ARYNews.tv | Urdu – Har Lamha Bakhabar

Tag: sana javed

  • ثنا جاوید کا اپنے شوہر شعیب ملک کے لیے پیغام

    ثنا جاوید کا اپنے شوہر شعیب ملک کے لیے پیغام

    شوبز انڈسٹری کی اداکارہ ثنا جاوید نے اپنے دوسرے شوہر شعیب ملک کی کامیابی پر سوشل میڈیا پر پیغام جاری کیا ہے۔

    سابق قومی کرکٹر شعیب ملک اور اداکارہ ثنا جاوید نے سوشل میڈیا پلیٹ فارم پر اپنی شادی کی اطلاع مداحوں کو دی جبکہ ثنا جاوید نے انسٹاگرام پر اپنا نام بھی تبدیل کرلیا۔

    ثنا جاوید نے اس موقع پر خوبصورت عروسی لباس زیب تن کیا جبکہ شعیب ملک بھی روایتی سفید شیروانی میں نظر آئے۔

     

    View this post on Instagram

     

    A post shared by lollywoodspace (@lollywoodspace)

    ثنا جاوید سے نکاح کے اعلان کے چند ہی گھنٹوں بعد شعیب ملک نے ایک بڑا اعزاز اپنے نام کیا، شعیب ملک ٹی ٹوئنٹی فارمیٹ میں 13 ہزار رنز بنانے والے پہلے ایشیائی کھلاڑی اور دنیا کے دوسرے کرکٹر کا اعزاز پالیا۔

    قومی کرکٹ کی اس کامیابی پر اُن کی دوسری اہلیہ ثنا جاوید نے بھی خصوصی پیغام جاری کیا ہے، ثنا جاوید نے اپنے آفیشل انسٹاگرام اکاؤنٹ کی اسٹوری میں لکھا کہ ’’ماشااللہ! مجھے آپ پر بہت فخر ہے‘‘۔

    شعیب ملک کی شادی سے قبل ثنا جاوید کیلیے کی گئی پوسٹ وائرل

    واضح رہے کہ سال 2020 میں ثناء جاوید اور عمیر جسوال نے اپنی انسٹاگرام پوسٹ کے ذریعے اپنی شادی کا اعلان کیا تھا، ان کے درمیان طلاق کی افواہیں اس وقت سامنے آئیں جب عمری جیسوال ثنا جاوید کے بغیر عمرے کی سعادت کرنے مکہ مکرمہ گئے تھے۔

    اداکارہ ثنا جاوید اور شعیب ملک نے دوسری شادی کرلی

    دوسری جانب شعیب ملک اور ثانیہ مرزا نے 13 سال قبل اپریل 2010 میں شادی کی تھی، شادی کے 8 سال بعد 30 اکتوبر 2018 کو ان کے ہاں پہلے بیٹے کی پیدائش ہوئی تھی۔

    دونوں کے درمیان علیحدگی اور طلاق کی افواہیں ابتدائی طور پر دسمبر 2022 میں بھارتی میڈیا میں شائع ہوئی تھیں اور شوبز ویب سائٹس نے مستند ذرائع کا حوالہ دیے بغیر قیاس آرائیاں کی تھیں کہ ان کے درمیان اختلافات ہوگئے۔

  • ثنا جاوید کی حالیہ تصاویر مداحوں کے دل میں گھر کر گئیں

    ثنا جاوید کی حالیہ تصاویر مداحوں کے دل میں گھر کر گئیں

    معروف اداکارہ ثنا جاوید کی حالیہ تصاویر سوشل میڈیا پر وائرل ہوگئیں، دیگر اداکارؤں اور مداحوں نے ان کی تصاویر پر تعریفوں کے ڈھیر لگا دیے۔

    تفصیلات کے مطابق معروف اداکارہ ثنا جاوید نے سماجی رابطے کی ویب سائٹ انسٹاگرام پر سیاہ لباس میں اپنی نئی تصاویر شیئر کیں۔

    تصایور کے ساتھ انہوں نے معنی خیز پیغام بھی شیئر کیا۔

    ثنا کی تصاویر پر دیگر اداکاراؤں اور مداحوں کی جانب سے تعریفی تبصروں کا سلسلہ جاری ہے۔

