2 سال سے مسلسل بہترین کارکردگی کا مظاہرہ کرنے والے بھارتی کرکٹر سرفراز خان کو آخر کار قومی اسکواڈ میں شامل کرلیا گیا۔
بھارتی میڈیا کا اس حوالے سے کہنا ہے کہ گزشتہ 2 سال سے سرفراز خان ڈومیسٹک کرکٹ میں بہترین کارکردگی کا مظاہرہ کر رہے ہیں اور اب ان کو بھارتی کرکٹ ٹیم کے اسکواڈ میں شامل کرنے پر کرکٹ شائقین میں خوشی کی لہر دوڑ گئی ہے۔
بھارتی میڈیا کا کہنا ہے کہ رویندرا جڈیجا اور کے ایل راہول کی انجری کی وجہ سے انگلینڈ کے خلاف دوسرے ٹیسٹ میچ میں شرکت مشکوک ہے۔ سرفراز خان کو انگلینڈ کے خلاف دوسرے ٹیسٹ میچ کے لیے اسکواڈ میں شامل کیا گیا ہے۔
سری لنکا کیخلاف افغان ٹیسٹ اسکواڈ کا اعلان، راشد کی جگہ کس اسپنر کو چنا گیا؟
واضح رہے کہ انگلینڈ نے پہلے ٹیسٹ میچ میں بھارت کو 28 رنز سے ہرا دیا تھا، جبکہ دونوں ٹیموں کے درمیان دوسرے میچ کا آغاز 2فروری سے ہوگا۔
