ARYNews.tv | Urdu – Har Lamha Bakhabar

Tag: Saudi Arabia

اردو زبان میں سعودی عرب سے تازہ ترین خبریں اور معلومات

Saudi Arabia News In Urdu by ARY News

  • سعودی عرب نے یمن کے 40 مطلوب افراد کی فہرست جاری کردی

    سعودی عرب نے یمن کے 40 مطلوب افراد کی فہرست جاری کردی

    ریاض : سعودی عرب نے چالیس مطلوبہ افراد کی فہرست جاری کرتے ہوئے ان کی گرفتاری میں مدد دینے والوں کیلئے کروڑوں ڈالر انعامات کا اعلان کیا ہے۔

    تفصیلات کے مطابق سعودی وزارت داخلہ نے حکومت مخالف مطلوب یمنی رہنماؤں اور سعودی عرب کے خلاف دہشتگردی کی منصوبہ بندی اور عملدرآمد میں ملوث چالیس افراد کی فہرست جاری کی ہے۔

    سعودی وزارت داخلہ نے اعلان کیا ہے کہ ان مطلوب افراد کی گرفتار ی میں مدد دینے یا ان کے ٹھکانے کی اطلاع دینے والوں کو بھاری معاوضہ انعام میں دیا جائے گا۔

    جاری ہونے والی فہرست میں مطلوب افراد کی تصاویر اور نام کے ساتھ ساتھ گرفتار کروانے میں مدد دینے والوں کے لئے انعامی رقم لکھی گئی ہے۔

    فہرست کے مطابق سب سے بڑی رقم 30ملین ڈالر حوثی باغیوں کے سربراہ عبد الملک حوثی پر رکھی گئی ہے، 11 مطلوب افراد پر 10ملین ڈالر، 10مطلوب افراد کی گرفتاری پر 20ملین ڈالر،ایک مطلوب پر15ملین ڈالر جبکہ فہرست کے باقی مطلوب عناصر پر5ملین ڈالر انعام رکھا گیا ہے۔

     

     

    مزید پڑھیں : ریاض، حوثی باغیوں کا ایئرپورٹ پر میزائل حملہ

    یاد رہے کہ گذشتہ روز حوثی باغیوں کی جانب کنگ خالد ائیرپورٹ پر بیلسٹک میزائل سے حملہ کیا گیا تھا ، جسے سعودی ایئر ڈیفنس نے ناکام بنادیا تھا تاہم حملے سے کوئی جانی و مالی نقصان نہیں ہوا۔

    باغیوں کے ترجمان نے عرب میڈیا سے بات کرتے ہوئے میزائل حملے کا دعوی کرتے ہوئے بتایا تھا کہ 800 کلومیٹر تک مار کرنے والے برقان ایچ ٹو نامی میزائل داغا گیا ہے جو اپنے ہدف تک پہنچنے میں کامیاب رہا جبکہ حملے کی ویڈیو بھی جاری کی گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی عرب روبوٹ کو شہریت دینے والا پہلا ملک

    سعودی عرب روبوٹ کو شہریت دینے والا پہلا ملک

    ریاض : سعودی عرب نے روبوٹ کو شہریت دے کر امریکا، روس، جرمنی، برطانیہ سمیت تمام ملکوں کو پیچھے چھوڑ دیا ہے اور روبوٹ کو شہریت دینے والا پہلا ملک بن گیا۔

    تفصیلات کے مطابق صوفیہ نامی خاتون روبوٹ نے دنیا بھر میں پہلی سعودی شہریت کا اعزاز حاصل کرلیا، تاریخ میں یہ پہلا موقع ہے کہ کسی روبوٹ کو کسی بھی ملک کی شہریت سے نوازا گیا ہے۔

    سعودی عرب نے صوفیہ نامی خاتون روبوٹ کو شہریت دے کر دنیا کے تمام ممالک کو پیچھے چھوڑ دیا اور پاسپورٹ بھی جاری کردیا۔

    شہریت پانے کے بعد روبوٹ صوفیا کا انٹرویو بھی کیا گیا، جس میں میزبان نے سوالات کیے جس کے روبوٹ نے اپنی ذہانت کے مطابق جواب دیئے۔

