Tag: saqib nisar

لاہور: نابینا لڑکی کے مقابلے کا امتحان پاس کرنے کے باوجود نوکری نہ ملنے پرسماعت کے دوران چیف جسٹس نے ریمارکس دیے کہ ایک نابینا لڑکی نے تحریری امتحان پاس کیا تواسے رکھ لیتے۔

تفصیلات کے مطابق سپریم کورٹ لاہور رجسٹری میں چیف جسٹس آف پاکستان میاں ثاقب نثار کی سربراہی میں نابینا لڑکی کے مقابلے کا امتحان پاس کرنے کے باوجود نوکری نہ ملنے پرکیس کی سماعت ہوئی۔

عدالت میں سماعت کے دوران سیکرٹری پی سی ایس نے بتایا کہ حجاب قدیرنے امتحان پاس کیا لیکن انٹرویومیں فیل کردیا گیا۔ چیف جسٹس نے ریمارکس دیے کہ لڑکی کوایڈجسٹ کرکے آئندہ ہفتے رپورٹ دیں۔

چیف جسٹس نے کہا کہ ایک نابینا لڑکی نے تحریری امتحان پاس کیا تو اسے رکھ لیتے، 100 نمبر کے تحریری امتحان کے بعد انٹرویوکے 100 نمبرکیسے رکھ سکتے ہیں؟۔

انہوں نے ریمارکس دیے کہ انٹرویو کے اتنے نمبراس لیے رکھے جاتے ہیں تاکہ اپنے لوگوں رکھ سکیں، نابینا لڑکی نے امتحان پاس کیا اب اسے نوکری دینا ذمے داری ہے۔

یاد رہے کہ رواں سال 26 جون 2018 کو ملکی تاریخ میں پہلی بار بینائی سے محروم سول جج یوسف سلیم نے عہدے کا حلف اٹھایا تھا۔

واضح رہے کہ یوسف سلیم نے سول ججز کے امتحان میں پہلی پوزیشن حاصل کی تھی لیکن بینائی سے محروم ہونے پران سے معذرت کرلی گئی تھی۔

بعدازاں یوسف سلیم نے چیف جسٹس پاکستان کو درخواست دی تھی جس پرانہوں نے ان کا انٹرویو لینے کی ہدایت کی تھی اور انٹرویو میں کامیاب ہونے پرانہیں جج بنا دیا گیا تھا۔

لاہور: سپریم کورٹ نے بادشاہی مسجد سے نعلین پاک کی چوری کے معاملے پرانکوائری کے لیے جے آئی ٹی بنانے کا حکم دے دیا۔

تفصیلات کے مطابق سپریم کورٹ لاہور رجسٹری میں چیف جسٹس میاں ثاقب نثار کی سربراہی میں بادشاہی مسجد سے نعلین پاک چوری ہونے کے خلاف کیس کی سماعت ہوئی۔

عدالت میں سماعت کے دوران چیف جسٹس نے نعلین مبارک چوری پرمحکمہ اوقاف کی رپورٹ مسترد کرتے ہوئے ریمارکس دیے کہ رپورٹ سےمطمئن نہیں یہ صرف خود کو بچانے کی کوشش ہے۔

چیف جسٹس میاں ثاقب نثار نے سیکرٹری اوقاف پراظہاربرہمی کرتے ہوئے کہا کہ اس سے بڑی دولت کیا ہے جس کی آپ حفاظت نہ کرسکے، شرم کی بات ہے کہ ہم اتنی مقدس چیز کی حفاظت نہیں کر سکے۔

محکمہ اوقاف کے وکیل نے کہا کہ اب تک 10 تحقیقات ہوئی ہیں کچھ سامنے نہیں آیا، سیکرٹری اوقاف نے عدالت کو بتایا کہ غفلت کے مرتکب افراد کو نوکریوں سے نکال دیا گیا۔

