Tag: Sardar Masood Khan

اسلام آباد: آزاد کشمیر کے صدر سردار مسعود خان کا کہنا ہے کہ بھارت نے مقبوضہ کشمیر کا نقشہ تبدیل کردیا اور کشمیر کو اپنے ساتھ شامل کرلیا، کشمیر تاریخ کے سیاہ ترین دور سے گزر رہا ہے۔

تفصیلات کے مطابق صدر آزاد کشمیر سردار مسعود خان نے تقریب سے خطاب کرتے ہوئے کہا کہ گزشتہ سال اگست میں بھارت نے کشمیر پر ایک اور حملہ کیا، بھارت نے کشمیر کو اپنے ساتھ شامل کرلیا۔

مسعود خان کا کہنا تھا کہ بھارت نے کشمیر کا نقشہ تبدیل کردیا، پاکستان نے چین کی مدد سے معاملے کو اٹھایا، کشمیریوں پر ہونے والے مظالم پر آواز بلند کی۔

انہوں نے کہا کہ ایک سال گزرنے کے باوجود اقوام متحدہ سیکیورٹی کونسل نے کچھ نہیں کیا، سیکیورٹی کونسل اپنی ذمہ داریاں پوری نہیں کر رہا۔

مسعود خان کا کہنا تھا کہ اقوام متحدہ کا اجلاس اس بار پھر ہو رہا ہے۔ پاکستان، ترکی اور دیگر ممالک کشمیر کے معاملے کو اٹھائیں گے۔

انہوں نے مزید کہا کہ اقوام متحدہ جنرل اسمبلی کے ایجنڈے میں کشمیر نہیں، ہمیں احمقوں کی جنت میں نہیں رہنا چاہیئے۔ وزیر اعظم گزشتہ سال کی طرح کشمیر پر کھل کر بولیں گے۔ کشمیر تاریخ کے سیاہ ترین دور سے گزر رہا ہے۔

اسلام آباد: صدر آزاد کشمیر سردار مسعود خان کا کہنا ہے کہ مقبوضہ کشمیر سے بھیانک اطلاعات آرہی ہیں، وادی میں قتل عام ہو رہا ہے، خواتین کی عصمت دری کی جارہی ہے۔

تفصیلات کے مطابق صدر آزاد کشمیر سردار مسعود خان نے ایک تقریب سے خطاب کرتے ہوئے کہا کہ بھارتی اقدام مقبوضہ کشمیر پر نیا حملہ ہے، مقبوضہ کشمیر میں 8 لاکھ 80 ہزار فوجیوں نے یلغار کی، یلغار کے بعد مقبوضہ کشمیر کو تقسیم کرنے کا منصوبہ بنایا گیا۔

صدر آزاد کشمیر کا کہنا تھا کہ مقبوضہ کشمیر سے ریاست کا درجہ چھین کر یونین کا حصہ بنا لیا گیا، بھارت نے مقبوضہ کشمیر میں ذرائع مواصلات معطل کر رکھے ہیں، مقبوضہ کشمیر میں لوگوں کو بتا دیا گیا کہ ان کا ان کی زمین پر ہی اختیار نہیں۔

انہوں نے کہا کہ بھارت کے اقدامات اقوام متحدہ کی قراردادوں کے خلاف ہیں، بھارت نے مقبوضہ کشمیر کو جیل اور میدان جنگ میں بدل دیا ہے، بھارت نے مقبوضہ کشمیر کے عوام سے بنیادی حق چھین لیے ہیں۔ سلامتی کونسل مقبوضہ کشمیر میں حل کے لیے قراردادیں منظور کر چکی ہے۔

سردار مسعود خان کا کہنا تھا کہ مقبوضہ کشمیر سے جو اطلاعات آرہی ہیں وہ بہت بھیانک ہیں، مقبوضہ کشمیر سے گرفتار افراد کو بھارت کی جیلوں میں منتقل کر دیا گیا ہے۔ 10 ہزار فوجی مقبوضہ کشمیر میں حملہ آور ہوئے اور شہریوں کو نشانہ بنایا۔ بچے مقبوضہ کشمیر میں بلک بلک کر جان دے رہے ہیں، دواؤں کی کمی ہے۔

انہوں نے کہا کہ بھارت نو آبادیاتی نظام کے تحت ہندوؤں کو آباد کرنا چاہتے ہیں، مغربی ممالک اس صورتحال پر خاموش ہیں، کوئی ردعمل نہیں آرہا۔ انسانی حقوق کا درس دینے والے کوئی آواز نہیں اٹھا رہے۔ حریت رہنما قید اور مقبوضہ کشمیر کی سیاسی قیادت محبوس ہے۔ مودی حکومت اپنے مکروہ اقدامات سے دنیا کو گمراہ کررہی ہے، مقبوضہ کشمیر میں قتل عام ہو رہا ہے، خواتین کی عصمت دری کی جارہی ہے۔

