اسلام آباد: وزیردفاع خواجہ آصف کہتے ہیں آپریشن ضرب عضب نے ایک سال میں کئی اہم کامیابیاں حاصل کی ہیں۔
وزیردفاع نے ایک بیان میں کہا کہ آپریشن ضرب عضب آخری مرحلے میں ہے اورقوم آپریشن ضرب عضب کے شہدا کی شکر گزار ہے۔
شہداکےخاندانوں نےغیرمعمولی قربانیاں دی ہیں، ان کا کہنا تھا کہ قوم کےبہترمستقبل کیلئےاپنا آج قربان کرنیوالےقابل احترام ہیں، آپریشن ضرب عضب نےایک سال میں اہم کامیابیاں حاصل کیں۔
ریاض: سعودی عرب نے یمن میں حوثی باغیوں کے خلاف حملوں میں پانچ روزہ جنگ بندی پر رضا مندی ظاہر کی ہے۔
سعودی وزیر داخلہ محمد بن نائف کا کہنا ہے کہ یہ فیصلہ انسانی بنیادوں پر کیا گیا ہے، یہ اعلان امریکی وزیر خارجہ جان کیری کی سعودی وزیر داخلہ اور ولی عہد محمد بن نائف کیساتھ مذاکرات کے بعد کیا گیا۔
امریکہ کے وزیر خارجہ جان کیری یمن میں صورتحال کے سنگین شکل اختیار کرجانے کے بعدمذاکرات کی غرض سے سعودی عرب پہنچے ہیں ۔
ریاض میں وزیر داخلہ اور سعودی ولی عہد محمد بن نائف کیساتھ مذاکرات میں باہمی تعلقات کو فروغ دینے کے علاوہ علاقائی اور عالمی صورتحال کا بھی جائزہ لیا گیا ۔
ملاقات میں وزارت خارجہ کی ترجمان ماریہ حرف،مشرق بعید کے امور کی ذمہ دار کیری کی نائب این پٹرسن اور ریاض میں امریکی سفارتخانے کے حکام بھی موجود تھے ۔
یمن: انسانی بحران سنگین صورت اختیار کرگیا، سعودی اتحادی افواج کی بمباری اور جھڑپوں میں ایک سو بیس شہری لقمہ اجل بن گئے، امریکی وزیر خارجہ جان کیری یمن میں عارضی جنگ بندی کے لیے سعودی عرب پہنچ گئے۔
یمن میں انسانی بحران سنگین شکل اختیار کرگیا ہے، جنگ سے متاثرہ علاقوں میں ایندھن اور خوراک کی قلت کے باعث بیس لاکھ سےزائد افراد فوری امداد کے منتظر ہیں۔
امریکا نے یمن میں انسانی بحران پرتشویش کا اظہار کیا ہے، امریکی وزیرِ خارجہ جان کیری یمن میں عارضی جنگ بندی کےلیےسعودی عرب پہنچ گئے، جہاں وہ یمن میں انسانی بحران سے نمٹنے کے لیے سعودی فرمانروا شاہ سلمان سے ملاقات کریں گے۔
سعودی اتحادی افواج نےحوثی قبائل کےخلاف بمباری بھی تیز کردی ہے، نجران میں حوثی قبائل کے سعودی قافلے پر حملے اور تین اہلکاروں کی ہلاکت کے جواب میں سعودی جیٹ طیاروں نے تیس سے زائد حملے کیے، جس کے نتیجے میں تینتالیس شہری جاں بحق ہوئے،
دوسری جانب عدن کے ساحل پرنقل مکانی کرنےوالےافراد کی کشتی مارٹر حملے کا نشانہ بن گئی، جس میں چالیس افراد مارے گئے۔
حوثی قبائل اور سابق صدر منصور ہادی کے حامیوں کے درمیان خونریز جھڑپیں جاری ہیں، جس میں متعدد افراد کی ہلاکت کی اطلاعات ہیں۔
اسلام آباد: وفاقی وزیر دفاع خواجہ آصف کا کہنا ہے کہ الیکشن ٹربیونل کے فیصلے کو سپریم کورٹ میں چیلنج کرنے پر غور کررہے ہیں۔
اسلام آباد میں اے آر وائی نیوز سے خصوصی گفتگو کرتے ہوئے وفاقی وزیر دفاع خواجہ آصف کا کہناتھا کہ الیکشن ٹربیونل نے تکنیکی بینادوں پر الیکشن کو کالعدم قرار دیا ہے۔
ان کا کہنا تھا کہ اگر دوبارہ الیکشن لڑنا بھی پڑے تو خواجہ سعد رفیق ہی کامیاب ہوں گے، وزیر دفاع نے کہا کہ کنٹونمنٹ کے انتخابات میں ن لیگ نے واضح برتری حاصل کی ہے۔
