ARYNews.tv | Urdu – Har Lamha Bakhabar

Tag: Sarfaraz Ahmed

  • کپتان سرفراز احمد کس نمبر پر بیٹنگ کریں گے؟

    کپتان سرفراز احمد کس نمبر پر بیٹنگ کریں گے؟

    کراچی: قومی ٹیم کے قائد سرفراز احمد نے کہا ہے کہ ہوم گراؤنڈ میں کپتان کی حیثیت سے میری پہلی سیریزہوگی، کوشش ہوگی ٹیم میں پانچویں نمبرپربیٹنگ کروں.

    ان خیالات کا اظہار انھوں‌ نے خصوصی پریس کانفرنس کرتے ہوئے کیا. سرفراز  احمد کا کہنا تھا کہ پی سی بی نے انٹرنیشنل کرکٹ کی بحالی کے لیے محنت کی، شائقین کرکٹ کھیل سے بھرپورلطف اندوز ہوں گے.

    پچ کا ابھی معائنہ نہیں کیا، سری لنکا سے سیریزمیں اچھا کھیل پیش کرنے کی کوشش کریں گے، بہت محنت کررہے ہیں.

    انھوں‌ نے کہا کہ سری لنکا کو  آسان حریف نہیں لیں گے، کوئی بھی ٹیم آسان نہیں ہوتی، میں اپنی انفرادی کارکردگی کو اچھا کرنا چاہتا ہوں، کپتانی کو لے کر کوئی پریشانی نہیں، رضوان ٹیم میں بطور مڈل آ آرڈر بلے باز کھیل رہے ہیں.

    کپتانی کی مدت کے اعلان سے کوئی فرق نہیں پڑتا، پاکستان میں کرکٹ کھیلناخوش قسمتی کی بات ہے، کراچی کےکراؤڈ نے ہمیشہ کرکٹ کوسپورٹ کیا ہے.

    ورلڈ کرکٹ سپورٹ کرے گی، تو پاکستان میں جلدکرکٹ بحال ہوگی، انٹرنیشنل کرکٹ میں کسی کےخلاف بھی ریلیکس نہیں ہوسکتے، سری لنکاکی کرکٹ ٹیم پاکستان آئی ہے، ان کا شکریہ ادا کرتے ہیں.

    پچ سے متعلق سوال

    پریس کانفرنس میں اس وقت دل چسپ صورت حال پیدا ہوگئی، جب سرفراز احمد سے پچ سے متعلق سوال کیا گیا.

    سرفرزا حمد نے مسکراتے ہوئے جواب میں کہا کہ جب بارش ہوتی ہے، تو پانی آتا ہے.

    اس جواب پر کانفرنس ہال میں قہقہے بلند ہوئے. یاد رہے کہ پاکستان پیپلز پارٹی کے چیئرمین نے ایک بار بارش سے متعلق ایسا ہی دلچسپ جواب دیا تھا.

    ایک سوال کے جواب میں انھوں‌ نے کہا کہ امام الحق جذباتی نوجوان ہے، ابھی سیکھ رہا ہے.

  • پاکستان کرکٹ ٹیم میں شامل کھلاڑیوں اور آفیشلز کی وطن واپسی

    پاکستان کرکٹ ٹیم میں شامل کھلاڑیوں اور آفیشلز کی وطن واپسی

    کراچی: قومی کرکٹ ٹیم کے کپتان سرفراز احمد وطن واپس پہنچ گئے، کپتان آج دوپہر کو کراچی میں پریس کانفرنس کریں گے۔

    تفصیلات کے مطابق آئی سی سی کرکٹ ورلڈکپ 2019 کی دوڑ سے باہر ہونے کے بعد قومی کرکٹ ٹیم کے کھلاڑی لندن سے وطن واپس پہنچ گئے۔

    پاکستانی ٹیم کے کپتان سرفراز احمد اور محمد حسنین کراچی جبکہ بابراعظم، امام الحق اور آصف علی لاہور کے علامہ اقبال انٹرنیشنل ایئرپورٹ پہنچے۔ فخرزمان ، شاہین شاہ آفریدی، شاداب خان اور عماد وسیم اسلام آباد جبکہ فاسٹ باؤلر حسن علی اور حارث سہیل بھی وطب واپس آنے والے کھلاڑیوں میں شامل ہیں۔

