Tag: sanjay dutt Bollywood

  • شادی کی سالگرہ پر سنجے دت کی اہلیہ کا حیرت انگیز پیغام وائرل

    شادی کی سالگرہ پر سنجے دت کی اہلیہ کا حیرت انگیز پیغام وائرل

    بھارتی فلم انڈسٹری کے معروف اداکار سنجے دت اور ان کی اہلیہ مانیتا دت کی شادی کو 17 برس بیت چکے ہیں، جوڑے کا شمار فلم انڈسٹری کے پسندیدہ ترین جوڑوں میں ہوتا ہے۔

    بھارتی میڈیا کے مطابق سنجے کی پہلی بیوی ریچا شرما تھیں، جو 1996 میں کینسر کے باعث چل بسی تھیں۔ ریچا کی موت کے بعد سنجے نے 1998 میں ماڈل ریا پلّئی کو اپنا جیون ساتھی بنالیا تھا، مگر 2005 میں دونوں کی طلاق ہوگئی۔بہت کم لوگ اس بات کو جانتے ہیں کہ مانیتا سنجے دت کی تیسری بیوی ہیں۔

    یہ خوبصورت جوڑا اپنی شادی کے 17 سال مکمل ہونے کا جشن منانے میں مصروف ہے، اس موقع پر سنجے کی اہلیہ نے اپنے سب سے پریشان کُن لیکن بہترین نصف کے لیے دل کو چھو لینے والی پوسٹ شیئر کی۔

    مانیتا نے رومانوی کلپ کے کیپشن میں تحریر کیا کہ،’جب آپ واقعی کسی سے محبت کرتے ہیں، تو آپ انہیں دو بار چاہتے ہیں!! ہم پہلی بار‘آئی لو یو’کہنے میں بہت جلدی کرتے ہیں۔ ہمیں ان کی ظاہری شکل، ان کی خوشبو، ان کے چلنے کا انداز، ان کے بولنے کا طریقہ پسند آتا ہے۔ لیکن چند ماہ یا سالوں بعد، یہ پردہ ہٹ جاتا ہے اور وہ چیزیں اتنی پرکشش نہیں رہتیں‘۔

    انہوں نے لکھا کہ،’پھر ہمیں اس شخص کی اصل حقیقت کا سامنا کرنا پڑتا ہے، ان کے جذباتی زخم، ان کے موڈ میں اتار چڑھاؤ، ان کے اخلاقی نظریات، ان کی عادات، جو کبھی کبھی اتنی خوشگوار نہیں ہوتیں، لیکن اگر اس سب کے باوجود آپ اسی شخص کو دوبارہ محبت کے لیے چنیں، تو یہ محبت سمجھنے کی، جاننے کی، طاقت کی محبت ہوتی ہے، اور جب آپ کہتے ہیں‘آئی لویو’تو یہ محبت مضبوط، لازوال اور ہمیشہ کے لیے ہوتی ہے‘۔

    جنونی خاتون مداح نے کروڑوں کی جائیداد سنجے دت کے نام کی، دلچسپ قصہ

    سنجے کو شادی کی سالگرہ کی مبارکباد دیتے ہوئے مانیتا نے لکھا کہ،’مجھے آپ سے محبت ہے، سنجے دت میرے سب سے زیادہ پریشان کُن لیکن بہترین نصف!‘۔

  • شاہ رخ، سنجے دت کو اپنا بھائی کیوں کہتے ہیں؟ اہم انکشاف

    شاہ رخ، سنجے دت کو اپنا بھائی کیوں کہتے ہیں؟ اہم انکشاف

    بھارتی فلم انڈسٹری کے معروف اداکار شاہ رخ تین دہائیوں سے بھارتی فلم انڈسٹری پر راج کررہے ہیں، اس دوران بہت سے اداکار آئے مگر جو مقام شاہ رخ خان نے حاصل کیا وہ کوئی اور حاصل نہ کرسکا۔

    معروف اداکار شاہ رخ کے چاہنے والے پوری دنیا میں موجود ہیں، لیکن ایک وقت ایسا بھی تھا کہ جب ممبئی میں انہیں کوئی نہیں جانتا تھا اور اسی وجہ سے انہیں تلخ تجربات کا بھی سامنا کرنا پڑا۔

    شاہ رخ نے اپنے چاہنے والوں کے ساتھ ماضی کا ایک واقعہ شیئر کیا، اس انٹرویو میں انکے ہمراہ سنجے دت اور بومن ایرانی بھی موجود تھے۔

    کنگ خان نے بتایا کہ جب شروع میں میرا ممبئی آنا ہوا تو میرا یہاں کوئی دوست نہیں تھا، میں یہاں کسی کو نہیں جانتا تھا اور آتے ہی میری لڑائی بھی ہوگئی تھی، لیکن میرے پاس واپسی کا کوئی چارہ نہیں تھا، اور میری دلی خواہش جاگی کہ میں اس وقت دہلی میں ہوتا۔

    شاہ رخ نے بتایا کہ اس برے وقت میں میرے سامنے ایک شخص جیپ لے کر پہنچا اور وہاں موجود ہجوم کو دھمکی آمیز لہجے میں کہا کہ اگر کسی نے اسے ہاتھ لگایا تو اچھا نہیں ہوگا۔

    خاتون لفٹر نے فضا علی کو لائیو شو میں کندھوں پر اٹھالیا، ویڈیو وائرل

    شاہ رخ خان نے اسی انٹرویو میں کھل نائیک کے اداکار سنجے دت کو اپنا بڑا بھائی بھی قرار دیا۔