    سوشل میڈیا پر شیئرکی گئی ویڈیو میں صوفیہ روبوٹ نے سعودی شہریت پانے پرخوشی کا اظہار کرتے ہوئے اسے اپنے لیےقابل فخر لمحہ قرار دیا اور کہا کہ سب سے زیادہ اس بات کی خوشی ہے کہ تاریخ میں پہلی مرتبہ کسی روبوٹ کو شہریت حاصل ہوئی ہے اور یہ اعزاز مجھے ملا۔

    ایوان شاہی کے مشیر سعودی القحطانی نے سوشل میڈیا میں صوفیا نامی ربورٹ کی ویڈیو جاری کرتے ہوئے کہا کہ یہ پہلا روبوٹ ہے جسے سعودی شہریت اور پاسپورٹ جاری کیا گیا ہے۔

    خیال رہے کہ صوفیا نامی روبوٹ سوئس ماہرین نے تیار کیا ہے، ماضی کی مشہور ہالی ووڈ اداکارہ آڈرے ہپ برن سے مماثلت رکھنے والی صوفیا نامی یہ روبوٹ انسانوں کی گفتگو پر تاثرات ظاہر کرنے کی صلاحیت رکھتی ہے۔

    مصنوعی ذہانت کی حامل صوفیا کے چہرے کے تاثرات کی تبدیلی کے لیے اس کے اندر 60 قسم کے مکینزم نصب کیے گئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ریاض: پاکستانی سفارتخانے میں‌ جشن آزادی کی تقریب

    ریاض: پاکستانی سفارتخانے میں‌ جشن آزادی کی تقریب

    ریاض: سعودی عرب کے دارالحکومت ریاض میں واقع پاکستانی سفارت خانے کے تحت وطن عزیز کی 70 سالہ تقریبات کے سلسلے میں رنگا رنگ کلچرل اینڈ کلاسیکل میوزک پروگرام کا انعقاد کیا گیا جس میں پاکستان سے آئے ہوے پٹیالہ گھرانے کے گلوکار استاد حامد علی خان نے گائیکی کا اشاندار مظاہرہ کیا۔

     

    تفصیلات کے مطابق سعودی عرب کے دارالحکومت ریاض میں پاکستانی سفارت خانے میں پاکستان کی 70 سالہ تقریبات کے سلسلے میں ثقافتی شو کا انعقاد کیا گیا۔

    سفارت خانے کے کنگ فہد کلچرل سینٹر کے خوبصورت ہال میں اس تقریب کا آغاز ہوا تو رنگ برنگی روشنیوں نے لوگوں کا استقبال کیا اور دوسری جانب ایسے رنگ بکھرے کہ لوگ داد دیے بغیر نہ رہ سکے۔

    ثقافتی شو میں گلوکار استاد حامد علی خان نے قومی ترانے گائے جس پر حاضرین جھومتے اور داد دیتے رہے، استاد حامد علی خان اسٹیج پر آئے توان کا بھرپور استقبال کیا گیا۔

    اس موقع پر کھانے پینے کے اسٹالوں کے علاوہ چوڑیوں، کاسمیٹکس اور مہندی کے اسٹالوں نے بھی خوب رنگ جمایا اور پاکستانی چٹ پٹے کھانوں سے لطف اندوز ہوئے۔

    سفیر پاکستان خان ھشام بن صدیق نے تمام اسٹالوں کا دورہ کیا اور ویلفئیر اتاشی عبدالشکور شیخ نے تمام اسٹالوں کی تفصیلات سے انہیں آگاہ کیا۔

    پاکستان انٹرنیشنل اسکول انگلش سیکشن کے بچوں نے قومی ترانہ پڑھا،اس موقع پر ریاض شہر کے نوجوانوں کے میوزیکل بینڈ نے پاپ میوزک کے گانے پیش کیے اس کے بعد پاکستان سے آئے نایاب علی خان نے گائیکی کے ایسے شاندار سر چھیڑے کہ ہال میں بیٹھے ہر فرد نے دل کھول کر داد دی۔

  • امریکی وزیرخارجہ ریکس ٹلرسن سعودی عرب روانہ

    امریکی وزیرخارجہ ریکس ٹلرسن سعودی عرب روانہ

    واشنگٹن : امریکی وزیرخارجہ ریکس ٹلرسن پانچ ممالک کے دورے کے آغاز پر سعودی عرب روانہ ہوگئے۔