    فاسٹ باؤلر وہاب ریاض، محمد عامر، محمد حفیظ اور شعیب ملک انگلینڈ میں ہی مزید کچھ روز قیام کریں گے۔

    قومی کرکٹ ٹیم کے کپتان سرفراز احمد آج دوپہر کو کراچی میں پریس کانفرنس کریں گے۔

    واضح رہے کہ آئی سی سی ورلڈکپ 2019 کے تین مچیز میں شکست کے بعد میگا ایونٹ سے باہر ہونے والی ٹیم کی ناکامی کے ذمہ داروں کا تعین کرنے کے لیے پی سی بی کرکٹ کمیٹی رواں ماہ ہونے والے اجلاس میں اہم فیصلے کرے گی۔

  • فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    لندن: قومی کرکٹ ٹیم کے کپتان سرفراز  احمد نے کہا ہے کہ ہماری ہفتے کی واپسی کے ٹکٹس بک ہیں.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ اگر معجزہ ہوگیا تو ٹکٹس آگے بڑھ جائیں گے.

    سرفراز احمد نے کہا کہ بنگلادیش سے پانچ جولائی (بہ روز جمعہ) کو ہونے والے میچ کے بعد ان کی واپسی کی فلائٹ اگلے روز کے لیے بک ہے.

    قومی ٹیم کے کپتان نے کہا کہ آسٹریلیا سے میچ ٹرننگ پوائنٹ تھا، اس میں شکست سے پاکستانی ٹیم کو نقصان ہوا.

    سرفراز احمد نے کہا کہ بنگلا دیش کےخلاف ہمیں بڑا اسکور بنانا ہے، بدقسمتی سے دیگر ٹیموں کے مقابلے میں ہمارا ٹاپ آرڈر ناکام رہا.

    خیال رہے کہ انگلینڈ کی انڈیا اور نیوزی لینڈ کے خلاف فتوحات نے پاکستان کے لیے سیمی فائنل میں‌رسائی کو لب بھگ ناممکن بنا دیا ہے.

    مزید پڑھیں: دوسروں کے میچز پرفوکس نہیں، توجہ اپنے میچ پر مرکوز ہے: سرفراز احمد

    تجزیہ کاروں کے مطابق پاکستان کو فائنل میں‌ رسائی کے لیے بنگلا دیش کو 316 رنز کے بڑے مارجن سے شکست دینی ہوگی.

    خیال رہے کہ بھارت سے شکست کے بعد پاکستانی ٹیم نے شان دار کم بیک کیا اور جنوبی افریقا، نیوزی لینڈ اور افغانستان کو شکست دے.

    کل پاکستان کا مقابلہ بنگلادیش سے ہے. شائقین کانٹے دار مقابلے کی توقع کر رہے ہیں.

  • پی ایس ایل فتح پاکستانی عوام اورخاص کربلوچستان کے نام ہے‘ سرفراز احمد

    پی ایس ایل فتح پاکستانی عوام اورخاص کربلوچستان کے نام ہے‘ سرفراز احمد

    کراچی: کوئٹہ گلیڈی ایٹرزکے کپتان سرفرازاحمد نے پی ایس ایل کے انعقاد پرسیکیورٹی فورسز، سندھ حکومت اوروفاق کا شکریہ ادا کیا۔

    تفصیلات کے مطابق کوئٹہ گلیڈی ایٹرزکے کپتان سرفرازاحمد نے سماجی رابطے کی ویب سائٹ ٹویٹر پر اپنے پیغام میں کہا کہ پی ایس ایل فتح پاکستانی عوام اورخاص کر بلوچستان کے نام ہے۔

    سرفراز احمد نے پی ایس ایل کے انعقاد پرسیکیورٹی فورسز، سندھ حکومت اوروفاق کا شکریہ ادا کیا۔


