کراچی: بلدیہ ٹاؤن کی فیکٹری میں آگ حادثہ نہیں بلکہ سازش تھی، فیکٹری مالکان سے ایم کیوایم عہدیداروں نے بیس کروڑ بھتہ مانگا تھا، بلدیہ ٹاؤن جے آئی ٹی میں سنسنی خیز انکشاف سامنے آئےہیں۔

جلی ہوئی اس عمارت میں لگ بھگ ڈھائی سو محنت کش زندہ جل گئے تھے واقعہ حادثہ قراردے کرفائل بند کردی گئی تھی، لیکن جن آہوں نے عرش ہلادیا، انہیں کوانصاف دلانا کےلیے جے آئی ٹی بنانا پڑی جے آئی ٹی میں سنسی خیز انکشاف ہوا ہے کہ فیکٹری میں آگ حادثہ نہیں ،سوچی سمجھی اسکیم تھی، آگ بھتہ نہ دینے پرلگائی گئی۔

زرائع کےمطابق جے آئی ٹی میں انکشاف ہوا ہے کہ فیکٹری مالکان سے ایم کیوایم کےسیکٹرانچارج رحمان بھولا اورکراچی تنظیمی کمیٹی کے انچارج حماد صدیقی نے بیس کروڑ بھتہ مانگا تھا جے آئی ٹی میں انکشاف ہوا کہ ایف آئی آرمیں بیرونی اوراندرونی دباؤ کی وجہ سے واقعہ کوحادثہ قراردیا گیا،بھتےکاامکان یکسرنظرانداز کیا گیا۔

جے آئی ٹی میں رحمان بھولا،حماد صدیقی،زبیرعرف چریا اورایک خاتون سمیت اس کے چارساتھیوں کے خلاف ایف آئی آردرج کرنے کی سفارش کی گئی ہے۔

بیرون ملک فرارملزمان کی گرفتاری،تمام ملزمان کے پاسپورٹ منسوخ اورنام ای سی ایل میں ڈالنے کی سفارش بھی کردی گئی بھتے کی رقم سے خریدے گئے دوبنگلے فیکٹری مالکان کو دینے کی سفارش بھی کی گئی ہے۔

کراچی: سانحہ بلدیہ پر بنائی گئی جے آئی ٹی نے دبئی میں فیکٹری مالکان کا دوسرے روز بھی بیان قلمبند کیا۔

ڈی آئی جی سلطان خواجہ کی سربراہی میں جے آئی ٹی ٹیم نے فیکٹری مالکان سے دورسے روز بھی پاکستانی سفارت خانے میں ملاقات کر کے بیان قلمبند کیا جس کے بعد فیکٹری مالکان نے مشترکہ تحقیقاتی ٹیم کے سامنے اپنا بیان ریکارڈ کرادیا ۔

بیان ریکارڈ کرانے کے دوران فیکٹر ی مالکان میڈیا کے کوریج کرنے پر برہم ہو گئے اور میڈیا کو کوریض کرنے سے منع کردیا ،بیان سے متعلق تفصیلات ابھی سامنے نہیں آئیں ۔

بیان ریکارڈ کرانے کے بعد ٹیم قونصل خانے سے روانہ ہوگئی۔ کل بیان ریکارڈ کرانے کا تیسرا سیشن ہوگا۔

کراچی : سانحہ بلدیہ کی تحقیقاتی فیکٹری مالکان کا بیان ریکارڈ کرنے دبئی روانہ ہوگئی ہے، تحقیقات کو مزید آگے بڑھانے کے لئے تفتیش کار دبئی گئے ہیں ۔

تفصیلات کے مطابق سانحہ بلدیہ کی تحقیقات کرنے والی مشترکہ تحقیقاتی ٹیم دبئی روانہ ہوگئی، سانحہ بلدیہ کی تحقیقاتی ٹیم علی انٹر پرائزر کے مالکان کا بیان قلم بند کرے گی۔

ٹیم کی سربراہی ڈی آئی جی سلطان خان کر رہے ہیں۔ ڈی آئی جی منیر شیخ اور ایس پی ساجد سدو زئی ان کی معاونت کریں گے۔

ذرائع کے مطابق مشترکہ تحقیقاتی ٹیم فیکٹری مالکان سے پوچھے گی کہ ان سے بھتہ مانگا گیا تھا یا نہیں۔اس کے علاوہ فیکٹری مالکان سے سانحہ بلدیہ کے حوالے سے اہم سوالات بھی کئے جائیں گے۔