Tag: saudi-counterpart

  • وزیر خارجہ شاہ محمود قریشی کی سعودی ہم منصب سے ملاقات

    وزیر خارجہ شاہ محمود قریشی کی سعودی ہم منصب سے ملاقات

    اسلام آباد: وزیر خارجہ شاہ محمود قریشی کی سعودی ہم منصب سے ملاقات ہوئی، وزیر خارجہ نے پاکستان کی معاونت پر سعودی وزیر خارجہ کا شکریہ ادا کیا۔

    تفصیلات کے مطابق وزیر خارجہ شاہ محمود قریشی کی سعودی عرب کے وزیر خارجہ شہزادہ فیصل بن فرحان سے ملاقات ہوئی، ملاقات میں دو طرفہ تعلقات اور افغانستان سمیت خطے کی صورتحال پر تبادلہ خیال کیا گیا۔

    وزیر خارجہ نے پاکستان کی معاونت پر سعودی وزیر خارجہ کا شکریہ ادا کیا۔

    شاہ محمود قریشی کا کہنا تھا کہ پاکستان مارچ میں او آئی سی وزرائے خارجہ کونسل اجلاس کی میزبانی کے لیے تیار ہے، 2 وزرائے خارجہ اجلاسوں کی میزبانی پاکستان کی سنجیدہ سوچ کی ترجمانی کرتی ہے۔

    انہوں نے کہا کہ 40 سال کی جنگ کے بعد افغانستان میں قیام امن کا موقع میسر آرہا ہے، افغانستان میں انسانی بحران کے اثرات دنیا بھر کے لیے مضر ہو سکتے ہیں۔ مسئلہ کشمیر کے حوالے سے او آئی سی کے شکر گزار ہیں۔

  • شاہ‌ محمود قریشی کی سعودی وزیر خارجہ  کو ماحولیات کی عالمی کانفرنس کے انعقاد پرمبارکباد

    شاہ‌ محمود قریشی کی سعودی وزیر خارجہ کو ماحولیات کی عالمی کانفرنس کے انعقاد پرمبارکباد

    ریاض :وزیر خارجہ شاہ محمود قریشی نے سعودی وزیر خارجہ فیصل بن فرحان سے ملاقات میں ماحولیات کی عالمی کانفرنس کے انعقاد پرمبارکباد دی۔

    تفصیلات کے مطابق وزیر خارجہ شاہ محمود قریشی کی ریاض میں سعودی وزیر خارجہ فیصل بن فرحان سے ملاقات ہوئی ، ملاقات میں باہمی دلچسپی کے علاقائی اوربین الاقوامی امورزیرغورآئے اور ماحولیاتی تبدیلیوں کے خطرات سے نمٹنے کیلئے مشترکہ کوششوں پر تبادلہ خیال کیا گیا۔

    گرین انیشیٹو کانفرنس کی سائیڈ لائن میں ہونے والی ملاقات میں وزیر خارجہ نے سعودی فرمانروا اور سعودی ولی عہد کے لیے نیک خواہشات کااظہار کرتے ہوئے ماحولیات کی عالمی کانفرنس کے انعقاد پرمبارکباد دی۔

    شاہ محمود قریشی نے کہا گرین انیشیٹوکانفرن خطے میں اپنی نوعیت کی پہلی کانفرنس ہے۔

    دوران ملاقات دونوں وزرائے خارجہ نے باہمی تعلقات اوردیگراہم امورپربات چیت کی اور باہمی تعلقات مزید مستحکم بنانے کےعزم کا اعادہ کیا۔

  • وزیر خارجہ کی سعودی ہم منصب سے ملاقات،سعودی  پاکستان سپریم کوآرڈینیشن کونسل کا قیام خوش آئند قرار

    وزیر خارجہ کی سعودی ہم منصب سے ملاقات،سعودی پاکستان سپریم کوآرڈینیشن کونسل کا قیام خوش آئند قرار

    جدہ : وزیر خارجہ شاہ محمود قریشی اور سعودی وزیر خارجہ نے ملاقات میں سعودی پاکستان سپریم کوآرڈینیشن کونسل کےقیام کوخوش آئند قرار دیتے  ہوئے سپریم کوآرڈینیشن کونسل کو دوطرفہ تعلقات کےاستحکام کیلئے بروئے کار لانے کے عزم کا اظہار کیا۔

    تفصیلات کے مطابق وزیر خارجہ شاہ محمود قریشی کی سعودی ہم منصب سے ون آن ون ملاقات ہوئی ، جس میں دونوں ممالک میں مختلف شعبہ جات میں دو طرفہ تعاون کے فروغ پرگفتگو ہوئی اور باہمی دلچسپی سمیت اہم علاقائی و عالمی امور پر تبادلہ خیال کیا گیا۔

    وزیر خارجہ نےبین الاقوامی سطح پرتعاون پر سعودی ہم منصب کاشکریہ اداکیا جبکہ دوران ملاقات تجارت، سرمایہ کاری، انفراسٹرکچر ڈویلپمنٹ میں تعاون بڑھانے کی ضرورت سمیت توانائی،سیاحت اور افرادی قوت اوردیگر شعبہ جات میں بھی تعاون میں اضافے پر زور دیا گیا۔

    وزرائے خارجہ نے سعودی پاکستان سپریم کوآرڈینیشن کونسل کےقیام کوخوش آئند قراردیتے ہوئے سپریم کوآرڈینیشن کونسل کودوطرفہ تعلقات کےاستحکام کیلئے بروئےکارلانے کے عزم کا اظہار کیا۔

    کونسل کی سربراہی وزیر اعظم عمران خان اورسعودی ولی عہد مشترکہ طورپرکریں گے ، کونسل کادائرہ کارسیاسی وسیکیورٹی،اقتصادی اور تہذیبی پہلوؤں پر مشتمل ہوگا جبکہ کونسل کے سیاسی وسیکیورٹی امور کی قیادت دونوں وزرائے خارجہ کریں گے۔

    وزیر خارجہ شاہ محمودقریشی نے سفری مشکلات کے ازالے کی ضرورت پر زور دیتے ہوئے سعودی ہم منصب کو مقبوضہ جموں و کشمیر میں انسانی حقوق کی پامالیوں اور افغانستان میں قیام امن کیلئے پاکستان کی مصالحانہ کاوشوں سے آگاہ کیاگیا۔

    شاہ محمود قریشی نے خطےکےقیام امن اورتعمیر و ترقی کیلئےسعودی عرب کےمثبت کردارکوسراہتے ہوئے سعودی ہم منصب کودی گئی دورہ پاکستان کی دعوت کااعادہ کیا۔