ARYNews.tv | Urdu – Har Lamha Bakhabar

Tag: sanghar

  • ضلع سانگھڑ میں تیل و گیس کا مزید ایک کنواں دریافت

    ضلع سانگھڑ میں تیل و گیس کا مزید ایک کنواں دریافت

    سانگھڑ: آئل اینڈ گیس ڈیولپمنٹ کمپنی لمیٹڈ (او جی ڈی سی ایل) نے صوبہ سندھ کے ضلع سانگھڑ میں تیل و گیس کا ایک اور کنواں دریافت کر لیا۔

    تفصیلات کے مطابق او جی ڈی سی ایل نے سانگھڑ میں تیل و گیس کے ایک اور کنویں کی دریافت میں کامیابی حاصل کر لی ہے، کوٹ نواب سے تیل و گیس سمیت پانی کا ذخیرہ بھی ملا ہے۔

    او جی ڈی سی ایل کے مطابق کنویں سے ابتدائی طور پر یومیہ 125 بیرل خام تیل حاصل ہوگا، اور یہ سنجھورو بلاک میں تیل و گیس کے 11 ویں کنویں کی دریافت ہے۔

    رواں برس فروری میں پی پی ایل نے صوبہ سندھ میں گیس کا بڑا ذخیرہ دریافت کیا تھا، لطیف بلاک موہر ون کنویں سے یومیہ 14.3 ایم ایم ایس سی ایف ڈی گیس کی امید ہے۔

    بڑی کامیابی : پاکستان میں گیس کا بڑا ذخیرہ دریافت

    گزشتہ سال اکتوبر میں آئل اینڈ گیس ڈیولپمنٹ کمپنی لمیٹڈ نے بلوچستان کے ضلع کوہلو میں گیس کے نئے ‏ذخائر دریافت کیے تھے، جندران ایکس ۔ ون کنویں سے یومیہ 2.391 ملین مکعب کیوبک فٹ گیس ‏دریافت ہوئی۔

  • حرمین قتل کیس: مرکزی ملزم سانگھڑ میں گرفتار ہو گیا

    حرمین قتل کیس: مرکزی ملزم سانگھڑ میں گرفتار ہو گیا

    سانگھڑ: کراچی کے علاقے ملیر، شاہ لطیف ٹاؤن میں ننھی بچی حرمین کے قتل واقعے کا مرکزی ملزم سانگھڑ میں گرفتار ہو گیا۔

    تفصیلات کے مطابق کراچی میں ملیر شاہ لطیف میں ڈکیتی کے دوران فائرنگ سے ایک بچی حرمین کی جان چلی گئی تھی، واقعے کے مرکزی ملزم شبیر جھکڑو کو اندرون سندھ گرفتار کر لیا گیا۔

    ایس ایس پی سانگھڑ ڈاکٹر فرخ نے بتایا کہ قتل میں ملوث مفرور ملزم شبیر جھکڑو کو سانگھڑ پولیس نے شہدادپور میں مقابلے کے بعد زخمی حالت میں گرفتار کیا، زخمی ملزم کو شہدادپور کے سرکاری اسپتال منتقل کیا گیا ہے۔

    کراچی: ننھی حرمین کے ساتھ کیا ہوا تھا؟ دل دہلا دینے والی فوٹیج سامنے آ گئی

    ایس ایس پی کے مطابق کراچی میں ملزم شبیر نے ساتھیوں کے ہمراہ دکان میں واردات کی تھی، ملزم نے فرار ہوتے ہوئے شاہراہ پر اندھا دُھند فائرنگ کی تھی، جس کی زد میں آ کر کم سِن بچی حرمین زخمی ہوئی تھی جو بعد ازاں قریبی اسپتال کے عملے کی سنگین غفلت کے باعث جاں بحق ہو گئی تھی۔

    حرمین قتل کیس : ملزمان کون ہیں؟ کہاں سے آئے، تفصیلات مل گئیں

    ایس ایس پی نے بتایا کہ واردات کے ایک ملزم موقع پر ہی زخمی حالت میں گرفتار ہوا تھا، جب کہ 2 فرار ہو گئے تھے، جن میں سے ایک ملزم کو گرفتار کر لیا گیا ہے، جب کہ دیگر ملزمان کی گرفتاری کے لیے علاقے میں سرچ آپریشن کیا جا رہا ہے۔

    واضح رہے کہ کراچی میں گرفتار زخمی ملزم پیار علی نے پولیس کو بتایا تھا کہ میرا تعلق سانگھڑ سے ہے، جب کہ اس کے دیگر 5 ساتھیوں کا تعلق شہداد پور سے ہے، جن میں پیرو، گلو، نعیم، اکبر اور حق نواز دو دو شامل ہیں۔

