سعودی عرب کے شہر طائف کے تفریحی پارک میں جھولا ٹوٹنے سے 23 افراد زخمی ہوگئے جن میں سے 3 کی حالت نازک بتائی جارہی ہے، جبکہ زخمیوں کو ہسپتال منتقل کر دیا گیا۔
سعودی خبر رساں ادارے کی رپورٹ کے مطابق حکام کا اس حوالے سے کہنا ہے کہ حادثے کی تحقیقات شروع کردی گئی ہیں۔
رپورٹس کے مطابق زخمی ہونے والوں میں بعض کی حالت نازک ہے، طائف میں موجود گرین ماؤنٹین پارک میں جھولا جھولنے کے دوران اچانک جھولے کا پائپ ٹوٹ گیا۔
سقوط إحدى ألعاب الملاهي في منتزه الجبل الأخضر بمنطقة #الهدا في #الطائف وأسفر الحادث عن 23 إصابة، بينها 3 حالات خطيرة. pic.twitter.com/7F4ToulJRx
— مجتمعنا (@KSASociety) July 30, 2025
سوشل میڈیا پر وائرل ہونے والی ویڈیو میں دیکھا جاسکتا ہے کہ جھولے میں متعدد افراد موجود ہیں اس دوران اچانک جھولا ٹوٹ جاتا ہے۔ جس کے بعد چیخ و پکار مچ جاتی ہے۔
رپورٹس کے مطابق واقعے کے بعد طائف کے متعدد اسپتالوں میں ہنگامی صورتحال کا اعلان کردیا گیا، جہاں زخمیوں کو فوری اسپتال منتقل کردیا گیا ہے، جنہیں طبی امداد فراہم کی جارہی ہے۔
سعودی عرب: غزہ کیلیے غذائی امداد سے لدے مزید ٹرک روانہ
سیکیورٹی اور ہنگامی خدمات کے ادارے نے فوری طور پر ایکشن لیا جبکہ متعلقہ حکام نے جھولے میں خرابی کی وجہ کا تعین کرنے کے لیے تحقیقات کا آغاز کردیا ہے۔