     

    View this post on Instagram

     

    A post shared by Sana Javed (@sanajaved.official)

    واضح رہے کہ ثنا جاوید سوشل میڈیا پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداحوں کی جانب سے خوب پسند کیا جاتا ہے۔

    کچھ عرصہ قبل ثنا تنازعے کا شکار ہوگئی تھیں جب ان کے خلاف مختلف ماڈلز، میک اپ آرٹسٹس، اسٹائلسٹس اور اداکاراؤں نے نامناسب رویے کے الزامات لگائے تھے۔

    اداکارہ نے ایک طرف تو الزامات لگانے والوں کے خلاف قانونی کارروائی کا اعلان کیا تھا تو دوسری طرف انڈسٹری کے بڑے ناموں نے ان کی حمایت بھی کی تھی۔

  • ثنا جاوید کی برج خلیفہ پر خوبصورت تصویر وائرل

    ثنا جاوید کی برج خلیفہ پر خوبصورت تصویر وائرل

    معروف اداکارہ ثنا جاوید کی دبئی میں برج خلیفہ پر لی گئی تصویر وائرل ہوگئی، مداحوں نے ان کی تصویر کو بے حد پسند کیا۔

    تفصیلات کے مطابق معروف اداکارہ ثنا جاوید آج کل تعطیلات پر متحدہ عرب امارات کے شہر دبئی میں ہیں۔

    ثنا نے دنیا کی بلند ترین عمارت برج خلیفہ سے اپنی خوبصورت تصویر سماجی رابطوں کی ویب سائٹ انسٹاگرام پر اپ لوڈ کی۔

     

    View this post on Instagram

     

    A post shared by Sana Javed (@sanajaved.official)

    ان کی تصویر کومداحوں کی جانب سے بے حد پسند کیا جارہا ہے۔

    یاد رہے کہ ثنا نے متعدد ٹی وی ڈراموں اور فلموں میں اپنی اداکاری کے جوہر دکھائے ہیں، وہ اکتوبر 2020 میں گلوکار عمیر جسوال سے رشتہ ازدواج میں بندھ گئی تھیں۔

  • اداکارہ ثنا جاوید کی انسٹاگرام ویڈیو کے چرچے

    اداکارہ ثنا جاوید کی انسٹاگرام ویڈیو کے چرچے

    کراچی: حال ہی میں گلوکار عمیر جسوال کے ساتھ شادی کے بندھن میں بندھنے والی اداکارہ ثنا جاوید کی انسٹاگرام ویڈیو وائرل ہوگئی۔

    تفصیلات کے مطابق شوبز سے جڑی شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس پر مختلف ویڈیوز اور تصاویر شیئر کرتی ہیں جن کا مقصد مداحوں کو اپنی روزمرہ مصروفیات سے متعلق آگاہ رکھنا ہوتا ہے، مداح بھی اپنے پسندیدہ فنکار کی تصاویر اور ویڈیوز کو پسند کرتے ہیں۔

    اداکارہ ثنا جاوید نے سماجی رابطے کی ویب سائٹ انسٹاگرام پر ویڈیو شیئر کی جس میں دیکھا جاسکتا ہے کہ وہ اپنے شوہر عمیر جسوال کے ہمراہ موٹر سائیکل پر سفر کررہی ہیں۔

    ثنا نے ویڈیو کے کیپشن میں لکھا کہ ’اچھے موڈ کے ساتھ موٹر سائیکل کی سواری۔‘

    عمیر جسوال نے بھی اہلیہ کے ہمراہ موٹر سائیکل پر بیٹھے ایک تصویر شیئر کی جس میں دونوں خوشگوار موڈ میں دکھائی دے رہے ہیں۔

    واضح رہے کہ اداکارہ ثنا جاوید اور عمیر جسوال گزشتہ ماہ 20 اکتوبر کو شادی کے بندھن میں بندھے تھے، شادی کی تقریب کراچی میں منعقد ہوئی تھی جس میں قریبی رشتے داروں نے شرکت کی تھی۔

