لاہور: وزیر اطلاعات پنجاب صمصام بخاری نے کہا ہے کہ اسپتال نہ جانا میاں صاحب کی اپنی سوچ اوراپنا فیصلہ ہے.
ان خیالات کا اظہار انھوں نے خصوصی پریس کانفرنس میں کیا. ان کا کہنا تھا کہ حکومت کسی لحاظ سےبھی ان کےعلاج میں کمی نہیں چاہتی، اسپتال نہ جانے کا فیصلہ انھوں نے خود کیا.
[bs-quote quote=”ہر شخص کا اپنا نقطہ نظرہوتا ہے، سلپ آف ٹنگ بھی ہوجاتا ہے” style=”style-8″ align=”left” author_name=”وزیر اطلاعات پنجاب”][/bs-quote]
وزیراطلاعات پنجاب صمصام بخاری نے کہا کہ اپوزیشن کا حق ہے کہ حکومت پرتنقید کریں.
ایک سوال کے جواب میں انھوں نے کہا کہ ہر شخص کا اپنا نقطہ نظرہوتا ہے، سلپ آف ٹنگ بھی ہوجاتا ہے.
صمصام بخاری نے کہا کہ جوبات آپ کےمنہ سے نکلتی ہے، آپ کو اس کا جواب دینا پڑتا ہے، آج کل منہ سے نکلی بات کا جواب بڑی جلدی دینا پڑتا ہے.
مزید پڑھیں: پنجاب کے نئے وزیر اطلاعات صمصام بخاری نے اپنے عہدے کا حلف اٹھالیا
ایک سوال کے جواب میں وزیر اطلاعات پنجاب نے کہا کہ شہبازگل اور میں وزیر اعلیٰ کی ٹیم کاحصہ ہیں،اس میں کوئی مسئلہ نہیں.
یاد رہے کہ اج صمصام بخاری نے بہ طور وزیر اطلاعات اپنے عہدے کا حلف اٹھایا تھا، انہیں گزشتہ روز فیاض الحسن چوہان کے مستعفی ہونے کے بعد صوبے کا نیا وزیر اطلاعات نامزد کیا گیا تھا۔