سپریم کورٹ نے بادشاہی مسجد سے نعلین پاک کی چوری کے معاملے پرانکوائری کے لیے جے آئی ٹی بنانے کا حکم دے دیا۔

چیف جسٹس نے کہا کہ جے آئی ٹی میں آئی ایس آئی، آئی بی، ڈی آئی جی پولیس شامل ہوں گے اورجے آئی ٹی اپنی تحقیقات کرکے جامع رپورٹ پیش کرے گی۔

ہم کیسے مسلمان ہیں کہ نعلین پاک کی بھی حفاظت نہیں کرسکتے؟ جسٹس ثاقب نثار

یاد رہے کہ گزشتہ ہفتے چیف جسٹس آف پاکستان جسٹس ثاقب نثارکا کہنا تھا کہ اگر ہم نعلین مبارک کی حفاظت نہیں کرسکتے تو کس بات کے مسلمان ہیں؟ یہ کسی مسجد سے جوتی چوری کا معاملہ نہیں۔

واضح رہے کہ 31 جولائی 2002ء میں بادشاہی مسجد کی گیلری سے نعلین پاک چوری کیے گئے تھے لیکن 16 سال ہوگئے حکام نعلین پاک برآمد نہ کراسکے۔

لاہور: سب انسپکٹرپروکلا کے تشدد سے متعلق ازخود نوٹس کی سماعت کے دوران سپریم کورٹ نے نامزد وکلا کی گرفتاریوں سے متعلق حکم امتناع جاری کرنے کی استدعا مسترد کردی۔

تفصیلات کے مطابق سپریم کورٹ لاہور رجسٹری میں چیف جسٹس میاں ثاقب نثار کی سربراہی میں سب انسپکٹرپروکلا کے تشدد سے متعلق ازخود نوٹس کی سماعت ہوئی۔

عدالت نے سماعت کے دوران انسداد دہشت گردی کی دفعات معطل کرنے اور وکلا کی گرفتاریوں سے متعلق حکم امتناع جاری کرنے کی استدعا مسترد کردی۔

چیف جسٹس آف پاکستان نے ریمارکس دیے کہ استعفیٰ دے دوں گا مگر بے انصافی نہیں کروں گا۔

سپریم کورٹ نے وکلا کی جانب سے سب انسپکٹر پرتشدد کی ویڈیو آئندہ سماعت پر طلب کرلی، چیف جسٹس نے کہا کہ آئندہ سماعت پرویڈیوعدالت میں چلا کرذمے داران کا تعین کریں گے۔

چیف جسٹس کا لاہور میں پولیس انسپکٹرپروکلا کے تشدد کا نوٹس

چیف جسٹس نے گزشتہ ہفتے لاہور میں سب انسپکٹرپروکلا کے تشدد کا نوٹس لیتے ہوئے آئی جی پنجاب کو13 اکتوبرکو واقعے کی رپورٹ پیش کرنے کا حکم دیا تھا۔

واضح رہے کہ گزشتہ دنوں لاہور ڈسٹرکٹ بار کے وکلا نے سب انسپکٹرپرتشدد کیا تھا جس کی ویڈیو سوشل میڈیا پروائرل ہوگئی تھی۔

اسلام آباد : سپریم کورٹ میں سابق ڈی جی نیب عالیہ رشید تقرری کیس کی سماعت کے دوران چیف جسٹس نے ریمارکس دیے کہ درخواست اس لیے سن رہے ہیں کیونکہ آپ قوم کی ہیروہیں۔

تفصیلات کے مطابق سپریم کورٹ میں چیف جسٹس کی سربراہی میں 3 رکنی بینچ نے سابق ڈی جی نیب عالیہ رشید تقرری کیس کی سماعت کی۔

چیف جسٹس نے سماعت کے دوران ریمارکس دیے کہ آپ کی پہلے ہی نظرثانی اپیل خارج ہو چکی، کیس میں کچھ نہیں، درخواست اس لیے سن رہے ہیں کیونکہ آپ قوم کی ہیرو ہیں۔

