کراچی: اداکارہ سارہ خان اور ان کے شوہر گلوکار فلک شبیر کی شادی کی نئی تصاویر سوشل میڈیا پر وائرل ہوگئیں۔
تفصیلات کے مطابق چند روز قبل ہی شادی کے بندھن میں بندھنے والی اداکارہ سارہ خان اور گلوکار فلک شبیر کی شادی کے بعد نئی تصاویر سوشل میڈیا پر وائرل ہوگئیں۔
تصاویر میں دیکھا جاسکتا ہے کہ نوبیہاتا جوڑا خوشگوار موڈ میں دکھائی دے رہا ہے، ایک تصویر کے عقب میں ’آئی ڈو‘ ’میں کروں گا‘ لکھا ہوا ہے۔
سارہ اور فلک کی نئی تصاویر کو شوبز ستاروں اور مداحوں کی جانب سے خوب سراہا جارہا ہے اور دونوں کو نئے سفر کے لیے نیک تمنائیں اور دعائیں دی جارہی ہیں۔
یاد رہے کہ 16 جولائی کو سارہ خان اور فلک شبیر رشتہ ازدواج میں منسلک ہوئے، اُن کی منگنی اور رخصتی میں صرف ایک دن ہی لگا۔ ایک روز قبل یعنی 15 جولائی کو اداکارہ نے تصدیق کی تھی کہ انہوں نے اپنے دلہا کا انتخاب کرلیا، بعد ازاں سارہ نے بتایا کہ وہ فلک شبیر ہیں۔
نکاح کے بعد سارہ نے سماجی رابطے کی ویب سائٹ انسٹاگرام پر اپنا نام بھی تبدیل کرلیا تھا۔
