ARYNews.tv | Urdu – Har Lamha Bakhabar

Tag: sanju

  • رنبیر کپور پر بڑھاپے کے اثرات نمودار، تصویر وائرل

    رنبیر کپور پر بڑھاپے کے اثرات نمودار، تصویر وائرل

    ممبئی: بالی ووڈ انڈسٹری کی دوسری بڑی فلم ’سنجو‘ میں مرکزی کردار ادا کرنے والے اداکار رنبیر کپور پر اچانک بڑھاپے کے اثرات نمودار ہونے لگے ، اُن کی تصویر نے سوشل میڈیا پر تہلکہ مچادیا۔

    تفصیلات کے مطابق سنجے دت کی زندگی پر بنائی جانے والی فلم ’سنجو‘ میں کامیاب اداکاری کے جوہر دکھانے والے رنبیر کپور کی تصویر دیکھ کر مداح پہلے تو انہیں پہچان نہیں سکے پھر بھارتی میڈیا نے خود اس بات سے آگاہ کیا کہ یہ کس کی تصویر ہے۔

    سوشل میڈیا پر وائرل ہونے والی تصویر میں رنبیر اپنی عمر سے بہت ہی زیادہ بڑے نظر آرہے ہیں یہی بات مداحوں کے لیے حیران کُن تھی کہ نوجوان اداکار پر اچانک بڑھاپے کے اثرات نمودار کیسے ہوگئے۔

    مزید پڑھیں: سنجو نے عامر خان اور سلمان کی کامیاب فلموں کو پیچھے چھوڑ دیا

    بھارتی میڈیا کے مطابق اداکار نے یہ انداز کسی فلم یا ڈرامے کے لیے نہیں اپنایا بلکہ انہوں نے یہ اسٹائل ایک اشتہار کے لیے دھارا جس میں وہ سیلز مین کا کردار ادا کرتے نظر آئیں گے۔

    واضح رہے کہ سنجو نے 28 روز میں 339 کروڑ 75 لاکھ روپے سے زائد کا بزنس کیا جس کے بعد یہ دنگل کے بعد باکس آفس پر کمائی کرنے والی دوسری بڑی فلم بن گئی۔

  • سنجو نے عامر خان اور سلمان کی کامیاب فلموں کو پیچھے چھوڑ دیا

    سنجو نے عامر خان اور سلمان کی کامیاب فلموں کو پیچھے چھوڑ دیا

    ممبئی: بالی ووڈ کے متنازع اداکار کی زندگی پر بننے والی فلم ’سنجو‘ نے باکس آفس پر کمائی کے تمام ریکارڈ توڑ دیے اور یہ اب تک کمانے والی دوسری بڑی انڈین فلم بن گئی۔

    تفصیلات کے مطابق فلم سنجو نے ریلیز کے 28 روز میں اب تک 339 کروڑ 75 لاکھ روپے سے زائد کا بزنس کر کے ’دنگل‘ کے بعد بالی ووڈ دوسری بڑی فلم ہونے کا اعزاز اپنے نام کرلیا۔

    اگر یوں کہا جائے کہ بالی ووڈ کے ابھرتے ہوئے اداکار رنبیر کی ’سنجو‘ میں کی جانے والی اداکاری نے عامر خان اور سلمان خان کے لیے خطرے کی گھنٹی بجا دی۔

    سنجے دت کی زندگی پر بنائی جانے والی فلم نے ریلیز کے پہلے ہی روز ریکارڈ بزنس کیا تھا جس کے بعد سے اُس کی کامیابی کا سفر اب تک جاری ہے اور لوگ اسے دیکھنے میں دلچپسی لے رہے ہیں۔

    مزید پڑھیں: سنجو کی کامیابیوں‌ میں‌ کتنی ناکامیاں‌ شامل

    بھارتی سینما گھروں میں 28 روز بعد بھی لوگ سنجے دت کی زندگی پر بننے والی فلم دیکھنے آرہے ہیں اور روزانہ کی بنیاد پر شوز اب بھی جاری ہیں۔