انہوں نے کہا کہ اگرممکن ہے توانہیں ان کے پیرنٹ ادارے میں ہی بھیج دیں، اس طرح سے میرے دفتر میں آ کرمت بیٹھا کریں، نیب پراسیکیوٹربہت شریف شخص ہیں۔

سابق ڈی جی نیب عالیہ رشید نے عدالت عظمیٰ کو بتایا کہ میری ایک بیٹی بھی ہے اورمیں سنگل پیرنٹ ہوں، چیہف جسٹس نے کہا کہ اسی لیے کہہ رہے ہیں کہ آپ کی پنشن کا بھی حساب لگا لیتے ہیں۔

عالیہ رشید نے بتایا کہ ساتھی افسران کو زیادہ پنشن مل رہی ہے، مجھے 70 ہزار کی پیشکش نیب کرچکا ہے، مجھے بہت کم پنشن کی پیشکش کی جا رہی ہے۔

چیف جسٹس نے ریمارکس دیے کہ کوئی امتیازی سلوک جنس کی بنیاد پرنہیں ہونا چاہیے، عالیہ رشید نے کہا کہ 15سال سے میں ایک ہی سرکاری ہوسٹل میں رہ رہی ہوں۔

سابق ڈی جی نیب نے بتایا کہ اگر مجھے سرکاری نوکری نہ ملی تو مجھے ہوسٹل چھوڑنا پڑے گا، 8 سال نیشنل کمیشن فار ہیومن ڈیولپمنٹ میں کام کرچکی ہوں۔

سپریم کورٹ آف پاکستان نے سابق ڈی جی نیب عالیہ رشید تقرری کیس کی سماعت ایک ہفتے تک ملتوی کردی۔

لاہور: چیف جسٹس میاں ثاقب نثار نے یونیورسٹی آف لاہور سمیت دیگر تمام یونیورسٹیوں میں فراہم سہولتوں پر انکوائری کا حکم دے دیا۔

تفصیلات کے مطابق سپریم کورٹ لاہور رجسٹری میں چیف جسٹس کی سربراہی میں دو رکنی بینچ نے نجی یونیورسٹیوں میں سہولتوں سے متعلق کیس کی سماعت کی۔

عدالت نے یونیورسٹی آف لاہور سمیت دیگر تمام یونیورسٹیوں میں فراہم سہولتوں پر انکوائری کا حکم دیتے ہوئے قانونی ماہر ظفراقبال اور ڈائریکٹر ایف آئی اے وقار عباسی پرمشتمل ٹیم تشکیل دے دی جو ایک ہفتے میں رپورٹ پیش کرے گی۔

چیف جسٹس نے دوران سماعت ریمارکس دیے کہ مجاہد کامران صاحب آپ کیس چکر میں پڑگئے ہیں، یہ وقت آپ کے پے بیک کا ہے، آپ کو اس عمر میں کتابیں لکھنی اور لیکچرز دینے چاہیئں۔

کامران مجاہد نے کہا کہ میں تو ملازمت کررہا ہوں، چیف جسٹس نے کہا کہ چند پیسوں کے لیے تعلیمی نظام کا بیڑا غرق کردیا، آپ کے کالجزاورایگزیکٹ میں کیا فرق رہ گیا۔

چیف جسٹس میاں ثاقب نثار نے کہا کہ گورنرپنجاب ، وزیراعلیٰ یونیورسٹیوں کے چارٹرڈ سے متعلق کمیٹی تشکیل دیں۔

انہوں نے ریمارکس دیے کہ ہر تعلیمی ادارے کا سربراہ کہتا ہے ہمارا ادارہ بہتر ہے جب سروے کرایا جاتا ہے تو آوے کا آوا بگڑا ہوتا ہے۔