    کوئٹہ گلیڈی ایٹرزکے کپتان سرفراز احمد نے عالمی کھلاڑیوں، خصوصاً کراچی کے شائقین کا کامیاب پی ایس ایل پرشکریہ ادا کیا۔

    یاد رہے کہ گزشتہ روز کوئٹہ گلیڈی ایٹرز نے پی ایس ایل فائنل میں پشاور زلمی کو 8 وکٹوں سے شکست دے کر ٹائٹل اپنے نام کیا تھا۔

    کوئٹہ گلیڈی ایٹرز نے پہلی بار پی ایس ایل ٹائٹل جیت لیا

    پی ایس ایل فائنل میں پہلے بیٹنگ کرتے ہوئے پشاور زلمی نے 139 رنز کا ہدف دیا جسے کوئٹہ گلیڈی ایٹرز کی ٹیم نے 18 ویں اوور میں حاصل کرلیا تھا۔

    کوئٹہ گلیڈی ایٹرز کی جانب سے محمد حسنین نے 3، ڈیوین براوو نے 2، محمد نواز اور فواد احمد نے ایک ایک وکٹ حاصل کی تھی۔

  • سرفراز احمد پر فائنل سے زیادہ کس چیز کا دباؤ ہے؟

    سرفراز احمد پر فائنل سے زیادہ کس چیز کا دباؤ ہے؟

    کراچی: قومی ٹیم اور کوئٹہ گلیڈی ایٹرز کے کپتان نے پریس کانفرنس میں‌ انکشاف کیا ہے کہ ان پر شدید دباؤ ہے.

    تفصیلات کے مطابق اتوار کے  روز پشاور  زلمی کے خلاف اپنی ٹیم کی قیادت کرنے والے سرفراز احمد پر فائنل کا پریشر تو ہی ہے، مگر وہ ایک اور دباؤ شدت سے محسوس کر رہے ہیں.

    سرفراز احمد نے پریس کانفرنس میں‌ مزاحیہ انداز میں کہا کہ ہر کوئی وئی آئی پی پاس مانگ رہا ہے، ٹکٹس اور پاسز کے لیے ان پر خاصا پریشر ہے.

    انھوں نے ہنستے ہوئے کہا کہ ٹکٹس مانگے ہوئے دو دن ہوگئے، مگر اب تو بورڈ بھی ہمارا فون نہیں اٹھا رہا. لوگ کچھ خیال کریں، سب کو وی آئی پی ٹکٹس ہی چاہییں.

    ان کی بات پر وہاں‌ موجود صحافیوں نے خوب قہقہے لگائے، سرفراز احمد بھی مسکراتے رہے.

    مزید پڑھیں: ڈیرن سیمی اور سرفرازاحمد پی ایس ایل کی ٹرافی جیتنے کے لیے پرعزم

    خیال رہے کہ کوئٹہ گلیڈی ایٹرز نے پہلے پلے آف میں کانٹے دار مقابلے کے بعد پشاور کو شکست دے کر فائنل کے لیے کوالیفائی کیا تھا.

    ادھر دوسرے پلے آف میں اسلام آباد فاتح رہی، جس کا بعد میں پشاور سے مقابلہ ہوا، جس نے یک طرفہ میچ میں بہ آسانی سابق چیمپیئن کو قابو کر لیا. 

  • ڈیرن سیمی اور سرفرازاحمد پی ایس ایل کی ٹرافی جیتنے کے لیے پرعزم

    ڈیرن سیمی اور سرفرازاحمد پی ایس ایل کی ٹرافی جیتنے کے لیے پرعزم

    کراچی : پشاور زلمی کے کپتان ڈیرن سیمی اور کوئٹہ گلیڈی ایٹرز کے کپتان سرفرازاحمد پی ایس ایل کی ٹرافی جیتنے کے لیے پرعزم ہیں، سیمی نے کہا  فائنل میں اچھا مقابلہ ہوگا جبکہ سرفراز کا کہنا تھا کہ  فائنل میں جیتنےکی پوری کوشش کریں گے۔