    گزشتہ دنوں ثنا جاوید نے اپنی منگنی کی تصاویر سوشل میڈیا پر شیئر کی تھیں جنہیں مداحوں کی جانب سے خوب سراہا گیا تھا۔

  • ثنا جاوید نے ہتھیار چلانا سیکھ لیے

    ثنا جاوید نے ہتھیار چلانا سیکھ لیے

    اسلام آباد: معروف پاکستانی اداکارہ ثنا جاوید نے ہتھیار چلانا سیکھ لیے، انہوں نے اپنے شوہر عمیر جسوال کے ساتھ فائرنگ رینج کا دورہ کیا۔

    تفصیلات کے مطابق سماجی رابطے کی ویب سائٹ انسٹا گرام پر ثنا نے اپنی نئی تصاویر اور ویڈیوز پوسٹ کیں جن میں وہ بندوق چلا رہی ہیں۔

    ثنا نے اپنی پوسٹ میں لکھا کہ زندگی میں پہلی بار میں نے بندوق چلائی ہے، میرے شوہر نے مجھے ہتھیاروں اور سیلف ڈیفنس سے متعارف کروایا۔

    انہوں نے لکھا کہ میں خوفزدہ تھی لیکن میں یہ سیکھنا چاہتی تھی۔ انہوں نے اپنے شوہر عمیر جسوال کا شکریہ بھی ادا کیا۔

    خیال رہے کہ ثنا جاوید اور عمیر جسوال کچھ عرصہ قبل رشتہ ازدواج میں منسلک ہوئے تھے اور ان کی شادی نے مداحوں کو حیرت میں مبتلا کردیا تھا۔

  • ’’دعا ہے آپ دونوں خوشی خوشی ایک ساتھ رہیں‘‘

    ’’دعا ہے آپ دونوں خوشی خوشی ایک ساتھ رہیں‘‘

    کراچی: اداکارہ ثنا جاوید کے بھائی عبداللہ جاوید نے بہن اور بہنوئی کے لیے سوشل میڈیا پر محبت بھرا پیغام شیئر کردیا۔

    تفصیلات کے مطابق پاکستانی شوبز انڈسٹری کی معروف اداکارہ ثنا جاوید اور گلوکار عمیر جسوال دو روز قبل رشتہ ازدواج میں منسلک ہوئے، اداکارہ کے بھائی نے انسٹاگرام پر بہن اور بہنوئی کی تصویر شیئر کی جس میں عمیر اور ثنا دونوں ایک دوسرے کا ہاتھ تھامے بیٹھے ہیں۔

    عبد اللہ جاوید نے بہن اور بہنوئی کو مخاطب کرتے ہوئے لکھا کہ ’یہ ہماری زندگی کا ایک خوبصورت دن تھا۔‘

    انہوں نے لکھا کہ ’بہت خوش قسمت ہوتے ہیں وہ بھائی جو اپنی بہن کو خوش دیکھتے ہیں اور جب اُنہیں ایک ایسا بہنوئی مل جائے جو اُن کی بہن سے بہت زیادہ محبت کرے تو بھائی مطمئن ہوجاتے ہیں۔‘

    انہوں نے ثنا جاوید اور عمیر جسوال کو شادی کی مبارکباد دیتے ہوئے لکھا کہ ’آپ دونوں اپنی پوری زندگی خوشی خوشی ایک ساتھ رہیں، آمین، یہ ایک بھائی کی دعا ہے۔‘

    واضح رہے کہ گزشتہ روز ثنا جاوید اور گلوکار عمیر جسوال نے اپنی شادی کی تصویر شیئر کرکے مداحوں کو خوشگوار حیرت میں مبتلا کردیا تھا، شوبز جوڑی کی شادی کی تقریب کراچی کے مقامی ہوٹل میں منعقد کی گئی جس میں قریبی رشتے داروں نے شرکت کی۔

    View this post on Instagram

    ❤️🤍

    A post shared by Sana Javed (@sanajaved.official) on

  • ’رسوائی‘ کی آخری قسط میں کیا ہوگا؟

    ’رسوائی‘ کی آخری قسط میں کیا ہوگا؟

    کراچی: اے آر وائی ڈیجیٹل کے مشہور ڈرامہ سیریل ’رسوائی‘ کی آخری قسط کے حوالے سے ثنا جاوید نے بیان کردیا۔