    اس سے قبل مسٹر پرفیکٹ (عامر خان) کی پی کے نے باکس آفس پر 339 کروڑ 50 لاکھ جبکہ سلمان خان کی ’ٹائیگرزندہ ہے‘ نے 339 کروڑ 16 لاکھ بھارتی روپے کی کمائی کی تھی۔

    علاوہ ازیں بالی ووڈ کی سب سے زیادہ کمانے والی فلم دنگل تھی جس نے باکس آفس پر 370 کروڑ کا کاروبار کیا تھا اور اب سنجو 333 ارب کے ساتھ دوسرے نمبر پر آگئی۔ انٹرٹینمنٹ انڈسٹری پر نظر رکھنے والے تجزیہ نگاروں کا ماننا ہے کہ سنجو مستقبل میں دبنگ کو بھی پیچھے چھوڑ سکتی ہے۔

    واضح رہے کہ ”تھری ایڈیٹس“ اور” پی کے“ جیسی بلاک بسٹر فلمیں بنانے والے ہدایت کار راج کمار ہیرانی نے ممتاز اداکار سنجے دت کی زندگی کے مختلف ادوار کو یکجاں کرکے فلم بنانے کا اعلان دو برس قبل کیا تھا۔

    یہ بھی پڑھیں: فلم سنجو، رشی کپور 25 برس پرانی تصویر سامنے لے آئے

    سنجے دت کا شمار بالی وڈ کے متنازع ترین اداکاروں میں ہوتا ہے جن کی زندگی میں محبت کی کہانیاں، منشیات اور اسلحہ رکھنے جیسے بڑے اسکینڈلز سامنے آئے۔

    انڈسٹری کو کئی بلاک بسٹر دینے والے سنجے دت کو ایک بار جیل کی ہوا کھانی پڑی تھی، ایک دور میں تصور کیا جاتا تھا کہ شاید منا بھائی کے مرکزی کردار کا فلمی مستقبل ختم ہوگیا مگر انہوں نے اپنے کرداروں اور صلاحیتوں سے ایک بار پھر انڈسٹری میں جگہ بنائی۔

    فلم سنجو 29 جولائی کو ریلیز ہوئی تھی، معروف ہندوستانی نقاد ترن آدیش نے کہانی کو ماسٹر پیس ٹھہرایا اور جذبات سے بھرپور ایک طاقتور فلم قرار دیتے ہوئے ہدایت کار راج کمار ہیرانی کوخوب سراہا۔

    خیال رہے کہ سنجو فلم سنجے دت کی زندگی پر مبنی ہے، اس فلم میں رنبیر کپور نے سنجے دت کا کردار بھرپور طریقے سے ادا کیا اور خوب داد سمیٹی، سنجو رنبیر کی بلاک باسٹر فلم ثابت ہوئی۔

    فلم میں پریش راول سنیل دت اور منیشا کوئرالا نرگس کے روپ میں نظر آئے ہیں جبکہ دیا مرزا اور سونم کپور نے بھی اپنی صلاحیتوں کا مظاہرہ کیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سنجے دت 59 برس کے ہوگئے

    سنجے دت 59 برس کے ہوگئے

    ممبئی: بالی ووڈ کے صفِ اول اداکاروں میں شمار کیے جانے والے تنازعات سے گھرے اداکار سنجے دت نے زندگی کی 59 بہاریں دیکھ لیں۔

    تفصیلات کے مطابق سنجے دت بھارت کے شہر ممبئی میں 29 جولائی 1959 کو معروف اداکار سنیل دت اور ادکارہ نرگس کے گھر پیدا ہوئے، آپ نے 1971 سے بطور چائلڈ اسٹار فلمی کیریئر کا آغاز کیا بعد ازاں 1981 میں بطور ہیرو فلم ‘راکی‘ مرکزی کردار ادا کیا۔