    تفصیلات کے مطابق کراچی میں پشاور زلمی کے کپتان ڈیرن سیمی نے نیوز کانفرنس کرتے ہوئے کہا اپنےٹیم ممبرز کو لیڈر بننے کے لیےحوصلہ دیتا ہوں، پی ایس ایل کے ہر میچ میں بھرپور مقابلہ کیا، اس دوران دلچسپ اورسنسنی خیزمقابلے دیکھنے کو ملے۔

    ڈیرن سیمی کا کہنا تھا پشاور زلمی کے کھلاڑیوں نے بہترین کارکردگی کا مظاہرہ کیا، شین واٹسن تجربہ کار بیٹسمین ہیں، اپنی فارم انجوائے کر رہے ہیں، پی ایس ایل میں بولنگ کی کوالٹی بہترین ہے۔

    پشاور زلمی کے کپتان نے کہا فائنل میں اچھا مقابلہ ہوگا، کوئٹہ گلیڈی ایٹرز بہتر ٹیم ہے، پشاورزلمی کے کھلاڑی ٹرافی جیتنے کے لیے پر عزم ہیں۔

    فائنل میں جیتنےکی پوری کوشش کریں گے، سرفراز احمد

    دوسری جانب کوئٹہ گلیڈی ایٹرز کے کپتان سرفراز احمد نے نیوز کانفرنس میں کہا تیسری بار فائنل کھیل رہے ہیں، فائنل میں جیتنےکی پوری کوشش کریں گے، کرکٹ کا جومعیار یہاں دیکھنےکومل رہا ہے، دبئی میں نہیں ملا۔

    سرفراز احمد کا کہنا تھا ہرکسی کی خواہش ہوگی کہ فائنل جیتے، ٹاپ آرڈر اچھا کھیلےتو ہم کوئی بھی ہدف حاصل کرسکتےہیں ، پی ایس ایل بہترین لیگ ہے، جس معیارکی باؤلنگ پی ایس ایل میں ہے کہیں اور نہیں۔

    انھوں نے مزید کہا دنیا نے دیکھا ہے پاکستان میں معیاری کھیل ہورہاہے، کوئٹہ کی ٹیم ٹائٹل جیتنے کی کوشش کرےگی، ٹاس کی اپنی جگہ بہت اہمیت ہے، وکٹیں جلدگریں تو ہدف کےتعاقب میں مشکلات ہوتی ہیں۔

    سرفراز احمد کا کہنا تھا ہمارا ٹاپ آرڈر اچھاکھیل رہاہے ، پاکستان میں کرکٹ ہوتو بلےبازبھی ملیں گے، احسان علی نے بھی دکھایا کہ وہ صلاحیت مند ہیں۔

    یاد رہے پاکستان سپر لیگ سیزن فور کا فائنل کل پشاور زلمی اور کوئٹہ گلیڈی ایٹرز کے درمیان ہوگا۔

  • پی ایس ایل 4: واٹسن کا لاٹھی چارج، گلیڈی ایٹرز کی ایک اور فتح، پلے آف مرحلے تک رسائی

    پی ایس ایل 4: واٹسن کا لاٹھی چارج، گلیڈی ایٹرز کی ایک اور فتح، پلے آف مرحلے تک رسائی

    ابوظہبی: پاکستان سپرلیگ کے 23ویں میچ میں کوئٹہ گلیڈی ایٹرز نے پشاور زلمی کو شکست دے کر ایک اور فتح اپنے نام کرلی، واٹسن اور احمد شہزاد نے نصف سنچریاں اسکور کیں۔

    تفصیلات کے مطابق پاکستان سپرلیگ سیزن 4 کا چوتھا مرحلہ ابوظہبی میں شروع ہوگیا، جس کے تحت گلیڈی ایٹرز اور پشاور زلمی کی ٹیمیں مدمقابل تھیں۔  گلیڈی ایٹرز کے کپتان سرفراز احمد نے ٹاس جیت کر زلمی کو پہلے بیٹنگ کی دعوت دی، سیمی الیون نے پہلے بیٹنگ کرتے ہوئے مخالف ٹیم کو 166 رنز کا ہدف دیا جسے سرفراز الیون نے 2 وکٹوں نقصان پر باآسانی حاصل کیا اور 8 وکٹوں سے فتح اپنے نام کی۔