  • سانگھڑ: وحشی درندوں کی کسان کی بیٹی سے مبینہ زیادتی

    سانگھڑ: وحشی درندوں کی کسان کی بیٹی سے مبینہ زیادتی

    سانگھڑ: صوبہ سندھ کے ضلع سانگھڑ میں وحشی درندوں نے کسان کی بیٹی کو مبینہ طور پر اجتماعی زیادتی کا نشانہ بناڈالا ہے۔

    دلخراش واقعہ سانگھڑ کی تحصیل کھپرو کی حدود میں گوٹھ مورھڈی میں پیش آیا، جہاں متاثرہ لڑکی نے پولیس کو دئیے گئے بیان میں بتایا کہ مجھے تین لڑکوں نے ہمارے بھینسوں کے باڑے سے اغوا کرکے قریبی فصل میں لیجاکر زیادتی کا نشانہ بنایا اور دھمکی دی کہ اگر تم نے اپنے بھائیوں کو کچھ بتایا تو ہم تمہارے پورے خاندان کو قتل کردینگے۔

    مقامی پولیس نے متاثرہ لڑکی کے بھائی عبدالستار کی مدعیت میں تین ملزمان حمزہ،معشوق اور اللہ بخش کے خلاف درج کرلیا ہے۔کسان کی بیٹی سے مبینہ زیادتی پر ایس ایس پی سانگھڑ نے فوری نوٹس لیا، اے آر وائی نیوز سے خصوصی گفتگو کرتے ہوئے ایس ایس پی سانگھڑ فرخ علی لنجار نے بتایا کہ کھپرو میں مبینہ اجتماعی زیادتی کے واقعے میں ملوث ملزمان کی گرفتاری کیلئے پولیس پارٹی روانہ کردی گئی ہے ،زیادتی کے مرتکب ملزمان کسی صورت قانون کی گرفت سے نہیں بچ سکیں گے۔

    یہ بھی پڑھیں: برطانیہ پلٹ لڑکی سے زیادتی کیس کا ڈراپ سین

    واضح رہے کہ گذشتہ ماہ شہر قائد کے علاقے گورا قبرستان کے قریب پندرہ سالہ لڑکی کو مبینہ طور پر اجتماعی زیادتی کا نشانہ بنایا گیا تھا، بعد ازاں پولیس نے کارروائی کرتے ہوئے دو ملزمان کو گرفتار کرلیا تھا۔

  • سانگھڑ: مسافروین اورویگو گاڑی میں تصادم‘ 3 افراد جاں بحق

    سانگھڑ: مسافروین اورویگو گاڑی میں تصادم‘ 3 افراد جاں بحق

    سانگھڑ: صوبہ سندھ کے شہر سانگھڑ میں نوابشاہ روڈ پر مسافروین اورویگو گاڑی میں تصادم کے نتیجے میں 3 افراد جاں بحق ہوگئے۔

    تفصیلات کے مطابق سانگھڑ میں نوابشاہ روڈ پرراوتیانی کے قریب مسافروین اورویگو گاڑی میں تصادم کے نتیجے میں 3 افراد جان کی بازی ہار گئے۔

    ریسکیو حکام کے مطابق افسوس ناک حادثے میں زخمی ہونے والے افراد کو نواب شاہ منتقل کیا جا رہا ہے۔ پولیس حکام کا کہنا ہے کہ حادثہ تیزرفتار کے باعث پیش آیا۔

    سہون شریف کے قریب ٹریفک حادثہ‘ بچی جاں بحق‘ 8 افراد زخمی

    دوسری جانب سہون شریف کے علاقے لال باغ کے قریب تیزرفتار گاڑی الٹ گئی جس کے نتیجے میں پانچ سالہ بچی جان کی بازی ہار گئی۔

    ریسکیو حکام کے مطابق حادثے میں 7 خواتین سمیت 8 افراد زخمی ہوئے جنہیں طبی امداد کے لیے سول اسپتال کراچی منتقل کردیا گیا۔

    خیرپور: مہران ہائی وے پر ٹریفک حادثہ‘ 3 افراد جاں بحق

    یاد رہے کہ رواں ماہ 2 فروری کو خیبرپور کے قریب مہران ہائی وے پر آئل ٹینکر کار اور وین سے ٹکرا گیا تھا، افسوس ناک حادثے میں 3 افراد جان کی بازی ہارگئے تھے جبکہ 5 افراد زخمی ہوئے تھے۔

