ARYNews.tv | Urdu – Har Lamha Bakhabar

Tag: Saudi forces

  • فوجی مشق برائٹ سٹار’النجم الساطع 2025‘ کا آغاز، سعودی عرب کی شرکت

    فوجی مشق برائٹ سٹار’النجم الساطع 2025‘ کا آغاز، سعودی عرب کی شرکت

    سعودی وزارتِ دفاع کا کہنا ہے کہ مصر میں فوجی مشق برائٹ سٹار’النجم الساطع 2025‘ کا آغاز ہوگیا، جس میں سعودی عرب بھی شریک ہے۔

    سعودی خبر رساں ادارے کی رپورٹ کے مطابق فوجی مشق برائٹ اسٹار میں شریک دستے لائیو ایمبونیش کے ساتھ فائرنگ کی مشق اور ہنگامی حالات سے نمٹنے کی بھی مشقیں کریں گے۔

    رپورٹس کے مطابق مسلح افواج کی تربیت اور اپ گریڈیشن کے نگران اعلی بریگیڈیئر عادل البلوی کا کہنا تھا کہ مشترکہ مشقوں کا مقصد مختلف عسکری شعبوں میں تعاون کو فروغ دینا اور باہمی تجربے سے مستفیض ہونا ہے۔

    بریگیڈیئر عادل البلوی نے کہا کہ قومی عسکری دستے زمینی مشقوں کے مختلف مراحل میں شریک ہوں گے جس سے ان کی پیشہ ورانہ صلاحیت کو بھی فروغ ملے گا اور شریک ممالک کے دستوں کے ساتھ ہم آہنگی بڑھے گی۔

    سعودی عرب: سگریٹ نوشی کرنے والے خبردار! کیا سزا ملے گی ؟

    یاد رہے کہ عسکری مشق ’النجم الساطع 2025‘ مصر کے محمد نجیب بیس پر ہو رہی ہے جس کا مرکزی ہدف دہشتگردی سے نمٹنے کیلیے کارروائیاں، غیرروایتی جنگ، لاجسٹک سپورٹ اور بحری سلامتی کے علاوہ طبی انخلا کے آپریشنز کیے جائیں گے۔

  • سعودی فورسز نے خطرناک ترین دہشت گرد کو گرفتار کرلیا

    سعودی فورسز نے خطرناک ترین دہشت گرد کو گرفتار کرلیا

    ریاض: سعودی فورسز نے سیکیورٹی اہلکاروں پر حملے اور جج کے اغوا میں ملوث خطرناک اور مطلوب ترین دہشت گرد کو گرفتار کرلیا۔

    سعودی سیکیورٹی فورسز نے قطیف کے خطرناک ترین دہشت گرد محمد بن حسین علی آل عمار کو گرفتار کر لیا۔ مذکورہ دہشت گرد شہر کے ایک جج کے اغوا اور سیکیورٹی اہلکاروں پر فائرنگ کے کئی واقعات میں ملوث تھا۔

    مذکورہ دہشت گرد کے جرائم کی ایک لمبی فہرست ہے، اس نے دمام شہر کے الخضریہ محلے میں امن و امان برقرار رکھنے پر مامور گشتی فورس پر بھی حملہ کیا تھا۔

    آل عمار کے جرائم میں القطیف کمشنری میں بینکوں کی رقوم منتقل کرنے والی گاڑیوں پر رہزنی اور سیکیورٹی اہلکاروں پر حملے بھی شامل ہے۔

    وزارت داخلہ کی رپورٹ کے مطابق دہشت گرد اغوا اور چوری کی بے شمار وارداتوں میں بھی ملوث تھا۔

    قطیف کے جج شیخ الجیرانی کے اغوا سمیت دہشت گردی کے متعدد واقعات میں آل عمار کا ساتھ اس کے 2 ساتھیوں میثم علی محمد القدیحی اور علی بلال سعود الحمد نے دیا اور یہ تینوں ہی اب فورسز کی حراست میں ہیں۔

    آل عمار سنہ 2016 کے دوران سعودی وزارت داخلہ کی جاری کی جانے والی مطلوب ترین افراد کی فہرست میں شامل تھا۔