    گلیڈی ایٹرز کی جانب سے شین واٹسن نے 55 گیندوں پر 6 چوکوں اور 6 چھکوں کی مدد سے 91 رنز کی ناقابل شکست اننگز کھیلی جبکہ احمد شہزاد نے 45 گیندوں پر پی ایس ایل کی پہلی نصف سنچری اسکور کی۔

    کوئٹہ گلیڈی ایٹرز کی ٹیم نے اسکور برابر کیا تو وہاب ریاض نے نو بال کرا کے سرفراز الیون کو جیت دلوا دی۔

    شین واٹسن کو عمدہ کارکردگی دکھانے پر مین آف دی میچ کا ایوارڈ دیا گیا۔

    پشاور زلمی اننگز

    زلمی کو اوپنگ آغاز اچھا ملا اور کامران اکمل نے بہترین بلے بازی کا مظاہرہ کیا، اے ڈی ایس فلیچر محمد نواز کی گیند پر 26 کے انفرادی جبکہ 58 کے مجموعی اسکور پر کلین بولڈ ہوکر پویلین روانہ ہوئے، امام الحق 13 رنز بنا کر فواد احمد کی گیند پر کیچ آؤٹ ہوئے۔

    کامران اکمل نے 50 گیندوں کا سامنا کرتے ہوئے 4 چھکوں اور 7 چوکوں کی مدد سے 72 رنز کی اننگز کھیلی جبکہ کپتان ڈیرن سیمی 3 رنز بنا کر آؤٹ ہوئے۔ پشاور زلمی نے مقررہ 20 اوورز میں 4 وکٹوں کے نقصان پر 165 رنز اسکور کیے۔

    کوئٹہ گلیڈی ایٹرز اننگز

    ہدف کے تعاقب میں کوئٹہ گلیڈی ایٹرز کی جانب سے بیٹنگ کا آغاز واٹس سن اور احسن علی نے کیا، 8 رن کے مجموعی اسکور پر سرفراز الیون کی پہلی وکٹ گری تاہم احمد شہزاد نے واٹس کے ساتھ مل کر ذمہ دارانہ بیٹنگ کی۔

    احمد شہزاد چوالیس گیندوں پر 50 رنز بناکر عمید آصف کی گیند پر کلین بولڈ ہو کر پویلین روانہ ہوئے، انہوں نے 45 گیندوں پر پانچ چوکوں کی مدد سے نصف سنچری اسکور کی یوں گلیڈی ایٹرز کی دوسری وکٹ 137 رنز پر گری۔

    اسکواڈ

    پشاور زلمی

    ڈیرن سیمی پشاور زلمی کے کپتان ہیں، دیگر کھلاڑیوں میں کامران اکمل، امام الحق، عمر امین، اینڈرے فلیچر، کیرون پولارڈ، ڈاسن، حسن علی، ابتشام شیخ، عمید آصف،  اور وہاب ریاض شامل ہیں۔

    کوئٹہ گلیڈی ایٹرز

    سرفراز احمد کپتان ہیں، دیگر کھلاڑیوں میں احمد شہزاد، احسن علی، شین واٹسن، روسو، کامران اکمل، ڈیوائن براوو، محمد نواز، سہیل تنویر، محمد حسنین اور فواد احمد شامل ہیں۔

    میچ سمری

    پی ایس ایل کے ابتدائی تین مراحل میں کھلاڑیوں نے دبئی اور ابوظہبی میں زبردست کھیل کا مظاہرہ کیا، کھلاڑیوں نے میچ جیتنے کے لیے خوب محنت کی، باؤلرز وکٹیں اڑانے کو تیار تھے، تمام ٹیموں کے کپتان اور کھلاڑی ٹرافی حاصل کرنے کے لیے پرعزم ہیں۔