  • سانگھڑ: دھاندلی میں انتخابی عملہ اور دیگر افراد ملوث نکلے

    سانگھڑ: دھاندلی میں انتخابی عملہ اور دیگر افراد ملوث نکلے

    سانگھڑ: سندھ کے شہر سانگھڑ کی قومی و صوبائی نشستوں کے پوسٹل بیلٹس میں دھاندلی کا انکشاف ہوا ہے، دھاندلی میں انتخابی عملہ ملوث نکلا۔

    تفصیلات کے مطابق ڈپٹی کمشنر سانگھڑ نے پولیس کو مراسلہ لکھ کر کہا تھا کہ دھاندلی میں سانگھڑ میں تعینات انتخابی عملہ اور دیگر افراد ملوث ہیں۔

    ڈی سی سانگھڑ امتیاز علی کا کہنا ہے کہ پولیس کو مراسلہ دھاندلی کے خلاف کارروائی کے لیے لکھا گیا تھا، پولیس نے پوسٹل بیلٹ دھاندلی میں ملوث افراد کے خلاف مقدمہ درج کر لیا ہے۔

    ڈپٹی کمشنر کے مطابق دھاندلی کے خلاف انکوائری میں پوسٹل بیلٹس میں دھاندلی کے ثبوت مل گئے ہیں، تاہم ملوث افراد طلبی کے با وجود انکوائری میں پیش نہیں ہوئے۔

    سیہون میں دھاندلی پر اسسٹنٹ ریٹرننگ افسران کی گرفتاری کا حکم، پنجاب کے چار افسران بھی معطل

    واضح رہے کہ الیکشن کمیشن آف پاکستان نے بھی گزشتہ روز سندھ کے شہر سیہون شریف اور سانگھڑ میں پوسٹل بیلٹ پیپرز کے ذریعے دھاندلی کے واقعے کا نوٹس لیتے ہوئے اسسٹنٹ ریٹرننگ افسران کی گرفتاری کا حکم دیا تھا۔

    سیکریٹری الیکشن کمیشن نے چیف سیکریٹری سندھ سے رابطہ کر کے کہا تھا کہ سیہون کے اسسٹنٹ ریٹرننگ افسران کو گرفتار کیا جائے۔ دوسری طرف الیکشن کمیشن نے ڈی ایس پی سمیت پنجاب کے چار افسران کو بھی سرکاری حیثیت کا ناجائز استعمال کرنے کے الزام میں معطل کیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سانگھڑ: کھڈروکےگھرمیں آتشزدگی‘ میاں بیوی جاں بحق

    سانگھڑ: کھڈروکےگھرمیں آتشزدگی‘ میاں بیوی جاں بحق

    سانگھڑ: صوبہ سندھ کے شہر سانگھڑ کے علاقے کھڈرو میں واقع گھر میں آگ لگنے سے میاں بیوی جھلس کر جاں بحق ہوگئے۔

    تفصیلات کے مطابق سانگھڑ کے علاقے کھڈرو میں رات گئے مبینہ طور پرجنریٹر سے نکلنے والی چنگاری سے گھر میں آگ لگنے سے میاں بیوی جھلس کر جاں بحق ہوگئے۔

    پولیس حکام کے مطابق گھر میں منگنی کی تقریب جاری تھی کہ لوڈ شیڈنگ کے باعث جنریٹر چل رہا تھا جس سے نکلنے والی چنگاری سے گیس کے پائپ میں آگ لگی پھر وہ آگ کچن تک پھیلی۔

    حادثے میں دونوں میاں بیوی ایک دوسرے کو بچاتے ہوئے بری طرح جھلس گئے جنہیں تشویش ناک حالت میں نواب شاہ اسپتال منتقل کیا گیا جہاں دونوں میاں بیوی زخموں کی تاب نہ لاتے ہوئے خالق حقیقی سے جاملے۔

    پولیس کے مطابق افسوس ناک حادثے میں جاں بحق ہونے والی 50 سالہ خاتون زاہدہ پرائمری اسکول ٹیچر تھی۔ واقعے کے بعد خوشیوں والے گھر میں صف ماتم بچھ گئی۔

    خیال رہے کہ 3 اپریل کو لاہور کے علاقے گارڈن ٹاؤن کی برکت مارکیٹ میں علی الصبح بیکری میں اچانک آگ بھڑک اٹھی تھی جس کے نتیجے میں بیکری میں موجود 5 افراد دم گھٹنے سے جان کی بازی ہار گئے تھے۔