    تنازعات میں گھرے اداکار کے لیے فلم راکی کامیاب ثابت ہوئی جس کے بعد آپ نے ترقی کی منازل طے کرتے ہوئے متعدد فلموں میں مرکزی کردار ادا کیے اور شہرت کی بلندیوں کو چھوا۔

    مزید پڑھیں: سنجے دت گینگسٹر بن گئے، ٹریزر جاری

    فلمی کیرئیر کے دوران ہی سنجے دت تنازعات کا شکار ہوئے جس کے بعد آپ کے خلاف دہشت گردی سمیت دیگر دفعات کے تحت مقدمات درج ہوئے، مارچ 2013 میں سنجو بابا کو عدالت نے پانچ سال قید کی سزا سنائی۔

    سنجے دت نے ساجن، واستو، کھل نائیک، مشن کشمیر، جوڑی نمبر ون، کانٹے، منا بھائی ایم بی بی ایس، لگے رہو منا بھائی، شوٹ آؤٹ لوکھنڈ والا، اگنی پتھ اور سن آف سردار جیسی فلموں میں کام کیا جنہوں نے نہ صرف باکس آفس پر بزنس کیا بلکہ کئی ایوارڈز بھی اپنے نام کیے۔

    عدالت سے سزا سنائے جانے کے بعد سنجو بابا نے قید میں کمی کی درخواست دی جس کے بعد انہیں 2 سال قبل رہا کیا گیا، حال ہی میں سنجے دت کی زندگی پر بنائی جانے والی فلم ’سنجو‘ ریلیز ہوئی جس میں رنبیر کپور نے مرکزی کردار ادا کیا۔

    یہ بھی پڑھیں: سنجو کی کامیابیوں‌ میں‌ کتنی ناکامیاں‌ شامل

    فلم سنجو نے ریلیز کے بعد سے اب تک سب سے زیادہ کمانے والی فلموں کا اعزاز اپنے نام کیا۔

    واضح رہے کہ سنجے دت کا شمار اُن اداکاروں میں ہوتا ہے جنہوں نے 90 کی دہائی میں لاکھوں دلوں پر راج کیا اور مختلف کرداروں کو بخوبی ادا کر کے انڈسٹری میں اپنی پوزیشن کو مستحکم کیا۔

    بالی ووڈ اداکار کی زندگی میں کئی اتار چڑھاؤ آئے، انہیں کبھی منشیات کے الزام میں جیل جانا پڑا تو کبھی دہشت گردی کا الزام سہنا پڑا، ہدیات کار راج کمار ہیرانی نے منا بھائی کی زندگی کے تمام واقعات کو سامنے لانے کے لیے اُن کی زندگی پر فلم  ’سنجو‘ بنائی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سلمان خان کو بدترین شکست، رنبیر کپور کی حیران کن کامیابی

    سلمان خان کو بدترین شکست، رنبیر کپور کی حیران کن کامیابی

    ممبئی: نوجوان نسل کے اسٹار رنبیر کپور نے سپراسٹار سلمان خان کو شکست دے کر سب کو حیران کر دیا۔

    تفصیلات کے مطابق رنبیر کپور کی فلم سنجو نے فقط چھ روز میں دبنگ خان کی فلم ریس تھری کو پچھاڑ دیا ہے۔

    واضح رہے کہ سلمان خان کی میگا بجٹ فلم ریس تھری عید پر ریلیز ہوئی تھی اور اس سے تین سو کروڑ کے بزنس کی توقع کی جارہی تھی، مگر فلم توقعات پر پوری نہیں اتری۔

    سلمان خان کی اس فلم کو ناقدین اور ناظرین کی جانب سے منفی ردعمل ملا،عید جیسے بڑے فیسٹول پر ریلیز ہونے کے باوجود فلم باکس آفس پر پرفارم نہیں کرسکی اوربیس دن میں صرف 171 کروڑ کما سکی۔

    اس کے برعکس راج کمار ہیرانی کی فلم سنجو کو حیران کن ردعمل ملا اور یہ فلم صرف چھ دن میں 186 کروڑ کا بزنس کر چکی ہے۔