انہوں نے کہا کہ الیکشن ٹربیونل کے فیصلے کو سپریم کورٹ میں چیلنج کرنے پر غور کرہے ہیں، ان کا کہنا تھا کہ ان کے پاس دونوں آپشن موجود ہیں۔
یمن: باغیوں کے خلاف سعودی عرب کی تازہ کارروائی میں چھ بچوں سمیت نو شہری حملے میں جاں بحق ہوگئے، سلامتی کونسل میں شہریوں کی ہلاکت کیخلاف روس کی قرارداد پر آج بحث ہوگی۔
یمن میں باغیوں کے خلاف سعودی عرب اور اتحادیوں کی بمباری کا سلسلہ جاری ہے، صنعا میں حوثی باغیوں کے زیرِ تسلط علاقے میں سعودی جیٹ طیاروں نے تین منزلہ عمارت پر بمباری کی۔
چھ بچوں سمیت نو شہری جیٹ طیاروں کی بمباری کا شکار ہوگئے جبکہ بنی متر میں بھی فضائی حملے میں پانچ شہری زخمی ہوئے۔
روس نے شہریوں کی ہلاکتوں پر اقوام متحدہ کی سلامتی کونسل آج اپنے اجلاس میں روس کی پیش کردہ قرارداد پر غور کرے گی، جو یمن میں شہریوں کی ہلاکت کی مذمت میں پیش کی گئی تھی۔
عدن میں یمنی فوجیوں کو سعودی طیارے کے زریعے بھاری اسلحہ فراہم کیا گیا، جس کے بعد سیکیورٹی فورسز نے باغیوں کے خلاف بھرپور حملہ کرتے ہوئے باغیوں کے زیر تسلط بعض علاقوں کا کنٹرول حاصل کرلیا۔
یمنی سرحد پر فائرنگ کے تبادلے میں دو سعودی فوجی ہلاک ہوگئے۔
اقوام متحدہ کی رپورٹ کے مطابق یمن میں سعودی عرب اور اتحادیوں کے حملے میں نوے بچوں سمیت پانچ سو سترہ افراد ہلاک ہوئےہیں۔
یمن: حوثی باغیوں کے خلاف سعودی عرب کی زیرِقیادت اتحادی ملکوں کی کارروائیاں جاری ہیں، شمال مغربی علاقے میں مہاجر کیمپ پر فضائی حملوں میں پینتالیس افراد ہلاک اور دو سو زخمی ہوگئے، یمنی فورسز سے جھڑپوں میں بیس سے زائد باغی بھی ہلاک ہوگئے۔
سعودی عرب اور اتحادی فوجیوں کی جانب سے حوثی باغیوں پر حملوں کا سلسلہ جاری ہے، سعودی طیاروں نے یمن کے دارالحکومت صنعا میں ائیرپورٹ کے قریب باغیوں کے ٹھکانوں پر بمباری کی۔
یمن کے جنوب مغربی سرحدی علاقے میں بھی باغیوں کے ٹھکانوں کو نشانہ بنایا گیا، حملوں میں باغیوں کے اسلحہ ڈپوؤں کو بھی تباہ کردیا گیا۔ اتحادی ممالک کے طیاروں نے باغیوں کو صنعاء میں صدارتی محل کے قریب نشانہ بنایا جبکہ صنعا میں بھی باغی فوجیوں کے کیمپ اور اسلحہ ڈپو پر بھی بمباری کی گئی۔
سعودی فوج کے ترجمان کا کہنا ہے کہ عرب اتحادیوں نے ساحلی علاقوں کا کنٹرول حاصل کرلیا ہے۔
سعودی فرمانروا شاہ سلمان بن عبدالعزیز نے کہا ہے کہ یمن میں سلامتی اور استحکام کی خواہش رکھنے والی تمام سیاسی جماعتوں سے مذاکرات کے لئے تیار ہیں تاہم اس کے لئے ہتھیار ڈالنا لازمی ہوگا۔
دوسری جانب چین نے یمن سے اپنے ایک سوبائیس شہریوں کو نکال لیا ۔ چینی فوج نے اتوار کو خلیج میں موجود اپنا بحری بیڑا یمن روانہ کیا تھا۔
واشنگٹن: سعودی سفیرعادل الزبیر کا کہنا ہے کہ امریکہ یمن میں سیاسی اورعسکری کارروائیوں میں بھرپور تعاون کررہا ہے، سعودی عرب امریکا کی جانب سے یمن میں عسکری اورانٹیلی جنس تعاون پر شکر گزار ہے۔
امریکہ میں تعینات سعودی سفیرعادل الزبیر نے واشنگٹن میں میڈیا سے بات کرتے ہوئے کہا کہ یمن کی صورتحال پرامریکی صدر باراک اوباما اور سعودی شاہ سلمان کے درمیان ٹیلی فون پر بات چیت ہوئی ہے اور شاہ سلمان نے یمن میں فضائی حملوں پر امریکہ کے تعاون کو سراہا ہے۔