    کراچی: کورنگی کےگھر میں آتشزدگی‘ میاں بیوی جاں بحق

    یاد رہے کہ گزشتہ ہفتے 5 اپریل کو کراچی کےعلاقے کورنگی میں واقع گھر میں آگ لگنے سے میاں بیوی جھلس کر جاں بحق ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سانگھڑ: کار حادثے میں 3 خواتین جاں بحق‘ 2 زخمی ہوگئیں

    سانگھڑ: کار حادثے میں 3 خواتین جاں بحق‘ 2 زخمی ہوگئیں

    سانگھڑ: صوبہ سندھ کے شہر سانگھڑ میں کار حادثے میں تین خواتین جاں بحق جبکہ دو شدید زخمی ہوگئیں، حادثے میں زخمی ہونے والی دونوں خواتین کی حالت تشویش ناک ہے۔

    تفصیلات کے مطابق کھڈرو سے سرورآباد محنت مزدوری کے لیے جانے والی پانچ خواتین گھر جانے کے لیے سانگھڑ کے علاقے سرورآباد میں بس کے انتظار میں کھڑی تھیں کہ نواب شاہ سے آنے والی کار اچانک ٹائر پھٹ جانے سے بے قابو ہوکر بس اسٹاپ پر کھڑی ہوئی خواتین پر چڑھ گئی۔

    کار حادثے میں ایک خاتون موقع پر جاں بحق اور چار خواتین زخمی ہوگئیں، انہیں نواب شاہ اسپتال لے جایا گیا جہاں پنہچ کر مزید دو خواتین زخموں کی تاب نہ لاتے ہوئے چل بسیں جبکہ دو کی حالت نازک بتائی جارہی ہے۔ حادثے میں زخمی ہونے والے کار ڈرائیور کو بھی اسپتال منتقل کیا گیا ہے۔

    گوجرخان میں مسافر بس کو حادثہ‘ 9 افراد جاں بحق

    خیال رہے کہ رات گئے گوجرخان میں جی ٹی روڈ پر بائی خان پل کے قریب مسافر بس تیز رفتاری کے باعث حادثے کا شکار ہوگئی جس کے نتیجے میں بچوں اور خواتین سمیت 9 افراد جان کی بازی ہار گئے۔

    یاد رہے کہ گزشتہ روز صوبہ پنجاب کے شہر چکوال میں تیزرفتار گاڑی بے قابو کر الٹ گئی تھی جس کے نتیجے میں 3 افراد جاں بحق جبکہ 2 افراد زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس 81 ضمنی انتخاب، پی پی کا امیدوار کامیاب

    پی ایس 81 ضمنی انتخاب، پی پی کا امیدوار کامیاب

    سانگھڑ: سندھ اسمبلی کی نشست حلقہ پی ایس 81 پر ہونے والے ضمنی انتخاب میں پیپلزپارٹی کے جام مدد علی 35 ہزار ووٹ لے کر کامیاب قرار پائے۔

    غیر سرکاری اور غیر حتمی نتائج کے مطابق پاکستان پیپلز پارٹی نے سندھ اسمبلی کی نشست پی ایس 81ضلع سانگھڑ پر ضمنی انتخاب جیت لیا، پی پی کے امیدوار جام مدد علی 122 پولنگ اسٹیشنز سے 35 ہزار 901 ووٹ لے کر کامیاب جبکہ فنکشنل لیک کے جام نفیس 26428 ووٹ لے کر دوسرے نمبر پر آئے۔

    یاد رہے سانگھڑ پی ایس 81 کی نشست ایم پی اے جام مدد علی کی مسلم لیگ فنکشنل چھوڑ کر پیپلزپارٹی میں شمولیت اختیار کرنے اور اسمبلی کی نشست سے مستعفی ہونے کے باعث خالی ہوئی تھی۔

    ضمنی الیکشن میں جمعیت علمائے اسلام سمیت کُل 16 امیدوار حصہ لے رہے تھے جبکہ پیپلزپارٹی کی جانب سےجام مدد علی اس نشست پرالیکشن لڑرہے تھے اور مسلم لیگ فنکشنل نے جام نفیس علی کو میدان میں اتارا تھا۔

    پی ایس 81 حلقےمیں کل ووٹروں کی تعداد ایک لاکھ انتالیس ہزار ایک ہے، جن میں مرد ووٹرز 76 ہزار چار سو اکسٹھ اور خواتین ووٹرز تعداد باسٹھ ہزار پانچ سو چالیس ہے، پولنگ کے لیے 122 پولنگ اسٹیشن قائم کیے گئے تھے جہاں عوام نے اپنا حق رائے دہی استعمال کیا۔