  • قطیف میں سعودی فورسز کی کارروائی، آٹھ مشتبہ افراد ہلاک

    قطیف میں سعودی فورسز کی کارروائی، آٹھ مشتبہ افراد ہلاک

    ریاض : سعودی عرب کی سیکیورٹی فورسز نے صوبہ القطیف کے علاقے طاروت میں چھاپہ مار کارروائی کرتے ہوئے آٹھ مطلوب افراد کو ہلاک کردیا۔

    تفصیلات کے مطابق سعودی سکیورٹی فورسز نے اطلاع دی کہ ان کا تعلق حال ہی میں تشکیل پانے والے دہشت گردی کے ایک سیل سے تھا۔

    سعودی عرب کی پریزیڈینسی برائے اسٹیٹ سکیورٹی کے ترجمان نے ایک بیان میں کہا کہ انتہا پسندوں کا یہ گروہ علاقے میں عوامی مقامات اور سکیورٹی کی جگہوں پر دہشت گردی کے حملوں کی منصوبہ بندی کررہا تھا۔

    غیر ملکی خبر رساں ادارے کے مطابق سکیورٹی حکام نے تحقیقات کے بعد طاروت کے علاقے سنابس میں واقع ایک اپارٹمنٹ میں ان کی خفیہ کمین گاہ کا پتا چلا لیا تھا۔

    ترجمان نے بتایا کہ اس کے بعد حکام نے ہفتے کی صبح مقامی وقت کے مطابق دس بجے حفظ ماتقدم کے طور پر ان مشتبہ انتہا پسندوں کے ٹھکانے پر چھاپا مار کارروائی کی تھی اور انھیں ہتھیار ڈالنے کے لیے کہا۔

    ترجمان نے بتایا کہ دہشت گردوں نے اس حکم کا کوئی مثبت جواب دینے کے بجائے سکیورٹی اہلکاروں پر فائرنگ شروع کردی۔ سکیورٹی اہلکاروں نے اپارٹمنٹ کے آس پاس موجود لوگوں کی جان ومال کے تحفظ کے لیے جوابی فائرنگ کردی جس کے نتیجے میں تمام آٹھ افراد مارے گئے۔

    عرب خبر رساں ادارے کا کہنا تھا کہ اس کارروائی میں سکیورٹی فورسز کے کسی اہلکار یا ساتھ واقع عمارتوں میں رہنے والے کسی فرد کو کوئی نقصان نہیں پہنچا ہے۔

  • یمن جنگ میں سعودی حمایت ختم کرنے کےلیے امریکی سینیٹ میں قرار داد پیش

    یمن جنگ میں سعودی حمایت ختم کرنے کےلیے امریکی سینیٹ میں قرار داد پیش

    واشنگٹن : سعودی قیادت میں کام کرنے والے عرب اتحاد کی یمن جنگ میں امریکی حمایت ختم کرنے کے لیے سینیٹرز نے سینیٹ میں قرار داد پیش کرنے کی حمایت کردی۔

    تفصیلات کے مطابق کئی برسوں سے یمن میں جاری سعودی عرب کی قیادت کام کرنے والے عرب اتحاد کی حمایت ختم کرنے کے لیے قرارداد لانے اور اس پر گفتگو کرنے کے لیے ووٹنگ ہوئی جس میں 63 سینیٹرز حق میں جبکہ صرف 37 مخالفت میں ووٹ دئیے۔

    برطانوی خبر رساں ادارے کا کہنا تھا کہ امریکی سینیٹرز کا جنگ میں حمایت کرنے کی تحریک چلانا امریکی صدر ڈونلڈ ٹرمپ کے لیے ایک دھچکا ہے۔

    امریکی صدر ڈونلڈ ٹرمپ نے دھمکی دیتے ہوئے کہا ہے کہ اگر کانگریس نے یمن جنگ میں سعودی عرب کی حمایت کرنے کے لیے قرار داد منظور کی تو میں بحیثیت صدر اسے ویٹو کردوں گا۔