    تفصیلات کے مطابق اے آر وائی ڈیجیٹل کے مشہور ڈرامہ سیریل ’رسوائی‘ کی آخری قسط آج رات 8 بجے نشر کی جائے گی جس کا شائقین بے صبری سے انتظار کررہے ہیں۔

    واضح رہے کہ ڈرامہ سیریل رسوائی کی کہانی حقیقت پر مبنی ہے، ڈرامہ نگار نائلہ انصاری کا کہنا تھا کہ جب دنوں یہ کہانی لکھی گئی وہ اس وقت دبئی میں رہتی تھیں اور وہ ملکی معاشرے کے زمینی حقائق سے ناواقف تھیں۔

    انہوں ںے کہا کہ اس واقعہ کو فیملی ڈرامہ کی شکل دے دی، ان کا مزید کہنا تھا کہ سوچنے سمجھنے والے مواد کو تیار کرنا ضروری ہے، ایسے معاملات میں اگر ایک لڑکی زیادتی کے بعد واپس آجائے تو ان کی فیملی اور معاشرے کو ردعمل کیا ہوتا ہے۔

    رائٹر نائلہ انصاری کا کہنا تھا کہ یہ ایک افسوس ناک بات ہے کہ ایسی چیز کو داگ سمجھا جاتا ہے، ڈرامہ سیریل رسوائی میں اداکار میکال ذوالفقار اور ثنا جاوید مرکزی کردار ادا کررہے ہیں۔

    شائقین کو انتظار ہے کہ آخری قسط میں کیا ہونے والا ہے کیا سمیرا (ثنا جاوید) ڈرامے میں مر جائیں گی یا پھر سلمان سمیرا کو انصاف دلانے کے لیے خود قربان ہوجائے گا۔

    ثنا جاوید نے سماجی رابطے کی ویب سائٹ انسٹاگرام پر لکھا کہ مداح یہ جاننے کے لیے بے چین ہیں کہ سمیرا انصاف کے حصول میں کس طرح کامیابی حاصل کرے گی؟ چاہے وہ اپنی جنگ جیتنے میں کامیاب ہوجائے یا اس قسط میں بھی آپ کو حیرت کا انتظار ہوگا نہیں؟

    انہوں نے گزشتہ روز لکھا کہ رواں منگل کو ’رسوائی‘ کے شاندار اختتام کو دیکھنا نہ بولیں، واضح رہے کہ ڈرامہ سیریل ’رسوائی‘ کی
    آخری قسط اے آر وائی ڈیجیٹل پر آج رات نشر کی جائے گی۔

    رسوائی کی تعریف کرتے ہوئے بہروز سبزواری نے ڈائریکٹر کی تعریف کرتے ہوئے کہا کہ ڈرامے میں بہت مزہ آیا، بڑے بڑے نام ہیں ڈرامے میں عثمان پیرزادہ، میکال، اسامہ ہیں، ثنا جاوید نے بہت اچھی پرفارمنس دی ہے۔

    سینئر اداکار شبیر جان کا کہنا تھا کہ رسوائی نے ڈائریکٹر کی تعریف کرتے ہوئے کہا کہ وہ ہمیشہ اچھا ڈرامہ بناتی ہیں اس لاک ڈاؤن کی وجہ سے بڑی خوبصورتی سے ڈرامہ دیکھا۔

  • اداکارہ ثنا جاوید کی بچپن کی تصویر سوشل میڈیا پر وائرل

    اداکارہ ثنا جاوید کی بچپن کی تصویر سوشل میڈیا پر وائرل

    کراچی: پاکستانی فلم و ڈرامہ انڈسٹری کی معروف اداکارہ ثنا جاوید نے بچپن کی تصویر سوشل میڈیا پر شیئر کی اور والدہ کے نام جذباتی پیغام لکھ دیا۔

