کراچی: سانحہ اے پی ایس کی پہلی برسی کے موقع پر پنجاب اور سندھ بھر کے اسکول کالجوں اور یونیورسٹیوں میں عام تعطیل کا اعلان کر دیا گیا ہے۔
سانحہ اے پی ایس کی برسی کے موقع پہ کل سندھ اور پنجاب کے تمام اسکولز ،کالجز اور یونیورسٹیوں میں چھٹی کا اعلان کر دیا گیا ہے ۔ سانحہ اے پی ایس 16 دسمبر دو ہزار چودہ میں پشاور میں پیش آیا تھا جو کے پاکستان کی تاریخ کا افسوس ناک ترین سانحہ ہے۔
اس سانحہ میں شہید ہونے والے طلبہ طبات اور اساتذہ کی یاد کو تازہ کرنے اور ان کو خراج عقیدت پیش کرنے کے لے آج بھی ملک بھر کی طرح پنجاب بھرمیں شمیں روشن کی گئیں اور کل شہر بھر میں صبح دس بجے ایک منٹ کی خاموشی اختیار کی جائے گی اور ٹریفک بھی روک دی جائے گی اور شہر بھر کی مختلف مقامات پر ضلعی انتظامیہ کی جانب سے لاﺅڈ سپیکرز میں قومی ترانہ چلایا جائے گا اور اے پی ایس کے شہدا کی یاد کو تازہ کیا جائے گا ۔
وزیر اعلی پنجاب نے اس سلسلے میں لاہور سمیت پنجاب بھر کے تعلیمی اداروں میں مکمل تعطیل کا اعلان کیا ہے۔
پنجاب کی طرح سندھ کے بھی تمام اسکول اور کالجز میں عام تعطیل کا اعلان کردیا گیا ہے، جامعہ کراچی میں بھی کل تمام تعلیمی سرگرمیاں منسوخ کردی گئی ہیں۔ ،