    مزید پڑھیں: پی ایس ایل 4: کراچی شہر کو دلہن کی طرح سجا دیا گیا، ہیلتھ ایکشن پلان بھی تیار

    خیال رہے کہ کراچی کنگز کے کولن انگرام نے سیزن فور کی پہلی سنچری بنائی اور ساتھ ہی 127 رنز بنا کر سب سے بڑی انفرادی اننگز کھیل کر میچ کے بہترین کھلاڑی قرار پائے۔

    کراچی کنگز کے ہی بابر اعظم اور لیونگسٹن نے 157 رنز بنا کر پی ایس ایل کی سب سے بڑی شراکت قائم کی جسے ابھی تک کوئی برابر نہیں کرسکا۔

  • سرفراز کو میچ فکسنگ کی پیش کش کرنے والے بکی کو 10 سال کی سزا

    سرفراز کو میچ فکسنگ کی پیش کش کرنے والے بکی کو 10 سال کی سزا

    دبئی: انٹرنیشنل کرکٹ کونسل کے انسداد بدعنوانی یونٹ نے قومی ٹیم کے کپتان سرفراز احمد کو میچ فکسنگ کی پیش کش کرنے والے طاقتور بکی عرفان انصاری پر 10 سال کی پابندی عائد کردی۔

    تفصیلات کے مطابق دو برس قبل (2017) میں سری لنکا کے خلاف کھیلی جانے والی پانچ ون ڈے میچز کی سیریز کے دوران عرفان نامی بکی نے تیسرے میچ سے قبل سرفراز حمد سے رابطے کی کوشش کی۔

    سرفراز احمد نے فوری طور پر پاکستان کرکٹ بورڈ کے حکام کو تمام تفصیلات فراہم کیں جس کے بعد پی سی بی نے باقاعدہ آئی سی سی میں معاملہ پہنچایا۔

    انٹرنیشنل کرکٹ کونسل کے اینٹی کرپشن یونٹ نے تحقیقات کا آغاز کیا تو بکی کی شناخت عرفان انصاری کے نام سے ہوئی جو متحدہ عرب امارات کی اہم شخصیت اور  3 دہائیوں سے شارجہ کرکٹ کونسل کے ساتھ کام کر رہے تھے۔

    مزید پڑھیں: میچ فکسنگ میں‌ ملوث بکیز کی کثیر تعداد کا تعلق بھارت سے ہے، آئی سی سی کا انکشاف

    آئی سی سی نے گزشتہ برس معاملے کی تحقیقات کا آغاز کیا اور عرفان انصاری کو ہدایت کی کہ وہ اینٹی کرپشن یونٹ کے ساتھ تعاون کریں جس پر انہوں نے صاف انکار کردیا، انٹرنیشنل کرکٹ کونسل نے ضابطہ اخلاق کی خلاف ورزی کرنے پر بکی کے خلاف چارج شیٹ جاری کی تھی۔

    اینٹی کرپشن یونٹ میں ہونے والی سماعت کے دوران پینل کو میچ فکسنگ کی پیش کش کے حوالے سے شواہد پینل کے سامنے پیش کیے گئے۔

    آئی سی سی کے اینٹی کرپشن یونٹ نے تین شقوں کی خلاف ورزی کرنے پر عادل انصاری کے خلاف فیصلہ سناتے ہوئے ان پر دس سال کی مکمل پابندی عائد کردی۔

    انٹرنیشنل کرکٹ کونسل نے اعلامیے میں سرفراز احمد کا شکریہ ادا کرتے ہوئے کہا کہ ’ایماندار کھلاڑی کی وجہ سے اینٹی کرپشن یونٹ نے بکی کی نشاندہی کی اور وہ قانون کی گرفت میں آیا‘۔

    آئی سی سی اینٹی کرپشن یونٹ کے جنرل مینیجر ایلکس مارشل کا کہنا تھا کہ ’میں سرفراز کا شکریہ ادا کرنا چاہتا ہوں کہ انہوں نے پیشہ وارانہ طریقے اپناتے ہوئے معاملے کو فوری رپورٹ کیا اور پھر ہمارے ساتے مکمل تعاون بھی کیا‘۔