    تفصیلات کے مطابق اے آر وائی ڈیجیٹل کے ڈرامے رسوائی میں مرکزی کردار ادا کرنے والی اداکارہ ثنا جاوید نے سماجی رابطے کی ویب سائٹ انسٹاگرام پر بچپن کی تصویر شیئر کی جس میں انہوں نے حیدرآبادی کُرتا زیب تن کیا ہوا ہے۔

    اداکارہ نے اپنی تصویر کے کیپشن میں لکھا کہ ’مائیں سب سے اچھی ہوتی ہیں، وہ اپنی پوری محبت اور خلوص کے ساتھ اپنے بچوں کو تیار کرتی ہیں، ان کو خوبصورت لباس پہناتی ہیں اور پھر ان کی تصویریں کھینچتی ہیں۔‘

    ثنا جاوید نے کہا کہ میں نے اس تصویر میں پسندیدہ روایتی حیدرآبادی کُرتا پہنا ہوا ہے جو میری والدہ نے میرے لیے خود سلائی کیا تھا۔

    اداکارہ نے کہا کہ میں اپنی والدہ سے بہت محبت کرتی ہوں، میں اس تصویر میں تھوڑی غمزدہ ہوں کیونکہ مجھے اپنی والدہ کی گود میں رہنے کی عادت تھی اور یہ تصویر لینے کی وجہ سے انہوں نے مجھے اپنی گود سے نیچے اتار دیا تھا جس کی وجہ سے میں اداس ہوگئی تھی۔

    انہوں نے لکھا کہ آج بھی میں اپنے کام کی وجہ سے والدہ سے دور ہوتی ہوں تو ان کو یاد کرکے اداس ہوجاتی ہوں۔

    ثنا جاوید کا کہنا تھا کہ آئیں ہم بھی اپنی ماؤں کا اسی طرح خیال رکھیں جیسے ہماری ماؤں نے بچپن میں ہمارا خیال رکھا تھا، ہماری مائیں صحت و تندرستی اور خوشی کے ساتھ زندگی بسر کریں۔

  • معروف پاکستانی اداکارہ ثنا جاوید کی تصویر وائرل

    معروف پاکستانی اداکارہ ثنا جاوید کی تصویر وائرل

    کراچی: معروف پاکستانی اداکارہ ثنا جاوید کی بچپن کی تصویر سوشل میڈیا پر وائرل ہوگئی۔

    تفصیلات کے مطابق پاکستانی فلم و ڈرامہ انڈسٹری کی معروف اداکارہ ثنا جاوید نے اپنے چھوٹے بھائی کے ساتھ بچپن کی تصویر سوشل میڈیا ویب سائٹ انسٹاگرام پر شیئر کی جو وائرل ہوگئی۔

    چھبیس سالہ اداکارہ نے تصویر کے ساتھ بچپن کی یادیں بھی شیئر کیں، تصویر میں دیکھا جاسکتا ہے کہ دونوں بھائی بہن بہت ہی دلکش نظر آرہے ہیں، ثنا جاوید اپنے بھائی کو گود میں اٹھائے ہوئے ہیں۔

     

    View this post on Instagram

     

    Love you ♥️🤗 @abdullah_javed

    A post shared by Sana Javed (@sanajaved.official) on

    ثنا جاوید نے تصویر کے ساتھ کیپشن لکھا کہ ’میں تم سے بہت محبت کرتی ہوں۔‘ اور بھائی عبداللہ جاوید کو ساتھ ہی مینشن بھی کیا۔

    اداکارہ ان دنوں اے آر وائی ڈیجیٹل کے مقبول ڈرامہ سیریل ’رسوائی‘ میں مرکزی کردار ادا کررہی ہیں، ڈرامے میں ان کے کردار کا نام سمیرا ہے جو باپ کی جانب سے بہو کو بچائے جانے کے بعد ریپ کا شکار ہوجاتی ہے۔

    واضح رہے کہ اس سے قبل انسٹاگرام پر ثنا جاوید نے لکھا تھا کہ مجھے یہ کردار نبھاتے وقت کرب سے گزرنا پڑا لیکن اب بھی زیادتی کا نشانہ بننے والے حقیقی متاثرین سے کم ہوگا۔