Tag: Sarah Khan

پاکستان شوبز انڈسٹری کی معروف اداکارہ سارہ خان نے اپنے اینٹی فیمنسٹ بیان پر اپنے مداحوں کو وضاحت دیدی ہے۔

سارہ خان پاکستان کی مقبول ترین اداکاراؤں میں سے ایک ہیں جو کئی مقبول ترین ڈراموں میں اپنے کام کے لیے جانی جاتی ہیں، وہ اس وقت دانش تیمور کے ساتھ اپنی ڈرامہ سیریز شیر کی وجہ سے بھی ٹرینڈ پر ہیں۔

حال ہی میں سارہ خان نے ایک انٹرویو میں فیمنزم کے حوالے سے اپنی رائے دی تھی، جس پر ریحام خان نے تنقید کی تھی جبکہ گزشتہ روز فیشن ڈیزائنر ماریہ بی نے اپنی پوسٹ میں سارہ خان کی حمایت کرتے ہوئے ریحام خان کو تنقید کا نشانہ بنایا تھا۔

اب اداکارہ سارہ خان نے فوٹو اینڈ شیئرنگ ایپ انسٹاگرام پر ایک اسٹوری شیئر کی جس میں انہوں نے ایک بار پھر فیمنزم سے متعلق اپنے مؤقف کو واضح کیا ہے۔

سارہ خان نے لکھا کہ جب میں نے کہا کہ میں فیمنسٹ نہیں ہوں تو اس کا مطلب یہ نہیں کہ میں برابری پر یقین نہیں رکھتی، میں عورتوں کے لیے مساوی عزت، مساوی حقوق اور مساوی مواقع پر مکمل یقین رکھتی ہیں۔

اداکارہ کا کہنا تھا کہ بات کا مطلب یہ تھا کہ میں آج کل کی فیمنسٹ نہیں بلکہ ایک اصل، حقیقی اور پرانی فیمنسٹ ہوں، میرا ماننا ہے کہ عورت کی اصل طاقت مردوں کی نقل کرنے میں نہیں، بلکہ اپنی نسوانیت کو اپنانے میں ہے۔

سارہ نے لکھا کہ عورتیں اتنی طاقتور ہوتی ہیں کہ انہیں ملکاؤں کی طرح عزت، محبت اور اہمیت دی جانی چاہیے، جیسی وہ حقیقت میں ہیں، عورتوں کو مشینوں کی طرح محنت کے لیے نہیں بنایا گیا بلکہ ہم گھروں کو سنوارنے، نسلوں کو پروان چڑھانے، سلطنتیں کھڑی کرنے اور وقار سے قیادت کرنے کے لیے بنی ہیں۔

اداکارہ نے حضرت خدیجہؓ کی مثال دیتے ہوئے کہا کہ وہ ہم سب کے لیے ایک کامیاب تاجرہ، باوقار، متوازن اور نسوانیت کی بہترین مثال ہیں، انہیں کام کا حق حاصل تھا اور ہمیں بھی ہے، لیکن انہوں نے خاندان، مقصد اور ایمان کی پاکیزگی کی بھی قدر کی اور کبھی خود کو دوسروں کی تسلیمات کی دوڑ میں گم نہیں ہونے دیا۔

اداکارہ نے یہ بھی کہا کہ مجھے اس ذہنیت کی بالکل سمجھ نہیں آتی کہ کسی دفتر میں جا کر کسی اور کا خواب پورا کرنے کو سراہا جاتا ہے، لیکن اپنے شوہر کے لیے ناشتہ بنانے یا اپنے بچوں کی پرورش کو کمتر سمجھا جاتا ہے، آخر کب سے ایک وفادار بیوی یا ماں ہونا کم تر ہو گیا ہے؟

اداکارہ کا کہنا تھا کہ عورت کا کردار مقدس ہے، وہ تعلیم یافتہ، پرعزم اور بلند حوصلہ ہو سکتی ہے لیکن ساتھ ہی نرم، باوقار اور اپنی جڑوں سے جڑی ہوئی بھی ہو سکتی ہے، اسے ان دونوں میں سے کسی ایک کا انتخاب کرنے کی ضرورت نہیں بلکہ اسے اپنی زندگی کا توازن خود بنانے کی اجازت ہونی چاہیے۔

آخر میں انہوں نے کہا کہ فیمنزم کا مطلب نسوانیت کو ترک کرنا نہیں ہونا چاہیے، بلکہ ہماری اپنی پسند کا احترام ہونا چاہیے، چاہے وہ پسند گھر، ماں بننا، نرمی، یا محبت میں لپٹی طاقت ہی کیوں نہ ہو، یہ ایک خدائی طاقت ہے، آئیے اسے اس قسم کی طاقت سے تبدیل نہ کریں جو ہمیں ہماری اصل پہچان بھلا دے۔

پاکستان شوبز انڈسٹری کی معروف اداکارہ سارہ خان نے بالی ووڈ اسٹار کے ساتھ فلم میں اسکرین شیئر کرنے کی خواہش کا اظہار کیا۔

پاکستانی اداکارہ سارہ خان نے حال ہی میں پڑوسی ملک کی ایک مقامی میڈیا کے ساتھ ایک ورچوئل انٹرویو میں اپنی خواہش کا اظہار کیا، کہا کہ میں بھارت کے معروف اداکار سلمان خان کے ساتھ کام کرنا چاہوں گی۔