    چکوال : حلقہ پی پی 23 نوا زلیگ نے پی ٹی آئی کو شکست دے دی

    یاد رہےکہ گزشتہ روز چکوال کے حلقہ پی پی 23 کے ضمنی انتخاب میں غیر حتمی غیر سرکاری نتائج کے مطابق ن لیگ کے نوجوان امیدوار نے میدان مار کر پی ٹی آئی کے سینئر امیدوار کو شکست دے دی تھی۔

    واضح رہےک ہی پی 23 تلہ گنگ میں مسلم لیگ ن کے ایم پی اے ملک ظہور اعوان کے انتقال کے بعد ان کے بھتیجے ملک شہریار اعوان کو ٹکٹ جاری کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • سانگھڑ: رکن قومی اسمبلی کی نجی جیل سے 14 افراد بازیاب

    سانگھڑ: رکن قومی اسمبلی کی نجی جیل سے 14 افراد بازیاب

    سانگھڑ : پولیس نے نجی جیل سے 14 افراد بازیاب کرالیے، مذکورہ جیل رکن قومی اسمبلی حاجی پیر بخش جونیجو نے بنا رکھی تھی۔

    تفصیلات کے مطابق سندھ میں وڈیروں کا ظلم و ستم آج بھی جاری ہے، دنیا بھر میں انسانوں کو غلام بنائے جانے کیخلاف دہرائے گئے عزم کو دو روز ہی ہوئے تھے کہ پاکستان میں نجی جیل کاایک اور کیس سامنے آ گیا۔

    سانگھڑ میں پولیس نے خفیہ اطلاع پر چھاپہ مار کر فنکشنل لیگ کے رکن قومی اسمبلی حاجی پیر بخش جونیجو کی زرعی زمین پر قائم مبینہ جیل میں قید چودہ افراد کو بازیاب کرالیا۔ بازیاب ہونے والے افراد کا تعلق بھیل قبیلے سے ہے ۔

    بازیاب کیے گئے افراد میں چھ بچے چار خواتین اور چار مرد شامل ہیں، پولیس کے مطابق ہاریوں کو رکن قومی اسمبلی پیر بخش جونیجو نے قید کر رکھا تھا۔

    رہائی پانے والے افراد کا مؤقف ہے کہ وہ کئی سال سے کھیتی باڑی کررہے تھے اور زمیندار ان سے جبری مشقت لیتا تھا اورمعاوضہ طلب کرنے پر تشدد کرتا تھا۔

    مزید پڑھیں : سانگھڑ: پولیس کے نجی جیلوں پر چھاپے،61 ہاری بازیاب

    اطلاعات کے مطابق بازیاب ہونے والے ہاریوں کے معصوم بچوں اور خواتین کے کپڑے پھٹے ہوۓ اور پاؤں ننگے تھے۔

    مزید پڑھیں : زمیندار کی نجی جیل پر چھاپہ، 17 معصوم بچوں سمیت 37 ہاری بازیاب

     واضح رہے کہ اس سے قبل بھی سانگھڑ میں زمینداروں کی نجی جیلوں سے میں قید افراد کو بازیاب کرایا جا چکا ہے۔

  • سانحہ لاہورمیں ایک ہی خاندان کےآٹھ افراد جاں بحق، سات زخمی

    سانحہ لاہورمیں ایک ہی خاندان کےآٹھ افراد جاں بحق، سات زخمی

    لاہور : سانگھڑ سے چھٹیاں منانےبھائی کےگھرلاہورآنا موت کا پیغام بن گیا۔ سانحہ لاہورمیں ایک ہی خاندان کے آٹھ افراد جاں بحق اورسات زخمی ہوئے۔

    سانگھڑکافیض محمد چانہیو بچوں کولے کر چھٹی منانےلاہوربھائی کے گھرآیاتھا۔ چندلمحوں میں ہنستے کھیلتے بچے بڑےابدی نیندسوگئے۔

    گھر کا سربراہ فیض محمد، ڈھائی سال کی بیٹی صدف، پانچ سال کی ثمینہ،دو سالہ بھتیجی یاسمین، بائیس سالہ شانی،اور نجمہ زندگی ہارگئے۔

    چچاکی فیملی کو پارک لے جانا والےزبیرٹکٹ لینےگیا تھا،اس کی اپنی زندگی توبچ گئی لیکن پیاروں کوکھودیا زبیرکی والدہ اوربہن بھی نہ بچ سکے۔

    سانحےکی اطلاع سانگھڑمیں فیاض کےگھرپہنچی تووہاں بھی قیامت ٹوٹ پڑی، خاندان کے سات زخمی اب بھی لاہور کے مختلف اسپتالوں میں زیر علاج ہیں۔