹیلنٹ ہے جو دوسرے ممالک میں نہیں ، آرٹسٹ کی حوصلہ افزائی اتنی نہیں ہو رہی جتنی ہونی چاہیے، ہر چیز کنٹرول ہے تاکہ ہماری نسل مشکلات سے دو چار نہ ہو۔

صوبائی وزیر اطلاعات نے کہا حکومتی کارکردگی سے متعلق آئندہ الیکشن پر پتہ چلےگا، ڈالراصل قیمت پر نہیں ہوگا تو برآمدات نہیں ہوگی ، سیاسی پنڈت بتائیں کتنی بار آئی ایم ایف کے پاس گئے۔

حکومتی کارکردگی سے متعلق آئندہ الیکشن پر پتہ چلےگا

ان کا کہنا تھا جو کریں گے عوام کی بہتری کے لئے کریں گے، آئی ایم ایف کا پیسہ ایون فیلڈ اور رائے ونڈ سیکیورٹی پر جاتا تھا ، قرضہ ہم نے نہیں لیا لیکن قسطیں اتار رہے ہیں۔

لاہور: وزیر اطلاعات پنجاب صمصام بخاری کا کہنا ہے کہ مسلم لیگ ن اور پیپلزپارٹی کا غیرفطری سیاسی اتحاد ہونے جا رہا ہے۔

تفصیلات کے مطابق صمصام بخاری نے میڈیا سے گفتگو کرتے ہوئے کہ پاکستان تحریک انصاف کا بیانیہ درست ثابت ہوا۔

وزیر اطلاعات پنجاب نے کہا کہ مسلم لیگ ن اور پیپلزپارٹی والے دونوں اندر سے ایک ہیں۔ انہوں نے کہا کہ ن لیگ اور پیپلزپارٹی اپنے کرتوتوں کا پھل کاٹ رہے ہیں۔

انہوں نے کہا کہ عید کے بعد سڑکوں پر آنے کا شوق پورا کرلیں، پذیرائی نہیں ملے گی، عمران خان کے خلاف اکٹھے ہونے والے اپنی لوٹ مار بچانا چاہتے ہیں۔

افطار کے نام پر کرپشن بچانے کیلئے چوروں کی مجلس ہو رہی تھی، مراد سعید

یاد رہے کہ گزشتہ روز وفاقی وزیر مراد سعید کا کہنا تھا کہ افطار کے نام پر اپنی کرپشن بچانے کے لیے چوروں کی مجلس ہو رہی تھی، چوروں کو قوم کی لوٹی گئی دولت واپس کرنا ہوگی۔

مراد سعید کا کہنا تھا کہ عمران خان نے پہلے ہی کہا تھا کہ یہ آپس میں نورا کشتی کھیلتے ہیں، ان کی کرپشن پر ہاتھ ڈالاجائے تو یہ سب اکٹھے ہوجاتے ہیں۔

وفاقی وزیر کا کہنا تھا کہ جتنی مرضی ضیافتیں اڑالیں، رعایت ملے گی نہ ہی کوئی سمجھوتہ ہوگا، چوروں کوقوم کی لوٹی گئی دولت واپس کرنا ہوگی۔