    امریکی محکمہ خارجہ کی ترجمان کے مطابق وزیرخارجہ ریکس ٹلرسن پانچ ممالک کے دورے پر روانہ ہوگئے ، آج سعودی عرب پہنچیں گے، وزیرخارجہ ریکس ٹلرسن ریاض میں سعودی حکام سے مذاکرات کریں گے، جس میں سعودی قطر تنازع سمیت خطے کی صورتحال پر بات چیت کی جائے جبکہ عراقی اور سعودی حکام کی کوآرڈینیشن کونسل کے اجلاس میں شرکت کریں گے۔

    امریکی وزیرخارجہ پاکستان سمیت قطر،بھارت اورسوئٹرزلینڈ بھی جائیں گے۔

    دورہ پاکستان میں ریکس ٹلرسن پاکستانی سول اورعسکری قیادت سے باہمی تعلقات سمیت اہم علاقائی اوربین الاقوامی امورپرتبادلہ خیال کریں گے جبکہ  خطے کے امن کے لئے خطرہ بننے والے دہشتگردگروپوں کیخلاف مشترکہ ایکشن پربھی بات کی جائیگی۔

    امریکی وزیرخارجہ قطر اور بھارت کا دورہ بھی کریں گے۔

    خیال رہے کہ امریکی وزیرخارجہ ریکس ٹلرسن نے مغوی خاندان کی بازیابی پر حکومت پاکستان اور پاک فوج کی تعریف کرتے ہوئے کہا تھا کہ امریکہ پاکستان کی حکومت اورفوج کی طرف سے تعاون پربھی ان کا دل کی گہرائی سے شکرگزارہے۔

    مزید پڑھیں : افغانستان میں قیام امن کے لیے پاکستان کا کردار اہم ہے ، ریکس

    یاد رہے چند روز قبل امریکی وزیر خارجہ ریکس ٹلرسن اپنے بیان میں کہنا تھا کہ افغانستان میں قیام امن کے لیے پاکستان کا کردار اہم ہے، پاک بھارت کشیدگی خطے کے مفاد میں نہیں، مستحکم افغانستان میں سب سے زیادہ فائدہ پاکستان کا ہے، طالبان کے لیے واضح پیغام ہے امریکا افغانستان سے کہیں نہیں جارہا۔

    ریکس ٹلرسن کا کہنا تھا کہ پاکستان اور بھارت کی سرحدوں پر اس وقت شدید کشیدگی ہے، پاک بھارت کشیدگی خطے کے مفاد میں نہیں، پاک بھارت سرحد کشیدگی کا خاتمہ چاہتے ہیں، امید ہے پاکستان دہشت گردوں کے خلاف فیصلہ کن کارروائی کرے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ریاض: پاکستانی سفارت خانے میں میوزیکل شو منعقد ہوگا

    ریاض: پاکستانی سفارت خانے میں میوزیکل شو منعقد ہوگا

    ریاض: پاکستانی سفارت خانے میں میوزیکل شو منعقد کیا جائے گا جس میں کلاسیکل استاد حامد علی خان اپنے فن کا مظاہرہ کریں گے۔

    تفصیلات کے مطابق سعودی عرب کے شہر ریاض میں واقع پاکستانی سفارت خانے میں 21 اکتوبر کو رنگا رنگ کلچرل اینڈ میوزیکل شو منعقد ہونے جا رہا ہے جس میں ہزاروں پاکستانی شرکت کریں گے شو کے انتظامات مکمل کرلیے گئے ہیں۔

    یہ میوزیکل ایونٹ سفارت خانہ پاکستان کے تحت پاکستان کی 70 ویں یوم آزادی کے حوالے سے دارالحکومت ریاض کے کنگ فہد کلچرل ہال میں منعقد ہوگا جہاں پاکستانی ثقافت کے رنگ نمایاں ہونگے وہیں پر معروف پاکستانی کلاسیکل گلوکار استاد حامد علی خان اپنے فن کا مظاہرہ کریں گے۔

    تقریب میں پاکستانیوں کے علاوہ دیگر ممالک کے سفیر اور سعودی حکومت کے اعلی حکام بھی شرکت کریں گے، اس حوالے سے سفارت خانہ پاکستان کے کیمونٹی ویلفئیر اتاشی محمود لطیف کا کہنا ہے کہ تمام انتظامات کو حتمی شکل دے دی گئی ہے۔