سردار مسعود خان نے کہا کہ شہریوں کو مقبوضہ کشمیر سے غائب کیا جا رہا ہے، اب تک 6 ہزار افراد کوٖ غائب کر کے تشدد کیا جا رہا ہے. بھارت مقبوضہ کشمیر میں نئی دہلی سے براہ راست حکومت کرنا چاہتا ہے۔ بھارت مقبوضہ کشمیر میں جنگی جرائم کا مرتکب ہو رہا ہے۔ مسئلہ کشمیر کے حل کے لیے سلامتی کونسل مزید اجلاس بلائے۔

انہوں نے کہا کہ اقوام متحدہ کی مسئلہ کشمیر سے نمٹنے کے لیے اقدامات کی ذمے داری بنتی ہے، مسئلہ کشمیر اقوام متحدہ کی قراردادوں کے مطابق حل کیا جائے۔ بھارت نے مقبوضہ کشمیر میں نسل کشی کا آغاز کر دیا ہے۔ ہم مسئلہ کشمیر پر دنیا بھر کی پارلیمان سے رابطے میں ہیں۔ پاکستان کو ہمہ وقت چوکنا رہنا چاہیئے۔

اسلام آباد: صدرآزاد کشمیر مسعود خان نے کہا ہے کہ مسئلہ کشمیر تقسیم ہند کا نامکمل ایجنڈا ہے.

ان خیالات کا اظہار انھوں نے آکسفورڈ اینڈ کیمبرج ٹرسٹ کے زیر اہتمام مسئلہ کشمیر پر منعقدہ سیمینار سے خطاب کرتے ہوئے کیا. ان کا کہنا تھا کہ بھارت نے کشمیریوں کو حق خودارادیت سے محروم کر رکھا ہے.

[bs-quote quote=” اقوام متحدہ کے سیکریٹری جنرل مسئلہ کشمیرکے حل کے لئے مداخلت کریں اور اس ضمن میں ثالثی کا کردارادا کریں” style=”style-2″ align=”left” author_name=”مسعود خان” author_job=”صدر آزاد کشمیر” author_avatar=”https://arynewsudweb.wpengine.com/wp-content/uploads/2018/03/masood60x60.jpg”][/bs-quote]

صدر آزاد کشمیر کا کہنا تھا کہ بھارتی فوج کشمیریوں کا قتل عام کررہی ہے، کشمیری خواتین کی سرعام بے حرمتی کی جارہی ہے، مگر کوئی عالمی سطح‌ کوئی پر ردعمل سامنے نہیں آتا.

صدرآزاد کشمیر مسعود خان نے مسئلہ کشمیرپرعالمی برادری کی خاموشی کو افسوس ناک قرار دیتے ہوئے کہا کہ مسئلہ کشمیر پاکستان اور بھارت کے درمیان دوطرفہ معاملہ نہیں، یہ تقسیم ہند کا نامکمل ایجنڈا ہے.

انھوں نے الزام عائد کیا کہ بھارت کشمیریوں کومذاکرات سے باہر رکھنے کے لئے کوشاں ہے، حالاں کہ کشمیری مسئلہ کشمیرکے بنیادی فریق ہیں.

بھارتی فوج مقبوضہ کشمیر میں خون کی ہولی کھیل رہی ہے: مشعال ملک

مسعود خان نے مطالبہ کیا کہ اقوام متحدہ کے سیکریٹری جنرل مسئلہ کشمیرکے حل کے لئے مداخلت کریں اور اس ضمن میں ثالثی کا کردارادا کریں. بھارت یواین فوجی مبصر گروپ کومقبوضہ کشمیرتک رسائی دے، مسئلہ کشمیرکو اقوام متحدہ کی سلامتی کونسل میں دوبارہ لے جانا ہوگا.

انھوں نے مزید کہا کہ کشمیریوں کی رضامندی کے بغیرمسئلہ کشمیرکاحل ناممکن ہے، ایسی کوششوں‌ کو مکمل ناکامی ہوگی. کشمیری کسی قسم کی دہشت گردی میں ملوث نہیں، الٹا بھارت ایل او سی پر انھیں دہشت گردی کا نشانہ بنا رہا ہے.

کشمیر ہماری خارجہ پالیسی کا بنیادی نقطہ ہے: خواجہ آصف

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں