برطانیہ میں اپنی 10 سالہ بیٹی سارہ شریف کے قتل کے جرم میں عمر قید کی سزا پانے والے والدین نے اپنی سزا کے خلاف اپیل دائر کر دی۔
غیر ملکی ذرائع ابلاغ کے مطابق مقتول بچی کے والدین عرفان شریف اور بینش بتول کی اپیلوں کی سماعت کے لیے ابھی تاریخ مقرر نہیں کی گئی ہے۔
واضح رہے کہ مقتول بچی کے والد عرفان شریف کو کم از کم 40 برس اور سوتیلی والدہ کو کم از کم 33 برس کی سزا سنائی گئی تھی۔
یاد رہے کہ سارہ شریف قتل کیس میں اولڈ بیلی کراؤن کورٹ نے مقتولہ کے باپ اور سوتیلی ماں کو مجرم قرار دیے جانے کے بعد سزا سنائی تھی۔
برطانیہ میں اپنی10 سالہ بیٹی سارہ کے قتل کے الزام میں گرفتار پاکستان نژاد والد کی جانب سے یہ دعویٰ کیا گیا تھا کہ انہوں نے اپنی بیٹی کی جان بچانے اور ایمبولنس منگوانے کی پوری کوشش کی تھی مگر انہیں کہا گیا کہ بچی مرچکی ہے۔
یہ دعویٰ عدالت میں سارہ کے والد عرفان شریف نے مقدمے کی سماعت کے دوران کیا تھا۔
لندن، سارہ شریف قتل کیس میں عدالت نے باپ اور سوتیلی ماں کو مجرم قرار دیدیا
واضح رہے کہ سارہ کی زخموں سے چُور لاش 2023ء کی 10 اگست کو برطانیہ میں ووکنگ کے علاقے میں ایک گھر سے ملی تھی۔
