Tag: sana

  • کراچی : میاں بیوی کی لاشیں ملنے کا واقعہ : مقتولہ کا بھائی قاتل نکلا

    کراچی : میاں بیوی کی لاشیں ملنے کا واقعہ : مقتولہ کا بھائی قاتل نکلا

    کراچی : کلفٹن کے علاقے سے گزشتہ روز ملنے والی میاں بیوی کی لاشوں کا معمہ حل ہوگیا، مقتولہ ثناء کے بھائی وقاص نے دہرے قتل کا اعتراف کرلیا۔

    اے آر وائی نیوز کی رپورٹ کے مطابق گوجرانوالہ سے پسند کی شادی کرنے کراچی آنے والے جوڑے کے قتل کے ملزم کا سراغ مل گیا، مقتولہ کا بھائی ہی بہن بہنوئی کے قتل میں ملوث نکلا۔

    واقعے کی تفصیلات بیان کرتے ہوئے پولیس حکام نے بتایا کہ واردات میں مقتولہ ثناء کے بھائی وقاص کا رشتہ دار عاصم اور اس کا دوست عمران بھی ملوث ہیں۔

    زیرحراست مقتولہ کے بھائی وقاص نے دوران تفتیش اعتراف جرم کرتے ہوئے پولیس کو بتایا کہ عاصم اور عمران مقتولہ ثناء اور ساجد کے پیچھے کراچی گئے تھے۔

    وقاص نے بتایا کہ عاصم کاپلان تھا کہ شوٹرز کے ذریعے دونوں کو قتل کرایا جائے گا، پولیس کے مطابق 19جولائی کو عاصم اور عمران لاہور سے کراچی گئےاور25کو واپس آئے۔

    عاصم نے واپس آکر وقاص کو بتایا کہ ایک دو دن میں کام ہوجائے گا، مفرور ملزمان عاصم اور عمران کی تلاش جاری ہے۔

     مزید پڑھیں : ساجد مسیح اور ثنا آصف کی پوسٹ مارٹم رپورٹ سامنے آ گئی

    واضح رہے کہ گزشتہ دنوں کراچی میں بوٹ بیسن تھانے کی حدود کلفٹن میں چائنہ پورٹ کے قریب ملنے والی میاں بیوی کی تشدد زدہ لاشیں برآمد ہوئی تھیں۔

    پولیس کا کہنا تھا کہ جوڑے کو ٹارگٹ کرکے قتل کیا گیا، دونوں کو سر کے پچھلے حصے پر ایک ایک گولی ماری گئی، جائے وقوع سے ملنے والے موبائل فون میں سم نہیں ہے۔

  • امریکی حکومت سندھیوں کا معیارِزندگی بہتربنانے کیلئے کوشاں ہے، قونصل جنرل

    امریکی حکومت سندھیوں کا معیارِزندگی بہتربنانے کیلئے کوشاں ہے، قونصل جنرل

    کراچی : امریکی قونصل جنرل برائن ہیتھ نےسندھی ایسوسی ایشن آف نارتھ امریکا (ایس اے این اے ) کےزیراہتمام کانفرنس میں شرکت کی۔ اس موقع پر ایس اے این اے کی سیکریٹری جنرل نورالنساء گھانگرواورانسٹیٹیوٹ آف بزنس ایڈمنسٹریشن آئی بی اے کےڈائریکٹرڈاکٹرعشرت حسین بھی موجودتھے۔

    کانفرنس کےافتتاحی اجلاس سےخطاب کرتےہوئےقونصل جنرل برائن ہیتھ نےکہاکہ امریکی حکومت سندھ میں بسنےوالےافرادکامعیارِزندگی بہتربنانے کی کوششوں میں تعاون فراہم کررہی ہے۔

    ان کاکہنا تھاکہ امریکی ادارہ برائےبین الاقوامی ترقی یو ایس ایڈ سندھ میں تعلیم،صحت اورتوانائی کےشعبوں میں بےشمارمنصوبوں پرکام کررہاہے۔

    سندھ بیسک ایجوکیشن پروگرام کےتحت سندھ کے پچاس ہزاربچوں کو 106نئےتعمیرہونےوالےاسکولوں میں تعلیم حاصل کرنےکاموقع ملےگا۔

    اس کےعلاوہ ایک کروڑ 80لاکھ ڈالرکی مالیت سےجیکب آباد میں 133بستروں پرمشتمل جدیداسپتال بھی تعمیرکیاگیاہے،جس سےجیکب آباداوراردگردکےشہروں کےدولاکھ افرادفائدہ اٹھائیں گے۔

    توانائی کےشعبےمیں جاری منصوبوں کےبارےمیں بات کرتےہوئے قونصل جنرل برائن ہیتھ نےکہاکہ معاشی ترقی کیلئےتوانائی کی مسلسل فراہمی انتہائی ضرو ری ہے۔امریکی حکومت کےتین کروڑ 90لاکھ ڈالرکےمنصوبےکےذریعےگدواورجامشوروپاورپلانٹس کی مرمت اوربحالی کامنصوبہ مکمل کیاگیاہے۔

    اس منصوبےکےذریعےدونوں پاورپلانٹس کی پیداوارمیں 270میگاواٹ کااضافہ ہواہے جس سےچھ لاکھ خاندان فائدہ اٹھارہےہیں۔

    برائن ہیتھ نےبتایاکہ 2010کےسیلاب سےمتاثرہ علاقوں میں بحالی کیلئے یو ایس ایڈ نےایک ملین ڈالرکی امدادفراہم کی، ان کاکہناتھا کہ امریکی قونصل خانہ کراچی سندھی ثقافت کی ترویج میں اہم کرداراداکررہاہے،جس کےتحت سندھی ثقافتی دن منانےکےساتھ ساتھ قونصل خانےکی سندھی ویب سائٹ کابھی اجراکیاگیاہے۔

  • یمنی شہریوں کی حوثی قبائل کی حمایت میں ریلی

    یمنی شہریوں کی حوثی قبائل کی حمایت میں ریلی

    صنعا: یمن میں عوام نے حوثی قبائل کی حمایت اور اتحادی افواج کی فضائی کارروائیوں کے خلاف سڑکوں پرآگئے ہیں۔

    اتحادی افواج کے خلاف کئے جانے والے احتجاجی مظاہرے سے خطاب کرتے ہوئےحوثی رہنما خالد المدنی کا کہنا تھا کہ وہ صبر سےکام لیتے ہوئے اپنے فیصلے اور پوزیشن سے پیچھے نہیں ہٹیں گے۔

    شہر کے ایک اور حصے میں خواتین مظاہرین نے اقوام متحدہ کی عمارت کےسامنے اتحادی افواج کی کارروائیوں کے خلاف احتجاج کیا۔

    ملک میں جاری تنازعے کے سبب ملک میں غذائی اجناس، توانائی اورصحت سمیت دیگرسہولیات کا بحران پیدا ہوگیا۔

    حالیہ ہفتوں میں معزول صدرمنصور ہادی کےحامیوں نے متعدد بڑے شہروں اور قصبوں کو جنگجوؤں سے حاصل کرلیا ہے۔