سعودی سفیرعادل الزبیرکا کہنا ہے کہ یمن میں صرف ایک ہی مشن ہےاور وہ حکومت کو بچانا ہے، شدت پسند یمن میں معصوم شہریوں کومیزائلوں سے نشانہ بنا رہےہیں۔
یاد رہے کہ سعودی عرب کی یمن میں باغیوں کے ٹھکانوں پر فضائی حملے جاری ہے جبکہ امریکا سعودی عرب کو لاجسٹک اور انٹیلی جنس سپورٹ فراہم کررہا ہے۔
اسلام آباد: وزیرِ دفاع خواجہ آصف کا کہنا تھا کہ مشرقی وسطی کے جنگ میں فوجی بھیجنے کا فیصلہ نہیں کیا ،اگر سعودی عرب کی جغرافیائی حیثیت کو خطرہ ہوا تو دفاع کرینگے۔
قومی اسمبلی میں وزیرِ دفاع خواجہ آصف نے خطاب کرتے ہوئے کہا کہ مشرقی وسطی کے جنگ میں فوج بھیجنے کا فیصلہ نہیں کیا، اگر فوجی بھیجنے کا فیصلہ کیا تو پارلیمنٹ کو اعتماد میں لیں گے، چند دن کے لیے سعودی عرب کا دورہ ملتوی کردیا ہے۔
خواجہ آصف کا کہنا تھا کہ سعودی عرب کی سالمیت کو خطرہ ہوا تو ساتھ دینگے، سعودی عرب کی خودمختاری خطرے میں پڑی تو سعودی عرب کے ساتھ کھڑے ہوں گے۔
انکا مزید کہنا تھا کہ کوئی ایسا فیصلہ نہیں کریں گے، جس کے سال بعد منفی اثرات مرتب ہوں۔
یمن:حوثی باغیوں نے عدن پر قبضے کا دعویٰ کیا ہے، یمنی صدرعبد الربوہ منصور ہادی سعودیہ عرب پہنچ گئے ہیں، سعودی عرب نے یمن سے ملحقہ سرحدپر بھاری ہتھیار منتقل کردیئے ہیں۔
لبنانی ٹی وی کے مطابق باغیوں نے جنوبی بندرگاہ پر قبضہ کرلیا ہے اور سعودی عرب پہنچنے والے صدر ہادی کی گرفتاری پر بیس ہزار ریال کے انعام کا اعلان کیا ہے ۔
باغیوں نے صدر کے حامیوں کو پکڑنا شروع کردیا ہے، مقامی رہائشیوں کا کہنا ہے کہ حوثی باغی العناد ائیربیس پر قبضے کے بعدعدن میں داخل ہوگئے ۔
سعودی عرب نے یمن کے ساتھ سرحد پر بھاری ہتھیار منتقل کردیئے ہیں، ڈیڑھ لاکھ فوجیوں اور سو سے زائد لڑاکا طیاروں کو تیاررہنے کا حکم دیا ہے۔
روسی صدر ولادی میرپوٹن نے یمن کی صورتحال پر ایرانی ہم منصب سے رابطہ کیا،جس میں یمن میں فوری جنگ بندی پرتبادلہ خیال کیا گیا، چین نے بھی یمن کی صورتحال پر تشویش کا اظہار کیا ہے۔
یمن: باغیوں کی پیش قدمی اور صدر منصورہادی کے صدارتی محل سے فرار ہونے کے بعد سعودی عرب نے باغیوں کے ٹھکانوں پر فضائی حملے شروع کردیئے ہیں، امریکا نے سعودی عرب کو لاجسٹک اور انٹیلی جنس سپورٹ فراہم کرنےکی تصدیق کردی ہے۔
یمن میں باغیوں کی پیش قدمی روکنے کیلئے سعودی عرب نے فوجی کارروائی کا آغاز کردیا ہے، یمنی باغیوں کے خلاف فوجی کارروائی میں سعودی عرب سمیت دس ممالک شامل ہیں، امریکا میں تعینات سعودی سفیر عدل الجبیر کے مطابق بڑی تعداد میں طیارہ شکن توپیں یمن کی سرحد پر نصب کردیں گئی ہیں۔
پریس کانفرنس میں انکا کہنا تھا کہ آپریشن یمن کی حکومت کوبچانے کے لئے ہے اور کارروائی اقوام متحدہ کے چارٹر کے مطابق شروع کی گئی ہے، جس میں امریکی انٹیلی جنس کی مدد بھی شامل ہے۔
یہ حملہ ایسے وقت کیا گیا جب چند گھنٹے قبل ہی شہر عدن میں باغیوں کی آمد کے بعد صدر ہادی صدارتی محل سے فرار ہوگئے، باغی ائیر پورٹ اورسرکاری ٹی وی پر قابض ہیں۔
باغیوں کی جانب سے ٹی وی سے صدر منصور ہادی کی گرفتاری کے لئے ایک لاکھ ڈالر انعام کا اعلان کیا گیا ہے۔