ہوسٹ نے ان سے پوچھا کہ وہ شوبز انڈسٹری میں آنے سے پہلے ان کے آئیڈیل کون تھے جس پر سارہ خان نے جواب دیا کہ میں نے ایسا کبھی نہیں سوچا کیونکہ میں کبھی اداکاری نہیں کرنا چاہتی تھی۔

انہوں نے کہا کہ ہم شاہ رخ خان، ہریتک روشن اور سلمان خان کو دیکھ کر بڑے ہوئے ہیں،’’ لیکن جب میں نے اداکاری شروع کی تو میں سلمان خان کے ساتھ فلم کرنا چاہتی تھی‘‘۔

واضح رہے کہ اداکار بلال عباس اور سارہ خان کا نیا ڈرامہ ’عبداللہ پور کا دیوداس‘ بھارتی چینل ’زندگی‘ پر نشر کیا جائے گا جس کی ہدایت کاری کے فرائض کمال انجم شہزاد نے انجام دیے ہیں۔

’ عبداللہ پور کا دیود داس‘ کی کہانی شاعرانہ موضوعات، محبت اور دوستی کے گرد گھومتی ہے، ڈرامے کے مرکزی کردار ’فخر‘ اور ’کاشف‘ ہوں گے جنہیں بالترتیب بلال عباس اور رضا طالش نے ادا کیا جبکہ سارہ خان ڈرامے میں ’گل بانو‘ کے کردار میں دکھائی دیں گی۔

کراچی :پاکستان شوبز انڈسٹری کی مقبول ترین اداکارہ سارہ خان کا کہنا ہے کہ  فلک کو میرے والد نے پسند کیا تھا اور والدین جو اپنی اولاد کے لیے کرتے ہیں ، اس سے بہتر تو کچھ ہو ہی نہیں سکتا۔

تفصیلات کے مطابق پاکستان شوبز انڈسٹری کی مقبول ترین اداکارہ سارہ خان نے ایک پروگرام میں ندا یاسر کے ساتھ گفتگو کرتے ہوئے ان کی فلک سے شادی کے‌ بارے میں بتایا کہ فلک کو میرے والد نے پسند کیا تھا اور والدین جو اپنی اولاد کے لیے کرتے ہیں ، اس سے بہتر تو کچھ ہو ہی نہیں سکتا، انھوں نے فلک میں کچھ دیکھ ہی کر میرے لئے پسند کیا ہوگا۔

سارہ خان نے فلک سے ملاقات کے حوالے سے بتایا کہ ایک برائڈل فیشن شو کے دوران میں اور فلک الگ الگ ڈیزائنز کیلئے واک کررہے تھے ، وہاں میری ان سے ملاقات ہوئی تھی پھر ہم پوری ٹیم کے ساتھ کھانے پر بھی گئے تھے، جس کے بعد فلک نے باقاعدہ میرے والد کے پاس رشتہ بھیجا تھا۔

اداکارہ کا کہنا تھا کہ فلک خود میرے والد کے پاس رشتے کی بات کرنے گئے ، کیونکہ میرے والد بھی یہی چاہتے تھے کہ جو میری بیٹیوں کو پسند کرے یا میں جس کو پسند کروں ، اس سے ضرور ملوں اور بات کروں۔

سارہ خان نے اپنے سسرال کے بارے میں بتاتے ہوئے کہا کہ فلک کے ایک چھوٹے بھائی اور دو بہنیں ہیں ، ان سب سے ملاقات شادی پر ہی ہوئی تھی۔

ان کا کہنا تھا کہ میری شادی بہت جلدی میں ہوئی ، تقریباََ تین مہینے کے اندر اندر ہوگئی تھی ، کورونا کے سبب ملتوی کرنی پڑی ورنہ اور جلدی ہوجاتی۔

والد کی جانب سے فلک کے انتخاب کے حوالے سے سارہ خان نے کہا مجھے لگتا ہے ایک مرد ہی دوسرے مرد کو اچھے سے پہچان سکتا ہے اور بابا چاہتے تھے جیسے میں اپنی بیٹیوں سے پیار کرتا ہوں ، ایسا ہی پیار کرنے والا میری بیٹیوں کو ملے۔

اداکارہ نے والد اور فلک کی ملاقاتوں کے بارے میں بتایا کہ بابا نے فلک سے دو ملاقاتیں کیں اور تیسری ملاقات میں میں اور میرے بہن ، بھائی شامل تھے۔

شادی طے ہونے کے بعد فلک کی جانب سے پابندی کے سوال پر انھوں نے کہا فلک نے مجھ پر کام کے حوالے سے یا کوئی پابندی نہیں لگائی ، اس معاملے میں میرے بابا بہت اسمارٹ تھے ، کیونکہ انھوں نے کبھی مجھ پر کوئی پابندی نہیں لگائی ، ایسا ہی کچھ انھوں نے فلک میں بھی دیکھا ہوگا۔

خیال رہے معروف گلوکار فلک شبیر اور اداکارہ سارہ خان کی شادی گذشتہ برس لاک ڈاؤن کے دوران ہوئی تھی، دونوں نے اپنی شادی کے تقریب کی تصاویر سوشل میڈیا پر پوسٹ کرکے اپنے مداحوں کو اپڈیٹ رکھا تھا ۔