سعودی عرب میں وزارت حج و عمرہ کی جانب سے عمرہ زائرین کو مشورہ دیا گیا ہے کہ وہ دوران طواف حجر اسود کے قریب زیادہ دیر رک کر رکاوٹ پیدا نہ کریں۔
سعودی خبر رساں ادارے کی رپورٹ کے مطابق سعودی وزارت حج و عمرہ کا کہنا ہے کہ عمرہ زائرین طواف کرتے وقت حجر اسود کے قریب رک جاتے ہیں یا وہاں جاکر کھڑے ہوجاتے ہیں جس سے دیگر افراد کو پریشانی ہوتی ہے اور رش میں اضافہ ہوجاتا ہے۔
وزارت کے مطابق حجر اسود کے پاس کھڑے ہوکر طواف کے راستے رکاوٹ پیدا نہ کریں بلکہ دیگر عمرہ زائرین کا خیال رکھتے ہوئے اس سے بچیں۔
وزارت حج و عمرہ کا مزید کہنا تھا کہ اس طرح آپ اور دیگر زائرین ذہنی سکون و اطمینان کے ساتھ طواف مکمل کرسکیں گے۔
اس سے قبل سعودی عرب نے حج سیزن میں پاکستان سمیت 14 ممالک پر عارضی ویزا پابندی لگادی۔
عرب میڈیا کی رپورٹ کے مطابق سعودی حکومت کی جانب سے پابندی حج سیزن کے دوران عمرہ، بزنس اور فیملی ویزوں پر لگائی گئی ہے۔
فہرست میں پاکستان، بھارت، بنگلادیش، مصر، انڈونیشیا، عراق شامل ہیں۔
نائیجیریا، اردن، الجزائر، سوڈان، ایتھوپیا، تیونس، چیمن بھی فہرست میں شامل ہیں جبکہ عارضی ویزا پابندیاں جون کے وسط میں ختم ہونے کا امکان ہے۔ سعودی حکومت نے پاکستان کو باضابطہ طور پر فیصلے سے آگاہ کردیا ہے۔
عمرہ و عازمینِ حج کی بڑی مشکل آسان ہوگئی
پاکستانی عمرہ ویزا ہولڈر کو 29 اپریل تک وطن واپسی کی ہدایت کی گئی ہے، پابندی کے باوجود مملکت میں قیام پر پانچ سال کی پابندی ہوسکتی ہے۔
عمر ویزا ہولڈر 13 اپریل تک سعودی عرب میں داخل ہوسکتے ہیں۔