    امریکی وزیر داخلہ مائیک پومپیو اور وزیر دفاع جم میتھس نے زور دیا کہ سینیٹرز اس تحریک کے پیچھے نہیں ہیں، مائیک پومپیو کا کہنا ہے کہ یمن میں امن کی صورتحال خراب ہے ان حالات میں قرار داد لانے سے امن کی کوششیں متاثر ہوں گی جو حوثی جنگجوؤں کے لیے حوصلے کا باعث بنے گی۔

    غیر ملکی خبر رساں ادارے کا کہنا ہے کہ معروف صحافی و کالم نویس جمال خاشقجی کے ترکی میں بہیمانہ قتل کے بعد امریکا پر سعودی حمایت دے دست بردار ہونے اور محمد بن سلمان کو قتل کا ذمہ دار ٹھہرانے کے لیے شدید دباؤ ہے لیکن امریکا نے سعودی ولی عہد کو ذمہ دار ٹھہرانے سے انکار کردیا۔

    امریکی صدر اور ان کی موجودہ انتظامیہ نے واضح طور پر یمن جنگ میں سعودی عرب کی حمایت ختم کرنے سے انکار کردیا ہے۔

    خیال رہے کہ یمن جنگ سنہ 2014 سے جاری ہے جب حوثی جنگجوؤں نے ملک کے شمالی حصّے کا کنٹرول حاصل کرکے دارالحکومت صنعا کی جانب بڑھے اور صدر کو زبردستی عہدے سے ہٹا دیا تھا۔

    سنہ 2015 میں سعودی عرب کی قیادت میں امریکا، فرانس اور برطانوی حمایت یافتہ آٹھ ممالک نے حوثیوں کے خلاف فضائی حملوں کا آغاز کیا تھا تاکہ اپنے حامی یمنی صدر کی حکومت کو دوبارہ بحال کرسکے۔

  • عرب اتحاد نے حوثیوں کا داغا گیا میزائل فضا میں ہی تباہ کردیا

    عرب اتحاد نے حوثیوں کا داغا گیا میزائل فضا میں ہی تباہ کردیا

    ریاض : سعودی عرب کی اتحادی فورسز نے جازان کی شہری آبادی پر فائر کیا گیا بیلسٹک میزائل فضا میں ہی تباہ کردیا۔

    تفصیلات کے مطابق سعودی عرب کی سرحدوں پر مامور عرب اتحادی فورسز نے گذشتہ روز یمنی حوثیوں کی جانب سے داغے گئے بیلسٹک میزائل کو فضا میں ہی تباہ کردیا ہے۔

    عرب اتحاد کے ترجمان ترکی المالکی کا کہنا ہے کہ یمن کی آئینی حکومت کے خلاف برسر پیکار حوثی جنگجوؤں نے شام کے اوقات میں یمن کے صوبے صعدہ سے ایک بیلسٹک میزائل داغا تھا جسے سعودی عرب فضائی دفاعی افواج نے فضا میں ہی مار گرایا تھا۔

    ترجمان ترکی المالکی کا کہنا تھا کہ ایران نواز حوثیوں کی جانب سے سعودی عرب سرحدی شہر جازان پر میزائل داغا گیا تھا۔

    عرب اتحاد کے ترجمان کا کہنا تھا کہ گذشتہ روز فائر کیا جانے والا میزائل دانستہ طور پر آبادی والے علاقے میں داغا گیا تھا تاہم کسی قسم کا کوئی جانی نقصان نہیں ہوا۔

    سعودی حکومت نے جازان پر داغے گئے میزائل کی مذمت کرتے ہوئے کہا ہے کہ دانستہ طور پر شہری آبادیوں پر میزائل داغنا اقوام متحدہ کی قرارداد 2231 ور 2216 کی خلاف ورزی ہے۔

    ترجمان کے مطابق ایران نواز حوثی ملیشیا کی جانب سے اب تک سعودی عرب پر داغے جانے والے بیلسٹک میزائلوں کی تعداد 195 ہو چکی ہے۔ ان کارروائیوں کے سبب مملکت میں 112 شہری اور مقیم افراد جاں بحق ہوئے جب کہ سیکڑوں افراد زخمی بھی ہوئے۔