    توقع کی جارہی ہے کہ فلم بہ آسانی 300 کلب کا حصہ بن جائے گی۔ یہ اس کلب کا حصہ بننے والی راج کمار ہیرانی کی دوسری فلم ہوگی۔

    یاد رہے کہ سنجو سے قبل رنبیر کی کئی فلمیں پے درپے ناکام ہوئی تھیں اور یہ خیال کیا جارہا تھا کہ ان کا کیریر ختم ہوچکا ہے۔

    واضح رہے کہ یہ عید کے موقع پر سلمان خان کی دوسری فلاپ فلم ہے۔ گذشتہ برس ان کی فلم ٹیوب لائٹ بھی باکس آفس پر بری طرح ناکام ثابت ہوئی تھی۔

    راج کمار ہیرانی کی ’’سنجو‘‘ کے سامنے باکس آف ریکارڈز پاش پاش ہوگئے

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • راج کمار ہیرانی کی ’’سنجو‘‘ کے سامنے باکس آف ریکارڈز پاش پاش ہوگئے

    راج کمار ہیرانی کی ’’سنجو‘‘ کے سامنے باکس آف ریکارڈز پاش پاش ہوگئے

    ممبئی: بالی وڈ کے کامیاب ترین ہدایت کار راج کمار ہیرانی کی فلم سنجو نے باہوبلی ٹو کا ریکارڈ توڑ کر ایک اورسنگ میل عبور کر لیا۔

    تفصیلات کے مطابق سنجے دت کی زندگی پر مبنی اس فلم نے ریلیز کے تیسرے روز ایک دن میں سب سے زیادہ بزنس کرنے کا باہوبلی کا ریکارڈ توڑ دیا اور تین دن میں ایک سو بیس کروڑ روپے کی کمائی کر لی۔ 

    واضح رہے کہ باہو بلی ٹو نے تیسرے دن ساڑھے 46 کروڑ کا کاروبار کیا تھا، راج کمار ہیرانی کی فلم نے تیسرے دن میں 46 کروڑ 71 لاکھ کا کاروبار کرکے نیا ریکارڈ قائم کر دیا۔ 

    یہ فلم سنجے دت کی زندگی کے گرد گھومتی ہے، جس میں رنبیر کپور نے سنجے کا کردار نبھایا ہے، جس کے لیے ان پر داد کے ڈونگرے برس رہے ہیں۔

    فلم میں پریش راول سنیل دت اور منیشا کوئرالا نرگس کے روپ میں نظر آئے ہیں، فلم میں دیا مرزا اور سونم کپور نے بھی اپنی صلاحیتوں کا مظاہرہ کیا ہے۔

    یاد رہے کہ راج کمار ہیرانی انڈسٹری کو ”تھری ایڈیٹس“ اور ”پی کے“ جیسی بلاک بسٹر فلمیں دے چکے ہیں، انڈسٹری میں پہلی بار 200 کروڑ اور 300 کروڑ کا جادوئی ہندسہ ہیرانی ہی نے عبور کیا تھا۔

    کچھ تجزیہ کاروں کا خیال ہے کہ سنجو 400 کروڑ کا ناقابل ہندسہ بھی پھلانگ سکتی ہے۔

    فلم سنجو، رشی کپور 25 برس پرانی تصویر سامنے لے آئے

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

     

  • فلم سنجو، رشی کپور 25 برس پرانی تصویر سامنے لے آئے

    فلم سنجو، رشی کپور 25 برس پرانی تصویر سامنے لے آئے

    ممبئی: بالی ووڈ اداکار رشی کپور نے سنجے دت کی زندگی پر بننے والی فلم ’سنجو‘ کی ریلیز ہوتے ہی 25 برس پرانی تصویر شیئر کردی۔

    سماجی رابطے کی ویب سائٹ پر رشی کپور نے تصویر شیئر کی جس میں اکشے کمار، سیف علی خان اور سلمان خان نے اپنی ٹی شرٹس پر سنجو کا پوسٹر چسپاں کیا ہوا ہے۔ رشی کپور کا کہنا ہے کہ یہ لوگ سنجو کی پروموش پر کب سے لگے ہوئے ہیں۔