  • سعودی عرب: پاکستانی سفارت خانے میں رنگا رنگ تقریب

    سعودی عرب: پاکستانی سفارت خانے میں رنگا رنگ تقریب

    ریاض: سعودی عرب کے دارالحکومت ریاض میں پاکستانی سفارت خانے میں رنگا رنگ تقریب منعقد ہوئی جس میں پاکستانی سفیر سمیت ہم وطنوں کی بڑی تعداد نے شرکت کی۔

    اس تقریب کا اہتمام خواتین کی تنظیم ہمنوا کے زیر اہتعمام کیا گیا جس میں سفیر پاکستان خان ھشام بن صدیق کے علاوہ سیکڑوں پاکستانی مردو خواتین نے بھرپور شرکت کی۔

    اس موقع  پر پاکستانی سفیر خان ھشام بن صدیق اور دیگر مقررین نے خواتین کے بارے میں کہا کہ پاکستانی خواتین نے سعودی عرب میں اپنا بھرپور کردار ادا کیا ہے اب بھی پاکستانی خواتین تمام شعبہ ہائے زندگی میں بڑھ چڑھ کر حصہ لے رہی ہیں اور ملک سے باہر پاکستان کا نام روشن کر رہی ہیں۔

    تقریب کے آخر میں طب کے شعبے میں نمایاں سرگرمیوں پرڈاکٹر ارم قلبانی کو یادگاری شیلڈ سے نوازا گیا تقریب میں پاکستانی اسکول کے بچوں نے مختلف ٹیبلو بھی پیش کیے اور ملی نغموں پر بھی حاضرین سے خوب داد حاصل کی۔

  • امریکہ اورسعودی عرب کےدرمیان جدید دفاعی میزائل کا معاہدہ

    امریکہ اورسعودی عرب کےدرمیان جدید دفاعی میزائل کا معاہدہ

    واشنگٹن: امریکہ نے سعودی عرب کو جدید تھاڈ میزائل دفاعی نظام فروخت کرنے کی منظوری دے دی، اس نظام میں یہ صلاحیت ہے کہ یہ کسی بھی ٹیکنالوجی مثلاً جنگی ہتھیاروں کو تباہ کر سکتا ہے۔

    تفصیلات کے مطابق امریکی اسٹیٹ ڈپارٹمنٹ کا کہنا ہے کہ 15 ارب ڈالرز کا جدید دفاعی میزائل فروخت کرے گا اس سے سعودی عرب اور خلیج کی سیکورٹی کو ایران اور دیگر علاقائی خطرات کے خلاف بہتربنانے میں مدد ملے گی۔

    خیال رہے کہ امریکہ کی جانب سے یہ اعلان سعودی عرب کے روس سے ایئر ڈیفنس سسٹم خریدنے کے اعلان کے ایک دن بعد سامنے آیا ہے۔

    دوسری جانب جنوبی کوریا میں شمالی کوریا کی جانب سے ممکنہ میزائل حملے کےخلاف جدید تھاڈ میزائل دفاعی نظام نصب کیا جا رہا ہے۔

    جدید دفاعی میزائل کے اس نظام سے درمیانے فاصلے تک نشانہ بنانے کی صلاحیت رکھنے والے بیلسٹک میزائل کو مار گرایا جاسکتا ہے جبکہ یہ نظام 200 کلو میٹر تک کے فاصلے میں کام کرتا ہے اور 150 کلومیٹر بلندی تک پراثرہوتا ہے۔

    سعودی عرب نے روس سے دنیا کا خطرناک ترین طیارہ شکن نظام خرید لیا

    واضح رہے کہ گزشتہ روز سعودی عرب نے روس سے دنیا کےخطرناک ترین طیارہ شکن نظام ’ایس 400‘ کی خریداری کا معاہدہ کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی عرب میں سنیما پر عائد پابندی ختم ہونے کا امکان

    سعودی عرب میں سنیما پر عائد پابندی ختم ہونے کا امکان

    ریاض: سعودی تاریخ میں پہلی بار خواتین کو ڈرائیونگ کی اجازت دینے کے بعد اب سنیما گھروں پر عائد پابندی بھی ختم ہونے کا امکان بڑھ گیا جو کہ دسمبر تک کھل جائیں گے۔

    سعودی گزٹ میں شائع ایک رپورٹ کے مطابق سعودی سنیما کمیٹی کے سابق چیئرمین فہد التمیمی نے امید ظاہر کی ہے کہ رواں برس کے اختتام سے قبل یہاں سنیما کھل جائیں گے اور اس بات پر زور دیا کہ وزارت کلچر اور انفارمیشن کے پاس کوئی اختیار نہیں کہ سنیما گھروں کو بند رکھا جائے۔