    ترجمان عرب اتحاد کا کہنا تھا کہ ایران نواز حوثی ملیشیا اوراُن کی پُشت پناہی کرنے والے سزا سے نہیں بچ سکیں گے۔

  • سعودی فورسز نے نجران پر داغا گیا حوثیوں کا بیلسٹک میزائل تباہ کردیا

    سعودی فورسز نے نجران پر داغا گیا حوثیوں کا بیلسٹک میزائل تباہ کردیا

    ریاض: سعودی عرب کے فضائی دفاعی نظام نے یمن سے حوثی باغیوں کے جنوبی شہر نجران کی جانب داغے گئے بیلسٹک میزائل کو فضا میں ہی تباہ کردیا۔

    عرب میڈیا کے مطابق حوثی باغیوں نے یمن سے یہ بیلسٹک میزائل داغا تھا اور اس سے سعودی عرب کے سرحدی شہر نجران کو نشانہ بنانے کی کوشش کی گئی تھی لیکن اس سے کوئی جانی نقصان نہیں ہوا۔

    سعودی عرب کے عسکری ذرائع کا کہنا ہے کہ ہفتے کے روز بھی یمن سے حوثی ملیشیا نے یہ میزائل داغا تھا اور اس سے سرحدی شہر نجران کو نشانہ بنانے کی کوشش کی گئی تھی لیکن اس سے کوئی جانی نقصان نہیں ہوا ہے۔

    واضح رہے کہ سعودی عرب کی فضائی دفاعی فورسز نے حوثی باغیوں کے 6 جون 2015 کے بعد سے داغے گئے 120 سے زیادہ بلیسٹک میزائلوں کو ناکارہ بنایا ہے۔

    یاد رہے کہ عرب میڈیا کا ایران پر الزام لگاتے ہوئے کہنا تھا کہ یمن میں ایران حوثی باٖغیوں کو سپورٹ کر رہا ہے اور انہیں میزائل بھی فراہم کرتا ہے، علاوہ ازیں ترجمان عرب اتحاد فوج ترکی المالکی نے بھی حملے کا برابر ذمہ دار ایران کو بھی ٹھہرایا تھا۔

    خیال رہے کہ ہفتوں قبل ترجمان عرب اتحاد ترکی المالکی نے اپنے جاری کردہ بیان میں کہا تھا کہ حوثی باغی ایک سوچے سمجھے منصوبے کے تحت سعودی عرب کی شہری آبادی کو بیلسٹک میزائلوں سے نشانہ بنا رہے ہیں، لیکن ہم ان کے ناپاک عزائم کبھی کامیاب نہیں ہونے دیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی فورسز نے حوثیوں کا ڈرون مار گرایا

    سعودی فورسز نے حوثیوں کا ڈرون مار گرایا

    ریاض: سعودی فورسز نے مملکت کے جنوبی شہر ابھا میں یمنی حوثی باغیوں کا ایک جاسوس ڈرون مار گرایا۔

    عرب میڈیا کے مطابق حوثیوں نے ابر آلود موسم کا فائدہ اٹھاتے ہوئے یمن کے صوبے صعدہ کی جانب سے ڈرون طیارہ مملکت کی حدود میں داخل کردیا گیا تھا، ڈرون زمین کی سطح سے چار کلو میٹر بلندی پر سفر کررہا تھا۔

    سعودی فورسز نے جدید ٹیکنالوجی کا استعمال کرتے ہوئے اس ڈرون کو ابھا کے ہوائی اڈے کے قریب مار گرایا، اس دوران ایئر نیوی گیشن میں کوئی خلل نہیں آیا۔

    رپورٹ کے مطابق حوثی ملیشیا اس ڈرون طیارے کے ذریعے سعودی عرب میں عسکری ٹھکانوں کا پتہ لگانا چاہتی تھی لیکن طیارے کی تباہی کے سبب ان کا یہ منصوبہ ناکام ہوگیا ہے۔

