بھارتی ٹینس اسٹار ثانیہ مرزا حج کی ادائیگی کیلئے سعودی عرب روانہ ہوگئیں ساتھ ہی انہوں نے اہم پیغام سوشل میڈیا پر جاری کیا ہے۔
فوٹو اینڈ ویڈیو شیئرنگ ایر انسٹاگرام پر ثانیہ مرزا نے ایک پوسٹ شیئر کی ہے جس میں انہوں نے اپنے مداحوں کو اس خوشی کی خبر کے بارے میں بتایا ہے۔
بھارتی ٹینس اسٹار نے لکھا کہ ’میرے دوستوں اور چاہنے والوں، مجھے رواں سال حج کا بلاوا آیا ہے، میں زندگی بند دینے والے سفر کی تیاری میں لگی ہوئی ہوں، آپ سب سے اس غلطی کی معافی مانگنا چاہتی ہوں جو مجھ سے جان بوجھ کر یا انجانے میں ہوئے‘۔
View this post on Instagram
ثانیہ مرزا نے لکھا کہ حج کی عظیم سعادت حاصل ہونے پر میرا دل عاجزی اور شکر گزاری سے بھرا ہوا ہے اور میری دعا ہے کہ اللہ میری عبادت کو قبول کرے اور میری رہنمائی کرے، برائے مہربانی مجھے اپنی دعاؤں میں یاد رکھیے گا۔
انہوں نے مزید لکھا کہ میں اس سفر سے واپس ایک بہتر انسان بن کر آنا چاہتی ہوں جس کے دل میں نرمی اور ایمان میں مضبوطی ہو۔
واضح رہے کہ ثانیہ مرزا اپنی بہن انعم مرزا اور بہنوئی محمد اسد الدین کے ہمراہ حج کی سعادت حاصل کرنے جارہی ہیں، ان کی بہن نے بھی اپنے انسٹاگرام یہ خبر دی ہے۔