    یہ بھی پڑھیں: سرفراز احمد کو میچ فکسنگ پر اکسانے والے شارجہ اسٹیڈیم کے سابق ملازم کو چارج شیٹ جاری

    اُن کا کہنا تھا کہ ’کرکٹ کی تاریخ میں یہ پہلا موقع ہے کہ آئی سی سی نے کسی کے خلاف تحقیقات میں تعاون نہ کرنے پر کارروائی کی، قبل ازیں ہمارے پاس قانونی اختیار نہیں تھا اور نہ ہی کسی کے موبائل ڈیٹا تک رسائی تھی البتہ ایک برس قبل قانون میں ترمیم کی گئی تاکہ سنگین جرم کی روک تھام کی جاسکے‘۔

    آئی سی سی نے اپنے فیصلے میں لکھا کہ ’عرفان انصاری نے ضابطہ اخلاق کی خلاف ورزی کرتے ہوئے ایک کھلاڑی کو رقم کی لالچ دی اور تحقیقات کے دوران تعاون نہیں کیا جس کے تحت اینٹی کرپشن یونٹ نے اُن کے موبائل فون سے معلومات ڈاؤن لوڈ کیں تو وہ قصور وار پائے گئے‘۔

    عرفان انصاری شارجہ میں کرکٹ کلبز چلاتے تھے اور مختلف ٹیموں کی شارجہ آمد کے موقع پر نیٹ باؤلز بھی مہیا کرتے ہیں تاہم اب وہ پابندی کے بعد اسٹیڈیم کی حدود میں بھی داخل نہیں ہوسکیں گے۔

  • سرفراز احمد کوورلڈ کپ 2019 کے لیے کپتان برقرار رکھنے کا فیصلہ

    سرفراز احمد کوورلڈ کپ 2019 کے لیے کپتان برقرار رکھنے کا فیصلہ

    لاہور : سرفراز احمد کوورلڈ کپ کےلیےکپتان برقرار رکھنے کا فیصلہ کرلیا گیا، چیئرمین پی سی بی احسان مانی پریس کانفرنس میں باقاعدہ اعلان کرسکتے ہیں۔

    تفصیلات کے مطابق چئیرمین پی سی بی احسان مانی اورسرفراز احمد کی ملاقات ہوئی ، ملاقات میں احسان مانی نے سرفراز پر اعتماد کا اظہار کیا اور سرفراز احمد کوورلڈ کپ کےلیےکپتان برقرار رکھنے کا فیصلہ کیا۔

    ذرائع کا کہنا ہے کہ احسان مانی پریس کانفرنس میں باقاعدہ اعلان کرسکتے ہیں۔

    یاد رہے کہ قومی کرکٹ ٹیم کے کپتان سرفراز احمد نے میچ میں جنوبی افریقا کھلاڑی پر نسل پرستانہ جملے کسے تھے جس کے بعد سوشل میڈیا پر تنازع کھڑا ہوگیا تھا۔

    بعدازاں قومی کرکٹ ٹیم کے کپتان سرفراز احمد نے جنوبی افریقی کھلاڑی پھلوکوایو پر نسل پرستانہ جملے کسنے پر سماجی رابطے کی ویب سائٹ ٹویٹر پر معافی مانگ لی تھی۔

    نسل پرستانہ ریمارکس پر معافی مانگنے کے باوجود آئی سی سی کی جانب سے کپتان سرفراز احمد پر چار میچز کی پابندی عائد کی گئی تھی، جس کے بعد بورڈ نے سرفراز کو وطن واپس بلا کر شعیب ملک کو ٹیم کا کپتان بنایا تھا۔

    مزید پڑھیں : آئی سی سی نے سرفرازاحمد پر4 میچوں کی پابندی لگا دی

    آئی سی سی نے ٹویٹر پر اپنے پیغام میں کہا تھا کہ سرفراز احمد کے خلاف نسل پرستانہ جملوں پر کارروائی کی اور  وہ آئی سی سی اینٹی ریس از کوڈ کی خلاف ورزی کے مرتکب پائے گئے ہیں۔