    مزید پڑھیں: سعودی عرب نے حوثی باغیوں کا میزائل حملہ ناکام بنا دیا

    واضح رہے کہ 5 اپریل کو بھی حوثی باغیوں کی جانب سے سعودی عرب پر بیلسٹک میزائل سے حملہ کیا گیا تھا تاہم سعودی افواج نے میزائل کو یمنی بارڈر پر ہی ناکارہ بنادیا تھا، بلیسٹک میزائل سعودی آئل کمپنی کی جانب داغا گیا تھا۔

    خیال رہے کہ سعودی حکام نے الزام عائد کیا تھا کہ حوثی باغیوں کی جانب سے فائر کئے جانے والے میزائل ایران فراہم کررہا ہے، دوسری جانب ایرانی حکومت نے ان الزامات کو مسترد کردیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سعودیہ عرب میں حجاج کیلئے سیکورٹی کی تیاریاں مکمل

    سعودیہ عرب میں حجاج کیلئے سیکورٹی کی تیاریاں مکمل

    جدہ : سعودیہ عرب میں حجاج کیلئے سیکورٹی کی تیاریاں مکمل کرلی گئیں ، حج کے موقع پر سیکورٹی یقینی بنانے کیلئے مکہ میں ملٹری پریڈ کا انعقاد کیا گیا۔

    تفصیلات کے مطابق مکۃ المکرمہ میں اسپیشل فورسزنے حجاج کی سیکورٹی یقینی بنانے کیلئے شاندار پریڈ کا مظاہرہ کیا، ملٹری  پریڈمیں سعودیہ عرب کے ولی عہدمحمدبن سلمان اور وزیرداخلہ نے شرکت کی۔

    اسپیشل فورسز کےچاک وچوبند دستوں نے حج کے دوران پیش آنے والے وقعات سے نمٹنے کیلئے مشق کی۔

    اس موقع پر جدید ٹیکنالوجی سے لیس ہیلی کاپٹر اور ریسکیو موبائلز نمائش کیلئے پیش کی گئی، ملٹری پریڈ مِیں ایک ہزار سے زیادہ فوجیوں نے شرکت کی۔

    خیال رہے کہ دنیا بھر سے لاکھوں عازمین مسلمانوں کے سب سے بڑے اجتماع حج کیلئے سعودی عرب میں موجود ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی سکیورٹی فورسز کی کاروائی 93 دہشتگرد گرفتار

    سعودی سکیورٹی فورسز کی کاروائی 93 دہشتگرد گرفتار

    دبئی: سعودی سکیورٹی فورسز نے داعش کے 93 دہشت گردوں کو گرفتار کرلیا، کاروائی میں 61 افراد پر مشتمل گروہ کو بھی گرفتار کیا گیا ہے جنہوں نے سعودیہ میں تربیتی کیمپ بھی قائم کرلیا تھا۔

    سعودی وزارت خارجہ کی جانب سے جاری کردہ بیان کے مطابق سکیورٹی فورسزنے ملک کے مختلف حصوں میں کارروائیاں کرکے 93 دہشت گردوں کو گرفتار کرلیا۔ گرفتار شدہ افراد میں دو افراد ہیں جنہوں نے ریاض میں واقع امریکی سفارتخانے پر ناکام خود کش حملہ کی منصوبہ بندی کی تھی۔

    سعودی خبر رساں ادارے کے مطابق گرفتار 93دہشت گردوں میں سے 77 سعودی شہری ہیں۔

    بیان میں کہا گیا ہےگرفتار شدگان میں مبینہ طورپرداعش کے لیے کام کرتے ہیں جب کہ یہ دہشت گرد ملک میں اعلیٰ شخصیات کے قتل اور امریکی سفارت خانے پرخود کش دھماکوں کی منصوبہ بندی کررہے تھے۔

    حکام کا کہنا ہے کہ ایک گروہ جو کہ  61 افراد پر مشتمل ہے کہ سوشل میڈیا کے زریعے اپنے گروہ لوگوں کو شامل کرہا تھا، فنڈ اکھٹا کرنے کے ساتھ ساتھ انہوں نے سعودی ریاست کے اندر ایک تربیتی کیمپ بھی بنالیا تھا۔