    بھارتی میڈیا کے مطابق مذکورہ تصویر اُس وقت کی ہے جب سنجے دت کو 1993 میں غیر قانونی اسلحہ رکھنے کے الزام میں گرفتار کر کے مقدمات بنائے گئے تھے۔

    بالی ووڈ اداکاروں سلمان، سیف اور اکشے کمار نے اپنی ٹی شرٹس پر سنجے دت ’سنجو‘ سے اظہار یکجہتی کے لیے الفاظ تحریر کیے ہوئے تھے۔

    واضح رہے کہ سنجے دت کی زندگی پر بننے والی فلم سنجو ایک روز قبل 29 جون کو ریلیز ہوئی جس نے آتے ہی اپنی کامیابی کے جھنڈے لہرائے اور پہلے ہی روز رواں سال کی سب سے زیادہ کمائی والی فلم کا اعزاز اپنے نام کیا۔

    مزید پڑھیں: سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

    ریلیز کے پہلے روز باکس آفس پر سنجو نے تقریباً 34 کروڑ 75 لاکھ کا کاروبار کیا، ناظرین نے سنجے دت کا کردار ادا کرنے والے بالی ووڈ اداکار رنبیر کپور کی صلاحیتوں کو خوب سراہا۔

    ”تھری ایڈیٹس“ اور” پی کے“ جیسی بلاک بسٹر فلمیں بنانے والے ہدایت کار راج کمار ہیرانی نے اس فلم میں ممتاز اداکار سنجے دت کی زندگی کے مختلف ادوار کا احاطہ کیا۔

    فلم ’سنجو‘ میں رنبیر کپور، سونم کپور، پاریش راول، دیا مرزا اور انوشکا سمیت کئی اداکاروں نے اہم کردار کیے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

    سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

    ممبئی: سنجے دت کی بائیو پک سنجو ریلیز ہوتے ہی فلمی ناقدین اور ناظرین کو بھا گئی۔ فلم کوشان دارعمل مل رہا ہے۔

    تفصیلات کے مطابق رنبیر کپور کی فلم سنجودیکھنے والوں کو بھا گئی، فلم کو ناقدین کی جانب سے مثبت ردعمل ملا ہے، فلم کے بیش تر ابتدائی شوز ہاﺅس فل جارہے ہیں۔

    ”تھری ایڈیٹس“ اور” پی کے“ جیسی بلاک بسٹر فلمیں بنانے والے راج کمار ہیرانی کی اس فلم میں ممتاز اداکار سنجے دت کی زندگی کے مختلف ادوار کا احاطہ کیا گیا ہے۔

    واضح رہے کہ سنجے دت کا شمار بالی وڈ کے متنازع ترین اداکاروں میں ہوتا ہے، ان کی زندگی میں لو افیئرز، ڈرگس اور اسلحہ رکھنے جیسے بڑے اسکینڈلز سامنے آئے۔

    یاد رہے کہ انڈسٹری کو کئی بلاک بسٹر دینے والے سنجے دت کو جیل کی ہوا کھانی پڑی تھی۔ ایک زمانے میں یہ تصور کیا جاتا تھا کہ سنجے دت کا کیریر ختم ہوگیا، مگر وہ ہر بار پوری قوت سے لوٹ آئے۔

    فلم سنجو آج 29 جولائی کو ریلیز ہوئی، معروف ہندوستانی نقاد ترن آدیش نے اسے ماسٹر پیس ٹھہرایا اور جذبات سے بھرپور ایک طاقتور فلم قرار دیتے ہوئے ہدایت کار راج کمار ہیرانی کوخوب سراہا۔

    کومل نہیتا نے بھی پہلے روز فلم کو ملنے والے ردعمل کو غیرمتوقع اور شان دار قرار دیا ہے، انڈسٹری کی معروف ہستیوں نے رنبیر کپور کی پرفارمینس کی بھی تعریف کی ہے۔