    یہ پڑھیں: سعودی عرب میں خواتین کو گاڑی ڈرائیو کرنے کی اجازت مل گئی

    اپریل میں جنرل انٹرٹینمنٹ اتھارٹی کے چیئرمین احمد الخطیب نے خبر رساں ادارے رائٹر کو بتایا تھا کہ آخر کار سعودی عرب میں سنیما کھولنا ہی پڑیں گے تاہم یہ سرکاری اقدامات کے تحت ترقیاتی پروجیکٹس کی تکمیل کے بعد ہی ممکن ہوگا، یہ سب کی بالخصوص معاشرے کے تمام افراد کی خواہش ہے جس کی تکمیل سے انہیں فائدہ ہی پہنچے گا۔

    ان کا کہنا تھا کہ جنرل انٹرٹینمنٹ اتھارٹی کا نقطہ نظر ہے کہ نجی سیکٹر کو فراہم کردہ تفریحات میں بہتری لائی جائے ایسے راستے کے ذریعے جو سعودی اقدار اور اسلامی تعلیمات کے ساتھ ہم آہنگ ہو۔

    خیال رہے کہ سعودی عرب میں1970ء میں کچھ سنیما گھر موجو د تھے تاہم اس کے بعد سے آج تک سنیما تاحال بند ہیں لیکن اب رواں برس سنیما گھر کھلنے کے امکانات بڑھ گئے ہیں۔

    سعودی گزٹ کے مطابق حکومت نے اس ضمن میں بوسٹ کنسلٹنٹ گروپ کو یہ ٹھیکا دیا ہے کہ وہ ریاست میں پارک اور تھیٹر کی طرز پر جگہوں کی نشاندہی کرے جہاں سرکاری اور نجی سیکٹر کی شراکت سے سرمایہ کاری کی جاسکے۔

    یہ بھی پڑھیں: سعودی عرب:‌ طالبات کو یونیورسٹیز میں موبائل کے استعمال کی اجازت

    جنرل انٹرٹینمنٹ اتھارٹی کے چیئرمین احمد الخطیب نے کہا کہ اتھارٹی کی سرگرمیوں کی بدولت محض 7 ماہ میں سعودی عرب میں 20 ہزار سے زائد نوکریاں پیدا ہوئیں اور ویژن 2030ء کے تحت ہم گزشتہ سال کے ہدف کو بھی پیچھے چھوڑ سکتے ہیں۔

    انہوں نے پیشگوئی کی کہ تفریح کی مد میں سعودی اخراجات کی شرح 2030ء تک تین گنا زیادہ یعنی 8 تا 9 فیصد ہوجائے گی۔

    انہوں نے بتایا کہ حکومت کی جانب سے سب سے زیادہ بڑا اور مہذب تفریح منصوبہ ’’تفریحی شہر‘‘ بنانے کا ہے جو کہ دارالحکومت ریاض سے باہر بنایا جائے گا جس میں گالف کورسز، کار ریسنگ ٹریک اور سکس فلیگ تھیم پارک شامل ہیں۔

  •  پی آئی اے نے مسافروں کا آبِ زم زم گم کردیا

     پی آئی اے نے مسافروں کا آبِ زم زم گم کردیا

    کراچی: پی آئی اے کے حج آپریشن میں کارکردگی انتہائی غیر تسلی بخش رہی‘ کبھی مسافروں کو ایئرپورٹ چھوڑدیا تو کبھی سامان چھوڑ کرپرواز وطن لوٹ آئی‘ حد یہ ہے کہ مسافروں کا آب ِ زم زم بھی گم کردیا۔

    تفصیلات کے مطابق قومی ایئر لائن کوحج آپریشن کے دوران دس لاکھ ریال سے زائد کا نقصان ہوا ہے، جبکہ پروازیں وقت پر پہنچانے کی کوشش میں کئی بار مسافروں کاسامان ایئرپورٹ پر رہ گیا‘ اس کے بعد بھی پروازیں تاخیر کا شکار ہوتی رہیں۔

    ذرائع کا کہنا ہے کہ پی آئی اے نے عجلت میں حجاج کرام کو وطن پہنچانے کیلئے سامان مطلوبہ پروازوں پر لوڈ نہیں کیا ‘ 75فیصد پروازیں حجاج کرام کا سامان چھوڑ کر روانہ ہوئیں۔حجاج کرام کا سامان کا وزن کئے بغیر متبادل پروازوں کے ذریعے بجھوایا گیا۔