    سابق کپتان اور کراچی کنگز کے صدر وسیم اکرم نے بھی سرفراز کا دفاع کرتے ہوئے کہا تھا کہ سرفراز احمد کو قیادت سے ہٹانے کا اب کوئی وقت نہیں ہے، سرفراز سے غلطی ہوگئی، پابندی بھی لگ گئی اب پی سی بی صحیح فیصلے کرے۔

    خیال رہے وطن واپسی پر کراچی میں پریس کانفرنس کے دوران قومی کرکٹ ٹیم کے کپتان سرفراز احمد نے کہا تھا میں نے غلطی کی، اسے تسلیم کیا، وکٹ کے پیچھے بولنا میری عادت ہے، میری نیچرتبدیل نہیں ہوسکتی، کوشش کروں گا جوچیزیں ہوگئیں وہ پھرنہ ہوں، ایک لفظ کو لے کراتنا بڑا ایشو بنا دیا گیا۔

    مزید پڑھیں : کپتانی کے لیے گرین سگنل پہلے بھی تھا، امید ہے آگے بھی ہوگا‘ سرفرازاحمد

    سرفراز احمد نے کہا کہ کپتان نے کہا کہ ٹیم کا کپتان کوئی بھی ہو پاکستان کے لیے کھیلتے رہیں گے، پی سی بی نے بہت سپورٹ کیا ،عوام کی بھی سپورٹ رہی، کپتانی کے لیے گرین سگنل پہلے بھی تھا، امید ہے آگے بھی ہوگا۔

  • شاید پی سی بی نے ڈپریشن سے بچانے کے لئے سرفراز احمد کو واپس بلایا: محسن خان

    شاید پی سی بی نے ڈپریشن سے بچانے کے لئے سرفراز احمد کو واپس بلایا: محسن خان

    ‌لاہور: سابق ٹیسٹ کرکٹر  اور پی سی بی کی کرکٹ کمیٹی کے چیئرمین محسن خان نے کہا ہے کہ سرفراز احمد کو  واپس بلانے کا فیصلہ بہت اچھا تھا.

    ان خیالات کا اظہار انھوں نے اے آر وائی نیوز سے خصوصی گفتگو کرتے ہوئے کیا. ان کا کہنا تھا کہ شاید پی سی بی نے ڈپریشن سے بچانے کے لئے سرفراز احمد کو واپس بلایا.

    ان کا کہنا تھا کہ سرفراز احمد بہت اچھا کھلاڑی ہے، واپس جائے گا، تو فریش اسٹارٹ ملے گا، پاکستان کی کرکٹ کے لئے جو  بہتر ہوگا، ہم وہی تجاویز دیں گے.

    کرکٹ کمیٹی کے چیئرمین نے کہا ہے کہ سلیکشن پر ہمارے تحفظات ہیں،ٹیم سلیکشن میں خامیوں کا جائزہ لے رہے ہیں.

    انھوں نے کرکٹ‌ ٹیم سے متعلق بات کرتے ہوئے کہا کہ کھلاڑیوں کی فیلڈنگ میں بہتری آئی ہے، بابراعظم نے بہت اچھی کارکردگی دکھائی، نوجوان کھلاڑی بہت محنت کر رہے ہیں.

    مزید پڑھیں: بہترین کھیل پیش کیا لیکن افسوس کہ ہم میچ نہ جیت سکے: شعیب ملک

    یاد رہے کہ اس وقت پاکستانی ٹیم جنوبی افریقا کے دورے پر ہے، جہاں اسے شدید مشکلات کا سامنا ہے. پاکستان ٹیسٹ اور ون ڈے کے بعد ٹی 20 سیریز بھی ہار چکا ہے.

    خیال رہے کہ اسی سیریز کے دوران سرفراز احمد کی جانب سے متنازع کومنٹ کا مسئلہ سامنا آیا، جس کی وجہ سے انھیں پابندی کا سامنا کرنا پڑا.