    توقع کی جارہی ہے کہ فلم رنبیر کپور کو اپنا سپراسٹار کا اسٹیٹس بحال کروانے میں مددگار ثابت ہوگی۔

    کیا ”سنجو“ کے بعد اب رنبیر کپور ”منا بھائی“ بنیں گے؟

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کیا ”سنجو“ کے بعد اب رنبیر کپور ”منا بھائی“ بنیں گے؟

    کیا ”سنجو“ کے بعد اب رنبیر کپور ”منا بھائی“ بنیں گے؟

    ممبئی: سنجے دت بننے کے بعد رنبیر کپور نے ”منا بھائی“ کا روپ دھار لیا، ویڈیو انٹرنیٹ پر وائر ہوگئی۔

    تفصیلات کے مطابق رنبیر کپور کی نئی ویڈیو منظر عام پر آئی ہے، جس میں وہ منو بھائی کے روپ میں جلوہ گر ہوئے ہیں اور شان دار فارمینس کے لیے ان پر داد کے ڈونگرے برس رہے ہیں۔

    یہ کوئی فلم نہیں، بلکہ رنبیر کپور کی اگلی ریلیز سنجو ہی کا ایک ٹکڑا ہے، جسے ٹیزر کے طور پر ریلیز کیا گیا ہے۔ فلم 29 جون کو منظر عام پر آئے گی۔

    یاد رہے کہ ممتاز ہدایت کار راج کمار ہیرانی کی اس فلم میں رنبیر کپور معروف اداکار سنجے دت کا کردار نبھا رہے ہیں۔

    ایک جانب جہاں فلم میں سنجے دت کی زندگی کے کئی ادوار کا احاطہ کیا گیا ہے، وہیں اداکار کی فلموں کے مشہور سین بھی شامل ہیں۔

    تازہ ٹریلر منا بھائی کے ایک مشہور سین پر مبنی ہے، جس میں ہمیں رنبیر کپور سنجے دت کے روپ میں نظر آرہے ہیں۔

    یاد رہے کہ فلم منا بھائی کے ڈائریکٹر بھی راج کمار ہیرانی ہی تھے، جنھوں نے انڈسٹری کو تھری ایڈیٹس اور پی کے جیسی لازوال فلمیں دی۔

    توقع کی جارہی ہے کہ یہ فلم بلاک بسٹر ثابت ہوگی اور رنبیر کپور کے کیریر کو ٹریک پر لانے میں معاون ہوگی۔

    فلم سنجو کا ٹریلر آتے ہی چھا گیا۔۔۔ ویڈیو دیکھیں

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

     

  • وہ بچہ جو آج بالی ووڈ کا بڑا نام ہے

    وہ بچہ جو آج بالی ووڈ کا بڑا نام ہے

    ممبئی: بالی ووڈ اور شوبز انڈسٹری سے وابستہ شخصیات مداحوں کے ساتھ رابطہ رکھنے کے لیے سماجی رابطے کی ویب سائٹ پر متحرک نظر آتی ہیں تاکہ وہ اپنی ماضی، حالیہ اور مستقبل کی اپ ڈیٹس شیئر کرسکیں۔

    ان شخصیات کی جانب سے وقتاً فوقتاً سوشل میڈیا پر تصاویر اور ویڈیوز شیئر کی جاتی ہیں جن کا مقصد مداحوں کے ساتھ رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔

    کسی بھی اداکار یا معروف شخصیت کی سوشل میڈیا پوسٹ کو مداح اس انداز سے سرہاتے ہیں کہ بعض اوقات وہ چیز یا تصویر  اس قدر وائرل ہوتی ہے کہ کروڑوں لوگ اس تک رسائی حاصل کرلیتے ہیں۔

    آج ہم بات کررہے ہیں بالی ووڈ کے اُس اداکار کی جس پر دہشت گردی کا مقدمہ چلا اور اُسے متعدد مقامات میں جیل کی سلاخوں کے پیچھے بھی جانا پڑا۔