    مدینہ سے کراچی آنیوالی پی آئی اے کی پرواز بھی چار سے زائد مسافروں کو چھوڑ کر روانہ ہوئی‘ عجلت میں حجاج کرام کو جہاز میں سوار کرنے کے لیے کوسٹر میں ان کو بورڈنگ پاس دیئے گئے۔

    حج آپریشن میں بے قاعدگیاں، سینئر اسٹاف انتظامیہ کے خلاف عدالت پہنچ گیا*

     مدینہ سے کراچی آنیوالی پی آئی اے کی پرواز بھی کوئٹہ کے چار مسافروں کو چھوڑ کر آگئی‘ جس کے سبب مسافروں کو متبادل پرواز کے ذریعے کراچی کے راستے کوئٹہ روانہ کیا گیا۔

    اس قدر عجلت کا مظاہرہ کرنےکےباوجود حج آپریشن کی پروازیں چالیس منٹ سے لے کر ایک گھنٹے سے زائد تاخیر کا شکار ہوئیں‘ جدہ سے ملتان آنیوالی پی آئی اے کی پرواز پی کے740ایک گھنٹہ سے زائد تاخیر کا شکا ررہی۔

    جدہ سے لائلپور آنے والی پرواز پی کے764ایک گھنٹہ سے زائد تاخیر کا شکار رہی،اس پر مستزاد 55سے زائد مسافروں کا سامان چھوڑ آئی‘ جدہ سے لاہور آنیوالی پی آئی اے کی پرواز پی کے760مسافروں کے سامان کے ساتھ ساتھ زم زم بھی چھوڑ آئی۔ جدہ سے پشاور آنیوالی پی آئی اے کی پرواز پی کے736بھی پانچ سے زائد مسافروں کا سامان اور زم زم چھوڑ آئی

    پروازیں مس ہونے ‘ سامان نہ ملنے اور سب سے بڑھ کر آبِ زم زم کی گمشدگی پرمختلف ایئرپورٹس پر حجاج کرام نے پی آئی اے انتظامیہ کے خلاف احتجاج کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی عرب: انٹرنیٹ کالنگ پر عائد پابندی آج سے ختم

    سعودی عرب: انٹرنیٹ کالنگ پر عائد پابندی آج سے ختم

    ریاض: سعودی عرب میں انٹرنیٹ کے ذریعے وائس اور ویڈیو کالنگ پر پابندی آج سے ختم کردی گئی۔

    تفصیلات کے مطابق سعودی حکام نے سات روز قبل اعلان کیا تھا کہ وہ انٹرنیٹ کے ذریعے وائس اور ویڈیو کالنگ پر پابندی ختم کررہے ہیں جس کے بعد عوام وائبر، واٹس ایپ، فیس بک، اسکائپ سمیت ایسی تمام کمیپوٹر اور موبائل فون اپیلی کیشن میں شامل ویڈیو کالنگ کا فیچر استعمال کرسکیں گے۔

    اس ضمن میں سعودی عرب کے وزیر اطلاعات و انفارمیشن ٹیکنالوجی عبداللہ عامر السواحہ نے کہا تھا کہ وی او آئی پی (وائس اوور انٹرنیٹ پروٹوکول) پر عائد پابندی ایک ہفتے کے اندر یعنی 20 ستمبر سے ختم کردی جائے گی، ٹیلی کام کمپنیوں کی مدد سے اس پابندی کا خاتمہ کیا جائے گا۔

    یہ پڑھیں: سعودی عرب: انٹرنیٹ کالنگ پر عائد پابندی ختم کرنے کا اعلان

    سعودی وزیر نے کہا تھا کہ ایسی اپیلی کیشنز جو وی او آئی پی کا آپشن رکھتی ہیں اور ان کے ذریعے انٹرنیٹ کے راستے وائس اور ویڈیو کالنگ ممکن ہو سعودی عرب میں اب ان کا استعمال شروع ہوسکے گا،  کوشش ہے کہ ہر کوئی voip سپورٹڈ ایپلی کیشن استعمال کرسکے اور وائس یا ویڈیو کال کا معیار بھی بہترین ہو، یہ اقدام ریاست میں جاری ویژن 2030ء کا تسلسل ہے۔