    جب یہ تصویر سوشل میڈیا پر شیئر کی گئی تو صارفین اس بچے کو پہچان نہ سکے مگر یہ جھنجھٹ آج کے معروف اداکار نے خود ہی پوری کردی۔

    دراصل سنجے دت نے دو روز قبل اپنے والد سالگرہ کے موقع پر پرانی تصویر شیئر کی جس میں انہوں نے اداس ہوتے ہوئے اپنے والد سنیل دت کو مخاطب کیا اور لکھا کہ ’آپ میرے اندر زندہ ہیں، سالگرہ بہت مبارک ہو‘۔

    کچھ دن قبل بھی سنجے دت نے ایک تصویر شیئر کی تھی جس میں اُن کا کہنا تھا کہ ’کاش آج آپ زندہ ہوتے اور مجھے آزاد انسان کی حیثیثت سے دیکھ رہے ہوتے‘۔

    واضح رہے کہ سنجے دت کی زندگی پر بننے والی فلم سنجو کا ٹریلر جاری ہوچکا جس میں اُن کا کردار رنبیر کپور کررہے ہیں، اس فلم میں منا بھائی کی زندگی کے تمام کرداروں کو دکھایا گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فلم سنجو کا ٹریلر آتے ہی چھا گیا۔۔۔ ویڈیو دیکھیں

    فلم سنجو کا ٹریلر آتے ہی چھا گیا۔۔۔ ویڈیو دیکھیں

    ممبئی: بالی ووڈ کے معروف اداکار سنجے دت کی زندگی پر بننے والی فلم کا ٹریلر جاری کردیا گیا جس میں اُن کی زندگی کے تمام پہلوؤں پر تفصیلی روشنی ڈالی گئی ہے۔

    تفصیلات کے مطابق سنجے دت کی زندگی پر بننے والی فلم میں رنبیر کپور مرکزی کردار ادا کر رہے ہیں جن کی جاندار اداکاری نے نہ صرف شوبز انڈسٹری بلکہ ساتھی اداکاروں سمیت مداحوں کو بھی ورطہ حیرت میں ڈال دیا۔

    فلم کی ہدایت کاری کے فرائض راج کمار ہیرانی انجام دے رہے ہیں جن کہ رنبیر کے ساتھ دیگر فنکاروں میں پاریش راول، منیشا کوئرالا، سونم کپور اور دیا مرزا اپنی اداکاری کے جوہر دکھائیں گے علاوہ ازیں انوشکا شرما بھی مختصر کردار ادا کریں گی۔

    تین منٹ چار سیکنڈ کے آفیشل ٹریلر میں دیکھا جاسکتا ہے کہ سنجے دت جیل سے رہا ہونے کے بعد اپنی کہانی بیان کرتے ہیں، ویڈیو کے ابتداء میں بالی ووڈ اداکار کی آواز ہے جس میں وہ یہ کہتے سنائی دے رہے ہیں کہ آج اُن کی زندگی کا سب سے بڑا دن ہے۔

    مزید پڑھیں: فلم ’سنجو‘ میں انوشکا شرما کا منفرد روپ

    فلم میں مرکزی کردار کو منشیات سے لے کر دیگر جرائم میں ملوث دکھایا گیا تاہم ایک موقع پر رنبیر کپور یہ کہتے بھی نظر آئے کہ ’میں سب کچھ کرسکتا ہوں مگر دہشت گردی سے کوئی تعلق نہیں ہے‘۔

    ٹریلر میں یہ بھی بتایا گیا ہے کہ سنجے دت نے پہلی والد کی ناراضی اور دوسری بار والدہ کی علالت کے باعث منشیات استعمال کی جس کے بعد وہ اس بری لت میں مبتلا ہوگئے۔

    ٹریلر دیکھیں

    فلم رواں برس 29 جون کو سنیما گھروں میں نمائش کے لیے پیش کی جائے گی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں